23/09/2026
Among kalingaw, gihapimangnoan ang publiko bahin sa RABIES! 🐶🐱
Ang rabies usa ka seryoso ug makamatay nga sakit nga kasagarang mapasa pinaagi sa kagat, kalmot, o tilap (lick) sa hayop, ilabi na kung ang laway sa hayop makontak sa samad, mata, baba, o uban pang mucous membranes.
👉 Kung makagat, makalmot, o matilapan sa hayop:
• Hugasi dayon ang apektadong bahin gamit ang sabon ug daghang nagaagay nga tubig sulod sa 15 minutos.
• Ayaw butangi og tradisyonal nga tambal o kemikal ang samad.
• Adto dayon sa Animal Bite Treatment Center (ABTC) alang sa assessment ug hustong tambal.
• Ayaw hulata nga magpakita ang sintomas—ang rabies mahimong makamatay kung magsugod na ang clinical symptoms.
💉 Prevention is better than cure!
Protektahi ang inyong pamilya ug mga pets pinaagi sa responsible pet ownership ug regular nga anti-rabies vaccination sa mga iro ug iring.
📍 Pilar Animal Bite Treatment Center (ABTC)
Para sa schedule ug uban pang impormasyon, follow our page.
Ayaw ibaliwala ang kagat, kalmot, o tilap. Magpa-check dayon! 🐾
Namatay ang usa ka 7-anyos nga bata sa lungsod sa Buenavista human giingong nakambrasan sa iro niadtong miaging bulan, apan wala kini dayon mahatagi og atensyon.
Sumala sa impormasyon, kalit lang gihilantan ang bata pipila ka semana human sa pagkakambras. Misunod niini ang mga sintomas nga susama sa rabies, lakip ang kahadlok sa hayag nga hangin ug tubig, hangtod nga namatay ang bata.
Didto lamang nasayran sa mga ginikanan nga nakambrasan diay ang ilang anak sa iro sa dihang nagsugod na kini og hilanat ug nagpakita sa mga sintomas.
Ang rabies usa ka makamatay nga sakit nga kasagarang mapasa pinaagi sa pinaak o kambras sa infected nga hayop. Sumala sa WHO, kung mogawas na ang clinical symptoms sa rabies, hapit kanunay kini makamatay.
Gipahinumdoman ang publiko nga ang bisan unsang kambras o pinaak sa iro o iring kinahanglan dayong hugasan gamit ang sabon ug nagaagay nga tubig ug magpakonsulta sa Animal Bite Treatment Center alang sa hustong post-exposure treatment.
| Alerto Jun Gutierrez
