04/10/2026
Tatlong Dekada ng Serbisyong Mula sa Puso
Tatak Tita Beth Delarmente — Ninang ng Bayan
Noong 1998, isang simpleng g**o sa paaralan ang nagpasiyang harapin ang panibagong hamon sa buhay. Siya si Tita Beth Delarmente, na nagsimulang maglingkod bilang konsehal ng Distrito Uno, Lungsod Quezon.
Mula sa pagtuturo sa loob ng silid-aralan, napunta siya sa mas malawak na silid-aralan—ang komunidad at plenaryo.
Dito isinilang ang “Serbisyong Mula sa Puso.”
Para kay Tita Beth, ang paglilingkod ay hindi lamang tungkol sa posisyon. Ito ay tungkol sa pakikinig, pag-unawa, at pagtulong. Sa bawat taong lumalapit, may kuwentong kailangang pakinggan; sa bawat problemang kinakaharap, may kamay na maaaring umalalay.
Lumipas ang mga taon at kahit wala sa posisyon. Maraming nagbago, ngunit nanatili ang kaniyang malasakit. Sa bawat simpleng pagtulong, pakikipagkamustahan, at pagdamay, unti-unting nabuo ang isang pangalan na naging malapit sa puso ng Qcitizen ng Distrito Uno—Tita Beth.
Dalawang taon bago ang tatlong dekada, hindi lamang mga proyekto at serbisyo ang kaniyang legasiya. Mas mahalaga ang mga taong natulungan, mga pamilyang nabigyan ng pag-asa, at mga pusong nakaramdam na may taong handang umalalay.
Kaya hindi na kataka-taka kung tinagurian siyang “Ninang ng Bayan.”
Halos tatlong dekada na ang lumipas, ngunit nananatili ang isang simpleng paninindigan: ang tunay na paglilingkod ay hindi ginagawa para sa pangalan o pagkilala, kundi para sa kapwa.
At ito ang tunay na Tatak Tita Beth Delarmente—isang serbisyong nagsimula sa puso, ipinagpatuloy sa gawa, at nananatili sa puso ng mga taong kaniyang napagsilbihan.
Dahil ang serbisyong mula sa puso ay hindi natatapos sa paglipas ng panahon. Ito ay naiiwan sa buhay ng bawat taong natulungan.
