Ang ZAMBAGANI: Makabagong Bayani ng Zambales ay binubuo ng mga kabataan volunteer na nagmula sa ibat-ibang mga adbokasiya at organisasyon sa probinsiya ng Zambales. Ito ay nabuo mula sa isinagawang programa at pagsasanay para sa mga kabataan ng YouthLed-Central Luzon sa tulong ng USAID at The Asia Foundation noong Hulyo 27-29, 2022. Layunin ng grupo na maging parte sa pagtugon sa mga mahahalagang
isyu ng bayan na may kinalaman sa edukasyon, kalusugan, agrikultura at seguridad sa pagkain. Maliban dito, nais din ng grupo na maitaas ang antas ng kamalayan at pakikilahok ng mga kapwa kabataan sa usaping politikal at gawaing sibil na nakatutulong at nakakaapekto sa pagunlad ng ating probinsiya at buhay ng mga tao. Ang pagpapatuloy sa pagpapaunlad at pagpapalawak ng mga nabuong youth coalitions ay isang napakahalagang hakbangin para sa pag-abot at paghubog ng iba pang mga kabataan na may natatanging puso at kakayahan sa paglilingkod para sa kanilang mga kaniya-kaniyang komunidad at buong probinsiya ng Zambales.
