https://www.facebook.com/101979238708073/

Students with Historical Identity Endowed with Leadership and Dignity

Home
Philippines
San Jose del Monte
Students with Historical Identity Endowed with Leadership and Dignity

Tumindig at Lumaban! Pagsilbihan ang Sambayanan! Alpas mga G**o ng Bayan, Alpas SocStud!
(1)

22/09/2026

Ngayong araw, Setyembre 21, hindi katahimikan ang pinili ng mga Iskolar ng Bayan. Isinagawa ang campus walk-out upang iparating ang nag-aalab na hinaing ng mga Isko at Iska ng bayan — na hindi kailanman natitinag ang masidhing damdamin para sa katarungan. Katarungan para sa libo-libong biktima ng kalupitan. Katarungan para sa bawat pisong ninakaw. Katarungan para sa kasaysayang pilit binabaluktot at binubura.

Isang madugong tagpo sa kasaysayan na hindi kailanman dapat limutin. Panahon ng kaliwa't kanang paglabag sa karapatang pantao, sapilitang pagkawala, tortyur, pagbusal sa malayang pamamahayag, pagsikil sa kritisismo, at bilyon-bilyong pisong ninakaw sa kaban ng bayan na hanggang ngayon ay binabayaran pa rin ng sambayanan.

Hindi lamang natatapos sa apat na sulok ng silid-aralan at sa pag-aaral ng kasaysayan ang papel ng mga kabataan. Ang tungkulin namin ay ipaglaban ito. Buong lakas at taas kamaong sumisigaw ang bawat kabataang BulSUan - mula Sarmiento hanggang Malolos - na kami ay patuloy na magbabantay, maniningil, at lalaban.

Habang may nagtatangkang magpabango sa pangalan ng diktador, habang patuloy ang korapsyon at kahirapan, hinding-hindi mananahimik ang mga minsan nang binusalan.

Hindi nakakalimot ang kasaysayan. Hindi mapapatahimik ang katotohanan.

✒️ | Rain Mirasol
💻 | John Renz Adle

.NeverForget

15/09/2026

𝐋𝐔𝐏𝐀𝐍𝐆 𝐇𝐈𝐍𝐈𝐑𝐀𝐍𝐆, 𝐃𝐔𝐘𝐀𝐍 𝐍𝐆 𝐌𝐀𝐆𝐈𝐆𝐈𝐓𝐈𝐍𝐆

Ngayong ika-15 ng Setyembre, ginugunita natin ang anibersaryo ng pagbubukas ng Malolos Congress noong Setyembre 15, 1898—isang makasaysayang tagpo na nagbigay-hugis sa mithiin ng isang malaya, soberano, at demokratikong Pilipinas. Sa pangunguna ni Pangulong Emilio Aguinaldo at sa pamumuno ni Pedro Paterno bilang pangulo ng Kongreso, nagsama-sama ang mga kinatawan ng bayan upang isulong ang pagkilala sa kasarinlan at ang pagtatatag ng isang pamahalaang nakabatay sa konstitusyon.

Ang Malolos Congress ay hindi lamang isang institusyong pampolitika ng nakaraan. Ito ay patunay na ang kalayaan ay hindi nagtatapos sa paglayo sa kolonyal na kapangyarihan; ito ay nagpapatuloy sa pagtatatag ng pamahalaang may pananagutan sa mamamayan, paggalang sa karapatan, at katapatan sa soberanya ng bayan. Sa kasaysayan ng ating republika, ipinapaalala nito na ang kapangyarihang pampolitika ay dapat magsilbi sa interes ng sambayanan, hindi sa pansariling kapakinabangan ng iilan.

Ang kasaysayan ng Malolos Congress ay hindi lamang alaala ng ating nakaraan. Ito ay hamon sa kasalukuyan: Anong uri ng pamahalaan ang ating itinataguyod, at para kanino ito tunay na nagsisilbi? Sa bawat Bulakenyo, nawa’y manatiling buhay ang diwa ng Malolos—isang diwang hindi lamang nagtataguyod ng kalayaan, kundi naninindigan para sa isang makatarungan, mapanagot, at tunay na malayang republika.

✒️ | Rain Mirasol
💻 | John Rich Calixterio

01/09/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐀𝐧𝐝𝐫𝐞𝐚 𝐌𝐚𝐞!

Mula sa ating organisasyong SHIELD, taos-puso ka naming binabati sa iyong espesyal na araw. Kami’y nagpapasalamat sa iyong dedikasyon sa iyong gampanin bilang Opisyales Para sa Mahahalagang Gawain sa ating organisasyon.

Hangad namin ang iyong kasiyahan at maging ang iyong tagumpay! Nawa ang araw na ito ay mag-iwan sa iyo ng magaganda at masasayang pangyayari na iyong babalikan sa mga susunod na taon.

Muli, binabati ka namin, Maligayang Kaarawan, Kapatid!

✒️ | Jelly Ann Salih
💻 | Jewel Anne Ansino

01/09/2026

‎𝗦𝗮 𝗯𝗮𝘄𝗮𝘁 𝗮𝗿𝗮𝗹 𝗻𝗮 𝗻𝗮𝗶𝗯𝗮𝗯𝗮𝗵𝗮𝗴𝗶, 𝗽𝗮𝗻𝗴𝗮𝗿𝗮𝗽 𝗻𝗮 𝗻𝗮𝗽𝗮𝗽𝗮𝗹𝗮𝗸𝗮𝘀, 𝗮𝘁 𝗯𝘂𝗵𝗮𝘆 𝗻𝗮 𝗻𝗮𝗯𝗶𝗯𝗶𝗴𝘆𝗮𝗻𝗴-𝗱𝗶𝗿𝗲𝗸𝘀𝘆𝗼𝗻, 𝗻𝗮𝗿𝗼𝗼𝗻 𝗮𝗻𝗴 𝗶𝘀𝗮𝗻𝗴 𝗴𝘂𝗿𝗼𝗻𝗴 𝗽𝗮𝘁𝘂𝗹𝗼𝘆 𝗻𝗮 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗹𝗶𝘄𝗮𝗻𝗮𝗴.
‎
‎Ngayong buwan ng mga g**o, ating kilalanin at pahalagahan ang bawat g**ong nagpamalas ng kanilang husay, talino at dedikasyon sa paggabay at pagmumulat sa kabataan. Sa kabila ng pagod, hirap, at sa pabago-bagong panahon patuloy pa rin ang kanilang mithiin na paglingkuran ang bayan at imulat ang mga kabataan. Nararapat lamang na kayo’y saluduhan at pasalamatan, mga ma’am at ser ng bayan!
‎
‎Muli, Maligayang Buwan ng mga G**o!
‎
‎Iangat ang kaguruan. Palakasin ang mga g**o. Pahalagahan ang kanilang husay.
‎Happy National Teachers’ Month! 🙌🏻🩵
‎
‎✒️ | Serafin Ruiz at Angelo Mulair
💻 | Alyza Cadiz

31/08/2026

🇵🇭 𝗦𝗔 𝗕𝗔𝗪𝗔𝗧 𝗕𝗔𝗬𝗔𝗡𝗜, 𝗠𝗔𝗬 𝗠𝗚𝗔 𝗞𝗨𝗪𝗘𝗡𝗧𝗢𝗡𝗚 𝗗𝗔𝗣𝗔𝗧 𝗡𝗔 𝗔𝗟𝗔𝗟𝗔𝗛𝗔𝗡𝗜𝗡

Ngayong Araw ng mga Bayani, hindi natin dapat kalimutan ang mga ambag, sakripisyo, at katapangang iniwan ng mga magigiting nating bayani para sa ating bayan.

Sa pamamagitan ng isang panayam, ating alamin kung paano natin kinikilala at binibigyang-halaga ang kabayanihan, noon man o sa kasalukuyan.

✒️ | John Adle
💻 | Lionel Lara, Ralp Resurrecion, Timothy Melegrito

31/08/2026

𝐓𝐚𝐚𝐬 𝐤𝐚𝐦𝐚𝐨𝐧𝐠 𝐩𝐚𝐠𝐩𝐮𝐩𝐮𝐠𝐚𝐲 𝐬𝐚 𝐡𝐮𝐬𝐚𝐲, 𝐝𝐞𝐝𝐢𝐤𝐚𝐬𝐲𝐨𝐧, 𝐚𝐭 𝐩𝐚𝐠𝐭𝐢𝐭𝐢𝐲𝐚𝐠𝐚!

Malugod na binibigyang pagbati ng SHIELD ang dati nitong miyembro na si Gng. Genesa V. Daquioag para sa kaniyang pagtatapos sa kursong Master of Education Major in Social Studies sa La Consolacion University of the Philippines.

Naging bahagi ng organisasyon si Gng. Genesa sa kaniyang kolehiyo noong taong panuruan 2019 hanggang 2023. Hindi rito natapos ang kaniyang masidhing dedikasyon sa pag-aaral ng lipunan dahil ngayon nga siya ay nagtapos ng Masteral sa medyor na ito.

Isa lamang si Gng. Genesa sa mga patunay na hindi lamang sa kolehiyo dapat makahon ang pagmamahal at pag-aaral sa lipunang ating ginagalawan, bagkus ay simula pa lamang ito ng mahabang pakikibaka para sa bayan, kasaysayan, at mamamayan.

Basta Soc Stud, mahusay!

✒️ | Rain Mirasol
💻 | John Rich Calixterio

31/08/2026

𝗣𝗔𝗚𝗕𝗨𝗕𝗨𝗡𝗬𝗜 𝗣𝗔𝗥𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗕𝗔𝗬𝗔𝗡𝗜!

Sa pagtatapos ng buwan ng Agosto, ating gunitain ang araw na ito bilang pagbibigay-pugay sa magigiting na bayani ng ating bayan—mga bayaning nag-alay ng kanilang pagmamahal, kaalaman, katapangan, at maging ng kanilang buhay para sa ating bansa.

Unang itinakda ang pagpaparangal sa ating mga bayani tuwing huling Linggo ng Agosto noong panahon ng pamamahala ng mga Amerikano, sa pamamagitan ng Batas Blg. 3827 noong Oktubre 28, 1931. Gayunman, inilipat ito sa huling Lunes ng Agosto matapos lagdaan ni dating Pangulong Gloria Macapagal-Arroyo ang Batas Republika Blg. 9492 noong Hulyo 24, 2007.

Ang Araw ng mga Bayani ay hindi lamang isang ordinaryong paggunita sa mga Pilipinong lumaban para sa ating bayan. Ito ay isang espesyal na araw upang alayan natin sila ng paggalang at alalahanin ang kanilang kabayanihan. Kaya naman, sama-sama nating ipagbunyi ang lahat ng ating mga bayani!

Lahat ng dugong dumanak sa lupa, bawat patak ng kanilang mga luha, at sa buhay na kanilang itinaya—sa huli, winagayway pa rin ang ating Bandila. Tunay na ang pagmamahal sa ating Inang Bayan ay hindi nagtatapos sa ating paglaban, sapagkat ito ay nagpapatuloy dahil ang ating nakaraan ay ugat ng kasalukuyan, at ang ating kasalukuyan ay tulay tungo sa kinabukasan.

Isang saludo para sa lahat ng mga Bayani ng ating Bayan! 🇵🇭

✒️ | Nicole Bohol
💻 | Angela Gregorio

30/08/2026

𝐓𝐢𝐧𝐢𝐠 𝐩𝐚𝐫𝐚 𝐬𝐚 𝐤𝐚𝐥𝐚𝐲𝐚𝐚𝐧, 𝐤𝐚𝐭𝐚𝐫𝐮𝐧𝐠𝐚𝐧 𝐚𝐭 𝐛𝐚𝐲𝐚𝐧.

Marcelo H. Del Pilar, ang kaniyang pangalan ay nanatiling bahagi ng kasasaysayan. Ngayong Agosto 30, ating gunitain ang isang dakilang
propagandista at makabayang manunulat na lumalaban para sa bayan, dala ang sandatang panulat para sa karapatan at kinabukasan ng mga Pilipino.

Sa pagunita ng araw na ito ay nag papaalala na may mga laban na hindi kailangan ng dahas, kundi ng salita, paninidigan at katotohanan.

Kaya naman, tunghayan ang isang makabuluhang talakayan na inihahandog sa inyo ng Komite sa Teknikal sa pangunguna ni John Renz Adle, Tagapangulo ng Komite sa Teknikal ng SHIELD, patungkol sa yaman ng kasaysayan at buhay ng isa sa pinaka dakilang propagandista ng bansa, Marcelo H. Del Pilar.

𝙋𝙖𝙣𝙪𝙡𝙖𝙩 𝙥𝙖𝙧𝙖 𝙨𝙖 𝙗𝙖𝙮𝙖𝙣, 𝙠𝙖𝙩𝙖𝙥𝙖𝙣𝙜𝙖𝙣, 𝙠𝙖𝙡𝙖𝙮𝙖𝙖𝙣 𝙖𝙩 𝙙𝙖𝙣𝙜𝙖𝙡 𝙣𝙜 𝙢𝙖𝙢𝙖𝙢𝙖𝙮𝙖𝙣.

✒️ | Rish Ropero
💻 | John Adle

30/08/2026

𝐍𝐀𝐓𝐈𝐎𝐍𝐀𝐋 𝐏𝐑𝐄𝐒𝐒 𝐅𝐑𝐄𝐄𝐃𝐎𝐌 𝐃𝐀𝐘

Ang National Press Freedom Day ay nakapaloob sa Republic Act No. 11699 na nilagdaan noong Abril 2022, nakahayag dito na ipinagdiriwang ang National Press Freedom Day sa ika-30 ng Agosto kada taon dahil ito rin ang araw ng kapanganakan ni Marcelo H. Del Pilar na tinaguriang Father of Philippine Journalism.

Halina’t ating gunitain at bigyang halaga ang kalayaan at karapatan ng mamamahayag sa paglalahad, pagsisiyasat, pagiging boses, at sa pagtataguyod ng katotohanan. Hindi kailanman kaaway ang pahayagan, kaya’t sama-sama tayong tumindig, maki-alam, at protektahan ang pahayagan sa banta na patuloy na bumabalot sa ating lipunan sa likod ng ating kalayaan at karapatan.

Ang pagtindig, pagboses, paghayag, at pagsiyasat ay hindi magiging isang pribelehiyo, ito’y karapatan at kalayaan ng bawat Pilipino.

𝐇𝐔𝐖𝐀𝐆 𝐌𝐀𝐍𝐀𝐇𝐈𝐌𝐈𝐊, 𝐒𝐀 𝐊𝐀𝐓𝐎𝐓𝐎𝐇𝐀𝐍𝐀𝐍 𝐌𝐀𝐆𝐈𝐍𝐆 𝐒𝐀𝐁𝐈𝐊.

✒️ | Jelly Ann Salih
💻 | Jewel Anne Ansino

26/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐌𝐚’𝐚𝐦 𝐂𝐥𝐚𝐮𝐝𝐢𝐧𝐞!

Buong galak na ipinagdiriwang ng Pamilya Medyor sa Araling Panlipunan ang kaarawan ng isang kahanga-hangang g**o na taglay ang ganda, talino, husay sa pagtuturo, at dedikasyon sa paghubog ng mga mag-aaral.

Ang pangalang Claudine, na maaaring iugnay sa Claude o ulap, ay may magandang simbolismo. Tulad ng ulap na nagbibigay ng lilim at ulan, kinakatawan nito ang isang g**ong nagiging daluyan ng kaalaman, gabay, at inspirasyon sa kanyang mga mag-aaral. Tulad din ng ulap na patuloy na gumagalaw at nagbabago, sumasalamin ito sa isang g**ong patuloy na natututo, umuunlad, at umaangkop sa bawat henerasyon.

Sa bawat talakayan, higit pa sa mga konsepto tungkol sa kasaysayan, pamahalaan, lipunan, at kultura ang naibabahagi ni Ma’am Claudine. Naipauunawa rin ang kahalagahan ng mapanuring pag-iisip, malalim na pag-unawa, at pagiging responsableng bahagi ng lipunan.

Bilang isa sa mga g**o ng Araling Panlipunan, ang kanyang husay at dedikasyon ay nagsisilbing inspirasyon sa mga mag-aaral at sa mga naghahanda ring tahakin ang landas ng pagtuturo.

Nawa’y maging makabuluhan ang panibagong yugto ng iyong buhay, puno ng pagpapala, tagumpay, kaligayahan, mabuting kalusugan, at mga bagong pagkakataong patuloy na makapagbigay ng kaalaman at inspirasyon.

Mula sa Pamilya Medyor sa Araling Panlipunan, taos-pusong pagbati ng Maligayang Kaarawan, Ma’am Claude! Nawa’y patuloy na maging tulad ng ulap—malayang naglalakbay, nagbibigay ng lilim, at nagdadala ng panibagong buhay at pag-asa saan man mapunta.

✒️ | Rizalyn Trinidad
💻 | Jewel Anne Ansino

Address

San Jose Del Monte
3023

Website

facebook.com

Alerts

Be the first to know and let us send you an email when Students with Historical Identity Endowed with Leadership and Dignity posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Students with Historical Identity Endowed with Leadership and Dignity:

Want your organization to be the top-listed non profit organization in San Jose del Monte?

Students with Historical Identity Endowed with Leadership and Dignity

22/09/2026

15/09/2026

01/09/2026

01/09/2026

31/08/2026

31/08/2026

31/08/2026

30/08/2026

30/08/2026

26/08/2026

Address

Website

Alerts

Contact The Organization

Shortcuts

Share

Category

Listing takedown request