01/06/2026
๐ฆ๐๐๐๐ ๐ป๐ฎ๐ด๐๐ฎ๐ด๐ฎ๐๐ฎ ๐ป๐ด ๐ฐ๐ผ๐ป๐๐๐น๐๐ฎ๐๐ถ๐ผ๐ป ๐๐ผ๐ฟ๐ธ๐๐ต๐ผ๐ฝ ๐ฎ๐ ๐๐ฒ๐ฎ๐บ ๐ฏ๐๐ถ๐น๐ฑ๐ถ๐ป๐ด
Nagsagawa ang SIDHA ng consultation workshop at team building activity noong Mayo 30 at 31 bilang bahagi ng pagpapatibay ng organisasyon at pagpapalakas ng kakayahan ng mga volunteer at opisyal nito.
Noong Mayo 30, isinagawa ang consultation workshop sa tulong ng Ateneo Center for Organization Development and Educational Change (CODE). Tinalakay sa aktibidad ang mga hakbang upang higit na mapahusay ang mga sistema at proseso sa loob ng organisasyon. Kabilang din sa mga napag-usapan ang pagrepaso at pag-update ng Constitution and By-Laws ng SIDHA upang matiyak na naaayon ito sa kasalukuyang pangangailangan ng organisasyon at magsilbing gabay ng Executive Committee, mga volunteer, at mga miyembro nito.
Samantala, nagdaos naman ng team building activity ang SIDHA noong Mayo 31 na nilahukan ng mga volunteer at Executive Committee members. Layunin ng aktibidad na palakasin ang samahan, pagtutulungan, at pagkakaisa ng mga kasapi ng organisasyon.
Nagkaroon din ng sharing session kung saan tinalakay ang kasaysayan ng SIDHA, mga adbokasiya nito, at ang mga karanasang humubog sa organisasyon sa paglipas ng mga taon. Ibinahagi rin ng mga miyembro ang kanilang mga dahilan kung bakit patuloy silang nananatili at naglilingkod para sa kapakanan ng kabataang San Josenian.
Isa sa mga kuwentong ibinahagi sa aktibidad ay ang karanasan sa Balacat Elementary School kung saan isang mag-aaral ang nagpahayag ng hangaring maging miyembro ng SIDHA paglaki niya. Ayon sa organisasyon, ipinapakita nito ang epekto ng kanilang mga programa at ang inspirasyong naibibigay nila sa kabataan.
Nagpasalamat ang SIDHA sa Ateneo CODE sa pagbibigay ng teknikal na suporta at pagbabahagi ng kaalaman na makatutulong sa patuloy na pagpapalakas ng organisasyon at sa mas epektibong paglilingkod nito sa komunidad.
