NNARA Youth - UPD KAL

16/10/2025

Sa isang bansang sagana sa lupa, yamang-dagat, at likas-yaman, nananatiling kabalintunaan na patuloy ang pagdami ng mga nagugutom. Ang Pilipinas, na kilala bilang bansang agrikultural, ay dapat kayang pakainin ang mamamayan nito, ngunit sa halip, milyon-milyon ang hindi makakain nang sapat araw-araw. Ang gutom ay hindi lamang kakulangan ng pagkain, kundi repleksyon ng kawalang-katarungan sa lupa at kabuhayan.

Sa ilalim ng kasalukuyang sistemang piyudal at malapyudal, iilan lamang ang nakikinabang sa yaman ng bansa. Hawak pa rin ng mga panginoong maylupa at mga dayuhang korporasyon ang malalawak na lupain, habang ang mga magsasakang tunay na nagpapakain sa sambayanan ay patuloy na dinadahas, pinagsasamantalahan, at pinagkakaitan ng karapatan sa lupa.

Ang mga huwad na reporma sa lupa at mga programang agraryo ng gobyerno ay hindi naglilingkod sa interes ng mamamayan. Sa halip, ito ay nagsisilbing tabing upang patuloy na makapangamkam ng lupa ang mga naghaharing-uri. Idagdag pa rito ang militarisasyon sa kanayunan na nagdudulot ng takot at panggigipit sa mga komunidad ng magsasaka.

Habang patuloy ang ganitong sistema, lalong tumitindi ang kagutuman. Patunay ito na ang problema ng pagkain ay nakaugat sa kawalan ng tunay na reporma sa lupa at sa dominasyon ng dayuhan sa ating ekonomiya.

Kaya naninindigan ang NNARA Youth na ang pagkain ay hindi pribilehiyo kundi isang karapatang pantao. Ang bansa ay may kakayahan at sapat na likas-yaman upang matugunan ang pangangailangan ng lahat, ngunit hangga’t ang lupa ay hindi napupunta sa mga kamay ng mga magsasaka, mananatiling gutom ang sambayanan.

Kaya ang kabataan ay kailangang makiisa sa hanay ng mga magsasaka sa pagsusulong ng tunay na reporma sa lupa at pambansang industriyalisasyon. Ang laban para sa lupa ay laban din para sa kinabukasan ng isang kinabukasang walang gutom, walang pang-aapi, at kung saan ang yaman ng bayan ay para sa mamamayan.

15/10/2025

15/10/2025

15/10/2025

14/10/2025

09/10/2025

Militante at pulang pagsalubong ng mga iskolar ng bayan ang kanilang ikinasa bilang pakikiisa sa mga magsasaka sa ginanap na pagkilos kahapon, Oktubre 8, bilang pagbubukas sa Buwan ng Magbubukid sa Unibersidad ng Pilipinas Diliman.

Bitbit ang mga plakard, panawagan, at damdaming makabayan, iginiit ng mga iskolar ng bayan ang matagal nang panawagan para sa tunay na reporma sa lupa at ang pagpapanagot sa gobyernong anila’y matagal nang nagpabaya sa sektor ng agrikultura.

Ayon kay Earl Gales, kinatawan ng NNARA Youth - UPD KAL, “Ngayong Oktubre, ginugunita natin ang pawis at dugo, ang walang kapagurang pagtatrabaho, at ang patuloy na pakikibaka ng ating mga magsasaka. Makikita natin sa danas ng ating mga pesante ngayon ang kawalan ng sariling lupa, malawakang kagutuman, mababang presyo ng palay, at pagkasira ng taniman tuwing may bagyo.”

Tinuligsa ni Gales ang mga “huwad na reporma” sa lupa gaya ng Presidential Decree 27 ni Marcos Sr., Comprehensive Agrarian Reform Program (CARP), New Agrarian Emancipation Act, SPLIT Program, at Rice Liberalization Law. Ayon sa kanya, “Paulit-ulit na ipinapangako ang reporma, ngunit nananatiling pag-aari ng iilan ang lupa, habang patuloy na lugmok sa utang at gutom ang mga tunay na prodyuser ng pagkain.”

Binatikos din ni Earl ang kamakailang 99-year foreign land lease law, na nagbibigay karapatan sa mga dayuhan na magrenta at gumamit ng lupa sa bansa hanggang siyamnapu’t siyam na taon. “Ito ay malinaw na pagbebenta ng ating bayan at lupa sa mga banyaga. Sa halip na tulungan ang mga Pilipinong magsasaka, lalo pang pinagkakaitan sila ng karapatan sa sariling lupang sinasaka,” dagdag niya.

Binigyang-diin din ng NNARA Youth - UPD KAL ang patuloy na militarisasyon sa kanayunan, kung saan aniya, ang mga magsasakang lumalaban para sa karapatan ay madalas na tinatagurian bilang terorista, dinadakip, at pinapaslang. “Sa halip na suportahan, pinipigilan. Sa halip na tulungan, pinatatahimik,” aniya.

Sa kabila ng mga ito, nanindigan si Gales na hindi hihinto ang kabataan at mga magsasaka sa kanilang panawagan. “Patuloy ang ating paglaban. Ipagsigawan natin ang ating paninindigan. Patambulin ang bawat panawagan at adbokasiya hanggang sa makuha natin ang karapatang ipinagkakait sa atin,” wika niya.

Nagwakas ang pagkilos sa pagsasabit ng balatengga kay Oble bilang simbolikong panawagan ng pagkakaisa ng kabataan at mga pesante habang sinabayan ng cultural singing ng mga estudyante. Mula lungsod tungong kanayunan, patuloy na dapat palalakasin ang hanay ng mga lumalaban para sa tunay na reporma sa lupa at katarungang panlipunan.

09/10/2025

02/10/2025

✊🏽 DALUYONG KANAYUNAN
🌾 Live their lives, Join the Struggle!

The struggles of the peasant sector are rarely discussed in schools, so we see how the majority of students in urban areas are unaware of our current crisis with landlessness of farmers, food insecurity, and the struggle of their fellow youth in the rural areas with no access to education. It is essential for the youth to understand the roots of the decade-long problems of our country and create a space where they can engage, formulate ideas, and actively participate with the plight and campaigns of the basic masses.

The National Network of Agrarian Reform Advocates Youth (NNARA Youth) is a mass organization of youth and students who recognize that our interests are linked with the interests of the Filipino people and, as such, strive to serve the peasantry and the people by advancing and adhering to their democratic aspirations. We do this through educational discussions, forums, cultural activities, and organizing regular basic masses integration programs.

The Daluyong Kanayunan: Basic Masses Integration is a day visit or two-day community immersion program that will provide an opportunity for the youth and students to immerse in a peasant community in Laguna, Bulacan, Cavite, and other provinces.

The general objective is to immerse with the basic masses, particularly with the farmers, peasant women, agricultural workers and fisherfolk. Through community discussions, production work, educational discussions, salu-salo, cultural night, and solidarity action, we are able to:

1. Experience the daily struggles of the farmers, peasant women, agricultural workers and fisherfolk and their production process
2. Raise the youth’s level of commitment and widen their understanding of the plight and campaigns of the peasantry;
3. Understand the local issues and plight of the community; and
4. Forge networks of individuals and organizations to amplify the campaigns of farmers, agricultural workers, fisherfolks, and peasant women.

We are eager to guide you in every activity to gain deeper understanding of the plight of our peasant sector! Join our Daluyong Kanayunan Program!

𝐊𝐀𝐁𝐀𝐓𝐀𝐀𝐍, 𝐌𝐀𝐊𝐈𝐈𝐒𝐀 𝐒𝐀 𝐋𝐀𝐁𝐀𝐍 𝐍𝐆 𝐌𝐀𝐆𝐁𝐔𝐁𝐔𝐊𝐈𝐃!

Be a Peasant Advocate! Join NNARA Youth!
bit.ly/JoinNNARAYouth
bit.ly/JoinNNARAYouth
bit.ly/JoinNNARAYouth