04/09/2026
PAHAYAG NG SANGGUNIANG KABATAAN COUNCIL
MARAMING ISYU. MARAMING TANONG. PERO HUWAG NATING HAYAAN NA ANG FAKE NEWS ANG MAGING BATAYAN NG ATING PANGHUHUSGA.
Bilang Sangguniang Kabataan Council, kinikilala namin ang karapatan ng bawat kabataan na magtanong, magsuri, at humingi ng transparency at accountability mula sa kanilang mga kinatawan.
Ngunit ang accountability ay dapat nakabatay sa katotohanan. Kaya nais naming itama ang mga impormasyon na kumakalat tungkol sa budget ng SK UP Campus.
Ang 2026 approved annual budget ay ₱7,703,478.62—hindi eksaktong ₱8 milyon. Higit sa lahat, hindi nangangahulugan na ang approved budget ay kasalukuyang hawak o nailipat na sa SK.
Sa kasalukuyang status ng pondo:
₱1,594,427.90 — Transferred Budget
₱6,109,050.72 — Untransferred Budget from Mother Council
Samakatuwid, mahalagang maunawaan ang pagkakaiba ng approved budget at aktuwal na transferred funds bago gumawa ng anumang konklusyon tungkol sa pera ng SK.
Tungkol naman sa mga programang may nakalaang budget, kabilang ang liga, ang mga ito ay budget allocations para sa pagpapatupad ng programa, at hindi personal na cash na maaaring basta-basta gamitin. Ang bawat paggamit ng pondo ay kinakailangang sumunod sa mga umiiral na procurement rules, dokumentasyon, at iba pang proseso.
At bilang isang Konseho, malinaw ang aming paninindigan:
WALANG SHARE.
WALANG PERCENTAGE.
WALANG PERSONAL NA KOMISYON.
Mayroong resolusyon ang aming Konseho na nagbabawal sa pagtanggap ng anumang ganitong personal na pakinabang mula sa mga transaksyon ng SK.
Hindi kami natatakot sa mga tanong.
Hindi kami natatakot sa pagsusuri.
Hindi kami natatakot sa dokumento.
Ang aming tinututulan ay ang pagkalat ng impormasyon na wala sa tamang konteksto, mga halagang inilalahad na tila aktuwal na hawak ng SK, at mga paratang na walang sapat na ebidensya.
Kung may alegasyon, ilabas ang ebidensya.
Kung may duda, suriin ang dokumento.
Kung may tanong, magtanong.
Ngunit huwag nating gawing katotohanan ang isang impormasyon dahil lamang ito ay paulit-ulit na ipinapakalat.
Bilang isang Sangguniang Kabataan Council, naninindigan kami sa TRANSPARENCY, ACCOUNTABILITY, DUE PROCESS, at RESPONSABLENG PAMAMAHALA.
Maraming isyu ang maaaring pag-usapan. Maraming tanong ang dapat sagutin. Pero sa bawat usapin, isang bagay ang hindi dapat mawala: ANG KATOTOHANAN.
Katotohanan bago paratang.
Ebidensya bago akusasyon.
Dokumento bago konklusyon.
— Sangguniang Kabataan Council, UP Campus
