AGOS

AGOS AGOS: Daloy ng Progresibong Paggogobyerno is a governance platform driven to creating a ripple of change in our sea of politics. by .csjdm

Noong Hunyo 3, sa imbitasyon ni SK Kagawad Gab Moradas ng Barangay Kaypian, nagkaroon ang AGOS ng pagkakataong maiparati...
09/06/2026

Noong Hunyo 3, sa imbitasyon ni SK Kagawad Gab Moradas ng Barangay Kaypian, nagkaroon ang AGOS ng pagkakataong maiparating ang ANINAW, ang ating voters' empowerment program, sa mga kabataan at magulang na benepisyaryo ng kanyang School Supplies Giving Program.

Sa gitna ng pamamahagi ng mga kagamitang pampaaralan, nagkaroon din ng pagkakataon ang mga kalahok na talakayin ang kahalagahan ng pagiging mulat, mapanuri, at aktibong mamamayan. Binigyang-diin sa sesyon ang papel ng bawat isa sa paghubog ng mas mabuting pamayanan at ang kahalagahan ng pakikilahok sa mga usaping nakaaapekto sa kanilang komunidad.

Lubos kaming nagpapasalamat kay SK Kagawad Gab Moradas at sa Sangguniang Kabataan ng Barangay Kaypian sa pagbibigay ng espasyo para sa makabuluhang pag-uusap kasama ang mga kabataan at kanilang mga magulang. Nawa'y magpatuloy ang mga ganitong inisyatiba na pinagsasama ang suporta sa edukasyon at mga pagkakataong matuto, makilahok, at makapag-ambag sa komunidad.

đź“·: Kaypian NHS Press

Noong Hunyo 1, sa imbitasyon ng Marangal National High School Supreme Secondary Learner Government, muling dinala ng AGO...
05/06/2026

Noong Hunyo 1, sa imbitasyon ng Marangal National High School Supreme Secondary Learner Government, muling dinala ng AGOS sa mga kabataan ng Marangal National High School ang ANINAW, ang ating voters' empowerment program na naglalayong palakasin ang kamalayan, kritikal na pag-iisip, at aktibong pakikilahok ng mga mamamayan sa demokratikong proseso.

Sa isinagawang sesyon, nagkaroon ng makabuluhang talakayan hinggil sa papel ng bawat mamamayan sa demokrasya, ang kahalagahan ng matalinong pagdedesisyon, at ang kapangyarihang taglay ng bawat boto sa paghubog ng kinabukasan ng ating mga komunidad.

Maraming salamat sa mga mag-aaral, g**o, at pamunuan ng Marangal National High School sa mainit na pagtanggap at pakikiisa sa programa. Nawa’y magsilbing simula ang mga pag-uusap na ito ng mas malalim na pakikilahok ng kabataan sa mga usaping panlipunan at pampamayanan.

ANO BA ANG PAPEL NG SANGGUNIANG BARANGAY? 🤔🗳️Kaunting lakad mula sa ating mga tahanan, makakarating na tayo sa barangay ...
14/05/2026

ANO BA ANG PAPEL NG SANGGUNIANG BARANGAY? 🤔🗳️

Kaunting lakad mula sa ating mga tahanan, makakarating na tayo sa barangay hall ng ating lugar. Ngunit ano ba ang rason kung bakit mayroong Sangguniang Barangay? Ano nga ba ang kanyang tungkulin bilang bahagi ng ating lokal na pamahalaan?

Halina't alamin ang gampanin ng ating mga barangay, kung paanong malaki ang maaari nitong maitulong sa atin, at kung bakit mahalagang mapanuri tayo sa pagpili ng susunod na uupo sa mga posisyon nito.

Sa paparating na Barangay Elections 2026, nasa ating mga kamay na ang kapangyarihan upang makamit ang pamumuno't lideratong matuwid, maayos, at tunay na magsisilbi sa atin.

Nalalapit na ang pagsasara ng voters’ registration kung kaya’t magparehistro, makialam, at bumoto!

BAKIT BA KAILANGAN ANG IYONG BOTO? 🤔🗳️Lagi tayong hinihikayat na magparehistro tuwing may paparating na eleksyon, ngunit...
13/05/2026

BAKIT BA KAILANGAN ANG IYONG BOTO? 🤔🗳️

Lagi tayong hinihikayat na magparehistro tuwing may paparating na eleksyon, ngunit para saan nga ba ang pagiging botante? Bakit nga ba mahalaga ang ating boto, kung sa lebel lang naman ng barangay ito?

Sa katunayan, napakahalaga ng Sangguniang Barangay at Sangguniang Kabataan sa ating komunidad, sapagkat hinahatid nila ang serbisyong marapat nating natatamasa mula sa ating pamahalaan. Kung walang matapat na paggogobyerno sa antas ng barangay, mas lalong hindi makakaabot ang mga serbisyong pampubliko, at hindi masosolusyonan ang mga problema na nararanasan natin ngayon sa ating mga pamayanan.

Kaya, sa paparating na Barangay at Sangguniang Kabataan Elections, simulan natin ang pagbabago sa pamamagitan ng pagrerehistro, nang sa gayon ay handa tayong sumama, sumuri, at magsulong ng tunay na progresibong paggogobyerno—mula sa ating tahanan, patungo sa isang demokratikong lipunan.

MAGPAREHISTRO, MAKIALAM, AT BUMOTO!

30 DAYS LEFT BEFORE END OF VOTERS’ REGISTRATION! 🗳️🌊Sa gitna ng ligalig at ng krisis na kinakaharap natin ngayon, lalong...
18/04/2026

30 DAYS LEFT BEFORE END OF VOTERS’ REGISTRATION! 🗳️🌊

Sa gitna ng ligalig at ng krisis na kinakaharap natin ngayon, lalong nailalantad ang kahalagahan ng isang mahusay, maayos, at mabisang pamumuno—mula sa pambansang antas, hanggang at lalo’t higit sa lokal na lebel.

Ngayong November 2026, inaasahan ang muling pagsasagawa ng Barangay at Sangguniang Kabataan Elections (BSKE) na may kapangyarihang baguhin ang takbo ng pulitika’t pamamahala sa kanya-kanya nating mga lokalidad.

Nalalabi na ang oras natin para maging kabilang sa paglikha ng pagbabago. Sa huling 30 araw ng voters’ registration, huwag na nating aksayahin ang panahong ito. Tumungo na sa registration site sa inyong lugar bitbit ang isang ID.

Kabataang San Joseño, Makiisa't Magparehistro!

🎨: MC
✒️: Tyrone

Mula Pakikinig Tungo sa Aktibong PakikilahokMahigit 200 mag-aaral ang dumalo sa DepEd Tayo Graceville National High Scho...
19/03/2026

Mula Pakikinig Tungo sa Aktibong Pakikilahok

Mahigit 200 mag-aaral ang dumalo sa DepEd Tayo Graceville National High Schooll noong Marso 6, 2026 para sa ikalawang installment ngayong taon ng ANINAW: Masikhay na Pagsisiyasat ng Kabataan sa Tamang Pagboto.

Sa pagkakataong ito, mas malinaw ang isang bagay. Kapag may tamang espasyo para magtanong at magpahayag, handang makibahagi ang kabataan. Hindi lang sila nakikinig, kundi aktibong nag-iisip, nagtatanong, at nagbabahagi ng kanilang pananaw sa mga usapin ng pamumuno at halalan.

Ipinapakita ng ANINAW na mahalaga ang pagbubukas ng ganitong mga usapan sa loob ng paaralan. Dito nagsisimula ang paghubog ng mas mapanuring pagtingin at mas responsableng pakikilahok sa lipunan.

Maraming salamat sa Graceville National High School, sa kanilang SSLG officers, sa kanilang punong g**o na si Mr. Edwin SD. Adriano, at sa buong administrasyon sa pagbibigay-daan sa makabuluhang talakayang ito.



Kung nais niyong dalhin ang ANINAW sa inyong paaralan. Makipag-ugnayan at sama-sama nating buksan ang espasyo para sa mas mulat at aktibong kabataan.

Sa mundong puno ng salita, ang pagseserbisyo ang pinakamalalim na “Mahal kita.”Kaya ngayong buwan ng pagmamahalan, muli ...
14/02/2026

Sa mundong puno ng salita, ang pagseserbisyo ang pinakamalalim na “Mahal kita.”

Kaya ngayong buwan ng pagmamahalan, muli naming binubuksan ang pagkakataon na samahan niyo kami upang maki-AGOS sa daloy ng progresibong paggogobyerno. Sa panahong kinakailangan ang bawat isa, nararapat ang pagkakaisa para malupig ang kinakaharap ng mga kabataan at ng mga pilipino.

Sa paraan ng pagmamahal sa bansa, at sa mga adbokasiyang ating patuloy na pinaglalaban, maaari nating makamit ang kinabukasang makamasa.

Para sa taumbayan at sa kabataan, piliin natin na umibig sa ating bayan, piliin natin na sumabay sa AGOS patungo sa progresibong pamamahala!

SIGN UP NOW:
bit.ly/SumamaNaSaAGOS
bit.ly/SumamaNaSaAGOS
bit.ly/SumamaNaSaAGOS

✒️: Julio and Alexis
🎨: Andrei

Umagos na Muli ang ANINAWSa pagbubukas ng bagong taon, hindi nagbago ang layunin natin—kaya naman muling inilunsad ang A...
13/02/2026

Umagos na Muli ang ANINAW

Sa pagbubukas ng bagong taon, hindi nagbago ang layunin natin—kaya naman muling inilunsad ang ANINAW: Masikhay na Pagsisiyasat ng Kabataan sa Tamang Pagboto. Ang unang installment nito ngayong taon ay ginanap sa Sapang Palat National High School noong Pebrero 6, 2026.

Sa muling paglulunsad ng voters’ education project, binigyang-diin ang kahalagahan ng masusing pagsusuri sa mga kandidato, pag-unawa sa mga isyu, at ang responsibilidad ng bawat kabataan bilang bahagi ng demokratikong proseso. Layunin ng ANINAW na linawin ang papel ng kabataan—hindi lamang bilang botante sa hinaharap, kundi bilang mapanuring mamamayan sa kasalukuyan.

Sa bawat talakayan at pakikilahok ng mga mag-aaral, patuloy na umaagos ang kamalayan at paninindigan para sa mas responsable at makabuluhang pagboto.

Maraming salamat sa Sapang Palay National High School at sa kanilang SSLG officers sa pakikiisa at suporta sa adbokasiyang ito.

Tuloy ang agos ng ANINAW. Magkita-kita tayo sa inyong mga paaralan!

Nitong nakaraang Pebrero 2, sa pangunguna ng SSLG ng Paradise Farms National High School, isinagawa ang PROJECT: AKTIBO,...
10/02/2026

Nitong nakaraang Pebrero 2, sa pangunguna ng SSLG ng Paradise Farms National High School, isinagawa ang PROJECT: AKTIBO, isang seminar para sa mga mag-aaral ng Grade 12.

Bilang bahagi ng programa, naimbitahan ang AGOS, na kinatawan ng isa sa mga opisyal nito na si Jaypee Cordova, na nagbahagi tungkol sa kahalagahan ng transparency, participation, at accountability. Tinalakay din ang mga vowels of civic engagement — Active, Engaged, Informed, Organized, at United — at kung paano maaaring maging gabay ng kabataan sa mas responsableng pakikilahok sa mga gawaing pampolitika at pangkomunidad, upang mas maunawaan ang kanilang papel at epekto sa lipunan.

Sa pamamagitan ng ganitong pagbabahagi, hinikayat ang kabataan na maging mas mulat at aktibong bahagi ng pagbabago sa kanilang komunidad at sa bansa.

Lubos na pasasalamat sa mga lider estudyante ng Paradise Farms National High School para sakanilang imbitasyon.

Para sa Isang Makatarungan at may Pananagutan na Kinabukasan! 🌊⛵Katuwang ang mga mag-aaral mula sa San Jose del Monte Na...
26/12/2025

Para sa Isang Makatarungan at may Pananagutan na Kinabukasan! 🌊⛵

Katuwang ang mga mag-aaral mula sa San Jose del Monte National High School, ganap nang nailayag ng AGOS ang Aman Sinaya: Wayfarers of Justice, Integrity, and Accountability noong ika-17 ng Disyembre 2025, kung saan ay mas nabigyang lalim ang konteksto patungkol sa karapatang pantao at korapsyon.

Sa pangunguna ng ating plataporma, tinalakay ang Human Rights 101 at Anti-Corruption 101 bilang pagbubukas ng usapin sa mga suliranin at isyung ito, gayon na rin ang pagpapakilala sa mga konkretong danas ng mga Pilipino at ang mga sanhi at ugat sa likod nito. Sa pamamagitan ng masinsinang talakayan at bukas na palitan ng mga pananaw, nagkaroon ng paghubog sa kritikal na kamalayan ng mga nakasama nating kabataan, hindi lamang bilang mga tagapakinig, ngunit bilang mga aktibong kalahok at tagapag-panday ng pagbabago.

Buong puso na nagpapasalamat ang buong samahan ng AGOS at SIKLAB sa pagpapaunlak ng SJDMNHS na maisakatuparan ang gawain, lalo’t higit sa mabisa nating ugnayan at pakikipagtulungan kasama ang San Jose del Monte NHS - Supreme Secondary Learner Government para sa masikhay at matagumpay na talakayan.

Sa gitna ng nakalulungkot na lagay ng pamamahala sa ating bansa, nananatiling nakatunghaw ang isang matapat at mapanagutang kinabukasan, at nasa kamay nating mga kabataan ang pagsasakatuparan nito. Maging makisig na tagapagsulong ng mga prinsipyong may pag-galang sa karapatan at may paglaban sa katiwalian. May boses ang kabataan kung kaya’t tayo na at manindigan!

📸: Alexis Cantuba, Amber Señora, SJDMNHS SSLG
✒️: Amber Señora
🎨: Faye Dizon



────────────────────────

Kung nais ninyong dalhin ang proyektong Aman Sinaya sa inyong mga komunidad, paaralan, o organisasyon, mangyari lamang na makipag-ugnayan sa aming page o sa [email protected]. Bukas ang aming mga linya para sa patuloy na pagpapayabong ng mga talakayan tungo sa progresibong paggogobyerno!

Address

San Jose Del Monte

Website

Alerts

Be the first to know and let us send you an email when AGOS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category