https://www.facebook.com/110530911655517/

SIKLAB

Contact information, map and directions, contact form, opening hours, services, ratings, photos, videos and announcements from SIKLAB, Youth Organization, San Jose del Monte.

SIKLAB, a recipient of the Gintong Kabataan 2024 Award sa Larangan ng Paglilingkod sa Pamayanan for its exemplary service; officially registered with the SEC and accredited by NYC-YORP, reinforcing its commitment to positive youth development. Samahan ng Ibinuklod na Kabataang may Layong Angat Bayan or SIKLAB CSJDM, INC is a community-based and a non-profit organization driven by youth volunteers

from different barangays of City of San Jose del Monte, Bulacan, empowered with knowledge, awareness, and values aligned to the organization’s goals and advocacies to create positive changes in the community and beyond. Moreover, SIKLAB proudly carries its accreditation and affiliation to the National Youth Commission - Youth Organization Registration Program (NYC-YORP), the Securities and Exchange Commission (SEC), and the National Anti-Poverty Commission Youth and Students Sector (NAPCYSS).

06/06/2026

Kasabay ng pagpapatuloy ng Brigada Eskwela 2026 ay hindi lamang paaralan ang inihanda kung hindi pati ang mga mag-aaral. Sa ngalan ng imbitasyon ng SPNHS Supreme Secondary Learner Government (SPNHS-SSLG) ay isinagawa ng SIKLAB ang PLUMA: Palihan sa Teknikal na Pagsulat, 04 June 2026.

Sentro ng diskusyon ang pagtuturo ng iba’t ibang uri ng technical paper at pagpapalawak ng kanilang kaalaman sa iba’t ibang administratibong bagay na esensyal sa kanilang magiging termino bilang SSLG.

Buong pasasalamat ng SIKLAB sa pamunuan ng SPNHS at SSLG na siyang nagpaunlak sa organisasyon para makapaghatid ng kaalaman sa bawat mag-aaral.

04/06/2026

📚 It’s a Wrap for Week 1!

Kaugnay ng programang Readers Rising! Academy na inorganisa ng National Book Development Board - Philippines kasama ang DAKILA at Yellow Boat of Hope Foundation, muling dumalo ang Team SIKLAB para sa Day 2 at Day 3 na patuloy na humuhubog sa ating adbokasiya sa pagbasa.

Sa Day 2, sa paggabay ni Mr. Lawrence Cusipag, Founder ng Bagong Silang Community Library at Program Manager for Learning and Development ng DAKILA, mas naging malinaw kung paano nga ba bumubuo ng isang komunidad para sa pagbasa. Hindi ito basta pagtitipon ng mga tao, kundi isang pagsasama ng mga may iisang layunin na magtulungan at magpalago ng kultura ng pagbabasa. Unti unting nabuo ang ideya na ang isang malakas na adbokasiya ay nagsisimula sa isang matatag na komunidad na marunong makinig, makibahagi, at magtaguyod.

Sa Day 3 naman, sa pangunguna ni Ms. Dian, External Linkages Officer ng Yellow Boat of Hope Foundation, nakatuon ang usapan sa kung paano naipararating ang adbokasiya sa mas maraming tao sa mas simple at malikhaing paraan. Dito mas lumalim ang pag-unawa kung gaano kahalaga ang malinaw na mensahe at ang tamang paraan ng pagbahagi nito, mula sa salita hanggang sa visual na pagpapahayag, upang mas maabot at ma-inspire ang iba na makiisa.

Sa pagtatapos ng Week 1, bitbit ng Team SIKLAB ang mas malinaw na direksyon at mas matibay na paninindigan para sa patuloy na pagpapalawak ng kultura ng pagbabasa sa ating mga komunidad.

03/06/2026

Umulan man o umaraw, patuloy na maglilingkod sa ating kapuwa.

Noong ika-30 ng Mayo, sa pangunguna ng Love Education Philippines at sa pakikipagtulungan ng SIKLAB, isinagawa ang isang outreach at empowerment program na nagsilbi ring paglulunsad ng Reading Caravan ng SIKLAB sa Sitio Karahume. Bumisita ang caravan sa komunidad ng mga kababayan nating Dumagat sa CSJDM Indigenous Peoples Education (IPED) School upang maghatid ng mga programang pang-edukasyon at hikayatin ang mga kabataan na higit pang paunlarin ang kanilang kakayahan sa pagbasa at pagkatuto.

Naging pagsubok man ang layo ng komunidad at ang hindi inaasahang pagbuhos ng ulan, hindi ito naging hadlang upang matuloy ang programa. Matapos ang Reading Caravan, matagumpay na napangiti ng ating team ang humigit-kumulang 70 bata sa pamamagitan ng mga nakatutuwang aktibidad at palaro. Hindi lamang tayo nakapaghatid ng saya, naiparating din natin sa mga bata ang mensahe tungkol sa kahalagahan ng edukasyon. Dagdag pa rito, mula sa mga donasyon at inisyatiba, nakapagbahagi rin tayo ng mga kagamitan na magagamit nila sa kanilang pag-aaral.

Sa kabuuan ng programa, akala namin noong simula ay kami lamang ang magbabahagi ng mensahe sa kanila. Ngunit sa pagtatapos nito, natuklasan naming mas marami pa kaming napulot na aral, at kami mismo ay labis na naging inspirasyon sa kanilang mga ngiti, sigasig, at pananabik sa pagkatuto.

Buong pusong nagpapasalamat ang SIKLAB sa Love Education Philippines sa pagpapaunlak sa amin, gayundin sa lahat ng mga taong nagpaabot ng kanilang tulong. Taos-puso rin ang pasasalamat kay Igg. Councilor Atty. Ronalyn Pordan sa ipinaabot niyang tulong na transportasyon para sa ating mga boluntaryo.

Sa kabuuan, ang programang ito ay hindi lamang isang araw ng pagbabahagi at paglilingkod, kundi isang makabuluhang karanasan ng pagkatuto, pagkakaisa, at inspirasyon para sa lahat. Patuloy ang SIKLAB sa layuning maghatid ng mga programang nagbubukas ng oportunidad para sa mga kabataan at komunidad, na may pusong handang maglingkod at magbahagi ng kaalaman para sa mas maliwanag na kinabukasan.

Bilang panghuli, nananatili ang saya at inspirasyon na iniwan ng programa sa bawat isa. Ang mga ngiting aming nasilayan at mga aral na aming napulot ay patunay na ang simpleng pagbabahagi ay may kakayahang magbukas ng mas malalim na ugnayan at pag-unawa.

02/06/2026

📚 SIKLAB at Readers Rising! Academy Kick Off

Ngayong araw, opisyal nang nagsimula ang Readers Rising! Academy, isang programang inorganisa ng National Book Development Board - Philippines, kasama ang mga lecturer mula sa DAKILA at Yellow Boat of Hope Foundation, na nakatuon sa pagpapalakas ng adbokasiya sa pagbasa at pagbuo ng mas maraming reading initiatives sa komunidad.

Bilang isa sa mga napiling grupo na makibahagi sa programa, naging makabuluhan para sa Team SIKLAB ang pagsisimula ng paglalakbay na ito tungo sa mas malalim na pag-unawa sa advocacy work na nakasentro sa pagbabasa.

Sa sesyong Advocacy Campaign Management and Planning na pinangunahan ni Ms. Tash Kintanar isang Senior Lecturer mula sa UP, tinalakay sa sesyon kung paano nabubuo at napapalakas ang mga kampanya mula sa pagbuo ng suporta, pagplano ng reading activities, hanggang sa pagsukat ng epekto at paghahanda ng mga proposal para sa mas maraming reading initiatives.

Bilang organisasyong patuloy na isinusulong ang kahalagahan ng pagbabasa, isang paalala ang araw na ito na bawat ideya, bawat plano, at bawat kampanya ay nagsisimula sa iisang layunin: mas maraming mambabasa, mas pinalakas na komunidad.

26/05/2026

Sa loob ng dalawang makabuluhang araw, aktibong nakibahagi ang mga miyembro ng SIKLAB sa iba’t ibang talakayan at pagsasanay hinggil sa karapatang pantao, pamumuno, public speaking, adbokasiya, legislative reform, at holistic security. Ang lahat ng ito ay nakatuon sa paghubog ng mga kabataang may malasakit, kakayahan, at matatag na paninindigan para sa dignidad, pagkakapantay-pantay, at katarungan.

Naniniwala ang mga Lider Kabataan ng SIKLAB na ang pamumuno ay hindi lamang nasusukat sa pagkakaroon ng posisyon. Higit sa lahat, ito ay tungkol sa tapang na makinig, pusong handang maglingkod, at tinig na may lakas ng loob na manindigan para sa mga hindi naririnig. Sa panahong laganap ang fake news, diskriminasyon, at harassment, mahalagang maipaalala na ang kabataan ay hindi lamang tagamasid kundi aktibong instrumento ng pagbabago. Tulad nga ng sinabi ni Edgar Cabalitan, “Ang kabataan ay hindi pag-asa ng kinabukasan, kundi ng kasalukuyan.”

Gayunpaman, hindi nagtatapos sa dalawang araw na pagtitipon na ito ang pagkatuto at adbokasiya ng mga kalahok. Ang programang ito ay nagsisilbing simula pa lamang ng mas malalim na pagsasanay, patuloy na pakikilahok, at mas makabuluhang pagsusulong ng karapatang pantao. Inaasahan ding magpapatuloy ang mga susunod na trainings at legislative simulations bilang paghahanda upang maipakita at maipresenta ng mga kalahok ang kanilang mga natutunan hanggang sa pambansang antas.

Sa pagtatapos ng programa, hindi lamang saya at alaala ang kanilang bitbit kundi pati mas malawak na kaalaman, mahahalagang karanasan, at mas matatag na paninindigan bilang mga Lider Kabataan na may pusong maglingkod, makilahok, at ipagtanggol ang karapatang pantao para sa lahat.

12/05/2026

Sa bawat kwento at pagbasa, sama-sama para sa paghatid ng pag-asa! 🌼✨

Walang pangarap ang masyadong matayog kapag ang isang komunidad ay nagtutulungan at may pagkakaisa. Sa bawat suporta at tulong, ang isang imposible ay nagiging posible.

Sa darating na Mayo 30, dadalhin ng SIKLAB ang 𝗥𝗲𝗮𝗱𝗶𝗻𝗴 𝗖𝗮𝗿𝗮𝘃𝗮𝗻 sa 𝗜𝗣𝗘𝗱 𝗦𝗰𝗵𝗼𝗼𝗹 𝘀𝗮 𝗦𝗶𝘁𝗶𝗼 𝗞𝗮𝗿𝗮𝗵𝘂𝗺𝗲, katuwang ang Love Education Philippines, upang maghatid ng mga kwento, makabuluhang gawain sa pagkatuto, at masasayang karanasan para sa mga batang Dumagat. 📚🌿

To help make our visit more meaningful and further support the children’s learning journey, we are currently looking for in-kind donations such as crayons, erasers, and notebooks (writing & composition). ✏️📓🖍️

For those who prefer to send help financially, you can scan the QR code provided in the photos. Your donation, no matter how small, makes huge impact.

Maraming salamat! 🌟💛

✏️ Rich

10/05/2026

𝘼𝙉𝙂 𝙏𝘼𝙃𝘼𝙉𝘼𝙉, 𝙎𝘼'𝙔𝙊 𝙈𝘼𝙏𝘼𝙏𝘼𝙂𝙋𝙐𝘼𝙉!

Today isn’t just another day—it is a very SPECIAL day for a very special moms and mother figures out there. The first anchor who carry us with their gentle, loving arms: Our “ilaw ng tahanan”, our steady rhythm that nurtures, protects, and sustains, and a gentle voice when everything feels heavy.

To every Mom, Ma, Mama, Mudra, Nanay, and Lola—the ones who embody the word “home” in ALL ways: You are the heart of it all. Happy Mother’s Day! 👸🏻💞

07/05/2026

𝗘𝘃𝗲𝗿𝘆 𝗱𝗼𝗻𝗮𝘁𝗶𝗼𝗻 𝘆𝗼𝘂 𝘀𝗵𝗮𝗿𝗲 𝗯𝗲𝗰𝗼𝗺𝗲𝘀 𝗽𝗮𝗿𝘁 𝗼𝗳 𝗮 𝗰𝗵𝗶𝗹𝗱’𝘀 𝗹𝗲𝗮𝗿𝗻𝗶𝗻𝗴 𝗷𝗼𝘂𝗿𝗻𝗲𝘆. 📖✨

This May 30, we will bring our 𝗥𝗲𝗮𝗱𝗶𝗻𝗴 𝗖𝗮𝗿𝗮𝘃𝗮𝗻 to the 𝗜𝗣𝗘𝗱 𝗦𝗰𝗵𝗼𝗼𝗹 𝗶𝗻 𝗦𝗶𝘁𝗶𝗼 𝗞𝗮𝗿𝗮𝗵𝘂𝗺𝗲, in collaboration with Love Education Philippines, to support Dumagat children through storytelling, learning activities, and meaningful community engagement.

More than a one-day activity, this initiative hopes to nurture curiosity, confidence, and the joy of reading among young learners who deserve access to spaces where they can imagine, discover, and grow.

𝗧𝗼 𝗵𝗲𝗹𝗽 𝗺𝗮𝗸𝗲 𝘁𝗵𝗶𝘀 𝗽𝗼𝘀𝘀𝗶𝗯𝗹𝗲, 𝘄𝗲 𝗮𝗿𝗲 𝗼𝗽𝗲𝗻𝗶𝗻𝗴 𝗼𝘂𝗿 𝗖𝗮𝗹𝗹 𝗳𝗼𝗿 𝗗𝗼𝗻𝗮𝘁𝗶𝗼𝗻𝘀.

𝗪𝗲 𝗮𝗿𝗲 𝗮𝗰𝗰𝗲𝗽𝘁𝗶𝗻𝗴:

🖍️ In-kind donations: 𝗦𝗰𝗵𝗼𝗼𝗹 𝘀𝘂𝗽𝗽𝗹𝗶𝗲𝘀 𝗮𝗻𝗱 𝗻𝘂𝘁𝗿𝗶𝘁𝗶𝗼𝘂𝘀 𝘀𝗻𝗮𝗰𝗸𝘀

For coordination and drop-offs, kindly send a direct message to Francis Miguel Cruz here on Facebook.

💸 Monetary donations: You may send you r𝗺𝗼𝗻𝗲𝘁𝗮𝗿𝘆 𝘀𝘂𝗽𝗽𝗼𝗿𝘁 𝘃𝗶𝗮 𝗚𝗖𝗮𝘀𝗵 𝗮𝘁 𝟬𝟵𝟵𝟱-𝟬𝟯𝟱𝟬-𝟮𝟲𝟳𝟭, or scan the QR code on the poster.

Together, let us help bring the magic of learning closer to young learners, one story, one activity, and one act of kindness at a time.

03/05/2026

𝙒𝙖𝙡𝙖𝙣𝙜 𝙢𝙪𝙡𝙖𝙩 𝙠𝙪𝙣𝙜 𝙬𝙖𝙡𝙖𝙣𝙜 𝙩𝙖𝙜𝙖-𝙢𝙪𝙡𝙖𝙩 ✒️

Ngayong ika-3 ng Mayo, ginugunita natin ang 𝙒𝙤𝙧𝙡𝙙 𝙋𝙧𝙚𝙨𝙨 𝙁𝙧𝙚𝙚𝙙𝙤𝙢 𝘿𝙖𝙮 kung saan binibigyang pagtutok natin ang mahalagang papel na ginagampanan ng mga mamahayag Sa kabila ng opresyon at panunuya na kanilang nararanasan, sila ay patuloy na tumitindig sa pagbabahagi ng katotohanan sa mga mamamayang Pilipino. Nawa'y sa araw na ito ay makitindig din tayo para sa kanila sa pagkamit ng malayang pamamahayag.

𝙋𝙖𝙜𝙥𝙪𝙥𝙪𝙜𝙖𝙮 𝙨𝙖 𝙢𝙜𝙖 𝙩𝙖𝙜𝙖-𝙢𝙖𝙨𝙞𝙙, 𝙋𝙖𝙜𝙥𝙪𝙥𝙪𝙜𝙖𝙮 𝙨𝙖 𝙢𝙜𝙖 𝙢𝙖𝙢𝙖𝙝𝙖𝙮𝙖𝙜!

01/05/2026

𝗣𝗮𝗴𝗼𝗱 𝗻𝗴 𝗠𝗮𝗻𝗴𝗴𝗮𝗴𝗮𝘄𝗮, 𝗣𝘂𝗻𝗱𝗮𝘀𝘆𝗼𝗻 𝗻𝗴 𝗞𝗶𝗻𝗮𝗯𝘂𝗸𝗮𝘀𝗮𝗻. 🌥

Ngayong Araw ng mga Manggagawa, kinikilala natin ang sipag, sakripisyo, at dedikasyon ng bawat Pilipinong patuloy na lumalaban para sa kanilang pamilya at kinabukasan sa kabila ng iba’t ibang hamon ng panahon.

Sa gitna ng tumataas na presyo ng mga bilihin at krisis sa langis, lahat tayo ay naaapektuhan. Ngunit higit na mabigat ang pasan ng mga manggagawang araw-araw na umaasa sa maliit na kita upang mabuhay at makaraos. Isa sa mga higit na tinatamaan ay ang mga PUV drivers na patuloy na bumibiyahe kahit kapos ang kinikita at mataas ang gastos sa pasada. ⛽

Sa araw na ito, nawa’y hindi lamang pagkilala ang ating ibigay sa mga manggagawa kundi mas malalim na pag-unawa sa kanilang kalagayan at patuloy na panawagan para sa makatarungang kabuhayan at mas maayos na pamumuhay para sa lahat.

Pagpupugay sa bawat manggagawang Pilipino na patuloy na nagsisilbi at lumalaban araw-araw! Ang laban ng manggagawa ay laban ng buong bayan. 🇵🇭

Address

San Jose Del Monte
3023

Telephone

+639950352671

Website

facebook.com

Alerts

Be the first to know and let us send you an email when SIKLAB posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Non Profit Organization in San Jose del Monte?