Santuario De San Vicente De Paul Parish Youth Ministry

31/07/2026

📣 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐌𝐨𝐧𝐭𝐡!!

𝘊𝘩𝘰𝘴𝘦𝘯, 𝘤𝘢𝘭𝘭𝘦𝘥, 𝘢𝘯𝘥 𝘤𝘰𝘮𝘮𝘪𝘴𝘴𝘪𝘰𝘯𝘦𝘥, 𝘸𝘦 𝘢𝘳𝘦 𝘯𝘰𝘵 𝘫𝘶𝘴𝘵 𝘴𝘦𝘳𝘷𝘦𝘳𝘴 𝘢𝘵 𝘵𝘩𝘦 𝘢𝘭𝘵𝘢𝘳, 𝘣𝘶𝘵 𝘮𝘦𝘴𝘴𝘦𝘯𝘨𝘦𝘳𝘴 𝘰𝘧 𝘊𝘩𝘳𝘪𝘴𝘵’𝘴 𝘩𝘰𝘱𝘦 𝘵𝘰 𝘵𝘩𝘦 𝘸𝘰𝘳𝘭𝘥. 𝘐𝘯𝘴𝘱𝘪𝘳𝘦𝘥 𝘣𝘺 𝘵𝘩𝘦 𝘭𝘪𝘧𝘦 𝘢𝘯𝘥 𝘤𝘰𝘶𝘳𝘢𝘨𝘦 𝘰𝘧 𝘚𝘵. 𝘛𝘢𝘳𝘤𝘪𝘴𝘪𝘰, 𝘢𝘯𝘥 𝘨𝘳𝘰𝘶𝘯𝘥𝘦𝘥 𝘪𝘯 𝘵𝘩𝘦 𝘸𝘰𝘳𝘥𝘴 𝘰𝘧 𝘑𝘦𝘴𝘶𝘴 𝘧𝘳𝘰𝘮 𝘑𝘰𝘩𝘯 15:16 —
“𝘠𝘰𝘶 𝘥𝘪𝘥 𝘯𝘰𝘵 𝘤𝘩𝘰𝘰𝘴𝘦 𝘔𝘦, 𝘣𝘶𝘵 𝘐 𝘤𝘩𝘰𝘴𝘦 𝘺𝘰𝘶...”
𝘸𝘦 𝘦𝘮𝘣𝘳𝘢𝘤𝘦 𝘰𝘶𝘳 𝘮𝘪𝘴𝘴𝘪𝘰𝘯 𝘸𝘪𝘵𝘩 𝘧𝘢𝘪𝘵𝘩, 𝘩𝘶𝘮𝘪𝘭𝘪𝘵𝘺, 𝘢𝘯𝘥 𝘭𝘰𝘷𝘦.

𝘈𝘴 𝘵𝘩𝘦 𝘔𝘪𝘯𝘪𝘴𝘵𝘳𝘺 𝘰𝘧 𝘈𝘭𝘵𝘢𝘳 𝘚𝘦𝘳𝘷𝘦𝘳𝘴 – 𝘝𝘪𝘯𝘤𝘦𝘯𝘵𝘪𝘢𝘯 𝘒𝘯𝘪𝘨𝘩𝘵𝘴 𝘰𝘧 𝘵𝘩𝘦 𝘈𝘭𝘵𝘢𝘳 𝘰𝘧 𝘵𝘩𝘦 𝘚𝘢𝘯𝘵𝘶𝘢𝘳𝘪𝘰 𝘥𝘦 𝘚𝘢𝘯 𝘝𝘪𝘤𝘦𝘯𝘵𝘦 𝘥𝘦 𝘗𝘢𝘶𝘭 𝘗𝘢𝘳𝘪𝘴𝘩 𝘢𝘯𝘥 𝘚𝘩𝘳𝘪𝘯𝘦 𝘰𝘧 𝘵𝘩𝘦 𝘗𝘰𝘰𝘳, 𝘸𝘦 𝘳𝘦𝘯𝘦𝘸 𝘰𝘶𝘳 “𝘺𝘦𝘴” 𝘵𝘰 𝘴𝘦𝘳𝘷𝘦 𝘎𝘰𝘥 𝘢𝘯𝘥 𝘏𝘪𝘴 𝘱𝘦𝘰𝘱𝘭𝘦 𝘧𝘳𝘰𝘮 𝘵𝘩𝘦 𝘴𝘢𝘯𝘤𝘵𝘶𝘢𝘳𝘺 𝘵𝘰 𝘦𝘷𝘦𝘳𝘺 𝘴𝘰𝘶𝘭 𝘸𝘦 𝘮𝘦𝘦𝘵.

21/07/2026

🎉 Maligayang Ika-14 na Anibersaryo ng Santuario de San Vicente de Paul Parish & Shrine of the Poor! 💙🙏

Sa loob ng labing-apat na taon, naging tahanan ng pananampalataya, pag-asa, at pagmamahal ang ating parokya para sa bawat mananampalataya, lalo na sa mga nangangailangan. Patuloy nating pasalamatan ang Panginoon sa Kanyang walang hanggang paggabay at pagpapala sa ating sambayanan.

Nawa'y magpatuloy tayong maging iisang pamilya sa pananampalataya, tapat sa paglilingkod, at buhay na saksi ng pag-ibig at habag ni San Vicente de Paul. Sama-sama nating ipagdiwang ang biyaya ng nakaraan, ang kagalakan ng kasalukuyan, at ang pag-asang hatid ng mga susunod pang taon ng misyon at paglilingkod.

Maligayang Ika-14 na Anibersaryo! 💙⛪
"Ang Diyos ang ating lakas at gabay; sa Kanya ang lahat ng papuri at pasasalamat."

30/06/2026

💙🙏 Maraming Salamat, Fr. King!

Sa loob ng tatlong taon ng inyong tapat at mapagmahal na paglilingkod bilang Parish Priest ng Santuario de San Vicente de Paul Parish & Shrine of the Poor, naging inspirasyon kayo sa aming pamayanan sa pamamagitan ng inyong malasakit, paggabay, at walang sawang paglilingkod sa Diyos at sa Kanyang bayan.

Maraming salamat sa bawat Misa, pangangaral, panalangin, at pagkakataong inyong inilaan upang mapalalim ang aming pananampalataya at mapatatag ang aming pagkakaisa bilang isang sambayanang Kristiyano. Ang inyong pamumuno at kababaang-loob ay mananatiling bahagi ng kasaysayan at puso ng aming parokya.

Bagama't nagtatapos ang inyong paglilingkod sa aming parokya, dala namin ang aming taos-pusong pasasalamat at panalangin para sa inyong bagong misyon. Nawa'y patuloy kayong pagpalain ng Panginoon, gabayan ng Mahal na Birheng Maria, at patnubayan ni San Vicente de Paul sa inyong patuloy na pagmimisyon.

Hindi ito paalam, kundi isang taos-pusong "Maraming Salamat" at "Hanggang sa Muli."

God bless you always, Rev. Fr. Edprim Gaza, CM. 💙
゚

13/05/2026

Magkakaroon po tayo ng Operation Tuli sa darating na Mayo 17, 2026 | 1:00 PM onwards sa Santuario de San Vicente de Paul Medical & Dental Clinic. 🏥

✅ Ligtas at maaasahang serbisyo
✅ May kasamang gamot
✅ Php 600 lamang

📌 Paalala:
• FIRST COME, FIRST SERVE basis
• 20–25 patients lamang ang tatanggapin

Para po sa inyong mga katanungan at iba pang impormasyon, maaari lamang po kayong magpadala ng mensahe sa aming FB Page, tumawag sa aming contact number, o bumisita sa Parish Office.

Maraming salamat po! 🙏
゚

24/04/2026

📷IN PHOTOS | Distribution of food to public utility vehicle (PUV) drivers | April 24, 2026

Sa pagdiriwang ng kaaarawan ng ating Patron San Vicente de Paul, pinili nating ipakita ang tunay na diwa ng malasakit at pagbabahagi. 💙

Sa munting handog na pagkain para sa ating mga PUV drivers sa Tandang Sora Palengke, nawa’y kahit papaano ay naipadama natin na hindi sila nag-iisa sa gitna ng patuloy na pagtaas ng presyo ng gasolina at hirap ng buhay.

Kasama natin ang ating Patron sa pag-abot sa mga nangangailangan—sapagkat sa bawat simpleng pagtulong, may pag-asang muling nabubuhay.

゚

23/04/2026

𝑹𝒆𝒆𝒍 𝒍𝒐𝒗𝒆 𝒆𝒏𝒅𝒔 — 𝑪𝒉𝒓𝒊𝒔𝒕’𝒔 𝒓𝒆𝒂𝒍 𝒍𝒐𝒗𝒆 𝒓𝒆𝒎𝒂𝒊𝒏𝒔.

Buong galak na ipinapakilala namin ang mga tatanghal sa entablado ng ating taunang 𝗬𝗼𝘂𝘁𝗵 𝗡𝗶𝗴𝗵𝘁 na pinamagatang “𝗥𝗲𝗲𝗹 𝗟𝗼𝘃𝗲, 𝗥𝗲𝗮𝗹 𝗟𝗼𝘃𝗲” na inihahandog ng Saint Joseph Parish Youth Ministry.

Kabilang sa mga tampok na magbibigay-buhay sa gabing ito ang Santuario De San Vicente De Paul Parish Youth Ministry, na maghahatid ng kanilang husay at talento sa isang makabuluhang pagtatanghal.

Inaanyayahan ang lahat na makiisa sa darating na Abril 24 (Biyernes), ika-7:00 ng gabi, sa NPC Covered Court, pagkatapos ng ating Misa Nobenaryo.

Bilang bahagi ng nalalapit na Fiesta Galak 2026, halina’t sama-sama nating tunghayan ang isang gabing puno ng saya, talento, at makabuluhang pagninilay sa tunay na pag-ibig – ang pag-ibig ni Kristo – na isinabuhay ng ating mga kabataang lingkod.

Kita-kits, mga kabataan ni San Jose!


––––––––––
LIKE and FOLLOW us on:

Facebook: fb.com/sjpnpcpym
Instagram: instagram.com/sjpnpcpym

20/04/2026

06/04/2026

Maraming salamat po sa lahat ng nanood at sumuporta sa aming Senakulo ngayong taon.

📸Nicole Lagahit

03/04/2026

"Ama, patawarin mo sila, sapagkat hindi nila alam ang kanilang ginagawa." — Lucas 23:34

Sa banal na paggunita ng Pagkamatay ni Kristo, buong pusong inihahandog ng Santuario de San Vicente de Paul Youth Ministry ang opisyal na poster dulang “PAGTUBOS: Ang Sakripisyo ni Hesus na Nagligtas sa mga Tao mula sa Kasalanan.”

Silayan ang sulyap sa Kanyang pagpapakasakit, pagdurusa, at kamatayan—isang paanyaya sa mas malalim na pagninilay sa misteryo ng Kanyang dakilang sakripisyo.

🗓️ Biyernes Santo, Abril 3, 2026
🕐 1:30 PM
📍 Santuario de San Vicente de Paul Parish & Shrine of the Poor

Makibahagi. Magnilay. Alalahanin ang pagtubos na handog Niya para sa atin. 🙏

02/04/2026

⏳ 1 NA ARAW NA LAMANG

“Ama, patawarin mo sila, sapagkat hindi nila nalalaman ang kanilang ginagawa.” — Lucas 23:34

Nalalapit na ang araw ng paggunita sa pagpapakasakit at pagkamatay ni Hesus—isang paalala ng sakripisyo at pag-ibig na inialay para sa sangkatauhan.

Sa dulang “PAGTUBOS: Ang Sakripisyo ni Hesus na Nagligtas sa mga Tao mula sa Kasalanan,” muling mabibigyang-buhay ang mga tagpong sumubok sa pananampalataya—kasama sina Magdalena at Maria.

Makibahagi sa isang tahimik at taimtim na pagninilay.

🗓️ Biyernes Santo, Abril 3, 2026
🕐 1:30 PM
📍 Santuario de San Vicente de Paul Parish & Shrine of the Poor