03/09/2026
ALTERNATIVE LEARNING MODES FOR SCHOOLS ON SEPTEMBER 4, 2026.
Alinsunod sa Memorandum Circular Blg. 134, ipapatupad ang mga alternatibong paraan ng pagkatuto at mga hakbangin para sa pagpapatuloy ng pag-aaral sa lahat ng antas sa mga pampubliko at pribadong institusyong pang-edukasyon sa mga sumusunod na lugar ngayong ika-4 ng Setyembre 2026, maliban kung maglabas ng kautusan ang kani-kanilang Punong Lokal na Ehekutibo hinggil sa kanselasyon o suspensyon ng mga klase:
Saklaw na mga Lugar:
1. NCR
2. Rehiyon I: Ilocos Norte, Ilocos Sur, La Union, Pangasinan
3. Cordillera Administrative Region: Abra, Benguet
4. Rehiyon III: Zambales, Bataan, Bulacan, Tarlac, Pampanga
5. Rehiyon IVA: Cavite, Laguna, Batangas
6. Rehiyon IVB: Occidental Mindoro
Mga Dahilan:
Ang nasabing hakbang ay isinagawa bunsod ng inaasahang patuloy na pag-ulan dulot ng pinalakas na Habagat o Southwest Monsoon, gayundin ang mahinang kalidad ng hangin sa NCR na dulot ng usok mula sa matinding pagkasunog ng kagubatan at peatland sa Kalimantan at Sumatra, Indonesia.
Paalala:
Maaari pa ring magpatupad ng lokal na kanselasyon o suspensyon ng mga klase ang iba pang lugar batay sa pasya ng kani-kanilang Punong Lokal na Ehekutibo.
Hinihikayat ang lahat ng mga paaralan na tiyakin ang pagpapatuloy ng pagkatuto sa pamamagitan ng online na klase, modular distance learning, o iba pang angkop na modality.
Manatiling nakaantabay sa mga karagdagang anunsyo mula sa inyong paaralan at lokal na pamahalaan.
Maging ligtas po tayong lahat.
CTTO: OFFICE OF THE PRESIDENT
