30/10/2025
𝐊𝐘𝐔𝐒𝐈 𝟒 𝐓𝐑𝐔𝐓𝐇 𝐀𝐍𝐃 𝐀𝐂𝐂𝐎𝐔𝐍𝐓𝐀𝐁𝐈𝐋𝐈𝐓𝐘 𝐀𝐓 𝐌𝐆𝐀 𝐄𝐒𝐓𝐔𝐃𝐘𝐀𝐍𝐓𝐄 𝐒𝐀 𝐐𝐔𝐄𝐙𝐎𝐍 𝐂𝐈𝐓𝐘, 𝐍𝐀𝐆𝐏𝐀-𝐄𝐍𝐃𝐎𝐑𝐒𝐎 𝐍𝐆 𝐖𝐀𝐋𝐊𝐎𝐔𝐓 𝐏𝐀𝐑𝐀 𝐒𝐀 𝐍𝐎𝐕𝐄𝐌𝐁𝐄𝐑 𝟕, 𝟐𝟎𝟐𝟓 𝐊𝐀𝐘 𝐌𝐀𝐘𝐎𝐑 𝐉𝐎𝐘 𝐁𝐄𝐋𝐌𝐎𝐍𝐓𝐄
Pormal na nagsumite ang mga estudyante ng Quezon City University at Polytechnic University of the Philippines - QC sa ilalim ng Kyusi 4 Truth and Accountability kasabay ng mga pagpirma ng iba’t-ibang publiko at pribadong paaralan ng endorsement letter para kay Mayor Joy Belmonte, para sa planong walkout ngayong paparating ng November 7, 2025 kasabay ng Lakbayan ng Mamamayan Laban sa Korapsyon sa Metro Manila.
Buwan na ang lumipas simula ng sumambulat ang usapin ng korapsyon sa diwa ng flood control projects, bilyun-bilyong pondo at kinurakot ng mga tiwaling opisyales at hanggang ngayon ay wala pa ding napapanagot. Nananatiling walang hustisya at kasagutan sa nilustay na pera ng mga kurakot samantalang ang mga estudyante ay patuloy pa ding walang maayos at kalidad na edukasyon, nakikipagsapalaran at naghihirap para sa pantustos para sa pag-aaral.
Pinangunahan ng Kyusi 4 Truth and Accountability ang kasama ang ibang mga lider-estudyante sa mga paaralan sa Quezon City para sa planong Walkout Kontra Korapsyon sa November 7, 2025.
Sa kasalukuyan, 30 ang mga estudyanteng pumirma mula sa iba’t-ibang paaralan sa Quezon City ng unity statement para sa pag-endorso ng walkout at patuloy pa rin nangangalap hanggang sa ngayon.
