26/04/2026
๐ก๐๐๐๐๐๐๐๐ฆ๐๐ก๐ ๐ฃ๐๐๐๐ฌ๐๐ ๐ก๐ ๐๐๐ ๐๐๐๐๐๐ฅ๐ฆ ๐๐ข๐ก๐๐ฅ๐๐ฆ๐ฆ ๐ก๐ ๐๐ฆ๐ช๐๐ ๐๐๐ก๐๐๐๐ ๐ฆ๐ ๐ฃ๐๐ ๐๐ ๐๐ฆ๐๐๐ก๐ ๐ก๐ ๐๐๐ฃ ๐ฆ๐ #๐ก๐๐๐ฅ๐ข๐ฆ๐ญ๐ต
๐๐จ๐ฆ๐ง๐๐ฆ๐ฌ๐ ๐ฃ๐๐ฅ๐ ๐ฆ๐ ๐ ๐๐ ๐๐๐๐๐๐๐ก๐ ๐๐ฆ๐๐ข๐๐๐ฅ, ๐ ๐๐ ๐๐ ๐๐๐๐ฌ๐๐, ๐๐ง ๐ข๐ฅ๐๐๐ก๐๐ฆ๐๐๐ข๐ฅ ๐ก๐ ๐๐๐ฌ๐๐ก!
Mariing kinukundena ng nagkakaisang mga lider-estudyante at organisador ng bayan ng CSWCD ang walang habas na pagpaslang ng Armed Forces of the Philippines (AFP) sa Toboso 19 kung saan kabilang sina USC Councilor Alyssa Alano, aktibista at kapwa lider-estudyante, RJ Ledesma, isang mamamahayag, at sina Maureen Santuyo, Kai Sorem, Lyle Prijoles, at Errol Wendel na kapwa mga organisador.
Noong Abril 19, kasama sina Alyssa sa 19 pang mga indibidwal na nasawi nang walang habas na paulanan ng bala ng 79th Infantry Batallion ng mga pwersa militar ng gobyerno ang Barangay Salamanca, Toboso, Negros. Nagresulta ang ginawang strafing sa sapilitang pagbakwit ng 653 na residente, kasama ang 200 na mula sa Escalante-Toboso boundary. Karumal-dumal at walang kapatawaran ang ginawang pagpaslang ng mga militar sa mga inosenteng sibilyan gaya nina Alyssa, Mau, RJ, Errol, Kai, at Lyle. Sa mga kilos na ito, pinatunayan lamang ng Armed Forces of the Philippines na ang kanilang institusyon ay mga mersenaryo lamang ng estado at walang ibang alam gawin kundi pumatay nang walang konsensya at magpakalat ng takot at kasinungalingan. Ang nangyari sa Toboso ay hindi isang labanan, kundi isang masaker na tumapos sa buhay ng ilang pag-asa ng ating bayan.
Buong tapang na tumungo sina Alyssa, Maureen, Errol, at RJ sa Toboso upang alamin, kasama ng mga magsasaka roon, ang ugat ng paghihirap sa rehiyon. Tumapak sa putik, nagbungkal ng lupa, at nakipag-aralan sila kasama ang mga pesante at minulat ang mga sarili sa tunay na kalagayan ng lipunan; isang praktikang malapit sa sikmura ng mga lider-estudyante at organisador ng bayan. Ang ginawang pag-aaral nina Alyssa ang pinakamataas na antas ng edukasyon; ang matuto at mamulat sa materyal na realidad ng lipunang ginagalawan natin mula mismo sa mga palad at balat na nakakaranas ng pananamantala at pandarahas. Ito ay lehitimong porma ng pananaliksik, at kailanman, hindi ito magiging krimen, sapagkat may malinaw na dahilan upang tumungo at makipamuhay ang mga mag-aaral, mamamahayag, at organisador sa mga pinaka-pinagsasamantalahan.
Hindi man mga opisyal na bahagi ng kolehiyo, mataas na pagpupugay ang ibibigay natin kina Alyssa, Mau, Errol, RJ, Kai, at Lyle na isinapraktika ang lahat ng teorya, tumungo sa kanayunan at nag-organisa. Hindi nila kinailangan ng pahintulot ng kung sinuman upang tipunin ang mga pesante at sama-samang aralin ang kawalan ng lupa, kagutuman, at kahirapang hinaharap ng mga magsasakang Negrense. Pinatunayan nila na ang lugar ng mga iskolar ng bayan, ng mga organisador, at ng mga mamamahayag ay sa malawak na hanay ng masang inaapi at dinadahas. Hinigitan nila ang anumang teorya ng pagbabago ng lipunang inaaral sa kolehiyo, at anumang Academic Field Activity na isinasagawa natin sapagkat silaโy buong pagpapasyang nangahas na tumungo doon sa kanayunan kung saan ang pagbabago ay usapin ng buhay at kamatayan; doon kung saan sila pinakakailangan.
Kung ang tugon ng estado at militar sa kahirapan, kawalan ng lupa, kagutuman, at pananamantala ay bala at bomba, hindi kailanman makakamit ang tunay na kapayapaan. Lupa, hindi bomba; pagkain, hindi bala ang kailangan ng masa. Pilit mang isubo sa atin ng estado ang mga pekeng naratibo para yurakan ang mga martir at bayani ng sambayanan, mananatiling ginugunita ng mga iskolar ng bayan at mga lider-estudyante ang pagtangan ng aming mga kapwa organisador sa tunay na diwa ng pagsisilbi sa masa.
Panghuli, tulad nina Alyssa, Mau, Errol, RJ, Kai, at Lyle na inilapat ang kanilang edukasyon nang higit pa sa anumang libro o handbookโbukod sa pagkakabit ng tela bilang simbolo ng pakikiramay at pakikiisaโinaasahan namin na ang kolehiyo, bilang isang institusyon na nagtuturo ng pag-oorganisa at tunay na pakikiisa sa mga nasa laylayan, ay mananatiling malinaw at matatag sa paninindigan para sa hustisya, hindi lamang sa anyo ng simbolo, kundi sa patuloy na pagkilos kasabay ng mga naghahanap ng pananagutan.
๐๐๐๐๐ก๐ ๐ก๐๐๐ฅ๐ข๐ฆ!
๐ ๐๐๐๐ง๐๐ฅ ๐ฆ๐ ๐๐๐ก๐๐ฌ๐จ๐ก๐๐ก, ๐ฃ๐๐๐๐ฌ๐๐ฆ๐๐ก!
๐จ๐ฃ๐๐ข๐๐ ๐๐ก๐ง๐๐ฅ๐ก๐๐ง๐๐ข๐ก๐๐ ๐๐จ๐ ๐๐ก๐๐ง๐๐ฅ๐๐๐ก ๐๐๐ช!
๐๐จ๐ฆ๐ง๐๐ฆ๐ฌ๐ ๐ฃ๐๐ฅ๐ ๐๐๐ฌ ๐๐๐ฌ๐ฆ๐ฆ๐, ๐ ๐๐จ, ๐๐ฅ๐ฅ๐ข๐, ๐ฅ๐, ๐๐๐, ๐๐ง ๐๐ฌ๐๐!!
๐๐จ๐ฆ๐ง๐๐ฆ๐ฌ๐ ๐ฃ๐๐ฅ๐ ๐ฆ๐ ๐ง๐ข๐๐ข๐ฆ๐ข ๐ญ๐ต!
![[๐จ๐ฃ ๐๐ฆ๐ช๐๐ ๐ฆ๐ ๐ ๐๐ง๐๐ก๐ ๐๐ ๐๐ฉ๐๐ก๐๐]Kilalanin ang mga CSWCD Student Council candidates, ano tara?Mula sa College Student Elect...](https://img5.ngos1.com/152/758/1406329701527582.jpg)
