14/10/2026
π’ PUBLIC ADVISORY | SCHOOL SAFETY AND SECURITY
GOVERNMENT OF BARANGAY MALIGO
Polomolok, South Cotabato
October 14, 2026
π« PAGPALIG-ON SA KALUWASAN UG SEGURIDAD SA MALIGO ELEMENTARY SCHOOL
Karong adlawa, October 14, 2026, nagpahigayon og daliang koordinasyon ug pagpupulong si Punong Barangay Hon. Marcelo Vicente Ormita , kauban si Peace and Order (P.O.) Committee Chairman Hon. Elmer L. Moscoso, Hon. Herminio Abelitado, BPAT Head James Rosas, Maligo Elementary School Head Maβam Ruth D. Dinopol, Maβam Cecilia Cervantes, ug ang Security Guard sa maong eskwelahan nga si Ivan Panes.
Ang maong meeting gihimo aron hisgutan ang mga insidente ug kabalaka nga may kalabotan sa kaluwasan ug kahapsay sulod sa eskwelahan. Pangunang tumong niini ang pagpalig-on sa seguridad dili lamang alang sa mga estudyante, magtutudlo, ug tanang kawani, kondili apil usab ang pagpanalipod sa mga kagamitan, school facilities, ug equipment sa eskwelahan batok sa posibleng kadaot, pagpangawat, ug uban pang dili maayong panghitabo.
Lakip sa mga gihatagan og pagtagad ang mosunod nga safety measures:
β
Enhanced Monitoring β Pagpalig-on sa pagbantay ug pagmonitor sa palibot sa eskwelahan, ilabina sa oras sa pagsulod ug paggawas sa mga estudyante.
β
Protection of School Properties β Pagpanalipod sa mga kagamitan, equipment, ug facilities sa eskwelahan aron mapadayon ang kahapsay ug malikayan ang pagkawala o pagkadaot sa mga kabtangan nga gigamit alang sa edukasyon sa atong mga kabataan.
β
Stronger Coordination β Pagpalambo sa koordinasyon tali sa school administration, Barangay, BPAT, ug security personnel aron masiguro ang tukma ug dali nga pagresponde sa mga insidente.
Ang Government of Barangay Maligo nagpasiugda nga ang kaluwasan sa eskwelahan usa ka hiniusang responsibilidad. Dili lamang kinabuhi ug seguridad sa atong mga kabataan ang angay natong panalipdan, kondili apil usab ang mga school properties ug kagamitan nga importante sa ilang pagkat-on.
Pinaagi sa aktibong kooperasyon sa Barangay, school administration, ginikanan, security personnel, ug sa tibuok komunidad, atong mapalambo ang usa ka luwas, malinawon, ug hapsay nga palibot sa eskwelahan.
Magtinabangay kita sa pagpanalipod sa atong mga kabataan ug sa mga kabtangan sa eskwelahan alang sa mas luwas nga kaugmaon.
βKALUWASAN SA KABATAAN UG PAGPANALIPOD SA MGA KABTANGAN SA ESKWELAHAN, RESPONSIBILIDAD SA TANAN!β
