27/03/2025
MALIGAYANG KAARAWAN, Jerome Adonis for Senator! 🥳✊🏽
Alam niyo po, ang inyong lingkod, Elmer ‘Ka B**g’ Labog, former Senatorial candidate at current Kilusang Mayo Uno chairperson, ay nagpasyang ipagpaliban ang pagtakbo sa pagka-senador ngayong 2025 midterm elections dahil nakahanap na ko ng kapwa lider-manggagawa na alam kong mas mahusay at mas masiglang magagampanan ang tungkulin.
Matagal ko na pong kasama si Ka Jerome sa pagsusulong ng karapatan ng manggagawa, magsasaka, kabataan, at iba pang aping sektor ng ating lipunan. Tiyak akong hindi niya tayo kailanman bibiguin.
Kung nabubuhay lang din sila ngayon, tiyak akong babasbasan at susuportahan din nang buong giliw ng magigiting na lider-manggagawang sina Crispin ‘Ka Bel’ Beltran, Ka Bert Olalia, Ka Lando Olalia, at Andres Bonifacio ang pagtakbo ni Jerome Adonis sa Senado bilang kinatawan ng manggagawang Pilipino.
Panahon na po para sa bago, sa alternatibo, sa tunay na magsusulong ng kapakanan ng taumbayan. Maghalal tayo ng manggagawa sa Senado, iboto natin si Jerome Adonis, #2 sa balota!
