25/05/2026
Noong panahon ng paninilbihan ni Dr. Edzel Lonzanida bilang Alkalde ng Bayan ng San Antonio, isang adhikain ang nabuo mula sa pusong tunay na nagmamalasakit sa kapwa. Kasama ang kanyang maybahay at founder ng organisasyon na si Dra. Monet Lonzanida, isinilang ang Arugang Pambata Organization, isang samahang itinayo hindi para sa pagkilala, kundi para maging sandigan ng mga nangangailangan.
Sa bawat medical mission, dental mission, libreng tuli, relief operation, pagtulong sa mga evacuees, at pag-aaruga sa mga maysakit at bedridden sa kanilang tahanan, dala nila ang iisang layunin, ang magbigay ng pag-asa at malasakit sa bawat pamilyang kanilang naaabot.
Hindi man madali ang landas ng paglilingkod, pinatunayan ng Arugang Pambata Organization na kapag ang puso ay handang tumulong, walang imposible sa pagbibigay ng pag-asa sa komunidad.
đź’š Dahil ang tunay na serbisyo ay hindi nasusukat sa salita, kundi sa gawa.
đź’š At ang bawat munting tulong ay maaaring maging malaking pagbabago sa buhay ng isang tao.
Arugang Pambata
