Tambisan sa Sining

14/08/2026

ICYMI: Kahapon, naganap ang lunsad kampanya ng Surian Sining (SUSI) para sa ika-7 na anibersaryo nito, ang kampanyang OPENSIBA: Kulturang Bayan Kontra Imperyalistang Digma, ginanap ito kahapon sa Ateneo Art Gallery. Kasama dito ang iba’t-ibang mga pangkulturang organinsasyon, lider-masa, mga manggagawang pangkultura, at mga artista ng bayan.

Pinaliwanag dito ang pangangailangan ng isang Pambansa, Siyentipiko, at Maka-masang kultura na tutugon sa totoong maka-uring interes ng mamamayang Pilipino sa kasalukuyang panahon bunsod ng kabila’t kanang krisis na dulot imperyalismong agresyon ng US at pagiging pabaya ng gobyerno ni Marcos Jr. at Sara Duterte.

Sa huling bahagi ay nakapagbahagi rin ng pagtingin ang mga organisasyon kasama ang Tambisan sa Sining sa kabuuang kampanya ng SUSI, mula usaping anti-imperyalista (pagtutol sa Pax Silica, US Bases, at Luzon Economic Corridor), neoliberalismo, sahod, trabaho, at karapatan, at iba pang mga tampok na kampanya na may masaklaw na epekto sa kultura at buhay ng mamamayang inaapi.

Hamon ang kampanyang OPENSIBA sa mga artista at manggagawang pangkultura na patuloy na makibaka, lumikha, mag-organisa, at labanan ang imperyalistang agresyon ng US at itaguyod ang mapaglayang kultura: ang Pambansa, Siyentipiko, at Maka-masang kultura na maglilingkod sa interes ng sambayanan!

ARTISTA NG BAYAN TULOY-TULOY ANG LABAN!

14/08/2026

14/08/2026

HANDS OFF JEROME ADONIS!
HANDS OF JACQ RUIZ!
HANDS OFF FILIPINO WORKERS!

Kahapon, ika-13 ng Agosto, tinangkang arestuhin ng PNP si Kilusang Mayo Uno (KMU) Chairperson Jerome Adonis sa dahilan ng gawa-gawang kaso ng paglabag umano sa Article 153 of the Revised Penal Code noong Mayo Uno, ang Pandaigdigang Araw ng Uring Manggagawa. Kasama sa kinasuhan ay si Jacq Ruiz, tagapagsalita ng Kilusan ng Manggagawang Kababaihan (KMK).

Mariing kinukundena ng Tambisan sa Sining ang PNP at si Marcos Jr. sa atake nito kontra sa makatwirang panawagan at paglaban ng manggagawang Pilipino kasama ang buong mamamayan para sa pagpapataas ng sahod, tunay na reporma sa lupa, pananagutan, at katarungan. Ang atakeng ito sa mga lider-manggagawa ay panlulupig sa daan-daang mamamayan na nagdurusa dahil sa sistematikong kahirapan at ngayon ay piniling lumaban.

Kami sa Tambisan sa Sining ay matibay na nakikiisa kay Jerome Adonis at sa libu-libong mamamayan na tumungo sa lansangan noong Mayo Uno—na siya namang nagdala ng takot at ligalig sa administrasyon at pasistang makinarya ni Marcos Jr., kaya’t ngayon sila’y nanunupil ng mga aktibistang nananawagan ng tunay na pagbabago sa ating lipunan.

Bilyun-bilyon ang pondo ni Marcos Jr. para sa paglabag ng karapatang pantao, ngunit para sa dagdag-sahod ng mga manggagawa ay nganga! Imbis na ilaan ng estado ang pondo at pwersa nito para matugunan ang malalang krisis ngayon sa kuryente, langis, at iba pa, mas pinili pa nitong supilin ang taumbayan at ibenta ang ating yaman sa Imperyalistang US. Higit na matingkad ang kawalan ng kwenta ng isang estado na pumapabor sa mga malalaking negosyante at sa amo nitong US, kesa sa mga manggagawa, magsasaka, kababaihan, at iba pang aping sektor.

Mga artista ng bayan, tayo ay magbigkis at lumaban kasama ang mga manggagawa para sa pagtatatag ng isang gobyerno na tunay na naglilingkod sa bayan! Wala tayong ibang maaasahan kundi ang ating pagkakaisa at pagkilos!

Pagtulungan nating bunuin ang halaga para sa bail at legal defense fund sa mga sumusunod:
GCASH
Maria Elena P
09519251037
Bank Name: EASTWEST BANK
Account Name: Kilusang Mayo Uno (KMU)
Account Number: 200056974139
SWIFT CODE: EWBCPHMM###

12/08/2026

𝑶𝑷𝑬𝑵𝑺𝑰𝑩𝑨: 𝑲𝒖𝒍𝒕𝒖𝒓𝒂𝒏𝒈 𝑩𝒂𝒚𝒂𝒏 𝑲𝒐𝒏𝒕𝒓𝒂 𝑰𝒎𝒑𝒆𝒓𝒚𝒂𝒍𝒊𝒔𝒕𝒂𝒏𝒈 𝑫𝒊𝒈𝒎𝒂
𝐊𝐈𝐋𝐀𝐋𝐀𝐍𝐈𝐍 𝐀𝐍𝐆 𝐌𝐆𝐀 𝐓𝐀𝐆𝐀𝐏𝐀𝐆𝐒𝐀𝐋𝐈𝐓𝐀

𝐌𝐠𝐚 𝐓𝐚𝐠𝐚𝐩𝐚𝐠𝐬𝐚𝐥𝐢𝐭𝐚
𝐃𝐚𝐧𝐢𝐞𝐥𝐥𝐞 𝐌𝐚𝐝𝐫𝐢𝐝 — Surian ng Sining
Filmmaker, labor rights advocate, at Secretary General ng Surian ng Sining. Dating Public Information Officer ng Kilusang Mayo Uno at propaganda committee head ng Tambisan sa Sining.

𝐉𝐨 𝐓𝐚𝐧𝐢𝐞𝐫𝐥𝐚 — Linangan ng Kulturang Pilipino
Visual artist at labor rights advocate. Kasalukuyang secretary ng Department of Cultural Affairs ng Kilusang Mayo Uno. Ateneo Art Awards Fernando Zobel Prize awardee.

𝐉𝐚𝐢𝐦𝐞 𝐂𝐚𝐥𝐦𝐚 — The FQS Movement
Labor rights advocate at cultural worker, kasapi ng First Quarter Storm Movement.

Moderator:
𝑬𝒕𝒊𝒆𝒏𝒏𝒆 𝑭𝒐𝒓𝒕𝒊𝒏 mula sa Surian ng Sining - Human Rights Desk

🗓️ August 13, 2026 · 1:00 PM
📍 2F Ateneo Art Gallery, Ben Chan ArtSuite
Soledad V. Pangilinan Arts Wing, Areté, Ateneo de Manila University

Bahagi ng pampublikong programa ng 𝐓𝐚𝐧𝐚𝐰 𝐚𝐧𝐠 𝐁𝐚𝐥𝐚́𝐭𝐢𝐤: 𝐒𝐢𝐩𝐚𝐭 𝐬𝐚 𝐊𝐨𝐥𝐞𝐤𝐭𝐢𝐛𝐨𝐧𝐠 𝐏𝐚𝐠𝐠𝐚𝐰𝐚 (𝐎𝐫𝐢𝐨𝐧 𝐢𝐧 𝐒𝐢𝐠𝐡𝐭: 𝐀 𝐕𝐢𝐞𝐰 𝐨𝐟 𝐂𝐨𝐥𝐥𝐞𝐜𝐭𝐢𝐯𝐞 𝐖𝐨𝐫𝐤) sa Ateneo Art Gallery. Kabahagi rin ang Hilway Press at Likhaan: University of the Philippines Institute of Creative Writing para sa pagbubuo ng ating programa!
Ang pagtitipon na ito ay bukas sa lahat!

👉👉MAG SIGN UP NA PO KAYO DITO: https://go.ateneo.net/LunsadKampanyaOpensiba

10/08/2026

Join us this Friday afternoon for a discussion on Philippine society and revolution! Learn about the the history of the Philippines from the point of view of the oppressed and exploited classes, the three roots of poverty that plague the nation, and what we can do to change these conditions.

Paaralang Renz Lee: Mubong Kurso sa Katilingban ug Rebolusyong Pilipino
August 14, 2026 (Friday), 1:00PM
UP Cebu Kiosks
Sign up @ forms.gle/gyamjBi4oboYDqWy5

**********
We are also open to donations! If you wish to donate, you can do so by sending to our GCash (09618847434, Ma**a Ni*a P.); just add “For Tambe” as a note. Thank you!

10/08/2026

NORTH-SOUTH HARBOR BRIDGE, TUTULAN! ANG LABAN NG MAMAMAYAN NG PAROLA, AY LABAN KONTRA SA PYUDALISMO, BURUKRATA-KAPITALISMO, AT IMPERYALISMO!

Mahigpit na nakikiisa ang Tambisan sa Sining sa laban ng mamamayan ng Parola tutol sa tinatayong North-South Harbor Bridge. Mahigit 1,390 na kabahayan ang maapektuhan ng tinatayong tulay. Dagdag pa rito, hindi rin makatao ang pagtrato ng DPWH, NHA, at EcoSys Corp. sa mga pamilyang apektado ng proyekto.

Hindi ang mamamayan ng Parola ang makikinabang sa tinatayong tulay, kundi ang mga kapitalistang ganid tulad nina Enrique Razon at Ramon Ang at ang kanilang mga kasabwat.

Ang pagtatayo ng North-South Harbor Bridge ay iligal, anti-mamayan, at pambansang suliranin din tulad ng inisyatibang Pax Silica sa Capas, Tarlac, dahil ang dalawang proyektong ito ay bahagi ng Luzon Economic Corridor (LEC) na nagsisilbi lamang sa interes ng Imperyalistang US.

Manggagawa’t artista, tutulan ang North-South Harbor Bridge! Demolisyon sa Parola, tutulan, labanan, huwag pahintulutan!

07/08/2026

DAGDAG-SAHOD IPAGLABAN, HUWAG ISUSPENDE!

Pahayag ng Tambisan sa Sining hinggil sa pagpataw ng Temporary Restraining Order (TRO) sa ₱85 dagdag-sahod sa NCR.

Ang pagsuspende sa dagdag-sahod ay patunay na hindi totoo ang mga tagumpay na ipinagyayabang ni President Marcos Jr. sa kanyang ika-limang SONA. Patuloy na naghihikahos ang mga manggagawa sa ilalim ng patung-patong na krisis na pinaiigting ng Rehimeng US-Marcos Jr.

Artista at manggagawang pangkultura, makiisa sa mga manggagawa! Ipaglaban ang dagdag-sahod! Ipaglaban ₱1200 na pambansang nakabubuhay na sahod!

02/08/2026

IPANALO ANG TUNAY, PALABAN, AT MAKABAYANG UNYON! IPANALO ANG LABAN NG DEMOKRATIKONG MANGGAGAWA SA IWS ADLO-KMU!

Nakiisa ang Tambisan sa Sining sa laban para sa nakabubuhay na sahod, benepisyo, regularisasyon, at seguridad sa trabaho ng mga manggagawa ng IWS sa pangunguna ng LDM-IWS-ADLO-KMU.

Lumahok ang mga artista ng bayan sa pagpapatambol ng 15-point Agenda para sa Sahod, Trabaho, at Karapatan ng mga manggagawa ng IWS at tumungo sakanilang mga tirahan para paingayin at ilinaw pa ang ipinaglalaban ng LDM para sa kapakanan ng mga manggagawa. Tungkulin natin bilang mga manggagawang pangkultura na lumahok sa pakikibaka ng uring manggagawa para sa pagtatagumpay ng kanilang laban para sa kanilang mga demokratikong karapatan.

Artista at manggagawang pangkultura makiisa at suportahan ang LDM-IWS-ADLO-KMU, ang tunay, palaban, at makabayang unyon ng mga manggagawa ng IWS!

Kung nais mag-volunteer, mag-mensahe lamang sa official page ng LDM - IWS

30/07/2026

CALLING FOR DONATIONS! ✊✨️

Nananawagan kami ng suporta para sa transportasyon ng mga volunteer na makikiisa sa laban ng mga manggagawa upang itayo ang tunay, palaban, at makabayang unyon na LDM-IWS. Maaaring i-scan ang QR code para sa pagpapaabot ng donasyon. Lagyan lamang ng note na: Para sa IWS Volunteers!

Sumama sa laban ng mga manggagawa sa IWS!
Ipanalo ang LDM-IWS-ADLO-KMU! ✊

30/07/2026

MARCOS JR. KURAKOT AT PAHIRAP SA MASA!

Sa ika-limang State of the Nation Address ng korap at pahirap na si Pangulong Bongbong Marcos Jr nitong Hulyo 27, nakiisa ang Tambisan sa Sining sa pagtitipon ng sambayan mula sa iba't ibang sektor sa Commonwealth, Quezon City upang ilantad ang tunay na kalagayan ng bansang kontra sa pilit ipinipinta ni Ferdinand Marcos Jr. Habang kaniyang ipinagmamalaki ang diumano'y pag-unlad ng bansa, patuloy namang dinaranas ng sambayanang Pilipino ang mga epekto ng kanyang inutil na administrasyon tulad ng 'di nakabubuhay na sahod sa kabila ng mahal na presyo ng mga bilihin at batayang serbisyo, kawalan ng tunay na reporma sa lupa, palalang pasismo sa kanuyunan at lungsod, at bulok na serbisyo sa kalusugan, edukasyon, at transportasyon. Dagdag pa rito, ang kanyang pagpapakapapet sa imperyalismong US sa mukha ng kooperasyon nito sa US-initiative Pax Silica sa kabila ng matinding pagtutol ng sambayanan dito.

Sa kabilang banda, kinokondena ng Tambisan sa Sining ang marahas at iligal na pag-aresto ng PNP sa tinaguriang SONA51. Ang panunupil na ito ay malinaw na pag-atake sa karapatan ng mamamayan sa malayang pamamahayag at protesta.

Bilang bahagi sa pagtataguyod ng aming layunin, aming itinampok ang mga sining na naglalaman ng mga panawagan ng manggagawa, artista, pesante, at ng iba't iba pang sektor. Sa lipunang may pagsasamantala at pang-aapi, ang sining ay dapat magsilbi sa masa, magmulat sa kapwa, at magbigay-lakas sa kolektibong pakikibaka para sa pambansang demokrasya.

ARTISTA NG BAYAN, TULOY-TULOY ANG LABAN!