INklusibong KAbataan

10/07/2026

𝐓𝐈𝐆𝐍𝐀𝐍 | 𝐏𝐀𝐆-𝐀𝐒𝐀 𝐒𝐀 𝐏𝐀𝐆𝐁𝐀𝐒𝐀: 𝐂𝐇𝐄𝐂𝐊𝐈𝐍𝐆 𝐀𝐍𝐃 𝐑𝐄𝐂𝐎𝐑𝐃𝐈𝐍𝐆 𝐎𝐅 𝐋𝐄𝐀𝐑𝐍𝐄𝐑𝐒' 𝐀𝐒𝐒𝐄𝐒𝐒𝐌𝐄𝐍𝐓𝐒 & 𝐍𝐀𝐑𝐑𝐀𝐓𝐈𝐕𝐄 𝐑𝐄𝐏𝐎𝐑𝐓 𝐖𝐑𝐈𝐓𝐈𝐍𝐆

Noong Hulyo 9, isinagawa ng Inklusibong Kabataan, katuwang ang mga Volunteer Teachers ng PAG-ASA sa PAGBASA, ang checking at recording ng mga assessment ng learners, gayundin ang pagsulat ng narrative report ng programa.

Sa pamamagitan ng gawaing ito, naitala at nasuri ang naging pag-unlad ng bawat mag-aaral batay sa kanilang mga isinagawang assessment. Naging mahalaga rin ang prosesong ito sa pagtukoy ng mga rekomendasyon at iba pang angkop na hakbang upang higit pang mapahusay ang mga susunod na sesyon ng PAG-ASA sa PAGBASA. Mula sa mga nakalap na resulta, mas natutukoy ang mga partikular na pangangailangan ng bawat mag-aaral at ang mga estratehiyang maaaring gamitin upang lalo pang mapaunlad ang kanilang kasanayan sa pagbasa.

Kasabay nito, isinagawa rin ang pagsulat ng narrative report bilang mahalagang bahagi ng dokumentasyon ng programa. Higit pa rito, nagsilbi rin itong pagkakataon upang maitala ang mga aktuwal na karanasan, obserbasyon, at pananaw ng mga Volunteer Teachers sa bawat sesyong kanilang dinaluhan. Ang mga ito ay magsisilbing mahalagang batayan sa patuloy na pagpapabuti ng implementasyon ng PAG-ASA sa PAGBASA at sa pagbibigay ng mas epektibong suporta sa bawat batang kalahok.

Patuloy na pinagtitibay ng Inklusibong Kabataan at ng mga Volunteer Teachers ang sama-samang adhikain na makapaghatid ng de-kalidad, inklusibo, at makabuluhang programang pang-edukasyon.

-asasapagbasa

06/07/2026

𝐁𝐀𝐋𝐈𝐊𝐀𝐍 | 𝐈𝐍𝐊𝐀𝐥𝐢𝐤𝐡𝐚 🎨

Noong Hunyo 7, inilunsad ng Inklusibong Kabataan ang INKAlikha sa PAG-ASA Compound, kasabay ng pagsasagawa ng mga sesyon ng PAG-ASA sa PAGBASA.

Nabuo ang INKAlikha mula sa hangaring walang batang mapag-iwanan. Habang may mga batang kalahok sa PAG-ASA sa PAGBASA, mayroon ding mga batang nais maging bahagi ng programa ngunit hindi kabilang sa target na kalahok ng functional literacy sessions. Sa halip na pauwiin o hayaang maghintay lamang habang nasa sesyon ang kanilang mga kapatid, kaibigan, o kapamilya, naghanda ang organisasyon ng isang alternatibong aktibidad kung saan maaari rin silang matuto, makilahok, at magsaya.

Layunin ng INKAlikha na maging isang ligtas, inklusibo, at malikhaing espasyo kung saan malaya nilang maipapakita ang kanilang talento at imahinasyon sa pamamagitan ng iba't ibang gawaing pansining. Higit pa rito, nagsisilbi rin itong pagkakataon upang mapaunlad ang kanilang pagkamalikhain, mapalakas ang kanilang tiwala sa sarili, at mahikayat silang makisalamuha sa kapwa bata sa isang positibo at masayang kapaligiran.

Sa pamamagitan ng simpleng inisyatibang ito, mas maraming kabataan ang nabibigyan ng pagkakataong maranasan ang pagkatuto sa iba't ibang anyo. Ipinapakita ng INKAlikha na ang edukasyon ay hindi lamang umiikot sa pagbabasa at pagsusulat, mahalaga rin ang sining bilang paraan ng pagpapahayag ng damdamin, paglinang ng talento, at paghubog ng kumpiyansa at pagkamalikhain ng bawat bata.

Naniniwala ang Inklusibong Kabataan na ang bawat bata ay may natatanging kakayahan. Kaya hangga't may batang nagnanais na matuto, lumikha, at maging bahagi ng komunidad, patuloy na magsusulong ang organisasyon ng mga programang magbubukas ng mas maraming oportunidad para sa kanila.

01/07/2026

𝐊𝐀𝐁𝐀𝐓𝐀𝐀𝐍 𝐍𝐆 𝐒𝐀𝐍 𝐌𝐀𝐓𝐄𝐎, 𝐁𝐔𝐊𝐀𝐒 𝐍𝐀! 𝐌𝐀𝐆-𝐑𝐄𝐆𝐈𝐒𝐓𝐄𝐑 𝐍𝐀—𝐈𝐋𝐀𝐍𝐆 𝐒𝐋𝐎𝐓𝐒 𝐍𝐀 𝐋𝐀𝐌𝐀𝐍𝐆 𝐀𝐍𝐆 𝐍𝐀𝐓𝐈𝐓𝐈𝐑𝐀!

Hindi sapat ang manood habang hinuhubog ang kinabukasan ng ating demokrasya. Panahon nang 𝗺𝗮𝗸𝗶𝗹𝗮𝗵𝗼𝗸, 𝗺𝗮𝗴𝘁𝗮𝗻𝗼𝗻𝗴, 𝗮𝘁 𝗺𝗮𝗻𝗶𝗻𝗱𝗶𝗴𝗮𝗻.

Inaanyayahan namin ang lahat ng kabataan at iba pang sektor na maging bahagi ng 𝗟𝗼𝗰𝗮𝗹 𝗔𝘀𝘀𝗲𝗺𝗯𝗹𝘆 𝗼𝗻 𝘁𝗵𝗲 𝗜𝗺𝗽𝗲𝗮𝗰𝗵𝗺𝗲𝗻𝘁 𝗧𝗿𝗶𝗮𝗹. Sama-sama nating alamin ang mga mahahalagang usapin tungkol sa impeachment trial ni Vice President Sara Duterte at pag-usapan kung bakit mahalaga ang pananagutan, transparency, at aktibong pakikilahok ng mamamayan.

🗓 July 2, 2026 (Thursday)
🕑 2:00 PM – 5:00 PM
📍 SpaceTenn47, Brgy. Banaba, San Mateo, Rizal

✍️ Mag-register ngayon bago mapuno ang slots!
https://forms.gle/WADWFd27NBC6pFeF9

Hindi sapat ang maging spectator. Sa demokrasya, mahalaga ang bawat mamamayang mulat, mapanuri, at handang makialam.

📣 Kita-kits bukas! Tara, makiisa, makialam, at maging bahagi ng usapan.

𝗠𝗮𝗴𝗺𝗮𝘁𝘆𝗮𝗴. 𝗠𝗮𝗴𝗽𝗮𝗹𝗶𝘄𝗮𝗻𝗮𝗴. 𝗠𝗮𝗻𝗴𝗮𝗹𝗮𝗺𝗽𝗮𝗴.

𝐊𝐀𝐁𝐀𝐓𝐀𝐀𝐍 𝐍𝐆 𝐒𝐀𝐍 𝐌𝐀𝐓𝐄𝐎, 𝐁𝐔𝐊𝐀𝐒 𝐍𝐀! 𝐌𝐀𝐆-𝐑𝐄𝐆𝐈𝐒𝐓𝐄𝐑 𝐍𝐀—𝐈𝐋𝐀𝐍𝐆 𝐒𝐋𝐎𝐓𝐒 𝐍𝐀 𝐋𝐀𝐌𝐀𝐍𝐆 𝐀𝐍𝐆 𝐍𝐀𝐓𝐈𝐓𝐈𝐑𝐀!

Hindi sapat ang manood habang hinuhubog ang kinabukasan ng ating demokrasya. Panahon nang 𝗺𝗮𝗸𝗶𝗹𝗮𝗵𝗼𝗸, 𝗺𝗮𝗴𝘁𝗮𝗻𝗼𝗻𝗴, 𝗮𝘁 𝗺𝗮𝗻𝗶𝗻𝗱𝗶𝗴𝗮𝗻.

Inaanyayahan namin ang lahat ng kabataan at iba pang sektor na maging bahagi ng 𝗟𝗼𝗰𝗮𝗹 𝗔𝘀𝘀𝗲𝗺𝗯𝗹𝘆 𝗼𝗻 𝘁𝗵𝗲 𝗜𝗺𝗽𝗲𝗮𝗰𝗵𝗺𝗲𝗻𝘁 𝗧𝗿𝗶𝗮𝗹. Sama-sama nating alamin ang mga mahahalagang usapin tungkol sa impeachment trial ni Vice President Sara Duterte at pag-usapan kung bakit mahalaga ang pananagutan, transparency, at aktibong pakikilahok ng mamamayan.

🗓 July 2, 2026 (Thursday)
🕑 2:00 PM – 5:00 PM
📍 Space Tenn47 Cafe Studio, Brgy. Banaba, San Mateo, Rizal

✍️ Mag-register ngayon bago mapuno ang slots!
https://forms.gle/WADWFd27NBC6pFeF9

Hindi sapat ang maging spectator. Sa demokrasya, mahalaga ang bawat mamamayang mulat, mapanuri, at handang makialam.

📣 Kita-kits bukas! Tara, makiisa, makialam, at maging bahagi ng usapan.

𝗠𝗮𝗴𝗺𝗮𝘁𝘆𝗮𝗴. 𝗠𝗮𝗴𝗽𝗮𝗹𝗶𝘄𝗮𝗻𝗮𝗴. 𝗠𝗮𝗻𝗴𝗮𝗹𝗮𝗺𝗽𝗮𝗴.

30/06/2026

𝐓𝐈𝐆𝐍𝐀𝐍 𝐈 𝐒𝐀𝐍 𝐌𝐀𝐓𝐄𝐎 𝐏𝐑𝐈𝐃𝐄 𝐌𝐀𝐑𝐂𝐇 𝟐𝟎𝟐𝟔 🏳️‍🌈

Nitong Hunyo 28, 2026, matagumpay na ipinagdiwang ng Bayan ng San Mateo ang San Mateo Pride March 2026, isang makulay na pagtitipon na nagsilbing pagdiriwang ng pag-ibig, pagkakapantay-pantay, at pagtanggap sa bawat isa.

Naging daan ang kaganapang ito upang pag-isahin ang mga miyembro ng LGBTQIA+ community, mga kaalyado, iba't ibang organisasyon, at mga mamamayan ng San Mateo bilang pagpapakita ng matibay na suporta sa LGBTQIA+ community. Mahalaga ring bahagi ng pagdiriwang na ito ang patuloy na pagbibigay ng boses sa kanilang mga karapatan, pagsusulong ng pagtanggap, at pagtataguyod ng isang lipunang malaya sa diskriminasyon at may pantay na pagtingin sa lahat.

Bilang organisasyon sa Bayan ng San Mateo, ang Inklusibong Kabataan (INKA) ay buong pusong nakikiisa sa pagdiriwang na ito, sapagkat ang pagsusulong ng pagkakapantay-pantay, inklusyon, at paggalang sa karapatan ng bawat isa ay isa sa mga sentro ng aming adbokasiya. Higit pa sa pakikilahok sa martsa, ang mga miyembro ng INKA ay naging bahagi ng Technical Working Group (TWG) bilang aming paraan ng aktibong pag-ambag sa pagdiriwang ng San Mateo Pride 2026.

Ang Pride ay hindi lamang isang selebrasyon. Isa rin itong patuloy na panawagan para sa respeto, pagkakapantay-pantay, inklusyon, at pagkilala na ang bawat tao ay may karapatang mahalin, igalang, at mamuhay nang malaya bilang kanilang tunay na sarili.

LGBTQIA+ Rights are Human Rights. 🏳️‍🌈✨

29/06/2026

📢 Hindi sapat ang manood—panahon nang makilahok.

Sa gitna ng isang mahalagang yugto ng ating demokrasya, inaanyayahan namin ang mga kabataan at iba pang sektor na maging bahagi ng Local Assembly on the Impeachment Trial.

Makiisa sa isang talakayang magbibigay ng totoo at pinagkakatiwalang impormasyon sa kasalukuyang proseso ng impeachment trial ni Vice President Sara Durterte at magpapalalim ng ating pag-unawa kung bakit mahalaga ang paninindigan, pananagutan, at aktibong pakikilahok ng mamamayan sa usaping pampubliko.

🗓 July 2, 2026 (Thursday)
🕑 2:00 PM – 5:00 PM
📍 San Mateo, Rizal (Exact venue to be announced)

✊ Registration Form: https://forms.gle/WADWFd27NBC6pFeF9 --

Ang demokrasya ay hindi lamang ipinaglalaban tuwing eleksyon. Ito ay ipinagtatanggol sa bawat pagkakataong pinipili nating maging mulat, magsalita, at makilahok.

📣 Magmatyag. Magpaliwanag. Mangalampag.

26/06/2026

Buong ipinagmamalaki ng Inklusibong Kabataan ang aming Chairperson, Mx. Melody Baturi, sa kanyang paglahok sa Queen of San Mateo 2026 bilang kinatawan ng Barangay Sto. Niño.👑🌈

Higit pa sa isang kompetisyon, dala niya ang adbokasiya ng isang kabataang naninindigan para sa inklusyon, pagkakapantay-pantay, at paggalang sa dignidad ng bawat isa. Nawa'y magsilbi siyang inspirasyon na ang tunay na kagandahan ay nasasalamin sa tapang na magsulong ng positibong pagbabago at sa pusong handang maglingkod sa komunidad.

Kasabay ng aming buong suporta kay Mx. Melody, ipinapaabot din namin ang aming paghanga at paggalang sa lahat ng mga kandidata ng Queen of San Mateo 2026 na ginagamit ang kanilang tinig at plataporma upang isulong ang makabuluhang adbokasiya para sa pagkilala, pagkakapantay-pantay, at karapatan ng LGBTQIA+. Ang bawat isa sa kanila ay patunay na ang pageantry ay maaaring maging daan upang magbigay ng inspirasyon, magpalaganap ng kamalayan, at magtaguyod ng isang mas inklusibo at mapagkalingang lipunan.

Petsa: Hunyo 28, 2026
Benyu: Municipal Stadium, San Mateo, Rizal

Mabuhay ang bawat tinig na nagsusulong ng pagmamahal, pagkakapantay-pantay, at inklusyon. Hangad namin ang tagumpay ng lahat ng mga kandidata!🏳️‍🌈👑

19/06/2026

𝐁𝐀𝐋𝐈𝐊𝐀𝐍 | 𝐏𝐑𝐎𝐉𝐄𝐂𝐓 𝐏𝐀𝐆-𝐀𝐒𝐀 𝐒𝐀 𝐏𝐀𝐆𝐁𝐀𝐒𝐀: 𝐈𝐊𝐀𝐋𝐀𝐖𝐀𝐍𝐆 𝐀𝐑𝐀𝐖 𝐍𝐆 𝐒𝐄𝐒𝐘𝐎𝐍

Noong Hunyo 7, 2026, matagumpay na naisagawa ng Inklusibong Kabataan ang ikalawang araw ng sesyon ng Project Pag-asa sa Pagbasa. Sa patuloy na pagtutulungan ng mga volunteer teachers at mga kabataang kalahok sa Pag-asa Compound, naging makabuluhan at masigla ang bawat gawain na inihanda para sa araw na ito.

Sa sesyong ito, pinalawak ng mga mag-aaral ang kanilang kaalaman tungkol sa nouns at verbs at ang kahalagahan ng mga ito sa pagkatuto. Natutunan nilang tukuyin ang mga pangalan ng tao, bagay, lugar, at hayop, gayundin ang mga salitang nagsasaad ng kilos o galaw. Ang mga araling ito ay nagsisilbing pundasyon sa pagpapaunlad ng kanilang kasanayan sa pagbasa, pagsulat, at mabisang pakikipagkomunikasyon.

Naging bahagi rin ng sesyon ang mga malikhaing aktibidad tulad ng pagkukulay, kung saan naipakita ng mga bata ang kanilang imahinasyon at pagkamalikhain.

Lubos kaming natutuwa sa aktibong pakikilahok at kasigasigan ng mga kabataan sa pagkatuto. Ang kanilang mga ngiti, pagsisikap, at pagnanais na matuto ay nagsisilbing inspirasyon upang higit pang pagbutihin at ipagpatuloy ang programang ito.

Maraming salamat sa ating mga volunteer teachers at sa lahat ng sumusuporta sa adhikain ng Project Pag-asa sa Pagbasa. Sama-sama nating patuloy na bigyang pag-asa at pagkakataon ang bawat kabataan sa pamamagitan ng edukasyon.

🌟 Ang bawat pahina na kanilang nababasa ay isang hakbang tungo sa mas maliwanag na kinabukasan.

19/06/2026

𝐁𝐀𝐋𝐈𝐊𝐀𝐍 | 𝐏𝐑𝐎𝐉𝐄𝐂𝐓 𝐏𝐀𝐆-𝐀𝐒𝐀 𝐒𝐀 𝐏𝐀𝐆𝐁𝐀𝐒𝐀: 𝐔𝐍𝐀𝐍𝐆 𝐀𝐑𝐀𝐖 𝐍𝐆 𝐒𝐄𝐒𝐘𝐎𝐍

Noong Mayo 31, 2026, matagumpay na sinimulan ng INklusibong KAbataan ang unang araw ng sesyon ng Project Pag-asa sa Pagbasa sa Pag-asa Compound. Layunin ng programang ito na mapaunlad ang kakayahan sa pagbasa ng mga kabataan at maitanim sa kanila ang mas malalim na pagmamahal sa pag-aaral.

Sa tulong at dedikasyon ng ating mga volunteer teachers, naging makabuluhan, masigla, at puno ng pagkatuto ang unang sesyon. Aktibong nakilahok ang mga kabataan sa mga gawain at masayang nakibahagi sa mga araling inihanda para sa kanila.

Lubos ang aming pasasalamat sa lahat ng volunteer teachers at katuwang na naglaan ng oras at suporta upang maging matagumpay ang unang araw ng programa. Nawa’y magsilbi itong simula ng mas marami pang pagkakataon para sa pagkatuto, pag-unlad, at pag-asa ng ating mga kabataan.

🌟 Sama-sama nating itaguyod ang edukasyon at magbigay-liwanag sa kinabukasan ng bawat bata.

📌 Ang pagkuha ng mga larawan at dokumentasyon sa mga kabataang kalahok ay isinagawa nang may pahintulot ng kanilang mga magulang/tagapag-alaga, alinsunod sa umiiral na Data Privacy Act of 2012 at mga patakaran sa maayos na paggamit ng personal na impormasyon.

19/06/2026

𝐁𝐀𝐋𝐈𝐊𝐀𝐍 | 𝟏𝐬𝐭 𝐒𝐩𝐞𝐜𝐢𝐚𝐥 𝐌𝐞𝐞𝐭𝐢𝐧𝐠 𝐚𝐧𝐝 𝐎𝐫𝐢𝐞𝐧𝐭𝐚𝐭𝐢𝐨𝐧 𝐟𝐨𝐫 𝐕𝐨𝐥𝐮𝐧𝐭𝐞𝐞𝐫 𝐓𝐞𝐚𝐜𝐡𝐞𝐫𝐬

Noong Mayo 30, 2026 ginanap ang unang special meeting at oryentasyon para sa mga volunteer teacher's ng proyektong Pag-asa sa Pagbasa.

Layunin ng gawaing ito na maipakilala ang programa, ang mga layunin nito, at ang mahalagang papel na gagampanan ng mga volunteer teachers sa pagpapaunlad ng kasanayan sa pagbasa at pag-unawa ng mga mag-aaral. Tinalakay rin sa oryentasyon ang kahalagahan ng aktibong pakikilahok at komitment ng bawat volunteer upang maging mas makabuluhan at epektibo ang implementasyon ng programa.

Sa pagtitipong ito, tinalakay ang mga layunin, mekanismo, at mga paparating na hakbang upang higit pang mapalakas ang literacy program na naglalayong magbigay ng mas matibay na pundasyon sa pagbasa para sa mga mag-aaral.

Sa pamamagitan ng proyektong ito, hangad ng INKA na matulungan ang mga kabataan sa Pag-asa Compound na higit pang malinang ang kanilang kakayahan sa pagbasa at pag-unawa bilang mahalagang pundasyon sa kanilang pag-aaral at personal na pag-unlad. 📚

Isang sama-samang pagkilos tungo sa mas inklusibo at mas maliwanag na kinabukasan sa pamamagitan ng edukasyon.

12/06/2026

𝗠𝗔𝗟𝗜𝗚𝗔𝗬𝗔𝗡𝗚 𝗔𝗥𝗔𝗪 𝗡𝗚 𝗞𝗔𝗟𝗔𝗬𝗔𝗔𝗡 🇵🇭

Mula sa INklusibong KAbataan, taos-puso nating inaalala at buong pusong pinasasalamatan ang ating mga bayani na nagbuwis ng kanilang buhay para sa kalayaang ating tinatamasa hanggang sa kasalukuyan.

Ngayong ika-12 ng Hunyo 2026, buong pagmamalaki nating ginugunita ang Araw ng Kalayaan ng Pilipinas—isang mahalagang pagdiriwang na nagpapaalala sa katapangan, pagkakaisa, at pagmamahal sa bayan ng ating mga ninuno. Ang kanilang pakikipaglaban ay nagsisilbing paalala na ang kalayaan ay isang bagay na dapat nating pahalagahan, pangalagaan, at gamitin para sa ikabubuti ng ating kapwa at komunidad.

Nawa’y magsilbing inspirasyon ang araw na ito upang patuloy nating pahalagahan ang kalayaang ating tinatamasa at magkaisa para sa ikauunlad ng ating bayan. Bilang mga kabataan, tungkulin nating isabuhay ang diwa ng kalayaan sa pamamagitan ng edukasyon, paggalang sa kapwa, aktibong pakikilahok sa lipunan, at pagmamahal sa Pilipinas.

Sama-sama nating ipagdiwang ang ating kasaysayan, parangalan ang mga bayani, at isabuhay ang tunay na kahulugan ng kalayaan.

Mabuhay ang Pilipinas! Mabuhay ang mga kabataang Pilipino! Mabuhay ang sambayanang Pilipino! 🇵🇭