https://www.facebook.com/111297535399129/

Sangguniang Kabataan West Daan Bago

Home
Philippines
Samal
Sangguniang Kabataan West Daan Bago

Directions

Makabagong Kabataan. Makabagong SK West Daan Bago!

07/08/2026

Magandang hapon, mga magulang, volunteers, at mga mag-aaral.

Dahil sa patuloy na masamang panahon at para sa kaligtasan ng lahat, kanselado po ang ating Project GABAY Week 4 bukas, August 8.

Ang kaligtasan ng bawat isa ang ating pangunahing prayoridad. Maghihintay na lamang po tayo ng susunod na anunsyo hinggil sa magiging bagong iskedyul ng ating sesyon.

Magkita-kita po tayo sa susunod na linggo para sa isa na namang makabuluhang pagkatuto!

01/08/2026

𝙏𝙖𝙩𝙡𝙤𝙣𝙜 𝙡𝙞𝙣𝙜𝙜𝙤 𝙣𝙖 𝙣𝙜 𝙥𝙖𝙜𝙠𝙖𝙩𝙪𝙩𝙤, 𝙥𝙖𝙜𝙡𝙞𝙡𝙞𝙣𝙜𝙠𝙤𝙙, 𝙖𝙩 𝙥𝙖𝙜𝙗𝙞𝙗𝙞𝙜𝙖𝙮 𝙥𝙖𝙜-𝙖𝙨𝙖.

Matagumpay nating nasagawa ang Week 3 ng Project GABAY! Sa bawat aralin, tawanan, at munting tagumpay ng ating mga mag-aaral, lalo nating napapatunayan na ang edukasyon ay tunay na nagiging mas makabuluhan kapag ito ay ibinabahagi nang may puso.

Maraming salamat sa ating masisipag na volunteers, mga magulang, at higit sa lahat, sa ating mga batang masigasig na matuto. Kayo ang inspirasyon kung bakit patuloy nating isinusulong ang proyektong ito.

Patuloy nating gabayan ang kabataan tungo sa mas maliwanag na kinabukasan—isang aralin, isang pangarap, at isang hakbang sa bawat Sabado.

Maraming salamat din sa ating mga naging katuwang sa linggo na ito:

SB Members
Ma’am Zyra Factoran
Ma’am Rachel Anne Almazan
Ma’am Nicole Ann Reyes

25/07/2026

𝙄𝙨𝙖𝙣𝙜 𝙡𝙞𝙣𝙜𝙜𝙤 𝙣𝙖 𝙣𝙖𝙢𝙖𝙣 𝙣𝙜 𝙥𝙖𝙜𝙠𝙖𝙩𝙪𝙩𝙤, 𝙥𝙖𝙜𝙩𝙪𝙩𝙪𝙡𝙪𝙣𝙜𝙖𝙣, 𝙖𝙩 𝙢𝙖𝙨𝙖𝙨𝙖𝙮𝙖𝙣𝙜 𝙖𝙡𝙖𝙖𝙡𝙖 𝙖𝙣𝙜 𝙣𝙖𝙩𝙖𝙥𝙤𝙨 𝙨𝙖 𝙋𝙧𝙤𝙟𝙚𝙘𝙩 𝙂𝘼𝘽𝘼𝙔.

Maraming salamat sa ating mga volunteer teachers, mga magulang, at sa ating masisipag na learners na patuloy na nagbibigay ng oras, sipag, at dedikasyon. Kayo ang dahilan kung bakit patuloy na nagiging matagumpay ang Project GABAY.

Hanggang sa susunod na linggo—mas marami pang matututuhan, mas marami pang pangarap ang ating tutulungan na maabot.

Maraming salamat din sa ating mga naging katuwang sa programang ito:

- Samal North Elementary School
- ALS Samal
- Sir Felmar Magpoc

19/07/2026

𝙉𝙖𝙠𝙞𝙠𝙞𝙞𝙨𝙖 𝙖𝙣𝙜 𝙎𝙖𝙣𝙜𝙜𝙪𝙣𝙞𝙖𝙣𝙜 𝙆𝙖𝙗𝙖𝙩𝙖𝙖𝙣 𝙣𝙜 𝘽𝙖𝙧𝙖𝙣𝙜𝙖𝙮 𝙒𝙚𝙨𝙩 𝘿𝙖𝙖𝙣 𝘽𝙖𝙜𝙤 𝙨𝙖 𝙥𝙖𝙜𝙙𝙞𝙧𝙞𝙬𝙖𝙣𝙜 𝙣𝙜 𝙉𝙪𝙩𝙧𝙞𝙩𝙞𝙤𝙣 𝙈𝙤𝙣𝙩𝙝 2026 𝙣𝙖 𝙢𝙖𝙮 𝙩𝙚𝙢𝙖𝙣𝙜 “𝙉𝙪𝙩𝙧𝙞𝙨𝙮𝙤𝙣 𝙖𝙩 𝙆𝙖𝙡𝙞𝙠𝙖𝙨𝙖𝙣, 𝘼𝙩𝙞𝙣𝙜 𝙋𝙖𝙣𝙜𝙖𝙡𝙖𝙜𝙖𝙖𝙣!” 𝙨𝙖 𝙥𝙖𝙢𝙖𝙢𝙖𝙜𝙞𝙩𝙖𝙣 𝙣𝙜 𝙖𝙩𝙞𝙣𝙜 𝙀𝙘𝙤𝘼𝙧𝙖𝙡 𝙞𝙣𝙞𝙩𝙞𝙖𝙩𝙞𝙫𝙚.

Sa simpleng hakbang ng pagpapahalaga sa kalikasan at pagsusulong ng edukasyon, ipinapakita nating ang pangangalaga sa ating kapaligiran ay may mahalagang papel sa pagkakaroon ng sapat at masustansyang pagkain para sa lahat.

Patuloy nating isabuhay ang malasakit sa kalikasan at ang diwa ng pagkakaisa tungo sa isang mas malusog at mas luntiang kinabukasan.

18/07/2026

𝙋𝙧𝙤𝙟𝙚𝙘𝙩 𝙂𝘼𝘽𝘼𝙔, 𝙣𝙖𝙜 𝙨𝙞𝙢𝙪𝙡𝙖 𝙣𝙖! 𝙄𝙨𝙖𝙣𝙜 𝙢𝙖𝙠𝙖𝙗𝙪𝙡𝙪𝙝𝙖𝙣𝙜 𝙨𝙞𝙢𝙪𝙡𝙖 𝙥𝙖𝙧𝙖 𝙨𝙖 𝙖𝙩𝙞𝙣𝙜 𝙢𝙜𝙖 𝙠𝙖𝙗𝙖𝙩𝙖𝙖𝙣! 💙

Ngayong unang araw ng Project GABAY (Guided Academic Bridge for Advancing Youth), sama-sama nating sinimulan ang isang paglalakbay tungo sa mas mahusay na pagkatuto, paglinang ng kakayahan, at paghahanda para sa mas maliwanag na kinabukasan.

Maraming salamat sa ating mga volunteer teachers, partners, magulang, at higit sa lahat sa ating mga masisipag na mag-aaral na naging bahagi ng unang araw ng programang ito. Nawa’y magsilbi itong inspirasyon upang patuloy tayong matuto, mangarap, at magtagumpay.

Maraming salamat sa ating naging partners sa programang ito:

Hon. Alexander Acuzar- Municipal Mayor
Hon. Ronnie Ortiguerra- Municipal Vice Mayor
Hon. Reynaldo C. Lastimosa- Punong Barangay
3RA Office and School Supplies Trading

17/07/2026

Bukas na ang simula ng isang makabuluhang paglalakbay! 💙

Inaanyayahan namin ang lahat na makiisa sa Kick-Off Program ng Project GABAY ngayong 8:00 AM. Isang programang naglalayong gabayan, suportahan, at bigyang-inspirasyon ang ating mga kabataan tungo sa mas maliwanag na kinabukasan sa pamamagitan ng edukasyon.

Sama-sama nating ipakita na ang bawat kabataan ay may kakayahang umunlad kapag may tamang gabay at oportunidad.

12/07/2026

𝙋𝙧𝙤𝙟𝙚𝙘𝙩 𝙂𝘼𝘽𝘼𝙔, 𝙢𝙖𝙜𝙨𝙞𝙨𝙞𝙢𝙪𝙡𝙖 𝙣𝙖 𝙨𝙖 𝙃𝙪𝙡𝙮𝙤 18!

Sa pagsisimula ng Project GABAY (Guided Academic Bridge for Advancing Youth), layunin nating bigyang-lakas ang ating mga kabataan sa pamamagitan ng libreng akademikong suporta, mentorship, at makabuluhang pagkatuto tuwing Sabado, 8am-12pm.

Kilalanin ang mga Teacher Volunteers at Youth Volunteer na makakasama ninyo tuwing Sabado sa ating libreng tutoring program.

- Mr. Albert J. Mallari- Teacher Volunteer
- Mr. Allen Miguel B. Mallari- Teacher Volunteer
- Ms. Joyce Cassandra Señora- Teacher Volunteer
- Ms. Airish Obeña- Teacher Volunteer
- Ms. Darlene Ann Tarroza- Teacher Volunteer
- Ms. Luciasole Caproli- Youth Volunteer

20/06/2026

𝙎𝙪𝙨𝙩𝙖𝙞𝙣𝙖𝙗𝙡𝙚 𝘿𝙚𝙫𝙚𝙡𝙤𝙥𝙢𝙚𝙣𝙩 𝙂𝙤𝙖𝙡𝙨 4 𝙖𝙩 12, 𝙥𝙧𝙖𝙮𝙤𝙧𝙞𝙙𝙖𝙙 𝙨𝙖 𝙋𝙧𝙤𝙜𝙧𝙖𝙢𝙖𝙣𝙜 “𝙏𝙞𝙣𝙙𝙖𝙝𝙖𝙣 𝙣𝙞 𝙎𝙆: 𝙀𝙘𝙤𝘼𝙧𝙖𝙡”

Sa loob lamang ng isang linggo mula nang ilunsad ang programang “Tindahan ni SK: EcoAral,” nakalikom na tayo ng humigit-kumulang 600 𝙋𝙇𝘼𝙎𝙏𝙄𝘾 𝘽𝙊𝙏𝙏𝙇𝙀𝙎 na ipinagpalit para sa libreng school supplies!

Sa tulong ng ating mga kabataan, patuloy nating naisasakatuparan ang dalawang mahalagang layunin: ang pagsuporta sa edukasyon ng mga mag-aaral at ang pagtataguyod ng responsableng pangangalaga sa ating kapaligiran. Ang bawat bote na naibibigay ay hindi lamang nakababawas ng basura, kundi nagiging daan din upang makatulong sa mga estudyanteng nangangailangan ng school supplies.

Patunay ito na sa simpleng pagkilos ng bawat isa, maaari tayong makalikha ng positibong pagbabago para sa ating komunidad para sa edukasyon, at para sa mas responsableng paggamit at pamamahala ng mga materyales.

Tuloy-tuloy ang ating Tindahan ni SK: EcoAral!

Para sa mga nais magbigay ng donasyon upang maging mas sustainable ang programa, maaari pong makipag-ugnayan sa ating mga SK Officials o kay SK Chairperson Allen Miguel Mallari.

14/06/2026

𝙏𝙞𝙣𝙙𝙖𝙝𝙖𝙣 𝙣𝙞 𝙎𝙆: 𝙀𝙘𝙤𝘼𝙧𝙖𝙡

“𝙄𝙨𝙖𝙣𝙜 𝙗𝙤𝙩𝙚, 𝙞𝙨𝙖𝙣𝙜 𝙝𝙖𝙠𝙗𝙖𝙣𝙜 𝙩𝙪𝙣𝙜𝙤 𝙨𝙖 𝙢𝙖𝙨 𝙢𝙖𝙡𝙞𝙣𝙞𝙨 𝙣𝙖 𝙠𝙖𝙥𝙖𝙡𝙞𝙜𝙞𝙧𝙖𝙣 𝙖𝙩 𝙢𝙖𝙨 𝙢𝙖𝙡𝙞𝙬𝙖𝙣𝙖𝙜 𝙣𝙖 𝙠𝙞𝙣𝙖𝙗𝙪𝙠𝙖𝙨𝙖𝙣!”

Matagumpay na binuksan ng Sangguniang Kabataan West Daan Bago ang “Tindahan ni SK: EcoAral”, isang programang naglalayong pagsamahin ang pangangalaga sa kalikasan at pagsuporta sa edukasyon ng ating mga kabataan!

Sa pamamagitan ng pagpapalit ng mga ginamit na plastic bottles, maaaring makatanggap ng libreng school supplies ang mga kabataang mag-aaral, na makatutulong upang mabawasan ang kanilang gastusin ngayong pasukan. Kasabay nito, makakalikom tayo ng mga recyclable materials na makatutulong sa pagpapanatili ng kalinisan ng ating komunidad.

Lubos ang aming pasasalamat sa lahat ng nakiisa at sumuporta sa programang ito. Maraming salamat sa Barangay West Daan Bago Council sa pangunguna ng ating Punong Barangay Hon. Reynaldo C. Lastimosa.

Bawat bote na inyong ipagpapalit ay magiging simbolo ng pag-asa, edukasyon, at responsibilidad para sa ating kapaligiran.

Bilang mga lider na naniniwala na walang kabataan ang maiiwan, aming bubuksan ang programa na ito para sa lahat ng kabataan sa ibang barangay.

Ang Tindahan ni SK ay bukas mula Lunes hanggang Biyernes (5pm-8pm), Sabado at Linggo (10am-5pm).

Address

Samal
2113

Website

facebook.com

Alerts

Be the first to know and let us send you an email when Sangguniang Kabataan West Daan Bago posts news and promotions. Your email address will not be used for any other purpose, and you can unsubscribe at any time.

Want your organization to be the top-listed non profit organization in Samal?