Sulong CBFM

27/06/2026

https://www.facebook.com/share/1BKHkV8cyG/

22/06/2026

22/06/2026

PANAWAGAN PARA SA PAGLIKHA NG CBFM/COMMUNITY FORESTRY DIVISION SA FMB-DENR

Sa loob ng mahigit tatlong dekada, napatunayan ng Community-Based Forest Management (CBFM) na ang mga komunidad ang pinakamahalagang katuwang sa pangangalaga at pagpapaunlad ng ating kagubatan.

Mula nang ipatupad ang Executive Order No. 263 noong 1995, mahigit 1.6 milyong ektarya ng kagubatan ang napailalim sa CBFM Agreements, na may halos 2,000 People's Organizations (POs) at humigit-kumulang 300,000 miyembro sa buong bansa.

1. Nakapagpatayo ng mga model forests
2. Nakapagpalakas ng pamayanang lider at organisasyon
3. Nakapagbuo ng mga sustainable livelihood at social enterprises
4. Nakatulong sa reforestation, agroforestry, biodiversity conservation, at climate resilience
5. Naging mahalagang katuwang ng DENR, LGUs, academe, NGOs, at pribadong sektor

Ngayon, sa ilalim ng Government Optimization Act, panahon na upang kilalanin at higit pang palakasin ang papel ng mga komunidad sa pangangasiwa ng kagubatan sa pamamagitan ng paglikha ng isang Community-Based Forest Management / Community Forestry Division sa loob ng Forest Management Bureau (FMB).

Ang panukalang ito ay magbibigay ng:
- Mas malinaw na representasyon ng social equity sa Sustainable Forest Management
- Mas matatag na suporta sa mga People's Organizations at Indigenous Communities
- Mas epektibong pagpapatupad ng mga programa sa pangangalaga ng kagubatan
- Mas balanseng pagtugon sa ecological sustainability, economic viability, at social justice

Ang CBFM ay hindi lamang programa—ito ay isang pambansang estratehiya para sa pangangalaga ng kalikasan, kabuhayan ng mamamayan, at katarungang panlipunan.

Sama-sama nating isulong ang isang mas inklusibo, mas matatag, at mas makatarungang pamamahala ng kagubatan para sa susunod na henerasyon.










🌿🇵🇭

10/06/2026

Ang usapin ng FPIC ay hindi lamang tungkol sa karapatan ng mga Katutubo kundi pati na rin sa kapakanan ng mga CBFM Communities at People's Organizations na matagal nang katuwang sa pangangalaga ng ating kagubatan. Dapat tiyakin na ang anumang pagbabago sa FPIC Guidelines ay hindi magpapahina sa partisipasyon ng mga komunidad, kanilang customary governance, at karapatan sa likas-yaman. Ang tunay na pag-unlad ay nakabatay sa makabuluhang konsultasyon, transparency, at paggalang sa karapatan ng mga taong direktang nangangalaga sa kalikasan.

01/05/2026

https://web.facebook.com/share/p/1JvnLU1CtT/

Hindi dapat pagharapin ang trabaho at kalikasan, pangunguha ng Non-Timber Forest Products (NTFP) katulad ng rattan, honey, almaciga, atbp., at iba pang livelihood enterprises na umaasa sa malusog na kagubatan, malinis na tubig, at ligtas na kapaligiran.
Kapag nasira ang kagubatan at watershed, hindi lang iilang trabaho ang nalalagay sa alanganin. Pati ang pang-araw-araw na kabuhayan ng mga magsasaka, mangingisda, katutubong pamayanan, kababaihan, at mga pamilyang direktang umaasa sa likas-kayang yaman ay naaapektuhan.

May hangganan ang pagmimina. Ngunit ang pinsala nito sa kagubatan, tubig, at kabuhayan ay maaaring tumagal nang higit pa kaysa sa mismong buhay ng minahan.

Ang tunay na tanong ay hindi lang kung may trabaho ngayon. Ang tanong ay: anong uri ng kabuhayan ang pinoprotektahan natin, para kanino, at hanggang kailan?

Ang kailangan ng Palawan ay hindi huwad na pagpipilian sa pagitan ng trabaho at ng kalikasan. Ang kailangan natin ay makatarungan, legal, at pangmatagalang kabuhayan na hindi winawasak ang kalikasan na pinagmumulan din ng buhay ng mas nakararami.