27/11/2023
𝗠𝗔𝗡𝗚𝗚𝗔𝗚𝗔𝗪𝗔 𝗡𝗚 𝗡𝗖𝗥: 𝗠𝗔𝗚𝗞𝗔𝗜𝗦𝗔, 𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗣𝗔𝗚𝗧𝗔𝗔𝗦 𝗡𝗚 𝗦𝗔𝗛𝗢𝗗!
𝙆𝘼𝙎𝙐𝙇𝘼𝙏𝘼𝙉 𝙉𝙂 𝙋𝘼𝙂𝙆𝘼𝙆𝘼𝙄𝙎𝘼!
𝙈𝙐𝙇𝘼 𝙎𝘼 𝙒𝘼𝙂𝙀 𝙄𝙉𝘾𝙍𝙀𝘼𝙎𝙀 𝙉𝙊𝙒 - 𝙉𝘾𝙍, 𝙋𝘼𝙍𝘼 𝙎𝘼 𝙋𝘼𝙉𝘼𝙒𝘼𝙂𝘼𝙉𝙂 𝙋𝙃𝙋 200 𝘿𝘼𝙂𝘿𝘼𝙂 𝙎𝘼𝙃𝙊𝘿 𝘼𝙏 𝙋𝘼𝙂𝘽𝘼𝘽𝘼 𝙉𝙂 𝘽𝙄𝙇𝙄𝙃𝙄𝙉!
ANG WIN – NCR ay tugon sa pangangailangan na magkaisa ang manggagawang Pilipino para isulong at ipaglaban ng kagyat ang dagdag-sahod sa panahon na patuloy na tumataas ang presyo ng bilihin, mataas na inflation rate at sa hindi makabangon ang kalakhan ng mga Pilipino mula sa lockdown ng pandemya kung saan marami ang nawalan ng trabaho at maraming nagutom dahil sa kawalan ng sahod. Ang WIN-NCR bilang isang campaign network ay layunin ang mga sumusunod:
1. Magkaroon ng PHP 200 dagdag sahod bilang 'immediate wage relief' upang kahit paano ay matugunan ang napakalayo ng agwat ng tunay na halaga ng minimum na sahod sa NCR sa mataas na konsumo o cost of living ng bawat manggagawang Pilipino.
Sa matagal na panahon, hirap umahon sa kahirapan at kagutuman ang mga Pilipino.
Mula sa panahon ng lockdown ng pandemya, marami ang nawalan ng trabaho at nagsara na mga negosyo. Sadyang napilitan ang maraming mga Pilipino na gumawa ng mga paraan para magkaroon ng dagdag na pambili ng mga batayang bilihin at serbisyo tulad ng pagkain, tubig, kuryente at pambayad ng renta sa mga inuupahang bahay.
Sa ilalim ng bagong administrasyon ni Pangulong Bongbong Marcos, napakataas pa rin ng inflation rate na umaabot na ng 8.7% noong Enero 2023. Sa NCR ang sahod ay nasa PHP 570 hanggang 610. Kalahati lamang ito ng tunay na cost of living kada araw na PHP 1,200 na pangangailangan ng bawat pamilyang Pilipino. Mas mababa ang pasahod sa ibang rehiyon at pinakamasahol ay sa BARMM na PHP 316 lamang.
Hindi na nakakabuhay ang sahod na binibigay sa mga manggagawa, kaya bilang kagyat na tulong sa bawat manggagawang Pilipino nananawagan kami sa lahat ng mga manggagawa at mamamayang Pilipino na makiisa sa panawagang PHP 200 dagdag sahod bilang immediate relief. Kabilang sa mga panawagan ay ang mga sumusunod:
- Magkaroon ng mga malawakang konsultahan at mga talakayang manggagawa kaugnay ng tinatanggap na sahod sa lath ng linya at sektor ng paggawa.
- Magpost ng ating mga pahayag at hinaing para sa panawagang dagdag sahod gamit ang hashtag: !
- Mamahagi ng mga polyeto patungkol sa dagdag sahod PHP 200 immediate relief
- Itulak sa Senado at Kamara ang PHP 200 dagdag sahod na kahingian ng mga manggagawa sa NCR.
2. Magkaroon ng PHP 1,200 family living wage ang bawat manggagawa sa pamamagitan ng pagtaas ng tunay na halaga ng sahod. Dahil sa mataas na cost of living sa Pilipinas, kinakailangang tiyakin na ang bawat pamilyang Pilipino ay mayroong karampatang family living wage.
Umaabot na sa PHP 1,200 ang cost of living ng pamilya. Sa pangkabuuan, umaabot sa humigit-kumulang PHP 27,000 ang buwanang gastos ang pamilya na mayroong limang miyembro. Dapat itong makamit sa pagkuha ng tunay na halaga ng sahod ng mga manggagawang Pilipino sa pamamagitan ng national minimum wage kung saan tiyak na hindi mapupuwersa ang bawat miyembro ng pamilya, kagaya ng mga anak, sa pagtrabaho o paghinto ng pag-aaral para lamang makaraos sa taas ng bilihin. Ipanawagan sa Pangulong Bongbong Marcos, Jr. na maglabas ng Executive Order para sa PHP 1,200 FLW.
3. Ilantad ang Regional Tripartite Wages and Productivity Board o RTWPB bilang isang ahensiya ng Department of Labor and Employment (DOLE) na hindi kinakailangan sa Pilipinas dahil pinagiiba-iba nito ang sahod ng mga manggagawa sa mga rehiyon, samantalang pareho lamang ang mga pangangailangan ng mga manggagawa sa kabuan gayundin pareho lamang ang cost of living at presyo ngmga bilihin at gastos sa mga serbisyo sa buong bansa.
𝙆𝙖𝙮𝙖 𝙣𝙖𝙣𝙖𝙣𝙖𝙬𝙖𝙜𝙖𝙣 𝙖𝙣𝙜 𝙒𝙖𝙜𝙚 𝙄𝙣𝙘𝙧𝙚𝙖𝙨𝙚 𝙉𝙤𝙬 – 𝙉𝘾𝙍 𝙠𝙖𝙨𝙖𝙢𝙖 𝙖𝙣𝙜 𝙞𝙗𝙖’𝙩-𝙞𝙗𝙖𝙣𝙜 𝙞𝙣𝙙𝙞𝙗𝙞𝙙𝙬𝙖𝙡, 𝙜𝙧𝙪𝙥𝙤, 𝙤𝙧𝙜𝙖𝙣𝙞𝙨𝙖𝙨𝙮𝙤𝙣, 𝙢𝙖𝙜𝙞𝙣𝙜 𝙠𝙖𝙧𝙖𝙣𝙞𝙬𝙖𝙣𝙜 𝙢𝙖𝙢𝙖𝙢𝙖𝙮𝙖𝙣, 𝙪𝙣𝙮𝙤𝙣, 𝙥𝙖𝙗𝙧𝙞𝙠𝙖, 𝙚𝙨𝙠𝙬𝙚𝙡𝙖𝙝𝙖𝙣, 𝙤 𝙠𝙖𝙬𝙖𝙣𝙞 𝙣𝙜 𝙜𝙤𝙗𝙮𝙚𝙧𝙣𝙤 𝙣𝙖 𝙣𝙖𝙜𝙠𝙖𝙠𝙖𝙞𝙨𝙖 𝙪𝙥𝙖𝙣𝙜 𝙞𝙥𝙖𝙩𝙖𝙢𝙥𝙤𝙠 𝙖𝙣𝙜 𝙠𝙖𝙝𝙞𝙡𝙞𝙣𝙜𝙖𝙣 𝙣𝙜 𝙠𝙖𝙜𝙮𝙖𝙩 𝙣𝙖 𝙙𝙖𝙜𝙙𝙖𝙜-𝙨𝙖𝙝𝙤𝙙 𝙨𝙖 𝙥𝙖𝙣𝙖𝙝𝙤𝙣 𝙣𝙜 𝙠𝙧𝙞𝙨𝙞𝙨 𝙣𝙜 𝙣𝙖𝙥𝙖𝙠𝙖𝙩𝙖𝙖𝙨 𝙣𝙖 𝙥𝙧𝙚𝙨𝙮𝙤 𝙣𝙜 𝙗𝙞𝙡𝙞𝙝𝙞𝙣 𝙖𝙩 𝙝𝙞𝙣𝙙𝙞 𝙣𝙖𝙠𝙖𝙗𝙪𝙗𝙪𝙝𝙖𝙮 𝙣𝙖 𝙨𝙖𝙝𝙤𝙙 𝙨𝙖 𝙗𝙪𝙤𝙣𝙜 𝙗𝙖𝙣𝙨𝙖.
![[𝗣𝗢𝗟𝗬𝗘𝗧𝗢] SUMASAPAT BA ANG ANG SAHOD MO?Para sa mga nais kumuha ng hard copy, maaring magbigay ng mensahe sa aming faceb...](https://img3.ngos1.com/998/187/198291499981870.jpg)
