YIFI PILA Official

14/05/2026

🌾✨ MALIGAYANG KAPISTAHAN KAY SAN ISIDRO LABRADOR ✨🌾

Malugod pong nakikiisa ang
IGLESIA FILIPINA INDEPENDIENTE
Diyosesis ng Laguna
Parokya ng San Antonio de Padua – Pila, Laguna

sa pagdiriwang ng Kapistahan ni San Isidro Labrador ng Brgy. Daniw at Brgy. Banca Banca, Victoria, Laguna.

Nawa’y patuloy tayong gabayan at pagpalain ni San Isidro Labrador — huwaran ng kasipagan, kababaang-loob, at matibay na pananampalataya. Ipagkaloob nawa ng Panginoon ang masaganang ani, mabuting kalusugan, kapayapaan, at pagkakaisa sa bawat pamilya at mamamayan.

🙏 San Isidro Labrador,
Patnubay mo’y aming sandigan, ipanalangin mo kami!

14/05/2026

PAGBATI AT PAGPAPALA, Bishop Rowel!

Isang malugod at masayang pagbati para sa Ama at Pastol ng Diyosesis ng Laguna, Rowel S. Arevalo, sa pagdiriwang ng inyong kaarawan. Nawa’y patuloy kayong pagpalain ng Poong Maykapal ng mabuting kalusugan, karunungan, at lakas sa inyong paglilingkod sa Simbahan at sambayanan. Maligayang Kaarawan po!

12/05/2026

✨ Maligayang Kapistahan ni San Roque! ✨

Ang ating mapaghimalang patron laban sa sakit at karamdaman, nawa’y patuloy na maging gabay, lakas, at pag-asa ng bawat pamilya. 🙏🐾

Sa pagdiriwang na ito, sama-sama nating ipanalangin ang kalusugan, kapayapaan, at pagkakaisa ng ating pamayanan.

📍 Brgy. Bagong Pook, Pila, Laguna
⛪ Iglesia Filipina Independiente
Diyosesis ng Laguna
Parokya ng San Antonio de Padua

“San Roque, ipanalangin mo kami at iligtas sa anumang sakit at karamdaman.” 🙌

22/04/2026

𝗗𝗬𝗖 𝗖𝗨𝗟𝗧𝗨𝗥𝗔𝗟 𝗞𝗜𝗡𝗚 𝗔𝗡𝗗 𝗤𝗨𝗘𝗘𝗡
Parokya ng San Antonio de Padua, Pila, Laguna

Sa Parokya ng San Antonio de Padua sa bayan ng Pila, Laguna, buhay na buhay ang mayamang kultura, makulay na tradisyon, at matibay na debosyon ng mga mananampalataya. Sa pagdiriwang ng PAILAH Festival, makikita ang kasaganahan ng bayan sa palay, isda, mga lilok na antigong pamana, at mga halamang sumisimbolo sa kanilang likas na yaman, gayundin ang mga natatanging produktong tulad ng suman, sinukamé, at ginataang hipon. Ipinapakita rin ang taos-pusong debosyon sa pamamagitan ng pagdiriwang ng kapistahan ni San Antonio, na nagpapatibay sa pagkakaisa at pananampalataya ng buong komunidad.

28/03/2026

Handa na ang bawat kubol na pagdarausan ng Hosanahan mamayang ika-7 ng umaga.

Narito ang pagkakatalaga sa bawat kubol:

• Kubol 1 – Pamilya Victor
• Kubol 2 – Pamilya Payag
• Kubol 3 – Pamilya Santos at Anterola
• Kubol 4 – Pamilya Maguyon

Maraming salamat po sa pakikiisa at nawa’y maging makabuluhan ang ating pagdiriwang ng Hosanahan. 🙏

28/03/2026

✨🙏 Bagong Pook Pabasa 2026 🙏✨

Sa gitna ng katahimikan at pananalangin, muli nating ginugunita ang paghihirap at pag-ibig ng Panginoon. Sa bawat pahina ng Pasyon na ating binibigkas, naroroon ang paalala ng Kanyang sakripisyo para sa ating kaligtasan.

Salamat sa bawat pusong nakiisa, sa bawat kandilang sinindihan, at sa bawat dasal na inalay. 💜

Nawa’y patuloy tayong maging buhay na saksi ng Kanyang pag-ibig, hindi lamang sa Mahal na Araw, kundi sa bawat araw ng ating buhay. ✝️

26/03/2026

ISTASYON HENERAL 2026 🙏✝️
29 Marso 2026 | 4:00 ng Hapon

“Ama, patawarin mo sila, sapagkat hindi nila nalalaman ang kanilang ginagawa.”
— Lucas 23:34

✝️MGA TAHANAN NG ATING MGA KAPATID:

Unang Istasyon: G. Setiel Labao Sr.
Ika-2 Istasyon: Gng. Cecil Macalele
Ika-3 Istasyon: G. Pablo Maguyon
Ika-4 Istasyon: Gng. Cecilia Victor
Ika-5 Istasyon: Gng. Riza Ramos
Ika-6 Istasyon: G. Jojo Tabelina
Ika-7 Istasyon: G. Sherwin Victor
Ika-8 Istasyon: Gng. Anita Macalalad
Ika-9 Istasyon: Gng. Precy Katipunan
Ika-10 Istasyon: G. Manny Corderia
Ika-11 Istasyon: G. Marious Joyosa
Ika-12 Istasyon: Gng. Fe Camus
Ika-13 Istasyon: Gng. Marites Arellano
Ika-14 Istasyon: Atty. Ciriaco Sumaya

Sa pagninilay ng Istasyon ng Krus, sama-sama nating alalahanin ang walang hanggang pag-ibig at sakripisyo ni Kristo para sa ating kaligtasan.

Inaanyayahan ang lahat na makiisa sa banal na gawaing ito ng pananampalataya, pagninilay, at panalangin.

26/03/2026

𝐌𝐆𝐀 𝐋𝐀𝐑𝐀𝐖𝐀𝐍 | 𝐕𝐈𝐒𝐈𝐓𝐀 𝐈𝐆𝐋𝐄𝐒𝐈𝐀 𝟐𝟎𝟐𝟔
𝟐𝟏 𝐌𝐚𝐫𝐬𝐨 𝟐𝟎𝟐𝟔

Mula sa biyaya ng Saint Anthony of Padua Parish Church (Pila, Laguna),
patungo sa Saint Isidore the Farmer Mission Parish Church (Dita, Santa Rosa City, Laguna),
hanggang sa Santa Rosa de Lima Parish Church (Santa Rosa City, Laguna).

Nagpatuloy ang aming pagninilay sa Saint Isidore the Farmer Parish Church (Biñan City, Laguna),
sumunod sa Santa Cruz de Silang Missionary Parish Church (Puting Kahoy, Silang, Cavite),
at nagtapos sa Santuario de Santa Cruz Parish Church (Lumil, Silang, Cavite).

Isang araw ng sakripisyo, panalangin, at paglapit sa Diyos.
Sa bawat simbahan, higit na pinagtibay ang aming pananampalataya at pagkakaisa bilang isang pamayanan.

26/03/2026