Barangay Project 6 Persons with Disability Association

28/04/2026

‼️‼️‼️ Heads up, guardians ng mga children with disabilities!‼️‼️‼️

28/04/2026

More planning and we ended the day with more concrete steps for activities para sa ating mga kabarangay na PWDs! Please stay tuned as we share details in the coming days. Magsimula tayo sa mga PWD small business owners. 😍

27/04/2026

Para sa lahat ng ina, ama at mga caregivers ng mga may autism, mahigpit na group hug sa ating lahat! Hindi ka nagiisa! 🥰

This , we salute ausome parents and caregivers whose love, care, and patience never end.

27/04/2026

Isang makabuluhang pagpupulong kasama ang ating barangay livelihood committe head Kagawad Lani —at masasabi naming simula pa lang ito. 💡

May mga plano nang hinuhubog, may mga oportunidad na binubuksan, at mas lalo pa kaming nae-excite para sa ating PWD community.

25/04/2026

Dumalo po kami sa Barangay Assembly ngayong araw, at ikinagagalak naming marinig ang mga ulat tungkol sa iba’t ibang programang naisagawa para sa kapayapaan, kaayusan, at kaligtasan ng ating komunidad.

Mas lalo po kaming natuwa sa mga inisyatibong nakatuon sa iba’t ibang sektor—kabataan, LGBTQIA+, kababaihan, senior citizens, at siyempre, ang sektor ng PWD.

Maraming salamat po sa ating Punong Barangay, mga Kagawad, at sa PWD Point Person Teacher Honey sa patuloy ninyong serbisyo at malasakit.

Bilang mga PWD, naniniwala po kami na mahalaga pa rin ang aming ambag sa lipunan. Nagiging posible ito sa pamamagitan ng pagiging mulat, aktibo, at pakikibahagi sa mga ganitong gawain. Kasabay nito, isa rin po sa aming layunin bilang PWD Association ang mas mapalawak pa ang mga programa at aktibidad na nakalaan para sa aming sektor.

Maraming salamat po sa maayos na pagpupulong—at syempre, sa masarap na lugaw at lumpia! 🤭🥣

22/04/2026

Tara mga kapwa, PWDs ng Sais! Mahalagang updated tayo sa ating barangay!

MAHALAGANG PAUNAWA:

BARANGAY ASSEMBLY DAY (1st Semester - CY 2026)

Sa ngalan ng Sangguniang Barangay, amin pong hinihikayat ang lahat ng mga residente na makilahok sa gaganaping Barangay Assembly ngayong Sabado, April 25, 2026.

Layunin ng pagtitipon na ito na maipaabot sa publiko ang mga nagawa at gagawin pang mga proyekto ng ating lokal na pamahalaan, alinsunod sa mga alituntunin ng DILG.

Mga Detalye:

📅 Petsa: April 25, 2026
🕘 Oras: 9:00 AM (Registration)
📍 Lokasyon: Function Room, 2nd Flr., Multi-purpose Bldg. with Gymnasium

Inaasahan po namin ang inyong pakikiisa para sa isang mas maunlad at mapayapang barangay.

18/04/2026

Nagfood trip man kami sa Mcdo, marami rami rin kaming niluluto para sa mga kapwa PWDs ng Barangay Project 6! 👩‍🍳🫕😅 Excited na kami ishare ang mga susunod na mga pakulo. Abangan ang mga susunod na anunsyo!

11/04/2026

Mamaya na ito! 😍😍😍

OPISYAL NA PATALASTAS 📢

Ang Sangguniang Barangay ng Project 6, sa pakikipagtulungan ng Copylandia Foundation Inc., ay malugod na nag-aanyaya sa lahat ng ating mga residente para sa isang Community Yoga Session.

Layunin ng gawaing ito na isulong ang kalusugan at kagalingan ng ating katawan at kaisipan (physical and mental wellness) sa gitna ng ating mga pang-araw-araw na gawain.

🗓 PETSA: Abril 11, 2026 (Sabado)
🕒 ORAS: 2:30 PM – 4:30 PM
📍 LUGAR: 2F Function Room, Barangay Multi-Purpose Building (Road 8 cor. Road 7 Ext.)

MGA PAALALA SA MGA LALAHOK:

Magdala ng sariling Yoga Mat o malaking tuwalya.

Magdala ng Water Tumbler para sa hydration.

Magsuot ng Comfortable Clothing o angkop na damit pampalakasan.

PAANO MAG-REGISTER?

Para sa maayos na koordinasyon, ang lahat ng nagnanais lumahok ay pinakikiusapang mag-register sa link na nasa ibaba:

🔗 REGISTRATION LINK: https://docs.google.com/forms/d/e/1FAIpQLScbN_8hIMp_W25w3E7BonJeudASMLtylVI0MwmRq4kVj2-9Sg/viewform

Ang gawaing ito ay LIBRE at bukas para sa lahat. Inaasahan namin ang inyong pakikiisa para sa isang mas malusog at masiglang Barangay Project 6!

02/04/2026

Today is World Autism Awareness Day!

𝑾𝑶𝑹𝑳𝑫 𝑨𝑼𝑻𝑰𝑺𝑴 𝑨𝑾𝑨𝑹𝑬𝑵𝑬𝑺𝑺 𝑫𝑨𝒀 | Ngayong araw, ipinagdiriwang natin ang pagkakaiba-iba ng bawat isa, lalo na ang mga indibidwal na nasa autism spectrum.

Nakikiisa ang Pamahalaan ng Lungsod Quezon, sa pamamagitan ng Quezon City Persons with Disability Affairs Office, sa pagdiriwang ng World Autism Awareness Day ngayong araw. Patuloy nitong pinagtitibay ang mga programa at inisyatibo tungo sa mas maayos na kapakanan at inklusibong komunidad para sa mga persons with autism at kanilang mga pamilya.

Hinihikayat ang lahat na magbigay ng espasyo para sa pagtanggap at pag-unawa. Sa simpleng pakikinig, paggalang, at malasakit, nakakatulong tayong bumuo ng isang komunidad na tunay na inklusibo para sa lahat.

27/03/2026

‼️‼️‼️ Heads up, mga kapwa PWDs ng Project 6‼️‼️‼️

MAHALAGANG ANUNSYO:

BAGONG ORAS TANGGAPAN NG BARANGAY PROJECT 6

Alinsunod sa Quezon City Memorandum Circular No. 5, Series of 2026, ang ating barangay ay magpapatupad ng Compressed 4-Day Work Week at mga hakbang sa pagtitipid ng enerhiya simula ngayong LUNES, MARCH 30, 2026.

BAGONG SCHEDULE NG TANGGAPAN:

LUNES: Work-From-Home (SARADO ang Opisina para sa publiko).

Ipinatutupad ang "Power Down" sa gusali upang makatipid sa kuryente.

Para sa mga request o katanungan, mag-email sa: [email protected] O mag message sa page ng Barangay.

MARTES hanggang BIYERNES: BUKAS ang Tanggapan (8:00 AM – 5:00 PM)

Handang maglingkod para sa inyong mga personal na transaksyon at dokumento.

TULOY-TULOY NA SERBISYO:

Nais naming ipabatid na HINDI MAAAPEKTUHAN ang seguridad at kalinisan ng ating komunidad. Ang ating mga Barangay Tanod at Street Sweepers ay mananatili sa kanilang REGULAR NA DUTY.

PETRYOLYO AT ENERHIYA:

Maghihigpit din tayo sa paggamit ng mga sasakyan ng Barangay (Trip Consolidation) at pag-regulate ng aircon sa loob ng hall bilang pakikiisa sa green initiatives ng ating Lungsod.

MARAMING SALAMAT sa inyong pag-unawa para sa mas masigla at matipid na Quezon City!

Punong Barangay Hon. Ma. Cecilia Mercurio-Agcaoili at ang Sangguniang Barangay.

17/03/2026