TABAK PHL

16/06/2026

15/06/2026

WE ARE LIVE!

🎙️ Pakigbisog Para sa Hustisya (A Tangguyob special on Lumad struggles and the Talaingod 13)

Panoorin: https://youtu.be/uhd-xJQJeFM?si=ItFJXeTp5xo3LEyC
https://youtu.be/uhd-xJQJeFM?si=ItFJXeTp5xo3LEyC
https://youtu.be/uhd-xJQJeFM?si=ItFJXeTp5xo3LEyC

On June 8, we remember the killing of Kuni Cuba, a Lumad youth and student. On June 15, we remember the Lianga Massacre II, where Lumad minors Angel and Lenie Rivas, with farmer W***y Rodriguez, were killed.

These killings reflect the continuing counterinsurgency program imposed on Indigenous Peoples’ communities in Mindanao, where militarization, paramilitary operations, forced evacuations, and red-tagging are used to suppress resistance against mining, plantations, dams, and other large-scale projects encroaching on ancestral lands.

The continuing attacks against advocates of Lumad rights and the right to education are deeply connected to these issues. Among those targeted are the Talaingod 13—composed of activists, teachers, church workers, and human rights defenders—who joined a humanitarian and rescue mission in 2018 to assist Lumad students and teachers facing threats and militarization in Talaingod, Davao del Norte. Instead of being recognized for protecting children and communities, they were red-tagged and slapped with trumped-up charges. Such actions from the state criminalizes solidarity with Indigenous Peoples and humanitarian action.

—

In this Tangguyob special on Lumad struggles and Talaingod 13, we will be discussing the situation of Lumad communities, Indigenous Peoples’ rights, and the broader struggle for ancestral land and self-determination. We will be featuring songs by the Concerned Artists of the Philippines and TUBAW Music Collective, focusing on narratives of struggle, resistance, and victories of the Lumad. We will continue to call for justice for all victims of oppression and suppression by the state!

Co-organized with Dang A Dang Radio and Defend Talaingod 13 Network

11/06/2026

Patuloy na nakakaranas ng panggigipit mula sa estado ang mga lider ng Cordillera Peoples Alliance (CPA) na sila Chairperson Windel Bolinget, founding member Sarah Alikes, Research Commission member Jennifer Taggaoa, at Regional Council member Stephen Tauli. Pinagkait ng Baguio City Regional Trial Court Branch 78 ang Petition for Certiorari kaugnay ng arbitraryong pagtatalaga sa mga lider-Katutubo bilang mga terorista gamit ang Anti-Terrorism Law (ATL) na isinabatas noong 2020.

Ang ATL ay malinaw na sandata ng estado upang supilin ang pakikibaka ng mga Katutubo para sa lupa, at paggigilit ng mamamayan para sa kanilang demokratikong karapatan. Sa pag-iral ng batas na ito, nilalagay ng estado ang mga biktima sa panganib at banta ng kriminalisasyon at iligal na pag-aresto.

Mariing kinokondena ng Tunay na Alyansa ng Bayan Alay sa Katutubo (TABAK) ang hindi makatarungang desisyon ng korte noong Abril 30, 2026. Ito ay direktang atake sa buhay at kalayaan ng mga Katutubo at mamamayan na magpahayag, mag-organisa, at lumaban.

Naninindigan ang TABAK na ang pagtataguyod ng mga Katutubo sa kanilang karapatan sa lupang ninuno at sariling pagpapasya ay hindi gawaing terorismo. Ang terorismo ay ang sistematikong pananakot, paglabag sa karapatang pantao, militarisasyon, pambobomba at pang-aabuso ng estado laban sa mamamayang nakikibaka.

Nananawagan ang TABAK sa lahat, lalo na sa Indigenous Peoples’ rights advocate na ating suportahan ang laban ng Cordillera Peoples Alliance. Ating patuloy na ipanawagan ang pagbabasura sa Anti-Terrorism Law, at panagutin ang lahat ng nasa likod ng pang-aabuso. Sama-sama nating labanan ang paggamit ng estado sa batas bilang sandata ng panunupil sa mamamayang lumalaban! #

02/06/2026

SABUKAN ON! Palayain ang mga Katutubo, Moro, at advocates na bilanggong politikal!

Kilalanin natin ang mga Indigenous Peoples at Moro rights advocates na kasalukuyang nakakulong dahil sa mga gawa-gawang kaso at pampulitikang pag-uusig. Ipanawagan natin ang kanilang agarang pagpapalaya at hustisya para sa hindi makatarungan nilang pagkakapiit!

Si Loida Magpatoc, isang peace consultant ng National Democratic Front of the Philippines, ay nahaharap sa mga gawang-gawang kaso sa iba’t ibang korte, kabilang ang illegal possession of fi****ms and explosives, rebellion at double murder. Bagama’t may ilang kasong ibinasura, nananatiling nakabinbin ang iba nang walang pagdinig na nagpapakita ng kawalang-katarungan sa kanyang matagal na pagkakakulong. Nakatulong siya sa Reciprocal Working Committee on Social and Economic Reforms, na nakatuon sa reporma sa lupa at karapatan ng mga Katutubo. Ang kanyang gawain ay naglalayong tugunan ang ugat ng armadong tunggalian sa pamamagitan ng pagtataguyod ng karapatan sa lupang ninuno at paglaban sa militarisasyon. Bilang bilanggong pulitikal, siya ay kumakatawan sa ugnayan ng adbokasiya para sa kapayapaan at pagtatanggol ng mga komunidad ng Katutubo. Ang kanyang pagkakakulong ay nagpapakita ng pagwawalang-bahala ng estado sa mga kasunduang dapat magbigay ng proteksyon sa mga peace consultant sa ilalim ng Joint Agreement on Safety and Immunity Guarantee at sa mas malawak na kampanya nitong patahimikin ang mga tagapagtanggol ng karapatan ng Katutubo.

02/06/2026

Ipinapaabot ng Tunay na Alyansa ng Bayan Alay sa Katutubo (TABAK) ang pagpupugay kay Kim Falyao, National Coordinator ng Bai Indigenous Women’s Network, sa kanyang natanggap na pagkilala mula sa Amnesty International Philippines bilang Outstanding Young Human Rights Defender.

Ang parangal na ito ay pagkilala sa kanyang dedikasyon at sa sama-samang pakikibaka ng mga kababaihang Katutubo. Sa harap ng patuloy na pang-aagaw ng lupaing ninuno at paglabag sa karapatang pantao, ang mga Katutubong kababaihan ay matatag na sumusulong upang igiit ang kanilang mga karapatan at kapakanan.

Kasabay ng pagkilalang ito, ipinagbubunyi rin ng TABAK ang parangal sa Karapatan bilang Most Distinguished Human Rights Defender (Organization), na patunay ng kanilang dekada-dekadang walang pagod na pagtatanggol sa mga biktima ng paglabag sa karapatang pantao. Gayundin, ang pagkilala kay Gabriela Women's Party Representative Sarah Elago bilang Most Distinguished Human Rights Defender (Individual) ay nagpapatibay sa papel ng kababaihan bilang matatag na tinig sa loob at labas ng Kongreso. At sa larangan ng sining, ang parangal na Art that Matters – Visual Arts Award kay Brian Barrios ay nagpapatunay na ang sining ay makapangyarihang sandata sa paglalahad ng katotohanan at pagpapalakas ng panawagan para sa hustisya.

Ang mga pagkilalang ito ay patunay na ang mga Katutubo, kabataan, kababaihan, tagapagtaguyod ng karapatang pantao, at alagad ng sining ay may mahalagang papel sa pagsusulong ng katarungan at tunay na pagbabago. #

02/06/2026

Ang ika-60 na kaarawan ni Teacher France Castro ay tanda ng matatag na paninindigan at walang pag-aatubiling pakikiisa sa Lumad at sa lahat ng mga Katutubo. Sa panahon ng matinding militarisasyon, atake ng paramilitar, pambobomba, red-tagging, at sapilitang pagpapasara ng mga paaralang Katutubo, si Teacher France at ang buong Talaingod 13 ay patuloy na nakikibaka kasama ang mga Katutubo. Sila ay tumindig, kumilos, at tumulong sa mga Lumad na matagal nang biktima ng pagkakait ng gobyerno sa kanilang karapatan sa lupa, edukasyon, at sariling pagpapasya.

Ngunit ang National Solidarity Mission noong 2018 sa Talaingod ay ginawang krimen ng estado. Ang Talaingod 13, na kumilos para iligtas ang mga batang Lumad, ay hindi makatarungang hinatulan ng korte. Ito ang malinaw na mukha ng panunupil. Ang mga tunay na nagtatanggol sa karapatan ng Katutubo ay sinasampahan ng mga gawa-gawang kaso, habang ang mga nasa kapangyarihan na responsable sa karahasan at korapsyon ay patuloy na malaya. Ang NTF-ELCAC, mula sa rehimen ni Duterte hanggang rehimeng Marcos Jr., ay ginagamit bilang makinarya ng pananakot at pagpapatahimik. Maging ang National Commission on Indigenous Peoples, na dapat ay kakampi ng mga Katutubo, ay naging kasangkapan ng panunupil.

Para sa TABAK, ang buhay at pakikibaka ni Teacher France ay paalala at hamon. Paalala na ang laban para sa lupa, edukasyon, buhay, at kabuhayan ng mga Katutubo ay sumusulong. Hamon na sa bawat tagapagtanggol ng karapatan ng mamamayan, kailangang magpatuloy ang pagkilos, magpatuloy ang pakikiisa sa mga Katutubo, at magpatuloy ang paninindigan.

Sa kanyang ika-60 kaarawan, ipinapakita ni Teacher France na ang tunay na pag-ibig ay pag-ibig sa bayan, ang tunay na paninindigan ay paninindigan para sa mga inaapi, at ang tunay na pakikibaka ay pakikibaka para sa karapatan at kapakanan ng mga Katutubo.

Himahamon ng TABAK ang lahat ng Indigenous Peoples' rights advocates na palakasin ang panawagan para sa pagdepensa ng Talaingod 13. Hindi kailanman krimen ang pagtindig at pakikiisa sa mga Katutubo sa ilalim ng inutil na rehimen. Dapat managot ang mga paramilitar at galamay ng estado na pilit pinatatahimik ang mga komunidad na naggigiit ng kanilang mga karapatan.

Mabuhay si Teacher France! Mabuhay ang Talaingod 13! Mabuhay ang Lumad at lahat ng mga Katutubo! Mabuhay ang sambayanang lumalaban! #

01/06/2026

SABUKAN ON! Palayain ang mga Katutubo, Moro, at advocates na bilanggong politikal!

Kilalanin natin ang mga Indigenous Peoples at Moro rights advocates na kasalukuyang nakakulong dahil sa mga gawa-gawang kaso at pampulitikang pag-uusig. Ipanawagan natin ang kanilang agarang pagpapalaya at hustisya para sa hindi makatarungan nilang pagkakapiit!

Si Marc Arriane Tolentino Mendiola, isang psychology graduate at dating chairperson ng College Editors Guild of the Philippines Baguio-Benguet, ay nakakulong dahil sa gawa-gawang kasong illegal possession of fi****ms and explosives. Ang kanyang pagkakakulong ay sumasalamin sa panunupil ng estado laban sa mga aktibista na kumukwestiyon sa hindi pagkakapantay-pantay sa sistemang pangkalusugan at paggawa. Nakipag-ugnayan siya sa Alliance of Health Workers sa Baguio-Benguet, nakibaka para sa makatarungang sahod, makataong kondisyon, at people-centered na polisiya sa kalusugan. Pinalawak din niya ang adbokasiya sa mental health, lalo na sa mga Katutubo at rural na komunidad, kaya’t ang kanyang pagkakakulong ay tuwirang atake sa karapatan sa kalusugan ng mamamayan.

28/05/2026

28/05/2026

SABUKAN ON! Palayain ang mga Katutubo, Moro, at advocates na bilanggong politikal!

Kilalanin natin ang mga Indigenous Peoples at Moro rights advocates na kasalukuyang nakakulong dahil sa mga gawa-gawang kaso at pampulitikang pag-uusig. Ipanawagan natin ang kanilang agarang pagpapalaya at hustisya para sa hindi makatarungan nilang pagkakapiit!

Si Ana Marie Rilloroza, isang manggagamot at tagapagtaguyod ng karapatan sa kalusugan, ay nahaharap sa gawa-gawang kaso na attempted murder. Layunin ng mga kasong ito na patahimikin ang kanyang paglilingkod sa mga komunidad ng Katutubo. Bilang myembro ng Community Health Education, Services, and Training in the Cordillera Region, pinangunahan niya ang mga medical mission para sa mga liblib na komunidad at nagsanay ng daan-daang magsasaka bilang community health workers. Naging tagapagsalita rin siya ng Save the Abra River Movement, na nagdokumento ng pinsalang pangkalusugan at pangkapaligiran dulot ng malalaki at mapanirang pagmimina. Nagtapos siya sa UP College of Medicine at naging tagapagtatag ng Pangkalusugang Samahan ng mga Mag-aaral, piniling manirahan sa mga komunidad ng Katutubo bilang pagtupad sa tungkulin ng manggagamot na harapin ang ugat ng sakit. Ang kanyang adbokasiya ay nagtatampok ng karapatan ng mga Katutubo sa kalusugan, lupa, at ligtas na kapaligiran.