K- COOP

K- COOP A cooperative registered with the CDA on February 5, 2016, under Registration No. 9520-1016000000028521.

Ngayong araw, ating ginugunita ang buhay at paglilingkod ng former Senator Benigno “Ninoy” Aquino Jr. Nawa’y manatilin...
21/08/2026

Ngayong araw, ating ginugunita ang buhay at paglilingkod ng former Senator Benigno “Ninoy” Aquino Jr. Nawa’y manatiling nakatatak sa atin ang kanyang naging pagmamahal sa bayan at kapwa Pilipino. 🧡

PASASALAMAT MULA SA NCR 🧡💚 Matatandaang isa ang Metro Manila sa labis na naapektuhan ng Habagat PH kung saan ay nagdulot...
19/08/2026

PASASALAMAT MULA SA NCR 🧡💚

Matatandaang isa ang Metro Manila sa labis na naapektuhan ng Habagat PH kung saan ay nagdulot ito ng malawakang pagbaha sa halos buong NCR. Dahil malaking bilang ng pinaglilingkuran ng K-COOP ang NCR, marami sa ating mga miyembro ang labis na naapektuhan ng pagbaha.

Ngayon, 244 na pamilya na ang nakatanggap ng tulong ng relief packs at ngayon ay patuloy na bumabangon sa kabila ng dumaang sakuna.

Ang kanilang mga ngiti at pasasalamat sa pagtanggap ng tulong ay nagsilbing motibasyon sa buong pamilya ng K-COOP upang lalo pang patatagin ang ating paglilingkod. Sa pamamagitan ng patuloy na pagtugon sa pangangailangan ng ating mga miyembro, hangad nating maibsan ang kanilang pinagdaraanan at makapag-iwan ng SIGLAKAS na pag-asa upang mas maiangat sila tungo sa masaganang pamumuhay.

Maraming Salamat po ulit sa mga tumulong 🧡💚



ー
K-COOP is regulated by Cooperative Development Authority (CDA) https://cda.gov.ph

Mula sa kasaysayan hanggang sa patuloy na pag-unlad.Maligayang Pagdiriwang ng Quezon City day, mga Kasapi! 🧡💚 ーK-COOP...
19/08/2026

Mula sa kasaysayan hanggang sa patuloy na pag-unlad.
Maligayang Pagdiriwang ng Quezon City day, mga Kasapi! 🧡💚


ー
K-COOP is regulated by Cooperative Development Authority (CDA) https://cda.gov.ph

Unified Emergency Hotline,911Layunin ng Unified 911 for Resilience Campaign na mabigyan ang publiko ng iisang emergency ...
19/08/2026

Unified Emergency Hotline,911

Layunin ng Unified 911 for Resilience Campaign na mabigyan ang publiko ng iisang emergency hotline na maaaring tawagan upang maiugnay sila sa angkop na mga ahensiyang tumutugon sa emergency, kabilang ang Philippine National Police (PNP), Bureau of Fire Protection (BFP), mga serbisyong medikal pang-emergency, at iba pang emergency responders.

Sa Unified 911 Emergency Hotline maaaring iulat ang mga sumusunod na emergency

* Mga insidente ng sunog
* Mga medikal na emerhensiya
* Mga krimen at insidenteng may kaugnayan sa seguridad
* Mga natural na kalamidad
* Mga aksidenteng kinasasangkutan ng sasakyan
* Iba pang sitwasyong nangangailangan ng agarang pagtugon sa emergency






#𝐃𝐈𝐋𝐆𝐏𝐡𝐢𝐥𝐢𝐩𝐩𝐢𝐧𝐞𝐬

PASASALAMAT MULA SA PROBINSYA NG RIZAL 🧡Taos-pusong pasasalamat mula sa ating 732 pamilyang miyembro sa probinsya ng Riz...
18/08/2026

PASASALAMAT MULA SA PROBINSYA NG RIZAL 🧡

Taos-pusong pasasalamat mula sa ating 732 pamilyang miyembro sa probinsya ng Rizal na nakatanggap ng relief packs sa panahong higit nilang kinakailangan ang suporta at pagkalinga.

Matinding naapektuhan ng nakaraang Habagat ang kanilang mga komunidad, mula sa kanilang mga tahanan hanggang sa kanilang kabuhayan lalo na’t malapit sa bulubundukin ang lugar na kanilang tinitirhan.

Sa gitna ng pagsubok, naging malaking tulong ang mga relief packs na ipinamahagi sa ating mga miyembro mula sa KDCI, KMBA, Caravel Resources Inc., at PEF. Higit dito, ang tulong na kanilang natanggap ay naghatid ng SIGLAKAS na pag-asa sa kanila na muling makabangon.

At sa puso ng ating mga miyembro, isang pagtatak ang mananatili sa kanila. Na sa panahon ng unos, may mga handang umalalay sa kanila at patuloy na maglilingkod tungo sa mas maginhawang buhay. 🧡💚



ー
K-COOP is regulated by Cooperative Development Authority (CDA) https://cda.gov.ph

💙 K-COOP ON-SITE LABORATORY TEST🩺 Kalusugan Mo, Prioridad Namin!Kailan ka huling nagpa-check ng iyong kalusugan?Hindi ka...
18/08/2026

💙 K-COOP ON-SITE LABORATORY TEST

🩺 Kalusugan Mo, Prioridad Namin!

Kailan ka huling nagpa-check ng iyong kalusugan?
Hindi kailangang hintayin na may maramdaman bago tayo magpasuri. 💙

Noong August 14, 2026, inilapit ng K-COOP ang serbisyong pangkalusugan sa ating mga miyembro sa pamamagitan ng On-Site Laboratory Test na ginanap sa Ynares Center, Montalban.

Umabot sa 127 miyembro mula sa Montalban, Rodriguez Housing Site, at San Mateo Satellite Offices ang nabigyan ng pagkakataong magpa-laboratory test at mas maging aware sa kanilang kasalukuyang kalagayan sa kalusugan. 🩺🔬

✨ Bakit mahalaga ang regular na pagpapasuri?

✔️ Para mas makilala natin ang ating sariling health status
✔️ Para maagapan ang posibleng health concerns
✔️ Para maging mas proactive sa pangangalaga ng kalusugan
✔️ Para makagawa ng mas tamang health decisions para sa sarili at pamilya

Dahil para sa K-COOP, hindi lang serbisyo ang mahalaga—mahalaga ang bawat miyembrong pinaglilingkuran natin. 💙

Naging katuwang natin ang Healthdev Integrative Clinics Inc. sa paghahatid ng serbisyong pangkalusugan, at taos-pusong pasasalamat sa KASAGANA-KA Development Center, Inc. sa suportang naging daan upang maisakatuparan ang makabuluhang serbisyong ito. 🤝

💙 Alagaan ang sarili. Maging maagap. Magpa-check.

Ang pagpapasuri ay hindi lamang para sa may sakit.
Ito ay paraan ng pag-iwas, pag-aalaga, at pagmamahal sa sarili at sa mga taong mahalaga sa atin.

K-COOP — Kasama Mo sa Mas Malusog na Buhay. 💙








PASASALAMAT MULA SA PROBINSYA NG BULACAN 🧡💚Taos-pusong nagpapasalamat ang pamilya ng K-COOP sa Caravel Resources, Inc., ...
18/08/2026

PASASALAMAT MULA SA PROBINSYA NG BULACAN 🧡💚

Taos-pusong nagpapasalamat ang pamilya ng K-COOP sa Caravel Resources, Inc., Peace and Equity Foundation, at sa ating mga kapatid na organisasyon: KDCI at KMBA, sa kanilang malasakit at pagbabahagi ng pag-asa sa 702 pamilyang nasalanta ng nagdaang Habagat sa Bulacan Province.

Matatandaang kabilang ang Bulacan sa mga probinsyang pinaglilingkuran ng K-COOP na labis na naapektuhan ng pagbaha at pagkasira ng mga kabahayan dulot ng malakas na pag-ulan. Mas naging matindi ang epekto sa ilang lugar dahil marami sa mga tahanan ay malapit sa mga kalsadang kasalukuyang isinasagawa, na nagdulot ng mabilis na pagtaas ng tubig at pagbaha sa mga komunidad.

Sa kabila nito, nanaig ang katatagan ng ating mga miyembro at sa pamamagitan ng suporta mula sa iba’t ibang organisasyon, nakatanggap ang mga miyembro ng relief packs na personal na naipaabot sa tulong ng ating mga staff mula sa Bulacan.

Maraming Salamat po sa inyong agarang pagtugon para sa ating mga miyembro 🧡💚



ー
K-COOP is regulated by Cooperative Development Authority (CDA) https://cda.gov.ph

PROMO ALERT! 📢📢📢Kasapi, kailangan mo ng alalay para ipagpatuloy ang negosyo ngayong masama ang panahon? Alam mo bang may...
17/08/2026

PROMO ALERT! 📢📢📢

Kasapi, kailangan mo ng alalay para ipagpatuloy ang negosyo ngayong masama ang panahon?

Alam mo bang may loan promo ang ALALAY SA K para sa mga miyembro ng K-COOP! Sa panahong maulan at apektado ang negosyo, ALALAY SA K ang katuwang mo!

Mag-avail na habang may promo simula August 3 hanggang August 31, 2026 🧡💚
Makipag-ugnayan na sa inyong Socio-Economic Officer para sa proseso.



ー
K-COOP is regulated by Cooperative Development Authority (CDA) https://cda.gov.ph

Wagi sa Kaalaman at Kasanayan ang ating mga bagong 3S Kadets!Matagumpay na nakapagtapos ang 45 na New 3S Kadets sa kanil...
17/08/2026

Wagi sa Kaalaman at Kasanayan ang ating mga bagong 3S Kadets!

Matagumpay na nakapagtapos ang 45 na New 3S Kadets sa kanilang training na ginanap sa Ciudad Christhia Resort , Ampid San Mateo, Rizal noong Hulyo 30-31 at Agosto 6-7,2026 na siyang pinangunahan ng K-COOP :Environment, Resiliency and Sustainability Program. Ang nasabing pagsasanay na ito ay naging posible sa pakikipagtulungan at pondo mula sa KASAGANA-KA Development Center, Inc. (KDCI).

Layunin ng programa na palawakin ang kaalaman at kamalayan ng mga kalahok sa Disaster Risk Reduction (DRR) at Climate Change Adaptation and Mitigation, paghubog ng mga tagapag-sanay na siyang magbabahagi at pangangasiwaan ang sesyon ng edukasyon sa kanilang mga sentro at komunidad at pagtatalaga bilang focal person sa panahon ng sakuna.

" Ang itataya ko bilang K-COOP 3S Kadets ay maglalaan ng oras upang magampanan ang aking tungkulin na maipabatid sa aking kapwa member ang aking mga natutunan para sa ganun ay maging aware sila sa mga bantang panganib at ang paghahandang gagawin"
- Ate Efralyn De Manuel, Padilla Satellite Office.




Address

#5 Matimpiin Street Brgy. Pinyahan
Quezon City
1110

Opening Hours

Monday 9am - 4pm
Tuesday 9am - 4pm
Wednesday 9am - 4pm
Thursday 9am - 4pm
Friday 9am - 4pm

Website

Alerts

Be the first to know and let us send you an email when K- COOP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category