Kilusan ng Manggagawang Kababaihan

30/05/2026

Pagbati Cong. Sarah Elago!

Kasama sa patuloy na laban ng manggagawang kababaihan para sa sahod, trabaho, at karapatan.

09/05/2026

Deserve ng mga nanay ang kalinga at de-kalidad na serbisyong panlipunan. Ang paglalaan ng sapat na pondo para sa pagkalinga ang best na regalong maibibigay sa mga ina, hindi lang isang araw sa buong taon.

01/05/2026

Buong talumpati ni Jacq Ruiz sa Mayo Uno 2026
Tagapagsalita ng Kilusan ng Manggagawang Kababaihan (KMK)

Pagbati sa lahat ng manggagawa, magsasaka, kabataan, kababaihan, mga propesyunal, at iba pang mga sektor na kumilos ngayong Pandaigdigang Araw ng Paggawa!

Sa pagpapatuloy ng krisis sa buong mundo, ramdam na ramdam ng manggagawang Pilipino ang hagupit nito sa araw-araw. Ang imperyalismo, pyudalismo, at burukrata-kapitalismo ay mga sistemang nagsasabwatan upang lalong pigain ang ating lakas-paggawa at pigilin ang pagkamit ng ating mga batayang karapatan, kabilang na rito ang nakabubuhay na sahod, regular na trabaho, at tunay, palaban, at makabayang pag-uunyon.

Nang binomba ng imperyalistang US at zionistang israel ang Iran, pinatindi pa lalo nito ang paghihirap ng mga Pilipino. Sumirit ang presyo ng langis at iba pang produktong petrolyo sa pandaigdigang merkado. Hindi na nakasabay ang barat na sahod ng mga manggagawa habang tumubo ng PHP 5 bilyon ang rehimeng Marcos Jr. noong Marso 2026 sa value-added tax (VAT) at excise tax sa langis. Tinataya namang PHP 13 bilyon ang nakuha sa VAT sa lahat ng bilihin sa pagpapatuloy ng oil price hike noong Abril 2026. Syempre, bukod kay Marcos Jr., kumamal din ng tubo ang mga malalaking negosyante.

Sa huling tala ay nasa 2.66 milyong Pilipino ang walang trabaho at nasa 5.84 milyong manggagawang Pilipino naman ang naghahanap ng dagdag na kita o dagdag na oras dahil sa barat na sahod. Nanatiling kontraktwal ang mayorya ng manggagawang Pilipino at ang mga manggagawang kababaihan ay napapasok sa impormal na paggawa, na lalong nagpapabulnerable sa kanilang mga kalagayan. Kaliwa't kanan din ang paghihigpit sa mga unyon o mga nagtatayo ng unyon na siyang lumalaban para sa pagtataas ng sahod, makataong kondisyon sa paggawa, at iba pang mga benepisyo. Ang mga welga naman ay sapilitang binubuwag.

Sa ganitong kalagayan, walang aasahan ang mga manggagawang Pilipino kundi lumaban at tumindig para sa ating mga batayang karapatan. Tapusin na natin ang ating deka-dekadang pagsasakripisyo para lang sa mga luho ng naghaharing-uri. Palakasin ang ating hanay at kolektibong lakas sa pagkamit ng marami pang tagumpay sa susunod na mga buwan at taon.

Mabuhay ang uring manggagawa! Mabuhay ang sambayanang nakikibaka! # # #

29/04/2026

ANONG WISH MO SA

Panoorin kung ano ang wish ng mga manggagawang kababaihan ayon kay Kilusan ng Manggagawang Kababaihan Jacq Ruiz

22/04/2026

Mag-signup na sa LIBRENG screening sa April 25, 8AM - 12PM!

Hindi laging may sintomas ang banta ng cervical cancer. At tanging sa regular na pagpapasuri lamang makakasiguro na protektado ka laban dito.

Ang cervical cancer ay komplikasyon dulot ng palagiang impeksyon ng Human Papillomavirus o HPV. Karaniwang virus ang HPV na naipapasa sa pamamagitan ng s*x o skin-to-skin contact. Madalas kayang labanan ng katawan ang virus pero pagdating ng edad 30 pataas, humihina na ang kakayanan ng katawan na labanan ito. Walang sintomas ang HPV infection. Kaya rekomendado ng WHO at DOH ang regular na pagpapasuri kada 3-5 taon para makasieguro.

Ang serbisyong ito ay hatid sa inyo ng DOH, Quezon City Health Department, at Women Workers for Health Empowerment Network (WHEN), sa pakikipagtulungan sa GRAB at GRAB Bikers Community sa pamamahala ng .



Mag-sign-up sa link na ito:
https://tinyurl.com/FreeCervicalCancerScreening

20/04/2026

Pagpupugay sa mga manggagawa ng Kowloon House West - Glowhrain KMU sa matagumpay na laban nito sa nakaraang ilang araw at hanggang iputok ang kanilang welga. Magsisilbi kayong inspirasyon sa marami pang manggagawa na magkaisa at ipaglaban ang ating sahod, trabaho at karapatan. Patuloy tayong magmulat, mag-organisa at magpakilos para sa uring anakpawis!

Magkita-kita tayo at muling ipakita ang ating lakas at pagkakaisa sa !

TAGUMPAY ANG WELGA!
Pahayag ng GLOWHRAIN-KMU Kowloon House West Chapter
April 20, 2026

Matagumpay ang welga ng mga manggagawa ng Kowloon House West matapos ang anim na araw ng tigil-produksyon!

Napagkasunduan ng management ng Katipunan Food Services Inc. at ng unyon ang usapin sa pinag-deadlock ng Collective Bargaining Agreement sa huling usap kasama ang National Conciliation and Mediation Board nitong hapon ng April 20, 2026.

Nasarhan ang anim na probisyon, kabilang ang usapin sa dagdag-sahod na pinagkasunduan sa halagang Php 20. Kinilala din ng management ang pagbabalik sa Service Charges sa porma ng staggard payment.

Makasaysayang tagumpay ang welgang ito na nagpapatibay sa papel ng uring manggagawa na siyang lumilikha ng yaman ng buong daigdig. Ipinamalas ng mga manggagawa na tanging welga ang armas sa paglabag sa karapatan nila at ang kaisahan nila ang siyang magtutulak sa tagumpay.

Nagpapasalamat ang mga manggagawa ng Kowloon House West sa lahat ng mga sumuporta, nagbigay ng donasyon, at nakiisa sa aming laban. Kami ay lubos na tumibay dahil sa suporta ng mga konsyumer at mamamayan.

Bagaman naisara ang usapin ng welga, malayo pa rin sa nakabubuhay na sahod ang ating minimum wage. Mula sa matagal na karanasan, napatunayan sa kasaysayan at sa welga na tanging sa sama-samang pagkilos makakamit ang ating mga karapatan. Kung kaya ang laban ng Kowloon ay laban din para sa iba pang mga manggagawa para makamit ang nakabubuhay na sahod, trabaho, at karapatan.

Papaigtingin natin ang laban mula pabrika hanggang lansangan, at sa papalapit na ay buo ang pasya ng Kowloon House West Chapter na magmulat, mag-organisa at magpakilos!

20/04/2026

20/04/2026

𝗞𝗡𝗢𝗪 𝗧𝗛𝗘 𝗦𝗬𝗦𝗧𝗘𝗠: 𝗕𝗣𝗢 𝗪𝗼𝗿𝗸𝗲𝗿𝘀' 𝗟𝗲𝗮𝗿𝗻𝗶𝗻𝗴 𝗮𝗻𝗱 𝗦𝘁𝘂𝗱𝘆 𝗦𝗲𝘀𝘀𝗶𝗼𝗻𝘀
Understanding the issues that shape our lives is the first step toward change. Join our 5-day online learning series as we unpack neoliberalism, wages, prices, global crises, and AI, from a workers’ perspective.

𝗔𝗽𝗿𝗶𝗹 𝟮𝟭 – 𝗟𝗶𝘃𝗶𝗻𝗴 𝗪𝗮𝗴𝗲 𝗣𝗿𝗶𝗺𝗲𝗿
𝗔𝗽𝗿𝗶𝗹 𝟮𝟮 – 𝗣𝗿𝗶𝗰𝗲𝘀 & 𝗩𝗔𝗧 𝗣𝗿𝗶𝗺𝗲𝗿
𝗔𝗽𝗿𝗶𝗹 𝟮𝟯 – 𝗪𝗮𝗿 & 𝗖𝗿𝗶𝘀𝗶𝘀 𝗣𝗿𝗶𝗺𝗲𝗿
𝗔𝗽𝗿𝗶𝗹 𝟮𝟰 – 𝗔𝗜 𝗣𝗿𝗶𝗺𝗲𝗿 (𝟲:𝟬𝟬𝗽𝗺)

⏰ 7:00 PM daily except for April 24
📍 Via Zoom

📌 Register here: https://tinyurl.com/KnowTheSystem
(or scan the QR code)

Open to all workers and advocates!
Tara aral tayo!

18/04/2026

The Kilusan ng Manggagawang Kababaihan (KMK) stands in solidarity with Glowhrain KMU-Kowloon House West workers on strike since Wednesday, 15 April 2026. The strike was erected due to the deadlock in Collective Bargaining Agreement (CBA) negotiations with the management, particulary on the issue of wages.

According to union representatives, the company owes them PHP 108 in additional daily wages due to non-implementation of previous government wage orders. However, their demand entering the negotiations was originally at PHP 55 and currently at PHP 25. Their union president additionally stated that Kowloon has been increasing production of siopao and other products that would increase the company's day-to-day sales.

Aside from wage increase, some of the union's demands also include the protection of "across-the-board wage increase" provision in the CBA, humane work conditions, and respect for union and its activities.

KMK echoes the call of striking workers' demands. We enjoin Filipino women workers to support the strike by sharing official updates on their social media accounts, donating monetarily, or visiting their picket line in Quezon City and hear their stories directly from the striking workers. Ultimately, we vow to fight for a society where workers have an important voice than big businesses in our collective destiny. # # #

15/04/2026