John J. Carroll Institute on Church and Social Issues

12/06/2026

𝐂𝐒𝐓 𝐅𝐫𝐢𝐝𝐚𝐲𝐬 | Pope Leo XIV, Magnifica Humanitas #15

"In the era of artificial intelligence, when human dignity is threatened by new forms of dehumanization, ours is the pressing duty to remain profoundly human."

10/06/2026

𝐕𝐞𝐫𝐢𝐭𝐚𝐬 𝐄𝐝𝐢𝐭𝐨𝐫𝐲𝐚𝐥 (in partnership with ICSI)
Malaya pero bihag pa rin

Mga Kapanalig, sa dalawang araw, ipagdiriwang natin ang Araw ng Kalayaan. Ngunit taun-taon nating tinatanong: tunay nga ba tayong malaya?

Para masagot ito, balikan natin ang ilang mga pangyayari kamakailan.

Noong Marso, dahil sa giyera sa Middle East, pumutok ang krisis sa langis kung saan ang mga tsuper, mga magsasaka, at mga mangingisda ang pinakaapektado. Marami sa kanila ang tumigil sa paghahanapbuhay dahil sa pagtaas ng presyo ng langis. Hindi rin bababa sa tatlo ang nabalitang mga transport workers na namatay dahil sa gutom at init ng panahon habang nakapila o naghihintay ng ayuda.

Noong Abril, siyam na sibilyan, kasama ang dalawang menor de edad, ang pinatay sa isang military operation sa Toboso sa Negros Occidental. Laganap pa rin ang impunity (o ang kawalan ng pagpapanagot sa mga pumatay) at red-tagging (o ang pagbansag sa mga aktibista, mamamahayag, at mga nagtatanggol sa karapatang pantao bilang komunistang rebelde).

Nitong Mayo, mahigit 200 na punò ang pinutol sa Quirino Avenue sa Maynila upang bigyang-daan ang isa na namang expressway ng San Miguel Corporation na pinahintulutan ng Department of Environment and Natural Resources (o DENR). Pansamantalang itinigil muna ang pagputol ng mga punò matapos batikusin ng publiko.

Kamakailan, lumabas sa ulat ng Second Congressional Commission on Education (o EDCOM 2) na matindi ang literacy crisis sa bansa matapos mapag-alamang 87% ng mga estudyanteng Grade 11 ang non-independent readers. Ibig sabihin, halos siyam sa sampung mag-aaral na Grade 11 ang hindi maunawaan ang kanilang binabasa.

Sa ulat naman ng World Bank, halos 28% o tatlo sa sampung Pilipino ang nanganganib na mahulog muli sa kahirapan dahil sa kawalan ng financial security. Ibig sabihin, maraming pamilya pa rin ang nasa bingit ng kahirapan o kumikita nang sapat lamang upang manatili sa ibabaw ng poverty line. Ngunit isang bagyo, isang pagkakasakit, o isang trabahong nawala ang maaaring magtulak sa kanila pabalik sa kahirapan.

Sa gitna ng mga ito, tila tumitindi rin ang hidwaan at p**t sa pagitan ng mga Pilipino sa usapin ng pulitika. Nakikita natin ito sa mga argumento at bangayan sa social media na madalas ay nagiging batuhan na lang ng mga insulto at pangungutya sa isa’t isa. Inuudyok o pinalalalâ pa ang hidwaang ito ng disinformation at fake news, mga organisadong troll armies, at maling paggamit ng artificial intelligence (o AI).

Ilan lang ito sa mga nakadidismayang kaganapan sa bansa habang patuloy ang sirko sa Senado at ang katiwalian sa gobyerno. Patuloy na nag-aagawan sa kapangyarihan ang mga nasa poder at patuloy na nakalalaya ang mga magnanakaw ng kaban ng bayan, pero patuloy din ang pakikidigma ng karaniwang Pilipino laban sa malalalim na suliranin at karahasang bumibihag sa kalayaan at demokrasya ng bansa.

Bilang mga Pilipino, nararamdaman pa rin ba natin ang kalayaang ipinaglaban ng ating mga bayani? Masasabi ba nating tunay tayong malaya kung bihag pa rin tayo ng iba’t ibang anyo ng pananakop gaya ng korapsyon at kasakiman ng iilan sa yaman at kapangyarihan?

Mga Kapanalig, tandaan natin ang wika sa Galacia 5:1: “Malaya na tayo dahil pinalaya tayo ni Kristo. Kaya magpakatatag tayo at huwag nang paalipin pang muli.” Bilang mga Pilipino, responsabilidad nating ipaglaban at pangalagaan ang kalayaang pinaghirapan at pinaglaanan ng buhay ng ating mga bayani. Ipaglaban natin ang kabutihang panlahat; ang pagkiling sa mahihirap at isinasantabi sa lipunan; ang pangangalaga sa kalikasan at kapaligiran; ang makatarungang kapayapaan; ang makabuluhang pakikilahok ng mamamayan sa lipunan; ang dignidad at karapatan ng bawat Pilipino. Hindi lang ito mga panlipunang turo ng Simbahan. Ito rin ang diwa ng pagmamahal sa bayan—ang tunay na magpapalaya sa Pilipinas.

Sumainyo ang katotohanan.

10/06/2026

THE DEAL WITH DYNASTIES

In its forty years, Simbahang Lingkod ng Bayan has advocated for a model of governance that upholds the rights and dignity of all Filipinos. For us, the roadblock towards this has remained the same: political dynasties that continue to rule our country. Amidst the challenges to prohibit the stronghold of political dynasties, alongside addressing the inequality that this system perpetuates, here is why SLB is unwavering in its mission to ensure a government that is just and free from dynasties.

09/06/2026

𝐕𝐞𝐫𝐢𝐭𝐚𝐬 𝐄𝐝𝐢𝐭𝐨𝐫𝐲𝐚𝐥 (in partnership with ICSI)
Mga bisyong tayo rin ang may gawa

Mga Kapanalig, nanawagan kamakailan ang grupong TobaccoOFF Now! na tuluyan nang ipagbawal ang mga v**es at e-cigarettes. Ang TobaccoOFF Now! ay binubuo ng mga kabataang inuudyukan ang gobyernong protektahan ang kanilang henerasyon mula sa adiksyon sa mga makabagong bisyong ito.

Kapansin-pansin ang kaliwa’t kanang pagsulpot ng mga v**e shops o mga tindahan ng v**e. Ang ilan pa nga sa kanila, 24 oras na nakabukás. Nakahilera ang iba’t ibang uri ng e-cigarettes at ang likidong inilalagay sa aparato. Madali ring mabili ang v**e sa online.

De-baterya ang v**e, at ito ang nagpapainit sa likido para maging usok o aerosol mist na nilalanghap at ibinubuga ng gumagamit nito. Ang likidong tinatawag din na “e-juice” ay may iba’t ibang flavors na nakaeengganyo—may mga amoy-matamis, may amoy-prutas, at meron ding amoy-inumin. Malayo ang amoy ng mga ito sa nakasanayan ng marami sa atin na sigarilyong masakit sa ilong at nakasusulasok. Itinatago ng mabangong usok ng v**e ang ni****ne, ang delikadong kemikal na nagbibigay ng masarap at nakakakalmang pakiramdam sa mga naninigarilyo.

Parang laruan din ang itsura ng mga e-cigarettes. Minsan nga napagkakamalan pa silang ballpen kaya madali itong itago ng mga kabataan sa kanilang mga magulang. Agresibo rin ang pagbebenta nito, lalo na online; gaya ng sa anumang bisyo, ipinipintang “cool” at “in” ang paggamit ng v**e. Maliban sa mga ito, ipinalalabas na healthy alternative ang v**e sa paggamit ng tradisyunal na sigarilyo. Pinapaniwala ang mga taong ang nilalanghap nilang usok sa v**e ay mabangong water v***r lamang at hindi nakaaadik na kemikal. Lahat ng ito, kumikiliti sa interes ng kabataan.

Sa Pilipinas, tinatayang nasa 1.2 milyong kabataan ang gumagamit ng e-cigarettes. Ang bahagdan ng gumagamit ng v**e na edad 13 hanggang 15 ay mas malaki pa kaysa sa mga gumagamit ng regular na sigarilyo—14% daw ng mga kabataang nasa ganitong edad ang gumagamit na ng v**e. May mga nakalulusot, kung gayon, sa V**e Law o ang Republic Act No. 11900. Sa batas na ito, hindi pwedeng pumasok sa mga v**e shops ang mga wala pang edad 18. Dapat may ID na inisyu ng gobyerno ang sinumang bibili ng e-cigarette. Wala dapat v**e shop na malapit sa mga eskuwelahan at mga lugar na dinarayo ng kabataan.

Tayong mga nakatatanda ay may tungkuling alagaan ang mga nakababatang henerasyon, pero tayo rin ang nagtatayo ng mga negosyo at industriyang naghihikayat sa mga kabataan na malulóng sa bisyo. Hindi sapat na pagbawalan lamang sila; dapat nating ihinto ang anumang bagay na maglalagay sa kabataan sa kapahamakan. Kumikita nga ang mga nagnenegosyo ng v**e, pero ano ang kapalit? Isang henerasyong lulong sa bisyo, inaabuso ang katawan, at walang pagpapahalaga sa kalusugan. Sa Catholic social teaching na Christus Vivit, inuudyukan ang Simbahan at ang lipunan na maghinapis sa mga trahedyang kinakaharap ng kabataan ngayon sa halip na ilihis ang kanilang atensyon nang makalimutan nila ang mga ito.

Pero ito ang ginagawa ng v**e at e-cigarettes: inaaliw ng mga ito ang ating kabataan nang makalimutan nila ang kanilang mga problema—mga problemang tayong mga nakatatanda ang may kagagawan. Hinahalina natin sila sa mga bisyong ilalayo sila sa tunay na kahulugan ng buhay, sa mga bagay na magbibigay sa kanila ng kaalaman at kakayahan, at sa mga pangarap na maghahatid sa kanila ng isang magandang kinabukasan.

Mga Kapanalig, sabi nga sa 1 Pedro 2:26, huwag nating gawing dahilan sa paggawa ng masama ang ating kalayaan. Malaya tayong tumuklas ng mga bagay-bagay, lalo na ngayong mas maunlad na ang teknolohiya. Pero hindi lisensya ang kalayaang ito para lumikha ng mga bagay-bagay na ikasisira ng iba, lalo na ng kabataan.

Sumainyo ang katotohanan.

09/06/2026

PROTECTING THE SEAS

LOOK: Fisherfolk and youth advocates assemble a human banner forming the number "15" at the Sunken Garden inside the University of the Philippines Diliman on Sunday, June 7, 2026. The demonstration symbolizes their commitment to protecting the country's 15-kilometer municipal waters—a critical near-shore fishing ground reserved for artisanal fisherfolk where marine life breeds and sustains local communities.

Advocates warn that encroachment by commercial fishing vessels and ongoing reclamation projects threaten these delicate marine ecosystems, putting both the seabed and traditional livelihoods at risk. | 📸: Grig C. Montegrande, Philippine Daily Inquirer

09/06/2026

LET'S PRAY FOR MINDANAO

A powerful 7.0 magnitude earthquake has shaken parts of Mindanao, leaving many communities in fear and uncertainty. In this difficult time, let us come together in prayer for the safety, protection, and healing of all those affected.

May the Lord strengthen rescue workers, comfort displaced families, and grant wisdom to leaders and responders as they provide aid and assistance.

Let us stand in solidarity with our brothers and sisters in Mindanao—not only through our prayers but also through acts of compassion and support.

"God is our refuge and strength, an ever-present help in times of trouble." — Psalm 46:1

Please include Mindanao in your prayers today.

LET'S PRAY FOR MINDANAO

A powerful 7.0 magnitude earthquake has shaken parts of Mindanao, leaving many communities in fear and uncertainty. In this difficult time, let us come together in prayer for the safety, protection, and healing of all those affected.

May the Lord strengthen rescue workers, comfort displaced families, and grant wisdom to leaders and responders as they provide aid and assistance.

Let us stand in solidarity with our brothers and sisters in Mindanao—not only through our prayers but also through acts of compassion and support.

"God is our refuge and strength, an ever-present help in times of trouble." — Psalm 46:1

Please include Mindanao in your prayers today.

08/06/2026

𝐕𝐞𝐫𝐢𝐭𝐚𝐬 𝐄𝐝𝐢𝐭𝐨𝐫𝐲𝐚𝐥 (in partnership with ICSI)
Papalayô sa tunay na demokrasya

Mga Kapanalig, patuloy ang gulo sa Senado, isang institusyong inaasahan nating kumakatawan sa ating mga hangarin at tumutugon sa ating mga pangangailangan.

Noong Lunes, inaresto na si Senador Jinggoy Estrada sa kasong plunder kaugnay ng flood control scandal. Muling napunô ng tensyon sa Senado nang sunduin siya ni DILG Secretary Jonvic Remulla. Iginiit ni dating Senate President Alan Peter Cayetano na huwag hulihin si Senador Estrada sa loob ng Senado. Aniya, pagyurak ito sa “independence” o kasarinlan ng Mataas na Kapulungan.

Noong araw ding iyon, naghintay ang labing-isang senador mula sa minority bloc sa mga kapwa nila senador na nasa majority bloc pero walang dumating. Hindi sila nakapagtrabaho dahil walang quorum. Para sa kanila, boycott ang ginawa ng mayorya. Naninindigan silang ang pag-aresto kay Senador Estrada ay hindi banta sa kasarinlan ng Senado. Ipinakikita nito na walang pinipili ang batas. Kailangang managot sa batas ang sinumang akusado at pagbayaran ang kanilang kasalanan, kung mapatutunayan.

No show pa rin ang mayorya sa sumunod na araw. Sa pagkakataong iyon, nanawagan na ang minorya kay Senador Cayetano na mag-resign bilang Senate President. Anila, maituturing na pag-abandona sa kanyang tungkulin ang hindi pagsipot sa sesyon. Ayon kay Senador Sherwin Gatchalian, gumagastos tayo ng 25 milyong piso sa isang araw para sa Senado. Bawat senador naman, dagdag ni Senador Erwin Tulfo, ay nakatatanggap ng sampung libong piso kada araw. Milyun-milyong pera ng taumbayan ang naaksaya dahil sa hindi pagpasok ng mayorya.

Maraming mahahalagang agenda ang Senado sa mga nasayang na araw. Isa sa mga ito ang pagtalakay sa Anti-Hospital Detention Bill, isang panukalang batas na layong protektahan ang mga pasyenteng hindi pinalalabas ng ospital kapag hindi sila makabayad. Nariyan din ang Magna Carta of Barangay Health Workers na layuning isulong ang mga karapatang paggawa o labor rights ng mga barangay health workers. Sa madaling salita, hindi lang tayo nawalan ng milyun-milyong piso, napagkaitan din tayo ng mga batas na itataguyod ang ating mga karapatan.

Sa ikatlong araw, hindi pa rin pumasok ang majority senators, maliban kay Senador Francis Escudero. Dahil dito, nagkaroon ng quorum sa bilang na 12, batay sa 22 na senador na maaaring gampanan ang kanilang tungkulin (o hindi kabilang sina Senador Estrada at ang nagtatagong si Senador Ronald Dela Rosa). Naging daan ito para maging acting Senate President si Senador Gatchalian at ma-reorganize ang mga komite ng Senado. Sa kabila nito, iginigiit ni Senador Cayetano na siya pa rin ang Senate President at hindi pa rin humuhupa ang kanyang mga patutsada sa mga kapwa niya senador.

Sa mga turo ng Simbahan, ang tunay na demokrasya ay bunga ng pagtanggap sa mga prinsipyong sama-sama nating pinahahalagahan katulad ng dignidad ng tao, mga karapatang pantao, at kabutihang panlahat. Kung walang pagkakasundo sa mga prinsipyong ito, nawawala ang malalim na kahulugan ng demokrasya at nakokompromiso ang katatagan nito. Magiging ganap lamang ang demokrasya kung sama-sama nating isinusulong ang dignidad at karapatan ng bawat isa tungo sa kabutihang panlahat.

Lalayô tayo sa tunay na demokrasya kung patuloy na uunahin ng ating mga senador ang kanilang pansariling interes. Ginagamit nila ang puwesto at kapangyarihang ipinahiram natin sa kanila para sa kanilang mga sarili. Sinasayang nila ang pagkakataong baguhin ang buhay nating mga Pilipino.

Mga Kapanalig, ipagdasal natin ang mga nangyayari sa ating bayan, lalo na sa Senado. Sa susunod nating pagpili ng mga senador, makapagluklok sana tayo ng “mga taong marunong, maunawain at iginagalang,” ‘ika nga sa Deuteronomio 1:13. Sa ngayon, huwag tayong mapagod na subaybayan ang ginagawa ng ating mga mambabatas upang matiyak na kahit papaano’y tumutungo tayo papalapit sa tunay na demokrasya.

Sumainyo ang katotohanan.

08/06/2026

✊🏻 Over 500 farmers have traveled from Luzon, the Visayas, and Mindanao to mount a week-long camp-out outside the Department of Agrarian Reform (DAR) Central Office from Jun. 8 to 10, 2026. This major mobilization aims to secure a face-to-face dialogue with DAR Secretary Conrado Estrella III to address critical land rights issues.

✊🏻 Over 500 farmers have traveled from Luzon, the Visayas, and Mindanao to mount a week-long camp-out outside the Department of Agrarian Reform (DAR) Central Office from Jun. 8 to 10, 2026. This major mobilization aims to secure a face-to-face dialogue with DAR Secretary Conrado Estrella III to address critical land rights issues.

Read the full press release: https://www.climatejustice.ph/post/farmers-camp-out-at-dar-demand-dialogue-with-secretary-estrella-to-fulfill-carp-s-promise

🌾

08/06/2026

"Technology has the power to heal, connect, educate and protect our common home; but it can also divide, exclude and generate new forms of injustice."
(Pope Leo XIV, Excerpts from Encyclical: Magnifica Humanita)

"Technology has the power to heal, connect, educate and protect our common home; but it can also divide, exclude and generate new forms of injustice."
(Pope Leo XIV, Excerpts from Encyclical: Magnifica Humanita)

05/06/2026

Following a two-day boycott, the Senate resumed Session No. 69 on June 3, 2026, appointing Senator Sherwin Gatchalian as Senate President Pro Tempore.

However, with the chamber immediately adjourning sine die, a wave of leadership transitions and committee reorganizations has left the legislature in a temporary standstill.