https://www.facebook.com/2133573063325229/

Brgy. Apolonio Samson - Sangguniang Kabataan

Home
Philippines
Quezon City
Brgy. Apolonio Samson - Sangguniang Kabataan

Contact information, map and directions, contact form, opening hours, services, ratings, photos, videos and announcements from Brgy. Apolonio Samson - Sangguniang Kabataan, Community Service, apolonio samson, Quezon City.

12/12/2023

Sa isang libo’t siyam na daan at anim na pu’t apat na araw na kami ay nagserbisyo, isang taos-pusong pasasalamat, Kabataang ApolSam!

Sa inyo hanggang sa huli,
Konseho ng Sangguniang Kabataan 2018

15/10/2023

Isang makubuluhang seminar na naman ang naisagawa para sa kabataan ng Brgy. Apolonio Samson tungkol sa Mental Health (Lusog-Isip) noong October 14. Salamat sa ating partner-organization, MentalHealthPH, through Mr. Alvin Mapoy, sa pagbahagi sa ating kabataan hindi lang tungkol sa ating kalusugan patungkol sa pag-iisip, pati na rin kung paano ito pangangalagaan.

Maraming salamat sa ating mga kabataan sa patuloy na pagtangkilik sa mga proyekto ng ating Sangguniang Kabataan. Asahan ninyo na hindi dito natatapos ang ating serbisyong pang-kabataan!

11/10/2023

SK MENTAL HEALTH AWARENESS SEMINAR

Lagi natin naririnig ang mga katagang “alagaan mo kalusugan mo”, “mahalaga ang kalusugan”, “huwag mo pabayaan sarili mo”, “kumain ng maayos”, at kung ano-ano pa sa mga taong nakapaligid sa atin.

Isa sa mga dahilan kung bakit lagi itong sinasabi sa atin ay dahil ang pisikal na sakit ay madaling makita—may mga sintomas ito katulad ng sakit ng ulo, katawan, ubo, sipon, lagnat, atbp.

Ngunit kung gaano kahalaga ang ating kalusugan, ganon din kahalaga ang mental health lalo pa’t hindi ito madaling kilalanin.

Upang mas maging maalam sa bagay na ito, inaanyayahan namin kayo na mag fill out sa form sa ibaba at dumalo sa ating seminar ngayong darating na Sabado, October 14, 2023, mula 8AM hanggang 12PM.

Register here: https://forms.gle/TFhLq2y2HNqybrSy5

Kitakits, Kabataan ng Apolonio Samson!

09/10/2023

SK FINANCIAL LITERACY SEMINAR

Maraming salamat sa ating ka-partner, PRU LIFE U.K. na pinangunahan ng ating guest speakers, Madz Alsola - Tinio at John Paul Yabut, sa pagtuturo sa kabataan ng ating komunidad sa tamang pag-handle ng kanilang personal finances habang sila ay nasa murang edad pa lamang. Gayun din sa ating Punong Barangay, Kap. Elizabeth De Jesus, na nagbigay ng inspirasyon at paalala sa pinakamahalagang investment ng ating buhay - ang ating oras.

Ang inyong SK Council ay nagpapasalamat sa inyong aktibong partisipasyon upang patuloy na maitaas ang ating kaalaman sa iba’t ibang larangan ng ating kabataan.

03/10/2023

SK FINANCIAL LITERACY SEMINAR

Halos lahat ng kabataan ay gumugugol ng humigit-kumulang na labing anim na taon sa pag-aaral. Sa bawat taon na ito ay tinuturuan sila kung paano makakuha ng magandang trabaho para sa kanilang kinabukasan.

Ngunit bihira ang nagturo sa mga kabataan kung paano ang mag-ipon, mag-invest, at magpalago ng perang kanilang kinikita.

Paano nga ba mag desisyon pagdating sa pera? Ano-ano nga ba ang dapat tandaan upang maging wais sa pag-gastos?

Ating alamin sa seminar ngayong darating na Sabado, October 7, 2023 | 8AM. Inaanyayahan namin kayong mag fill-out ng form upang makasali. Limited slots lang kaya register na! Ang unang 50 na makapag-register ay makakatanggap ng email invitation mula sa inyong SK Council.

https://docs.google.com/forms/d/e/1FAIpQLSc3v4PXWR2oa08ZBrttxU_Zsi12y_UGWbFX-PRVWQUwe6f9FQ/viewform?pli=1

Maraming salamat po!

17/08/2023

BALIK-ESKWELA PROGRAM

Magandang gabi po!

Para sa mga hindi pa nakakapag claim ng school supplies na nasa listahan, inaanyayahan po namin kayo na pumunta bukas ng 3PM sa 3rd Floor, Brgy. Hall. Ito na po ang huling araw na pwedeng makuha ito.

Salamat po!

13/08/2023

BALIK-ESKWELA PROGRAM

Maraming salamat po sa mga magulang at kabataan ng Apolonio Samson na pumunta nitong nakaraang August 12, 2023 na nakaappreciate ng mga natanggap nilang school supplies. Kaunti man po ito pero alam namin na ito’y malaking tulong na para sa kabataan.

Huwag po kayong mag-alala dahil madami pa po tayong proyektong ilalatag. Mag antabay lamang po sa susunod pang mga posts.

Mula noon hanggang ngayon, ang SK Council ng Apolonio Samson ay katuwang ng mga kabataan sa kanilang paglalakbay sa buhay—sa eskwelahan man ‘yan o sa ibang larangan!

10/08/2023

BALIK-ESKWELA PROGRAM

Narito na po ang listahan ng mga kabataan na nasa grade 4-8 na nakapasok sa ating final list of receipients ng school supplies.

Sa darating na August 12, 2023—tayo po ay magkita-kita sa 3rd Floor, Barangay Hall sa ganap na 5:00 PM.

Para po sa mga magulang o guardian na kukuha para sa kanilang anak, kapatid, o pamangkin—siguraduhin lamang po na may dala kayong ID ninyo at katibayan ng grade level ng bata sa darating na pasukan. Pwede po ang ID nila, registration form, letter galing sa kanilang g**o, o kaya naman ang listahan ng mag-aaral sa kanilang klase.

Kitakits po! Maraming salamat!

10/08/2023

BALIK-ESKWELA PROGRAM

Handa na po kami para ipamigay ang mga school supplies na ito sa 278 na kabataan sa ating barangay!

Para po sa listahan ng mga makakatanggap, paki-antabayanan na lang po ang aming susunod na post.

Maraming salamat! Mabuhay! 😇

09/08/2023

BALIK-ESKWELA PROGRAM

Edukasyon ang isa sa mga sandata ng kabataan sa magulong mundo na meron tayo. Ito ang isa sa magsisilbing katuwang nila para makamit ang kanilang mga pangarap. Isa sa milyong hagdan na aakyatin nila.

Kaya naman ang SK Council ay mamimigay ng school supplies na makakatulong sa kanilang pag-aaral.

Kabataan ng Apolonio Samson, kung ikaw ay nasa Grade 4 hanggang Grade 8 sa darating na pasukan, mangyari lamang po na sagutan ang form na nasa ibaba. Siguraduhin lamang po na mag fill-out agad dahil limitado po ang bilang ng mabibigyan. Isasarado ang form na ito kapag puno na ang slots o hanggang August 11, 2023 sa eksaktong alas tres ng hapon—kung ano man ang mauna. Mag antabay rin sa final list of recipients upang malaman kung ikaw ay nakapasok sa listahan.

https://bit.ly/SKBalikEskwelaProgram

Maraming salamat po!

27/07/2023

QC INTER-BARANGAY BASKETBALL TOURNAMENT

Natapos na ang laban ng mga ate at kuya sa ating barangay sa larangan ng sports—basketball at volleyball man ‘yan. Ngayon naman ay para sa mga kabataan na 14 years old and under sa Barangay Apolonio Samson na may kakayahan din sa paglalaro ng basketball.

Ang tournament na ito ay proyekto ni Vice Mayor Gian Sotto kung saan ang mga kabataan ay maglalaban-laban sa iba’t ibang barangay sa Quezon City.

Sa ating barangay, ito ay pinangunahan ng ating SK Kagawad Kenneth Garcia kung saan tinutukan niya ang pag e-ensayo ng kabataan upang mapaghandaan ang tournament na ito.

Nitong nakaraang July 22, 2023 ay naumpisahan na ang unang laban sa Amoranto Sports Complex.

Kaya naman inaasahan din namin ang suporta ng bawat isa kagaya ng pagsuporta ninyo sa nakaraang liga! Ipagdasal natin ang kaligtasan ng mga kabataang ito habang sila ay lumalaban gayundin ang pagtatagumpay nila rito.

Address

Apolonio Samson
Quezon City

Telephone

+63284132002

Website

facebook.com

Alerts

Be the first to know and let us send you an email when Brgy. Apolonio Samson - Sangguniang Kabataan posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Quezon City?

Brgy. Apolonio Samson - Sangguniang Kabataan

12/12/2023

15/10/2023

11/10/2023

09/10/2023

03/10/2023

17/08/2023

13/08/2023

10/08/2023

10/08/2023

09/08/2023

27/07/2023

Address

Telephone

Website

Alerts

Shortcuts

Share

Category