10/09/2026
PAX SILICA, TUTULAN! LABANAN! HUWAG PAHINTULUTAN!
Habang patuloy na ibinabaon sa mababang pasahod, kawalan ng tiyak na trabaho, at mataas na presyo ng bilihin ang mga manggagawa, panibagong porma na naman ng pangingialam at pagnanakaw sa ating pambansang yaman ang isinusulong sa ilalim ng tinaguriang Pax Silica.
Sa ilalim ng balatkayong pag-unlad, high-tech manufacturing, at economic security, ibinibigay ng pamahalaan ang napakalawak na lupain sa New Clark City, Tarlac sa mga interes ng dayuhang kapital. Ngunit dapat nating itanong nang buong linaw: para kanino ba talaga ang proyektong ito? Ang pagtatayo ng industrial hub na ito ay malaking banta sa ating mga magsasaka at pagpapalayas ng mga Aeta mula sa kanilang ancestral domain. Kasabay nito ang pagwasak sa ating mga kagubatan at ang paglamon ng napakalaking supply ng kuryente at tubig na lalo lamang magpapalala sa umiiral na krisis sa kalikasan. Nais din ng kasunduang ito na manatili tayong tagatustos lamang ng murang lakas-paggawa habang minimina ang ating mga kritikal na mineral tulad ng nickel at tanso para sa napakalaking tubo ng mga dayuhang korporasyon.
Bukod dito, ang Pax Silica ay hindi nakadisenyo para sa tunay na pambansang industriyalisasyon kundi bilang kasangkapan ng Estados Unidos sa kanilang pakikipag-agawan ng kapangyarihan at teknolohiya laban sa ibang malalaking bansa. Ginagawa lamang tayong pain at base militar at pang-ekonomiyang interes ng mga dayuhan habang ipinapakain sa kanila ang ating likas na yaman.
Ang kailangan ng mga manggagawa at mamamayan ay tunay na reporma sa lupa at pambansang industriyalisasyon na naglilingkod sa taumbayan.
Ibasura ang Pax Silica. Alisin ang base militar ng US.
Junk VFA! Junk EDCA!
