University Hotel Worker's Union

12/06/2026

Nakiisa ang University Hotel Workers’ Union at iba pang manggagawa ng Quezon City sa HINDIpendence Day kanina sa harap ng US Embassy.

Naninindigan ang UHWU na hindi tunay na malaya ang mga manggagawa sa Pilipinas hanggat patuloy na nakikipagkasunduan ang rehimen ni Marcos Jr. sa imperyalismong US. Sa loob ng 128 na taon, nagpapatuloy ang pagpakat ng militar ng Estados Unidos sa bansa sa paparami nilang mga EDCA Sites. Madadagdagan pa ng hub para sa mga kagamitang panggyera sa ilalim ng Pax Silica Initiative. Hindi tunay na trabaho para sa pagpapaunlad ng bansa ang ibinibigay ng rehimen ni Marcos Jr., bagkus pagsasamantala lamang ito ng murang lakas paggawa sa Pilipinas para suplayan ng armas ang militar ng US para sa samu’t saring digmaang pinapaputok niya. Ang pondo na nilaan para rito at sa mga joint military exercise ay marapat na gamitin pampondo para sa agrikultura, kabuhayan, edukasyon, kalusugan, pabahay, at iba pang serbisyong panlipunan na papakinabangan ng mamamayang Pilipino.

Ngayong Araw ng Kalayaan, dalhin natin ang diwang makabayan nina G*t. Andres Bonifacio at ng mga anti-imperyalistang unyon na nanawagan na paalisin ang mga mandarambong sa ating bansa. Hanggat nananatili ang tanikala ng imperyalistang US, hindi lalaya ang manggagawa sa pagsasamantala.

Ibasura ang Pax Silica Initiative!
Wakasan ang imperyalistang gyera ng US!
Ipaglaban ang pambansang soberanya!

04/06/2026

25/05/2026

Hindi na kayang pagtakpan ng propaganda at drama sa Senado ang galit ng mamamayan.
Habang tumataas ang presyo ng bilihin, mababa ang sahod, at hirap na hirap mabuhay ang mga manggagawa, malinaw na hindi kapakanan ng ordinaryong Pilipino ang prayoridad ng mga nasa kapangyarihan. Ang pagprotekta kina Sara Duterte at Ronald Dela Rosa ay hindi lang simpleng usaping politika, usapin ito ng accountability at kung kaninong interes ba talaga ang pinagsisilbihan ng gobyerno.

Hindi na mapigilang makialam ng mga uring manggagawa sa usaping ito, dahil sila mismo ang unang naaapektuhan ng korapsyon at abuso sa kapangyarihan. Habang bilyon ang nawawala sa pondo ng bayan at ginagamit ang gobyerno para protektahan ang mga kaalyado, mga manggagawa naman ang pinapahirapan sa mababang sahod, mataas na buwis, kontraktwalisasyon, pag-atake sa mga unyon, at kulang na serbisyong panlipunan.

Hindi makakalimutan ng taumbayan ang libo-libong buhay na nawala sa war on drugs - karamihan mula sa mahihirap at komunidad ng mga manggagawa. Hindi rin namin makakalimutan ang dami ng manggagawa at unyonista na ni-redtag at kinulong dahil sa bilyon-bilyon na confidential at intelligence funds na ginamit para sa pagpapatahimik ng mamamayan. Marapat na lamang ma-impeach at managot ang mga kurakot at pasista.

Imbes na panagutin ang mga sangkot at pakinggan ang hinaing ng mamamayan, ilang beses na pinatagal ang trial ni Sara at paghuli kay Bato ng pamahalaan ni Marcos Jr. Dahil na lang ang pag-abante ng mga kaso na ito ay maaaring bumalik sa kanya para malantad ang sarili niyang pangugurakot sa flood control projects at iba pang kasunduan para hindi malitis ang korapsyon ng buong pamilyang Marcos. Habang abala ang mga pulitiko sa pagprotekta sa isa’t isa, ordinaryong Pilipino naman ang patuloy na nagdurusa.

Nananawgan ang mga manggagawa ng University Hotel Workers’ Union na dapat panagutin ang lahat ng sangkot sa katiwalian! Litisin si Sara Duterte at arestuhin si Bato Dela Rosa. Kasama na rin ang paniningil mula sa itaas — hanggang kay Marcos Jr. na hindi pa napapanagot para sa milyong milyong Pilipino na pinahirapan ng kanyang mga palpak na proyekto at pagtutugis sa mamamayang lumalaban. Hindi ito panahon ng pananahimik, panahon ito para manindigan laban sa korapsyon, abuso, at sistemang matagal nang nagpapahirap sa bayan.

04/05/2026

Basahin: Kasama sa nakapanayam ng Philippine Collegian ang miyembro ng University Hotel Workers’ Union para sa

30/04/2026

CULTURAL WORKERS?! HANDA NA KAMI PARA SA ⚒️ MAYO UNO 2026 ⚒️

Para sa Pandaigdigang Araw ng Paggawa, nagsawa ng prodwork ang mga manggagawa ng University Hotel para maipalaganap ang aming mga panawagan para sa nakabubuhay na sahod, pagbasura ng oil deregulation law at mga pahirap na buwis, pagtutol sa compressed work week, at pagtigil ng gyera ng US sa Iran.

Tunghayan ang aming makukulay na placard bukas sa

7AM - Assembly @ in front of Ramon Magsaysay High School, España
8AM - March to Mendiola

30/04/2026

Isang araw bago ang Pandaigdigang Araw ng Paggawa, ang hanay ng mga manggagawa ng University Hotel Workers Union ay susulong upang ipanawagan ang pagpapatigil ng gyerang agresyon ng US-ISRAEL sa bansang IRAN, ibasura ang Oil Deregulation Law, taggalin ang VAT sa produktong petrolyo upang maibsan ang kalbaryo ng mga manggagawa at mamamayang Pilipino.

Sahod ay itaas sa nakabubuhay na halaga Php1200!
Mag-kita kita tayo sa MAYO 1!!!!!! SULONG URING MAPAGPALAYA!

20/04/2026

Taas kamao sa tagumpay mabuhay Kyo kamangagawa Ng Kowloon.

18/04/2026

Nakikiisa ang University Hotel Workers’ Union sa welga ng mga manggagawa ng Kowloon House - West Ave. Makatarungan ang welga para igiit ang dagdag-sahod na kanilang pinagkasunduan sa CBA, ibigay na ang higit Php500k na service charge, itigil ang double production, at irespeto ang unyon.

Hangga’t hindi hinaharap at ibinibigay ng kapitalistang may-ari ang makatarungang kahilingan ng mga manggagawa ng Kowloon, patuloy na susuporta ang mga manggagawa ng Hotel sa kanilang laban para sa sahod, trabaho, at karapatan!