Drug Foods and Beverage Workers

15/05/2026

BATO AT SARA, PANAGUTIN! MGA TUTA NG PASISTA AT MANDARAMBONG NA REHIMEN, WALANG TAKAS SA HUSTISYA!

Mariing kinokondena ng DFA-KMU ang garapal na pagpapakitang-gilas ni Bato dela Rosa sa Senado—isang desperadong pagtatangka upang iligtas si Sara Duterte sa pananagutan at hadlangan ang paniningil ng mamamayan sa kanilang mga krimen.

Maliwanag sa sambayanan: ang biglaang paglitaw at dramatikong paglabas ni Bato sa Senado ay isang palabas na idinirehe upang protektahan ang bulok na alyansa ng mga Duterte at ng kanilang mga kasabwat sa poder. Isa itong malinaw na patunay kung paano ginagamit ng mga naghaharing uri ang mga institusyon ng estado upang pagtakpan ang pagnanakaw sa kaban ng bayan at ang dugo ng libu-libong biktima ng madugong gera kontra mamamayan.

Habang ang masang anakpawis ay nilulunod sa mababang sahod, tumataas na presyo ng bilihin, matinding init, brownout, at lumalalang kahirapan, nagpapakasasa naman sina Sara at Bato sa kapangyarihan at pribilehiyong pinopondohan ng buwis ng sambayanan.

Hindi na ito simpleng usapin ng pulitika. Usapin ito ng hustisya. Usapin ito ng pananagutan. Usapin ito ng pakikibaka ng mamamayan laban sa pasismo, korapsyon, at kawalang pananagutan.

Hindi tayo dapat umasa sa bulok na sistema at sa mga trapo na magkakasabwat upang iligtas ang isa’t isa. Tanging ang malawak, militanteng pagkilos ng mamamayan ang tunay na magpapapanagot sa mga kriminal na ito.

Nanawagan ang DFA-KMU sa lahat ng manggagawa at mamamayan:
Palakasin ang pagkakaisa! Magkaisa at kumilos! Dalhin sa lansangan ang paniningil ng bayan!

Panagutin ang mga mandarambong at mamamatay-tao!
Sara, litisin!
Bato, arestuhin!
Hustisya para sa mga biktima!

SUMAMA SA PAGKILOS SA SENADO
MAY 18 | FILM CENTER @1:30PM

12/05/2026

BATO AT SENATORS NAGHAHANAP NG RESPETO. HABANG ANG SENADO NAGKAKANLONG NG KRIMINAL!

TARA✊

11/05/2026

Daming Drama pag sila ang my kaso at Krimen. Simple lang naman pag Kriminal, Dapat lang managot at Makulong.

Pag Mahirap, wala ng pagkakataon mag depensa Sarili, Kulong at patay agad.

Meanwhile, hindi parin Nakabubuhay sahod ng mga manggagawa. 1200 NAKABUBUHAY NA SAHOD, NATIONWIDE, NGAYON NA!

01/05/2026

Drug/Food and Allied Workers Federation (DFA-KMU), kasama sa pagkilos ngayong Mayo Uno!

Mabuhay ang Uring Manggagawa!

01/05/2026

28/04/2026

MANGGAGAWA, MAGTATAGUMPAY TAYO! MULA 1200 WAGE PETITIONER SA RWB, PAMUNUAN ANG MARTSA SA LABOR DAY!

Kasama ang DFA-KMU at panawagan sa lahat ng lokal- miyembro mula Wyeth, Yakult, Meadjohnson-Reckitt, Merck na ibuhos ang suporta at makiisa sa gaganaping Assembly o Pagsasama-sama at Pagkilos ngayong Mayo Uno (Labor Day). Ang pagdalo ay obligado bilang bahagi ng ating kolektibong laban para sa sahod, trabaho, at karapatan.

📅 Mayo 1, 2026
📍 Espanya, Manila, 7AM

SOBRA NA, TARA NA KUMILOS:

-Gera ng Imperyalistang US, WAKASAN!
-BUHAY at KABUHAYAN, IPAGLABAN!
-1200 Nakabubuhay na Sahod Nationwide, NGAYON NA!

Hindi sapat ang panonood—kailangan ang pagkilos! Sa harap ng tumitinding pagsasamantala, mababang sahod, at pabigat na mga patakaran, ang ating lakas ay nasa ating pagkakaisa.

Dumalo. Makibaka. Ipaglaban ang ating karapatan!

25/04/2026

HUSTISYA PARA SA MGA BIKTIMA NG TOBOSO MASSACRE!

Mariing kinokondena ng DFA-KMU ang brutal na pagmasaker ng Armed Forces of the Philippines (AFP) sa 19 katao sa Toboso, Negros Occidental noong Abril 20, 2026. Isa itong lantad na paglabag sa karapatang pantao at malinaw na anyo ng terorismo ng estado laban sa mamamayan.

Kabilang sa mga biktima sina Roger “Ka Jhong” Fabillar, rebolusyonaryo, at mga sibilyang sina Errol Wendel, unyonista sa agrikultura; Alyssa Alano, lider-estudyante; Maureen Santuyo at Lyle Prijoles, mga organisador; RJ Ledesma, community journalist; at Roel Sabillo, kabataang magsasaka. Ang kanilang pagpaslang ay hindi maitatago sa anumang propaganda o panlilinlang.

Mahaba na ang rekord ng AFP sa Negros sa paglabag sa karapatang pantao. Mula Hulyo 2022 hanggang Disyembre 2025, umabot na sa 52 ang kaso ng pamamaslang sa isla. Sa pinakahuling insidente sa Toboso, walang habas na pinaputukan ng mga yunit ng 79th at 303rd IBPA ang mga komunidad, na nagresulta sa sapilitang paglikas ng hindi bababa sa 138 pamilya.

Upang pagtakpan ang kanilang krimen, nagpatupad ang AFP ng media blackout at nagpakalat ng disimpormasyon sa tulong ng NTF-ELCAC. Ngunit hindi nila napigilan ang pag-alon ng galit at pakikiisa ng mamamayan. Daan-daan ang nagprotesta upang igiit ang hustisya at pananagutan.

Malinaw na kaugnay ng interes ng malalaking panginoong maylupa at korporasyon ang mga operasyong militar na ito—upang bigyang-daan ang ekspansyon ng mga asyenda, plantasyon, minahan, at proyektong enerhiya sa Negros. Habang ang mga magtutubo ay nagdurusa sa “Tiempo Muerto” at kawalan ng kabuhayan, dahas ang sagot ng gubyerno.

Sa kabila nito, nagpapatuloy ang mahabang tradisyon ng paglaban ng mamamayang Negrense—mula sa pagbubuo ng mga unyon ng manggagawang bukid hanggang sa mga bungkalan at welga. Ipinakita na sa kasaysayan, lalo na noong panahon ng diktadurang Marcos Sr., na sa sama-samang pagkilos nakakamit ang karapatan at napapanagot ang mapanupil na estado.

Ngayon, sa ilalim ng rehimeng Marcos Jr., muling umiigting ang pasismo at krisis. Habang nananatiling nakalubog sa kahirapan at kawalan ng lupa ang mga magsasaka, tiyak na lalakas pa ang kanilang paglaban.

Naniniwala ang DFA-KMU na tanging sa pagpapatupad ng tunay na repormang agraryo at pambansang industriyalisasyon makakamit ang makatarungan at pangmatagalang kapayapaan.

Kaisa kami ng Kilusang Mayo Uno at ng buong uring manggagawa sa panawagang:
Imbestigahan at panagutin ang lahat ng may sala sa Toboso Massacre!
Kabilang dito ang mga utak sa likod ng mga operasyong militar at mapanlinlang na programang kontra-mamamayan.

Panawagan sa pagkilos:

Igiit ang hustisya para sa Negros 19!
Tutulan ang militarisasyon sa kanayunan!
Ilantad ang pandarahas at pandarambong sa Negros!
Lumahok sa mga pagkilos ngayong Mayo Uno!

HUSTISYA! PANANAGUTAN! TUNAY NA PAGBABAGO NG LIPUNAN!

18/04/2026

KOWLOON BARAT!

Binubulsa ang 400,000 na malinis na Kita kada Araw, Mula sa dugo at pawis na mga MANGGAGAWA. Hindi pa maibigay ang 25 pesos dagdag Sahod na kahilingan para sa 60 manggagawa.

MANGGAGAWA, MAGKAISA! SUPORTAHAN ang WELGA!

16/04/2026

UTANG SA MANGGAGAWA, PINANG-CA-CAR RACE NG MAY-ARI NG KOWLOON!

KA-MANGGAGAWA, ALAM MO BA?

Ang service charge na binabayaran mo tuwing kumakain sa Kowloon ay hindi napupunta sa mga manggagawa!

Sa katunayan, umaabot na sa ₱570,000 ang utang ng Kowloon sa unyon—mula sa Service Charge benefits na dapat ay para sa mga manggagawa.

Batay sa Collective Bargaining Agreement (CBA) na ipinaglaban ng mga manggagawa sa Kowloon House West, malinaw na eksklusibong para sa unyon ng manggagawa ang Service Charge.

Pero saan ito napunta?
👉 Sa managerial staff
👉 Sa apat na “ghost employees”

Habang tinitipid ang manggagawa, may pondo para sa car racing ang anak ng may-ari 🤔

Hindi ito makatarungan!
Ibalik ang nararapat sa manggagawa!

15/04/2026

SUPORTA NG DFA-KMU SA WELGA NG KOWLOON

Buong lakas na sumusuporta ang DFA-KMU sa makatarungang welga ng mga manggagawa sa Kowloon. Mapait ang siopao ng Kowloon para sa mismong gumagawa nito—habang nagpapayaman ang kumpanya, nananatiling barat ang sahod ng mga manggagawa.

Hindi makatarungan ang kakarampot na pasahod sa gitna ng tumataas na presyo ng bilihin. Ang laban ng mga manggagawa ng Kowloon ay laban ng lahat ng uring manggagawa.

Ipanalo ang welga! Itaas ang sahod!
Igalang ang karapatan ng manggagawa!

BAKIT MAY WELGA SA KOWLOON, BASAHIN!

https://www.facebook.com/share/p/1aDzHfxWiZ/

13/04/2026

MANGGAGAWA AT MAMAMAYAN, KUMILOS SA MAYO UNO!

✊ Para wakasan ang imperyalistang gera
✊ Para ibaba ang presyo ng langis at mga bilihin
✊ Para sa ₱1200 nakabubuhay na sahod
✊ Para sa sahod, trabaho, at karapatan
✊ Para sa BUHAY AT KABUHAYAN!

Ang Mayo Uno 2026 ay araw nating lahat.

Tayong pinapasan ang krisis.
Tayong patuloy na naghihirap.
Tayong pinaghihigpitan kahit kapos na kapos na.

Ubos na ang pasensya sa bulok na sistema!
Panahon na para kumilos at lumaban.

ATIN ANG MAYO UNO!