08/11/2021
Hindi naman maitatanggi na sa panahon ngayon ay online na nangyayari ang karamihan ng ating mga ginagawa. Pinadali nito ang komunikasyon sa pagitan ng mga tao at ang pagpapakalat ng impormasyon. Ngunit, kaakibat ng kalawakan ng sakop nito ay ang panganib na dala ng mga nananamantala sa kakayahan ng internet. Talamak sa social media platforms ang mga Fake News na maaaring makaapekto sa ating kultura, paniniwala, at pagdedesisyon.
Kaya bilang kabataan, ating bitbitin ang responsibilidad na manguna sa matuwid at tamang paggamit ng impormasyon. Hindi dapat maging dahilan ang ating edad upang malimitahan ang kaya nating iambag sa ikauunlad ng ating bayan at ng ating mga kapwa. Tayo'y tinaguriang pag-asa ng bayan kaya ating isabuhay ito at ipamalas ang ating epekto sa lipunan.
Naguguluhan? Nag-aalinlangan? Nababahala na humakbang paharap upang simulang ilapag ang ambag? Huwag mag-alala dahil upang makatulong na mapanatag ang iyong loob at malinawan ang iyong isip sa mga kayang gawin ng mga tulad nating kabataan ay inihahandog ng Student Government, sa pangunguna ng Students' Rights and Welfare Committee, ang SRW Month 2021 na may temang "AMBAG: Boses ng Kabataan sa Lipunan."
Sa darating na ika-11 ng Nobyembre, 1:00 PM, ay halina at makiisa sa Opening Salvo ng SRW Month 2021 sa pamamagitan ng Facebook Live. Sumama sa pagsisimula ng ating pagtuklas at pag-aaral ano nga ba talaga ang ambag nating mga kabataan sa lipunang ating ginagalawan.
Makilahok, makisaya, at sumama sa pagtahak ng daan sa pakikialam at pangingialam sa mga isyung kinakaharap natin. Pangunahan natin ang paghakbang.
