http://tambisansasining.tripod.com/

Tambisan sa Sining, Quezon City (2026)

18/09/2026

HINDI NABUBURA ANG KASAYSAYAN,
PATULOY NA SISINGILIN ANG MGA PAHIRAP SA BAYAN!

Sinimulan na ng Tambisan sa Sining ang paggawa ng mga plakard para sa nalalapit na komemorasyon ng Martial Law sa ika-21 ng Setyembre, bitbit ang mga panawagang nagpapatampok sa katotohanan na ang kalagayan ng bansa sa ilalim ng rehimeng US-Marcos Jr. ay walang pinag-iba sa kalagayan ng bansa sa ilalim ng diktadura ni Marcos Sr.

Sa bawat letra, may kinatatayuang usapin. Sa bawat panawagan, may pananagutin.

LAHAT NG SANGKOT, DAPAT MANAGOT, HANGGANG SA TUKTOK!

SETYEMBRE 21, BAHAIN MULI ANG LANSANGAN!

17/09/2026

GANIYAN ANG MGA TUBONG TONDO.
GALIT SA KORAP.
GALIT SA GAHAMAN.
GALIT SA DAYUHANG PANDARAMBONG.

🔥LAHAT NG SANGKOT, DAPAT MANAGOT! 🔥

✊Sumama sa September 21! No to Pax Silica! ✊
MANGGAGAWA, ARTISTA, AT MARALITA, SUMALI SA SINING PANTALAN!
tinyurl.com/siningpantalan
tinyurl.com/siningpantalan
tinyurl.com/siningpantalan

11/09/2026

TINGNAN: Muling nag-picket protest ang mga manggagawa ng Kowloon House West Chapter ngayong umaga ng Setyembre 11. Inilunsad ang pagkilos bilang protesta sa illegal dismissal sa tatlong miyembrong drayber ng Kowloon, na sinibak umano dahil sa "redundancy", kahit nangako ang management mismo na magkakaroon daw ng 11 bagong empleyado bilang replenishment sa loob ng pagawaan.

Ang ginagawa ng management ng Kowloon ay isa nanamang porma ng union busting, o tangkang pagpapahina ng pagkakaisa ng union, at banta sa seguridad sa trabaho ng mga manggagawa.

Artista at manggagawang pangkultura, makiisa sa laban ng mga manggagawa ng Kowloon!

10/09/2026

PALAYAIN ANG LEC FORUM 5!
PAX SILICA AT LUZON ECONOMIC CORRIDOR, IBASURA!

Mariing kinokondena ng Tambisan sa Sining ang sunud-sunod na ilegal na pag-aresto sa limang paralegal na tumutulong sa mga nagprotesta laban sa Luzon Economic Corridor Investors Forum sa Grand Hyatt Hotel, BGC.

Unang dinakip at dinala sa Taguig City Police Station ang tatlong paralegal, kabilang sina Mara Peralta ng UMA, Kenneth Castor ng UP Office of the Student Regent at Jona Yang, dating Pangkalahatang Kalihim ng AGHAM. Kasunod nito, inaresto rin sa Taguig City Hall sina Daya Juliano ng Karapatan at RC Placido ng Tanggol Magsasaka habang inaasikaso nila ang mga naunang dinakip.

Sa pinakahuling ulat, 27 na ang mga nasugatang nagprotesta. Hindi pa pinal ang bilang at maaari pa itong madagdagan habang nagpapatuloy ang beripikasyon.

Tahasang pag-atake ito sa karapatang magprotesta, sa pagbibigay ng tulong-legal, at sa mga tagapagtanggol ng karapatang pantao. Hindi simpleng abuso ang pagdakip sa limang paralegal sa loob lamang ng ilang oras. Layunin nitong sindakin at patahimikin ang lumalawak na pagtutol sa mga proyektong nakatali sa dayuhang interes.

Kabilang ang Pax Silica sa ilalim ng Luzon Economic Corridor. Ang Pax Silica ay isang inisyatiba ng US na magtitiyak ng natural resources para sa produksyon semiconductor at pagsiguro sa AI Global Supply Chain. Nagbabanta itong magpalikas sa hanggang 20,000 Ayta at magsasaka mula sa kanilang lupang ninuno, habang lalo ring pinabibigat ang pangangailangan sa tubig at enerhiya ng mga komunidad sa Gitnang Luzon.

Hindi krimen ang magprotesta. Ang tunay na krimen ay ang paggamit sa kapangyarihan ng estado upang patahimikin ang mamamayan at ipagtanggol ang mga proyektong kumikitil sa kanilang lupa, kabuhayan, at karapatan.

Pakawalan agad ang lahat ng inaresto! Itigil ang panggigipit sa mga paralegal, aktibista, at tagapagtanggol ng karapatang pantao! Ibasura ang Pax Silica at Luzon Economic Corridor!

06/09/2026

️TAMBISAN SA SINING IN THE 16TH GWANGJU BIENNALE!

This September 4, the official opening of the 16th Gwangju Biennale was held. Considered as one of the most prestigious contemporary art expos in East Asia and was established to commemorate the 1980 Gwangju Uprising (The May 18 Democratic Movement).

Prominent artists and art collectives from all over the world showcased their discernment of the world through creative works. TAMBISAN SA SINING along with other progressive artists under the initiative of College of Fine Arts, UPD represented the Philippine Pavillion.

In light of the econimic, political, and military turmoil we are facing around the world due to imperialist wars of agressions, it compels us to accelerate the CULTURAL COUNTER OFFENSIVE on all fronts (local and international) against the intensifying coercive assimilation of imperialist culture in our society.

LET US UNREMITTINGLY DEMONSTRATE THE NATIONALIST, SCIENTIFIC, AND MASS-ORIENTED CULTURE TO THE INTERNATIONAL STAGE! RESOLUTELY BROADEN THE ANTI-IMPERIALIST STRUGGLE THROUGH UNITIES WITH OTHER NATIONS!

LONG LIVE THE PEOPLE'S STRUGGLE AGAINST IMPERIALISM AND COLONIALISM! LONG LIVE THE PHILIPPINES' NATIONAL DEMOCRATIC STRUGGLE FOR NATIONAL LIBERATION!

Initiated by: College of Fine Arts, UPD. Dean Toym Imao
Curated by: Lisa Ito-Tapang
featured works by Jef Carnay x Racquel de Loyola, Karl Castro, Federico "Boy D" Dominguez, Avie Felix, Ides Macapanpan, Danielle Madrid, Renan Ortiz, Cap Reyes, Jose Tence Ruiz, and Tambisan sa Sining.

31/08/2026

Kahapon ang ika-31 na kaarawan ni RJ Ledesma. Muli nating sariwain ang makabuluhang buhay na inialay ni RJ sa piling ng masang anakpwis.

Makabuluhan ang naging buhay niya sapagkat inilapat niya sa praktika ang totoong gampanin ng mga alagad ng midya at artista ng bayan — ang tumungo sa komunidad ng mamamayan at isiwalat ang kalagayan at paghihirap ng mamamayang Negrense.

Hindi matatawaran ang ambag ni RJ sa gawaing pangkultura bilang manunulat at alagad ng midya. Ang kamera ay ginamit niya para ibunyag ang deka-dakadang inhustisya sa isla ng Negros. Iniliahad din niya nang mahusay ang tumitinding tunggalian ng uri sa isang malakolonyal at malapyudal na lipunan gamit ang panitikan. Walang imbot niyang ipinukaw at inorganisa ang kabataan, magbubukid at manggagawa ng Negros . Sa makatuwid, sinagisag niya ang kulturang panaghoy at hinihingi ng panahon — ang kulturang makabayan, siyentipiko at makamasa!

Hinawan ni RJ ang landas na tatahakin ng mga artista ng bayan kasama ang mga manggagawa at magsasaka - ang pagtatagumpay ng pambansa demokratikong pakikiba na may sosyalistang perspektiba!

Hanggat walang napapanagot mula sa berdugong 79th Infantry Battalion at buong AFP at reaksyunaryong estado, at hangga’t nananatili ang kalunos-lunos na kalagayan ng mga magbubukid dulot ng pyudal na relasyon sa kanayunan , mahigpit na bibitbitin ng mga artista ng bayan ang diwa ni RJ at ng Negros 19 sa pagkakamit ng tunay na hustisya at kalayaan!

RJ LEDESMA, BAYANI NG MASANG ANAKPAWIS AT NG BUONG SAMBAYANAN!

HUSTISYA PARA KAY RJ LEDESMA AT SA NEGROS 19!

31/08/2026

“𝙈𝘼𝙋𝙐𝙍𝙊𝙇 𝘼𝙉𝙂 𝙋𝘼𝙉𝙐𝙇𝘼𝙏 𝙆𝙐𝙉𝙂 𝙃𝙄𝙉𝘿𝙄 𝙄𝙏𝙊 𝙏𝙐𝙈𝘼𝙏𝘼𝙉𝙂𝘼𝙉 𝙎𝘼 𝙈𝘼𝙎𝘼”

Hindi lang natin basta binibigyang-gunita ang malayang pamamahayag, ito rin ang araw na kinikilala natin ang kakayahan at katibayang-loob na mayroon ang isang mamamahayag upang hamunin ang mapanupil na estado.

Sa lipunang mala-kolonyal at mala-pyudal, tuwiran lagi ang paghuhunyango ng iba’t ibang uri ng pang-aabuso sa mga alagad ng midya na tigapamandila ng katotohanan.

Nariyan ang gawa-gawang kaso na patungkol sa ilegal na pagmamay-ari ng baril at pampasabog. Kagyat din nito ay ang mga kasong terrorism financing na kasalukuyang kinakaharap ngayon ni Frenchie Mae Cumpio na kasama sa apat pang aktibista na ilegal na inaresto ng mga militar.

Ang kaso ni Jacob Baluyot na isang estudyante’t mamamahayag na binigyan ng subpoena ng CIDG nang mangyari ang malawakang protesta noong nakaraang taon lang. Ang mababaw na dahilan ng kapulisan, isa siya diumano sa mga namuno ng panggugulo—kahit pa hayag na siya ay naroon upang mag-ulat lamang sa nangyaring pagkilos.

Ang sumunod pang kaso ay ang malagim na nangyari kay RJ Ledesma, isang manunulat at editor ng Paghimutad Negros at nagsilbi ring regional coordinator ng Altermidya sa rehiyon. Kasama siya sa 19 na namatay sa Toboso, Negros Occidental nang magkaroon ng walang habas na aerial bombing at hanggang ngayon pilit kinakalat ng 79th IB ang naratibong lahat ng kanilang minasaker ay diumano'y mga armadong NPA at napatay sila sa “lehitimong engkuwentro”.

Kung tutuusin ang mga ganitong taktika ng tutang gobyerno at kapulisan ay lumang tugtugin na. Pinepeste tayo ng pamamasista upang busalan at kontrahin ang mamamayan sa pag-alpas nito sa kanilang tanikala.

Ngunit sa mga pagkakataon ng pagkabuwal at pagkasawi ay dapat lalong umuusbong ang diwa ng rebolusyonaryong Pilipino. Sapagkat walang sinuman ang makakaligtas sa atin mula sa hagupit ng daluyong ito, kundi ang magkakabigkis nating panulat at braso.

Kaya kabataang alagad ng midya, ngayong Pambansang Araw ng Pamamahayag, itaas ang mga panulat, papel, at kamera. Patuloy na magmulat, magsulat, makibaka, magsilbi sa masang api at sinasamantala.

Pangigibabawan ang takot, taas kamaong manindigan at magsiwalat ng katotohanan sa lipunang pinagsisilbihan!

DEFEND PRESS FREEDOM
FREE FRENCHIE MAE CUMPIO
JUSTICE FOR RJ LEDESMA
STOP THE ATTACKS

———
Sumali sa TAMBEKOM!
🔗 https://tinyurl.com/jointambekom

28/08/2026

PALAYAIN AGAD ANG KASIBU 13! ITIGIL ANG PANDARAHAS SA MGA TAGAPAGTANGGOL NG LUPA AT KALIKASAN!

Mariing kinukundena ng Tambisan sa Sining ang ilegal at marahas na pag-aresto ngayong Agosto 28 sa 13 residente at tagapagtanggol ng kalikasan sa anti-mining barikada sa Barangay Pacquet, Kasibu, Nueva Vizcaya.

Mapayapang nagbabarikada ang mga mamamayan upang pigilan ang muling pagpasok ng krudo para sa mga backhoe ng North Luzon Mineral Resources Corporation (NLMRC) nang sila ay dahasin at arestuhin ng kapulisan. Sa halip na pakinggan ang lehitimong pagtutol ng komunidad, ginamit na naman ang mga pulis bilang es**rt at tagapagtanggol ng interes ng korporasyong naglalayong magmina sa kanilang lupain.

Hindi ito hiwalay na insidente. Noong Agosto 19, tatlong residente rin ang inaresto habang ipinagtatanggol ang parehong barikada laban sa pagpasok ng krudong gagamitin sa kagamitan ng NLMRC. Ang sunod-sunod na pag-aresto, pagsasampa ng mga kaso, pananakot, at presensya ng mga armadong pwersa sa komunidad ay malinaw na pagtatangkang buwagin ang pagkakaisa at paglaban ng mamamayan.

Mayo 8 pa lamang ay nagtayo ng barikada ang mga mamamayan ng Kasibu upang tutulan ang mineral exploration ng NLMRC. Saklaw ng permit na iginawad ng DENR–MGB noong Hunyo 25, 2025 ang 4,456 ektarya ng lupain sa kanilang komunidad. Tinututulan ito ng mga residente dahil wala itong tunay na konsultasyon at FPIC, at nagbabanta sa kanilang lupang ninuno, kabuhayan, kabahayan, at kalikasan.

Hindi maaaring ihiwalay ng mga artista at manggagawang pangkultura ang ating sarili sa pakikibakang ito. Malaking bahagi ng ating hanay ay nagmumula sa mga katutubo at mamamayan sa kanayunan. Sa kanilang lupa umuusbong ang wika, awit, sayaw, ritwal, kasaysayan, at kolektibong identidad. Kapag inaagaw at winawasak ang lupang ninuno, winawasak din ang materyal na bukal ng kultura.

Nananawagan ang Tambisan sa Sining sa lahat ng artista, manunulat, manggagawang pangkultura, at mamamayan na makiisa sa Kasibu 13 at sa mga komunidad na nagtatanggol sa kanilang lupa, kabuhayan, kultura, at kinabukasan.

Palayain agad ang Kasibu 13!
Ibasura ang lahat ng gawa-gawang kaso laban sa mga tagapagtanggol ng kalikasan!
Palayasin ang pulis at militar sa mga komunidad at barikada!
Palayasin ang NLMRC!
Itigil ang mapaminsalang pagmimina sa Kasibu!
Ipagtanggol ang lupang ninuno, kabuhayan, kultura, at kalikasan!

23/08/2026

Muling niyanig ang ating mga pamayanan at paaralan sa mga ulat ng mga naganap na shooting at karahasan sa loob ng mga kampus. Sa gitna ng trahedyang ito, mabilis ang naging reaksyon ng estado: ituro ang kasalanan sa video games, social media, at diumano’y "kawalan ng disiplina" ng kabataan.

Mariing kinukundena ng Tambisan sa Sining ang Rehimeng US-Marcos Jr. at ang mersenaryong PNP-AFP sa walang-hiyang pagtatakip nito sa tunay na ugat ng karahasan sa bansa. Ang mga naitalang kaso ng school shooters ay mayroong direktang koneksyon at kamag-anak sa pulisya—isang malinaw at hindi maikakailang patunay na hindi natin maaaring isisi sa social media o laro ang mga nagdaang kaso ng karahasan sa loob ng mga paaralan. Ang tunay at numero unong violator ng karapatang pantao sa Pilipinas ay ang mismong estado, sa pakikipagsabwatan sa among Imperyalistang US!

Sa isang lipunang itinuturing na karaniwang bagay ang pandarahas ng PNP-AFP at nananatiling hindi napaparusahan ang mga pwersa ng estado na nangaabuso sa kapangyarihan, dito bumubukal ang tunay na kultura ng karahasan.

Mahalagang kasangkapan ng Imperyalistang US ang pasistang estado upang mapanatili ang dominasyon nito sa Pilipinas. Makikita ito sa puspusang pagsuporta sa pagpapalakas ng military-industrial complex ng estado sa bisa ng pagpapataas ng pondo at benepisyo sa mga pulis at militar, habang kibit-balikat naman sa mga paglabag sa karapatang pantao. Sa ganitong kaayusan, mabilis na lumalaganap ang kultura ng karahasan na namamana ng mga kabataan.

Isang malaking salik din na hawak ng Imperyalismong US ang internet algorithm na patuloy na nagpapalawak ng mga propagandang napro-promote sa gun violence at iba pang marahas na anti-sosyal na aktibidad, na nagpapaigting sa paghubog sa mga kabataang namulat sa karahasan sa loob ng isang pasistang lipunan.

Alinsunod ito sa pagpapalakas ng Imperyalistang US sa paglalako ng armas pandigma at paguusig ng mga digmaan bilang pangunahing merkado. Ang malawakang gun deregulation at pagbaha ng mga armas sa ating bansa ay direktang produkto ng pagiging basalyo ng Pilipinas sa US, kung saan binibili ng gobyerno ang mga armamentong ginagamit din upang pumatay at yumurak sa karapatang pantao ng mamamayan.

Ngayon, habang isinusulong ng rehimeng US-Marcos Jr. ang Pax Silica, isang inisyatiba na magpapaunlad sa kagamitang pandigma gamit ang AI, lalong sasahol ang pasistang paghahari sa bansa. Huwad na kalayaan ang pinangangalandakan na pag-unlad na dulot umabo ng Pax Silica, dahil mas palalalain lamang nito ang mga kaso ng karahasan, pambubusal, at pagpatay sa ating mga paaralan at komunidad.

Maraming armas, maraming kapulisan at militar, maraming digma, at mas maraming karahasan.

Mga artista ng bayan at manggagawang pangkultura, magkaisa at lumaban! Huwag payagang ipasa ang sisi sa kabataan habang ang tunay na kriminal ay ang pasistang estado ni Marcos-Duterte at ang amo nitong Imperyalistang US!

21/08/2026

YOHOO, DITO ANG TINGIN! 👀🫵🏻

Iskolar ng Bayan, handa na ba kayo sa First Day Fight? 🔥

Palabang Diwa, READY! ✅�Balatengga, READY! ✅�Placards, READY! ✅�OOTD, Hmmm? 🤔

Hindi mo lang bitbit ang diwang palaban, isuot mo na rin! ✊🎨 Tara na’t magpahagod sa ArtDeck PH at Tambisan sa Sining-Sta.Mesa ng Artists Bite Back Screen Printed Shirt!

All you need is:�✅ ₱200
✅ Light-Colored Shirt 👕🎨

Artista at Iskolar ng Bayan, tuloy-tuloy ang ating laban! ✊
📅 August 22, 2026�⏰ 10 AM�📍 PUP

Tambisan sa Sining

18/09/2026

17/09/2026

11/09/2026

10/09/2026

06/09/2026

31/08/2026

31/08/2026

28/08/2026

23/08/2026

21/08/2026

Address

Website

Alerts

Contact The Organization

Shortcuts

Share

Category

Listing takedown request