XFM SAGAY 875

XFM SAGAY 875 Owned by Remelito Ytang Uy of Y2H Broadcasting Network Incorporated.

APPLIANCE COLLECTOR, NADAKPAN SA BUY-BUST SA SAGAY CITY; P408K NGA SHABU, NAKUMPISKARNadakpan ang isa ka ginakabig nga h...
20/08/2026

APPLIANCE COLLECTOR, NADAKPAN SA BUY-BUST SA SAGAY CITY; P408K NGA SHABU, NAKUMPISKAR

Nadakpan ang isa ka ginakabig nga high-value individual sa buy-bust operation sang kapulisan pasado alas-10:50 sang aga, Agosto 19, sa Purok 1, Barangay Poblacion 1, Sagay City, Negros Occidental.

Ginkilala ang suspek sa alyas nga “Babyboy,” 30 anyos, single, appliance collector kag residente sang Purok Lambonao, Barangay Tadlong, Sagay City.

Nakuha sa operasyon ang ginabulubanta nga 60 gramos sang ginasuspetsahan nga shabu nga may standard drug price nga P408,000.

Suno sa Police Regional Office Negros Island Region, nakabaton ang Sagay City Police Station kag Negros Occidental Police Provincial Office sang impormasyon halin sa confidential informant nga nagaapil sa pagbaligya sang ilegal nga droga ang suspek.

Sa ginpatigayon nga surveillance, gin-alegar nga nagakuha ang suspek sang shabu sa Bacolod City kag ginadala ini sa Sagay para ibaligya sa iya mga customer.

Paagi sa bulig sang confidential informant, napahamtang ang buy-bust operation kag nadakpan ang suspek matapos ginhatag niya sa poseur-buyer ang duha ka heat-sealed plastic sachet nga may ginasuspetsahan nga shabu kapalit sang buy-bust money.

Narekober man ang isa ka knot-tied plastic nga may ginasuspetsohan nga shabu kag isa ka P1,000 nga buy-bust money.

Ginmarkahan, gin-imbentaryo kag gin-dokumento sang kapulisan ang mga nakuha nga ebidensya suno sa Section 21 sang Republic Act 9165.

Ang mga nakuha nga droga ipadala sa Negros Occidental Provincial Forensic Unit para sa laboratory examination, samtang ang suspek yara sa kustodiya sang Sagay Component City Police Station para sa nagakaigo nga kaso sa idalom sang RA 9165.

20/08/2026

BARANGAY POBLACION 2 SA SYUDAD SANG SAGAY NAGBAKAL SANG GENERATOR KAG WATER PUMP GAMIT ANG P100K NGA AYUDA GIKAN KAY PBBM

Congratulations, DE LUNA DUEÑAS! Madamo gidnga salamat sa imo pag intra sa Gold Eagle BeerPremyo sa Tansan Promo.Bantayi...
20/08/2026

Congratulations, DE LUNA DUEÑAS! Madamo gid
nga salamat sa imo pag intra sa Gold Eagle Beer
Premyo sa Tansan Promo.

Bantayi sa sini nga page ang masunod nga mga nag
dala ug sang ₱5,000 cash!

Drink Responsibly.

20/08/2026

333 KA RESIDENTE SANG POBLACION 2, NAKABATON SANG 10 KA KILO NGA BUGAS

Natapos na kahapon, Agosto 19, ang ikaduha nga tranche sang rice subsidy program sa Barangay Poblacion 2, Sagay City, nga ginpatigayon sang lokal nga gobyerno sang Sagay kaupod ang National Government.

Suno kay Punong Barangay Maria Victoria Duran, 333 ka recipients sa barangay ang nakabaton sang tig-10 ka kilo nga bugas.

Ginpahayag man ni Duran nga sa Setyembre naman pagapatigayunon ang ikatatlo nga tranche sang programa para sa mga benepisyaryo.

20/08/2026

KAPUNAN, GUSTO NGA SA HAPON PATIGAYUNON ANG IMPEACHMENT TRIAL

Mas ginapaboran ni Prosecution Counsel Atty. Lorna Kapunan nga alas-3:00 sang hapon magsugod ang impeachment trial ni Vice President Sara Duterte.

Suno sa iya, makahatag ini sang tion sa mga senador nga mahimo anay ang ila legislative work antes mag-umpisa ang hearing.

Ginpahayag man ni Kapunan nga mas maayo kon diretso nga matapos ang pagtestigo sang isa ka witness sa tion sang hearing kag indi ini madugay tungod sa pagpauntat.

Labi na ini para sa mga hostile witness, agud matapos sa isa ka setting ang direct examination, cross-examination, redirect kag recross-examination.

Madumduman nga ginduso ni Senator-judge Migz Zubiri nga ibalhin sa hapon ang impeachment trial kag sa aga naman patigayunon ang sesyon sang Senado.

Apang wala pa sang ginpagwa nga pinal nga desisyon si Presiding Officer Chiz Escudero parte sa oras sang pagpatigayon sang trial.

BARANGAY POBLACION 2 SA SYUDAD SANG SAGAY NAGBAKAL SANG GENERATOR KAG WATER PUMP GAMIT ANG P100K NGA AYUDA GIKAN KAY PBB...
20/08/2026

BARANGAY POBLACION 2 SA SYUDAD SANG SAGAY NAGBAKAL SANG GENERATOR KAG WATER PUMP GAMIT ANG P100K NGA AYUDA GIKAN KAY PBBM

Gin-gamit sang Barangay Poblacion 2, Sagay City ang P100,000 nga bahin sang ila nabaton nga ayuda para sa pagbakal sang generator kag water pump, suno kay Punong Barangay Maria Victoria Duran.

Suno kay Duran, daku nga bulig ang generator sa barangay ilabi na kon may brownout, bangod nagapadayon ang trabaho sa opisina sang barangay bisan wala kuryente.

Ang nabilin nga bahin sang pondo gin-gamit naman sa pagbakal sang water pump nga mahimo magamit kon may kalamidad ukon problema sa suplay sang tubig.

Paagi sa amo nga mga gamit, ginpahayag ni Duran nga may madali nga magamit ang barangay para sa ila adlaw-adlaw nga operasyon kag para man sa kinahanglanon sang mga residente.

Sa pihak nga bahin, may P100,000 man nga pondo ang ginpaambit sa lima ka college student. Tig-P20,000 ang nabaton sang kada isa.

Congratulations, Jan Riven Catoto! Madamo gidnga salamat sa imo pag intra sa Gold Eagle BeerPremyo sa Tansan Promo.Banta...
20/08/2026

Congratulations, Jan Riven Catoto! Madamo gid
nga salamat sa imo pag intra sa Gold Eagle Beer
Premyo sa Tansan Promo.

Bantayi sa sini nga page ang masunod nga mga nag
dala ug sang ₱5,000 cash!

Drink Responsibly.

20/08/2026

MGA ESKWELAHAN, PADAL-AN SANG DUGANG NGA BANTAY MATAPOS ANG ATENEO SHOOTING

Magapakig-upod ang DepEd kag DILG sa pagdugang sang seguridad sa mga eskwelahan kasunod sang mga nagluntad nga shooting incident.

Suno kay DepEd Secretary Sonny Angara, mas palakason ang pagpatrolya sang mga pulis sa mga eskwelahan kag magabulig man ang mga Barangay Tanod sa pagbantay sa palibot sini.

Ginsiling man ni Angara nga ang magagmay nga eskwelahan nga wala sang security guard pagahatagan man sang tanod nga magabantay sa lugar.

Ini nga tikang nag-abot matapos ang pagpangluthang sa Ateneo de Zamboanga University sang Agosto 18, diin duha ka tawo ang napatay, lakip ang ginasuspetsahan nga nagluthang.

Padayon ang koordinasyon sang DepEd kag DILG para mapabilin nga luwas ang mga estudyante kag mga personnel sa sulod kag palibot sang eskwelahan.

PETSA SANG IMPEACHMENT TRIAL NI VP SARA, POSIBLE LIWATON BANGUD SA DELAYPosible nga mausab ang mga petsa sang impeachmen...
20/08/2026

PETSA SANG IMPEACHMENT TRIAL NI VP SARA, POSIBLE LIWATON BANGUD SA DELAY

Posible nga mausab ang mga petsa sang impeachment trial ni Vice President Sara Duterte bangud sa pagkaantala sang mga proceedings.

Suno kay Senate Impeachment Court Spokesperson Atty. Reginald Tongol, nadugayan na sang duha tubtob tatlo ka adlaw ang trial bangud sa pila ka pagkanselar sini tungod sa malain nga panahon.

Nagalawig man sing mas malawig sa ginapaabot ang pagtestigo sang mga witness, nga kuntani isa lang ka adlaw pero nag-abot sa tubtob tatlo ka adlaw.

Bangud sini, ginatan-aw sang Senate Impeachment Court ang pag-adjust sang schedule sang prosecution kag defense.

Isa sa mga ginakonsiderar amo ang pagpatigayon sang hearing sa Huwebes, Byernes kag Sabado agud mabawi ang mga adlaw nga nakanselar.

GUTEZA, GINBAWI ANG SALAYSAY NGA NAGDELIVER SANG MINALETA NGA KWARTA KAY ROMUALDEZGinbawi ni Orly Guteza, nga nagpakilal...
20/08/2026

GUTEZA, GINBAWI ANG SALAYSAY NGA NAGDELIVER SANG MINALETA NGA KWARTA KAY ROMUALDEZ

Ginbawi ni Orly Guteza, nga nagpakilala anay bilang security aide ni former Congressman Zaldy Co, ang iya ginhambal sa Senate Blue Ribbon Committee nga nag-deliver sia sang minaleta nga kwarta sa balay ni anay House Speaker Martin Romualdez.

Sa iya sworn affidavit nga napetsahan Agosto 13, 2026, ginsiling ni Guteza nga sanday Sen. Rodante Marcoleta kag former Congressman Mike Defensor ang mga rason nga nagdul-ong sa iya nga magtestigo sa Senado sang una.

Tubtob subong, wala pa sang pahayag sanday Marcoleta kag Defensor parte sa ginpahayag ni Guteza.

Sila yara sa kustodiya bangud sa kaso nga non-bailable plunder.

Address

2nd Floor, Feliza Building, Poblacion 2
Sagay City
6122

Website

Alerts

Be the first to know and let us send you an email when XFM SAGAY 875 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category