Magacan Blossoms (Nalawa A Tanap)

19/06/2025

𝗠𝗮𝗵𝗮𝗹𝗮𝗴𝗮𝗻𝗴 𝗔𝗻𝘂𝗻𝘀𝘆𝗼 𝗺𝘂𝗹𝗮 𝗸𝗮𝘆 𝗠𝗮𝘆𝗼𝗿 𝗔𝗯𝗲 𝗕𝗮𝗴𝗮𝘀𝗶𝗻:

Bilang bahagi ng kanyang dedikasyon at paglilingkod sa bayan, si Mayor Abraham “Abe” Bagasin ay nag-deactivate ng kanyang personal na Facebook account upang tutukan ang kanyang tungkulin bilang lider ng ating bayang Sanchez Mira.

Ang hakbang na ito ay bahagi ng kanyang hangaring mas mailaan ang buong oras, atensyon, at lakas sa mga proyekto at serbisyong makabuluhan para sa mga mamamayan.

Para sa anumang mga opisyal na pahayag, anunsyo, o pakikipag-ugnayan, maaari tayong dumaan sa opisyal na page ng LGU Sanchez Mira, o sa opisyal na email na [email protected].

Mainam ding magtungo tayo mismo sa kanyang opisina sa munisipyo para sa personal na pakikipag-usap.

Muli, ang opisina ni Mayor Abe ay nananatiling bukas sa pakikinig at pagtugon sa pangangailangan ng bawat Sanchez Miranian—sa tahimik ngunit tapat na paraan ng paglilingkod.

Maraming salamat po sa inyong patuloy na tiwala.

16/05/2025

yes para maiwasang posibleng
aksidente,

UPDATE: Imbis na Mayo 19, 2025, iaatras muna ang opisyal na simula ng implementasyon ng ordinansa, habang hinihintay ang final approval ng Sangguniang Panlalawigan sa revisions ng Ordinance 2024-08.

Ito ay bunsod ng impormasyon mula sa Office of the SB Secretary. Muling mag-aanunsyo ang LGU Sanchez Mira page kung pinal na ang petsa ng opisyal na implementasyon nito.

Gayunman, mariin pa ring ipinaaalala sa lahat na ihanda na / bumili na ng Reflectorized Vest, para sa kaligtasan ng LAHAT sa kalsada.

---
(ORIGINAL POST)⬇️

𝗔𝗡𝗨𝗡𝗦𝗬𝗢 𝗦𝗔 𝗣𝗨𝗕𝗟𝗜𝗞𝗢: "𝗪𝗮𝗹𝗮𝗻𝗴 𝗩𝗲𝘀𝘁, 𝗪𝗮𝗹𝗮𝗻𝗴 𝗕𝗶𝘆𝗮𝗵𝗲"

S̷i̷m̷u̷l̷a̷ ̷s̷a̷ ̷M̷a̷y̷o̷ ̷1̷9̷,̷ ̷2̷0̷2̷5̷ ̷(̷L̷u̷n̷e̷s̷)̷

Bukod sa mga drayber ng motor, kolong-kolong, e-bike, bisikleta at iba pang maliliit na sasakyan, lahat ng drayber ng traysikel sa Sanchez Mira ay inaatasang magsuot ng reflectorized vest habang namamasada.

Ito ay alinsunod sa 𝗠𝘂𝗻𝗶𝗰𝗶𝗽𝗮𝗹 𝗢𝗿𝗱𝗶𝗻𝗮𝗻𝗰𝗲 𝗡𝗼. 𝟮𝟬𝟮𝟰-𝟬𝟴, na may pamagat na: "AN ORDINANCE REQUIRING 𝗔𝗟𝗟 𝗗𝗥𝗜𝗩𝗘𝗥𝗦 𝗔𝗡𝗗 𝗥𝗜𝗗𝗘𝗥𝗦 𝗢𝗙 𝗠𝗢𝗧𝗢𝗥𝗖𝗬𝗖𝗟𝗘𝗦, 𝗕𝗜𝗖𝗬𝗖𝗟𝗘𝗦, 𝗘-𝗕𝗜𝗞𝗘𝗦 𝗔𝗡𝗗 𝗠𝗔𝗞𝗘𝗦𝗛𝗜𝗙𝗧 𝗦𝗜𝗗𝗘 𝗖𝗔𝗥𝗦 𝗧𝗢 𝗪𝗘𝗔𝗥 𝗔 𝗛𝗜𝗚𝗛 𝗩𝗜𝗦𝗜𝗕𝗜𝗟𝗜𝗧𝗬 𝗩𝗘𝗦𝗧 WHILE TRAVELLING AT NIGHT TIME ALONG PROVINCIAL ROADS AND NATIONAL HIGHWAYS WITHIN THE MUNICIPALITY OF SANCHEZ MIRA, CAGAYAN AND PROVIDING PENALTIES FOR VIOLATIONS THEREOF.”

Pangunahing May-akda:
SBM Mario A. De Castro

Mga Katuwang na May-akda:
SBM John B. Langaman
SBM Napoleon A. Malto
Liga President Sabino Cocos, Jr.
SBM Benjamin C. Oroceo
SBM Clarence R. Agabin

Maaari pong basahin ang buong ordinansa mula sa link na ito: https://tinyurl.com/3pnwevvc

Ang patakarang ito ay aprubado ni Mayor Abe Bagasin sa pakikipagtulungan ng Land Transportation Office (LTO)- Sanchez Mira, Philippine National Police (PNP)- Sanchez Mira, at ng LGU Security Office.

Para sa mga tricycle drivers na okay ang prangkisa (franchisees 2024) at hindi pa po nakukuha ang reflectorized vest na ipinamahagi noong Disyembre 2024, maaari na po itong kunin sa Mayor’s Office.

𝗠𝗮𝗴𝗶𝗻𝗴 𝗿𝗲𝘀𝗽𝗼𝗻𝘀𝗮𝗯𝗹𝗲. 𝗠𝗮𝗴𝗶𝗻𝗴 𝗹𝗶𝗴𝘁𝗮𝘀 𝘀𝗮 𝗸𝗮𝗹𝘀𝗮𝗱𝗮. 𝗠𝗮𝗴𝘀𝘂𝗼𝘁 𝗻𝗴 𝘃𝗲𝘀𝘁!



---

EDITOR'S TRANSPARENCY NOTES:

Nilinaw na ang mga new and renewed franchisees lamang ng taong 2024 ang maaaring makakuha ng libreng vest sa ngayon, sapagkat ito pa lamang ang napaglaanan ng budget.

Maraming salamat po sa mga mambabasang nagbantay at naghain ng mga paglilinaw.

16/05/2025

saan ka pa? daming benefit nga mga Taga Sanchez Mira, Thank you po Mayor Abe Bagasin❤️🫶

UPDATE: Ayon po sa WSA, ang bagong oras ng pagsasanay ay 𝟵:𝟯𝟬𝗔𝗠- 𝟭𝟭:𝟯𝟬𝗔𝗠. Para naman po sa mga karagdagang katanungan maari po ninyong kontakin ang numerong ito: 0926 208 1258 o kaya naman ay mag-message sa kanilang FB Page: WSA Academy

--------------
𝗟𝗶𝗯𝗿𝗲𝗻𝗴 𝗧𝗮𝗲𝗸𝘄𝗼𝗻𝗱𝗼 𝗧𝗿𝗮𝗶𝗻𝗶𝗻𝗴 para sa Lahat!

Inaanyayahan ang lahat — mga bata, estudyante, tanod, kagawad, tricycle driver, o sinumang interesado anumang edad o kasarian — na sumali sa Libreng Taekwondo Training na inorganisa ng Warriors Sports Academy (WSA), kaanib ng Kukkiwon National Headquarters sa Seoul, Korea.

Lugar ng Pagsasanay:
🏛 𝟯𝗿𝗱 𝗳𝗹𝗼𝗼𝗿, 𝗔𝗰𝘁𝗶𝘃𝗶𝘁𝘆 𝗛𝗮𝗹𝗹 𝗻𝗴 𝗮𝘁𝗶𝗻𝗴 𝗠𝘂𝗻𝗶𝘀𝗶𝗽𝘆𝗼

Iskedyul ng Pagsasanay:
🗓 𝗟𝘂𝗻𝗲𝘀, 𝗠𝗶𝘆𝗲𝗿𝗸𝘂𝗹𝗲𝘀, 𝗮𝘁 𝗕𝗶𝘆𝗲𝗿𝗻𝗲𝘀
⏰𝟵:𝟯𝟬 𝗔𝗠 - 𝟭𝟭:𝟯𝟬 𝗔𝗠

Tagal ng Pagsasanay:
⏳𝗠𝗮𝘆 𝟭𝟵 𝗵𝗮𝗻𝗴𝗴𝗮𝗻𝗴 𝗝𝘂𝗻𝗲 𝟭𝟯, 𝟮𝟬𝟮𝟱
(𝟭𝟮 𝗔𝗿𝗮𝘄 𝗻𝗴 𝗣𝗮𝗴𝘀𝗮𝘀𝗮𝗻𝗮𝘆)

Kasuotan sa Pagsasanay:
🥋𝗝𝗼𝗴𝗴𝗶𝗻𝗴 𝗽𝗮𝗻𝘁𝘀, 𝘀𝘄𝗲𝗮𝘁 𝘀𝗵𝗶𝗿𝘁𝘀, 𝗮𝘁 𝘁𝗿𝗮𝗶𝗻𝗶𝗻𝗴 𝘁𝗼𝘄𝗲𝗹𝘀

Mga Dapat Dalhin:
✅𝗪𝗮𝘁𝗲𝗿 𝗕𝗼𝘁𝘁𝗹𝗲 / 𝗧𝘂𝗺𝗯𝗹𝗲𝗿
✅𝗙𝗮𝗰𝗲 𝘁𝗼𝘄𝗲𝗹
✅𝗙𝗶𝗯𝗲𝗿-𝗿𝗶𝗰𝗵 𝗙𝗼𝗼𝗱𝘀

Ito ay isang libreng oportunidad para matuto ng disiplina, lakas ng loob, at self-defense habang nag-eenjoy! Dahil libre, hindi kailangan ng registration. Walk-ins are welcome!

Ang aktibidad na ito ay suportado ni Mayor Abe Bagasin at ng Sanchez Mira Tourism Office para sa pagsusulong ng sports tourism sa ating bayan.

16/05/2025

𝗣𝗔𝗔𝗡𝗬𝗔𝗬𝗔 𝗦𝗔 𝗠𝗚𝗔 𝗦𝗣𝗢𝗥𝗧𝗦 𝗘𝗡𝗧𝗛𝗨𝗦𝗜𝗔𝗦𝗧𝗦!

Inaanyayahan po namin kayong saksihan at suportahan ang mga manlalaro sa 𝟭𝘀𝘁 𝗜𝗻𝘃𝗶𝘁𝗮𝘁𝗶𝗼𝗻𝗮𝗹 𝗕𝗮𝗱𝗺𝗶𝗻𝘁𝗼𝗻 𝗧𝗼𝘂𝗿𝗻𝗮𝗺𝗲𝗻𝘁 ng Sanchez Mira Badminton Guild (SMBG).

Ito ay gaganapin sa darating na 𝗠𝗮𝘆𝗼 𝟭𝟳, 𝟮𝟬𝟮𝟱 (𝗦𝗮𝗯𝗮𝗱𝗼), 𝟴:𝟬𝟬 𝗔𝗠 - 𝟱:𝟬𝟬 𝗣𝗠 sa Sanchez Mira People's Gym.

Ang mga kalahok ay nagmula sa mga bayan ng Sanchez Mira, Claveria, at Pamplona.

Huwag palampasin ang araw na puno ng sigla, paligsahan, at pagkakaibigan!

Ang event na ito ay suportado ng Sanchez Mira Tourism, na nagsusulong ng sports tourism sa ating bayan.

Tara na’t suportahan natin ang ating mga atleta!

14/05/2025

Minsan kelangan din natin ipagdasal ang kaluluwang hindi matahimik🤣✌️✌️

14/05/2025

mas maliwanag pa sa sikat ng araw! panalo!
accept and exit!

Kinumpirma ng opisyal na talaan ng COMELEC ang panalo ni re-electionist Bagasin sa nagdaang halalan sa Sanchez Mira, Cagayan. Ito ay sa kabila ng kanyang pagpapahayag ng matinding pagkalungkot dahil sa umano'y malawakang vote-buying na nangyari.

Ayon kay Bagasin, isang retiradong heneral, naging mahirap ang laban dahil sa "malaking pera" at sa "lihim na lantad" na vote-buying sa kanilang munisipalidad. "Hinayaan ko silang magpatuloy, nagtitiwalang hindi mabibili ang dignidad ng Sanchez Mira," aniya.

"Wala akong ibang sandata kundi ang Pamamagitan ng Diyos. Isa na akong heneral, pero ibang klaseng bugbog ang pinagdaanan ko sa digmaang ito. Only the Lord and his providence helped me stand through the pain," dagdag ni Bagasin. "Maraming, maraming salamat sa lahat ng tumindig at hindi nagpasilaw sa pera."

Humihiling siya ng panahon upang magluksa at maghilom. "Ngunit ang katotohanan ay nananatili: sa huli, mananaig ang matuwid," ani Bagasin.

Binigyang-diin ni Bagasin ang kanyang pangako sa malinis na pamamahala, na sumasang-ayon sa payo ni Baguio City Mayor General Benjamin Magalong na labanan ang korapsyon at ang pagbili ng boto. "Habang hinihintay natin ang araw na mawala na sa Sanchez Mira ang kultura ng vote-buying, tuloy-tuloy lang tayo sa ating Sanchez Mira C.L.E.: Clean, Lawful, and Efficient governance. Nasa panig tayo ng dignidad, at integridad. You cannot put a good man down," pagtatapos niya.

Nagpasalamat din si Mayor Bagasin sa lahat ng sumuporta at nangakong itutuloy ang pagtataguyod ng "Malinis, Matuwid, at Mahusay" na pamamahala sa Sanchez Mira.