RHU Saguday

01/09/2026

Isang malaking pagpupugay at pagbati sa ating Bayan ng Saguday! 🎉👏

​Lubos nating ipinagmamalaki ang tagumpay ng Municipality of Saguday matapos makamit ang 98.11% sa ginanap na MR SIA Vaccination 2026! Ang tagumpay na ito ay patunay ng ating pagkakaisa at dedikasyon para sa kalusugan at kaligtasan ng ating mga anak laban sa Measles at Rubella. 💉🛡️

Ang tagumpay na ito ay hindi magiging posible kung wala ang ating mga bayani ng kalusugan at pamayanan. Taos-pusong pasasalamat at pagkilala ang ating ipinaabot sa pangunguna nina Dr. Angeline Louise Villar at Dr. Katrina Llapitan, kasama ang ating masisipag na Human Resources for Health (HRH) sa bawat barangay at mga RHU personnel na walang sawang naglingkod at nag-ikot upang maghatid ng proteksyon.

Ganundin sa ating butihing Punong Bayan, Hon. Jerry M. Pagbilao, at sa buong Lokal na Pamahalaan para sa kanilang walang humpay na suporta at pamumuno sa mga programang pangkalusugan.

Saludo rin tayo sa ating mga masisipag na Barangay Captains, Barangay Kagawad, Barangay Nutrition Scholars (BNS), at Barangay Health Workers (BHW) na naging katuwang sa pagpapalaganap ng tamang impormasyon at pag-aassist para sa maayos na programa.

At higit sa lahat, sa ating mga mapagkalingang magulang, maraming salamat sa inyong buong-pusong tiwala at pakikipagtulungan sa pagpiling protektahan ang inyong mga anak sa pamamagitan ng Measles-Rubella Vaccine.
​Dahil sa ating sama-samang pagkilos, mas ligtas at higit na protektado ang kinabukasan ng ating mga chikiting! Isang dakilang tagumpay para sa BAYANG MAHUSAY! 💙💉

Photo credit: DOH Cagayan Valley
https://www.facebook.com/share/18T8YUw9XF/

​

01/09/2026

22/08/2026

USAPANG BAKUNA! 📢💉

Ang MR-SIA (Measles-Rubella Supplemental Immunization Activity) ay isang kampanya ng pagbabakuna na nagbibigay ng karagdagang proteksiyon para sa mga batang edad 6 hanggang 59 na buwan. Layunin nitong mas palakasin ang kanilang resistensya laban sa tigdas at rubella upang maiwasan ang pagkalat ng mga sakit na ito.

Kahit nakatanggap na ang ating anak ng MR vaccine dati o noong June, maaari pa rin silang makatanggap ng supplemental dose kung sila ay pasok sa target age group. 🛡️👶

✨ May alinlangan ka pa ba, Mommy at Daddy?�Kumonsulta sa pinakamalapit na health center o sa inyong private pediatrician para sa tamang impormasyon at gabay.

22/08/2026

𝐌𝐌𝐑 𝐚𝐭 𝐌𝐑: 𝐀𝐧𝐨 𝐚𝐧𝐠 𝐏𝐢𝐧𝐚𝐠𝐤𝐚𝐢𝐛𝐚?

Alam mo ba na magkaiba ang gamit ng MMR at MR vaccines?

Ang MMR (Measles-Mumps-Rubella) ay bahagi ng routine immunization schedule at nagbibigay ng regular na proteksyon laban sa tigdas, beke, at rubella. Samantala, ang MR (Measles-Rubella) ay ginagamit sa Special Immunization Activities (SIA), lalo na kapag may outbreak o banta ng outbreak, upang mabilis na mapalawak ang proteksyon ng komunidad.

Kaya kahit nabakunahan na ng MMR ang iyong anak, maaaring kailanganin pa rin ang MR vaccination kapag may isinasagawang SIA.

Magkaiba ang gamit nila—pareho silang mahalaga sa pagbibigay ng proteksyon laban sa measles at rubella.

Para sa tamang impormasyon tungkol sa bakuna, kumonsulta sa inyong BHW, midwife, nurse, o iba pang health worker.

Piliin ang tamang impormasyon. Piliin ang proteksyon. Sama-sama nating panatilihing Ligtas ang Tigdas!

15/08/2026

FACTS OVER FEAR: Ligtas ang Bawat Turok 💉

Sa gitna ng patuloy na pagkalat ng maling impormasyon online, ipinapaalala sa publiko na huwag agad maniwala sa hindi beripikadong balita.

Ang Measles-Rubella (MR) vaccine ay ligtas, libre, at epektibo. Lahat ng bakuna ay dumadaan sa mahigpit at masusing pagsusuri upang tiyakin ang kaligtasan at proteksyon ng ating mga anak.

Para sa tamang impormasyon, makipag-ugnayan sa pinakamalapit na Health Center sa inyong lugar!

14/08/2026

14/08/2026

Pangangalaga mula sa Unang Patak! 🤱✨

​Ngayong buwan ng Agosto, kaisa kami sa pagpaparangal at pagsuporta sa bawat inang nagbibigay ng pinakasariwa at pinakamasustansyang gatas para sa kanilang mga anak.

​Ang pagpapasuso ay hindi lamang pagpapakain—ito ay pagmamahal, proteksyon, at magandang simula para sa malusog na kinabukasan ng ating mga sanggol.

​🤱 Sama-sama nating suportahan ang ating breastfeeding moms!

​

13/08/2026

Marami ang nalilito kung pareho lang ba ang MR and MMR at kailan ito dapat binibigay 🤔

𝐌𝐑 = 𝐌𝐞𝐚𝐬𝐥𝐞𝐬 + 𝐑𝐮𝐛𝐞𝐥𝐥𝐚
MR vaccine protects against measles (tigdas) and rubella (tigdas hangin)

𝐌𝐌𝐑 = 𝐌𝐞𝐚𝐬𝐥𝐞𝐬 + 𝐌𝐮𝐦𝐩𝐬 + 𝐑𝐮𝐛𝐞𝐥𝐥𝐚
May measles and rubella din PERO may additional protection against mumps (beke)

Ang ROUTINE measles-containing vaccines (measles or MMR) ay naka-schedule ibigay sa local health centers at 9 months and 1 year old.

PERO pwedeng ibigay ang measles-containing vaccines 𝐚𝐬 𝐞𝐚𝐫𝐥𝐲 𝐚𝐬 𝟔 𝐦𝐨𝐧𝐭𝐡𝐬 in case of an outbreak. Meaning, pwede siya matanggap starting 6 months old.

𝐒𝐨 𝐝𝐨𝐜, 𝐜𝐨𝐦𝐩𝐥𝐞𝐭𝐞 𝐧𝐚𝐦𝐚𝐧 𝐧𝐢 𝐛𝐚𝐛𝐲 𝐚𝐧𝐠 𝐦𝐞𝐚𝐬𝐥𝐞𝐬-𝐜𝐨𝐧𝐭𝐚𝐢𝐧𝐢𝐧𝐠 𝐯𝐚𝐜𝐜𝐢𝐧𝐞 𝐧𝐮𝐧𝐠 𝟗 𝐦𝐨𝐧𝐭𝐡𝐬 𝐚𝐧𝐝 𝟏 𝐲𝐞𝐚𝐫 𝐨𝐥𝐝 𝐬𝐢𝐲𝐚. 𝐁𝐚𝐤𝐢𝐭 𝐩𝐚 𝐤𝐚𝐢𝐥𝐚𝐧𝐠𝐚𝐧 𝐬𝐮𝐦𝐚𝐥𝐢 𝐬𝐚 𝐒𝐈𝐀? 🤨

👉🏻 Routine vaccination = protection for your child.

👉🏻 SIA = protection for your child AND the community.

Ang supplemental immunization activity ay ginagawa para mapataas ang immunity ng maraming bata sa isang target age group. In this case, for children 6 months-59 months old.

Isa itong napakaimportanteng public health strategy dahil ang tigdas ay mabilis makahawa.

𝐒𝐚 𝟏𝟎 𝐛𝐚𝐭𝐚𝐧𝐠 𝐰𝐚𝐥𝐚𝐧𝐠 𝐛𝐚𝐤𝐮𝐧𝐚 𝐤𝐨𝐧𝐭𝐫𝐚 𝐭𝐢𝐠𝐝𝐚𝐬, 𝟗 𝐚𝐧𝐠 𝐩𝐰𝐞𝐝𝐞𝐧𝐠 𝐦𝐚𝐤𝐚𝐤𝐮𝐡𝐚 𝐧𝐠 𝐬𝐚𝐤𝐢𝐭 𝐧𝐚 𝐢𝐭𝐨.

𝐀𝐭 𝐬𝐚 𝐛𝐚𝐰𝐚𝐭 𝐢𝐬𝐚𝐧𝐠 𝐭𝐚𝐨𝐧𝐠 𝐦𝐚𝐲 𝐭𝐢𝐠𝐝𝐚𝐬, 𝐩𝐰𝐞𝐝𝐞𝐧𝐠 𝐦𝐚𝐤𝐚𝐡𝐚𝐰𝐚 𝐧𝐠 𝐡𝐢𝐠𝐢𝐭 𝐤𝐮𝐦𝐮𝐥𝐚𝐧𝐠 𝟏𝟐-𝟏𝟖 𝐤𝐚𝐭𝐚𝐨.

Imagine kung lahat din nung 12-18 katao na yun ay walang bakuna, gaano na lang kabilis kakalat ang tigdas! 😰