Pag-Asa Youth Organization

22/07/2026

𝐓𝐀𝐊𝐁𝐎 𝐏𝐀𝐑𝐀 𝐒𝐀 𝐏𝐀𝐆-𝐀𝐒𝐀, 𝐓𝐀𝐊𝐁𝐎 𝐋𝐀𝐁𝐀𝐍 𝐒𝐀 𝐃𝐑𝐎𝐆𝐀!🏃‍♂️💨

Ang pakikipagkaisa ng mga kabataan ng Pag-Asa Youth Organization sa Fun Run Kontra Droga sa Brgy. Pasong Tamo ay patunay ng ating pagsuporta at paglaban sa iligal na droga.

Sa bawat hakbang at takbo, ipinapakita natin ang ating lakas at determinasyon. Hindi solusyon ang bisyo sa pagkamit ng mga pangarap ng kabataan! Suportahan natin ang mga kabataan sa kanilang laban para sa isang komunidad na malaya sa droga. Tara, takbo para sa pagbabago!

Taos-puso kaming nagpapasalamat kay Kapitana Tricia Pilar sa kauna-unahang Fun Run sa ating Brgy. Pasong Tamo, pati na rin sa bumubuo nito—lalo na sa ating mga Kagawad at SK Kagawad. Ang pagbibigay ninyo ng suporta sa ganitong uri ng programa ay nagbibigay sa amin ng kagalakan at positibong pananaw sa adhikain na kontra-droga.

Kami mula sa Pag-Asa Youth Organization ay masayang lumahok kahit pa umulan bago magsimula ang aktibidad. Hindi kami nagpatinag at tumakbo pa rin—dahil bilang kabataan, hindi kami basta-basta sumusuko. Patuloy kaming tatakbo para sa pag-asa at sa magandang kinabukasan ng ating komunidad. Hindi lamang ito tungkol sa pagtakbo, kundi tungkol din sa pakikipaglaban sa iligal na droga. Kaya't sabay-sabay nating isigaw: Let’s Go Drug-Free!

Kabataan para sa Bayan, Pag-asa ng Kinabukasan! 🤍✨