16/10/2025
Isang Masigasig na Pagbati sa buong Paaralan!
Sa pangunguna ng AP Department, matagumpay at puno ng kabuluhan na naisagawa ang taunang Pagdiriwang ng United Nations Month sa ilalim ng temang “Pagsusulong ng Kapayapaan, Pagkakaisa, at Pandaigdigang Ugnayan.”
Naging makulay at makahulugan ang selebrasyon sa pamamagitan ng Ms. United Nations na nilahukan ng mga mag-aaral mula sa baitang 7 hanggang 10. Iba’t ibang bansa ang kinatawan ng mga kalahok, at sila ay nakasuot ng magagandang national costume ng mga bansang kasapi ng nagkakaisang mga bansa.
Ipinagbubunyi naming ipahayag ang mga nagwagi:
👑Miss United Nations 2025
Ms. Egypt (Grade 8 - Bluebell)
👑1st Runner Up
Ms. Madagascar (Grade 8 - Amaranth)
👑2nd Runner Up
Ms. South Africa (Grade 8 - Carnation)
Special Awards:
Best in Production - Ms. Egypt
Best in National Costume- Ms. Egypt
Gayundin, hindi nagpahuli ang talas ng isip na ipinamalas ng mga mag-aaral sa patimpalak ng Quiz Bee para sa pagdiriwang na nilahukan ng mga mag-aaral mula baitang 7-10 na naglalayong palalimin ang kaalaman at kamalayan ng mga mag-aaral tungkol sa pandaigdigang isyu, kapayapaan, at pagkakaisa.
Binabati namin ang mga kampeon mula sa iba't ibang baitang :
Champion- Grade 9
1st Place- Grade 8
2nd Place -Grade 7
3rd Place- Grade 10
Sa kabuuan, naging daan ang programa upang maipakita ang kahalagahan ng kapayapaan, pagkakaisa, at pagtutulungan ng mga bansa sa buong mundo. Tunay na inspirasyon ang ipinamalas ng bawat kalahok!
Sa pagtatapos ng makabuluhang pagdiriwang na ito, nawa’y patuloy nating isabuhay ang diwa ng pagkakaisa, respeto, at kapayapaang ipinagdiriwang ng United Nations. Muli, isang maalab na pasasalamat sa lahat ng naging bahagi ng tagumpay na ito—patunay na sa pagtutulungan at pagkakaunawaan, kayang makamit ng GMTISAT ang isang mundong nagkakaisa para sa kapayapaan! 💙🤝🌎
