BatamPasig

27/09/2026

𝙃𝙄𝙉𝘿𝙄 𝙏𝙀𝙍𝙊𝙍𝙄𝙎𝙈𝙊 𝘼𝙉𝙂 𝙋𝘼𝙂𝙏𝘼𝙏𝘼𝙉𝙊𝙉𝙂: 𝙆𝘼𝘽𝘼𝙏𝘼𝘼𝙉, 𝙈𝙐𝙇𝘼𝙏 𝙎𝘼 𝙐𝙂𝘼𝙏 𝙉𝙂 𝙏𝙐𝙉𝙂𝙂𝘼𝙇𝙄𝘼𝙉

Mariing tinututulan ng kabataang Pasigueño ang anumang pagtatangkang ituring na “irrational,” “useless,” o awtomatikong iugnay sa terorismo ang aktibismo, pagtatanong, pagbibigay-kritika, at pagpapahayag ng saloobin sa pamahalaan.

Relissa Lucena, binagot mo ang kabataan sa tataa lang! ang ganitong pananaw ay hindi lamang mapanlinlang, ito ay naglilimita sa kakayahan ng kabataan na unawain ang mas malalalim na ugat ng mga suliranin sa lipunan.

NTF-ELCAC, maling lungsod ang pinili niyo. Hindi kayo welcome sa Pasig!

Mariing kinokondena ng BatamPasig ang isinagawang seminar ng National Task Force to End Local Communist Armed Conflict (NTF-ELCAC) sa Pasig upang ipasok ang mapanupil at mapanlinlang na naratibo ng red-tagging sa komunidad. Sa halip na palawakin ang kritikal na pag-iisip, ginagawang instrumento ang mga institusyong pampubliko upang ikahon ang mga organisasyon, kabataan, g**o, aktibista, at iba pang kumikilos para sa karapatan at pagbabago.

Hindi bago ang ganitong taktika. Sa loob ng maraming taon, paulit-ulit nang naiugnay ang mga g**o, kabataan, unyonista, human rights defenders at mga organisasyong nagsusulong ng karapatan sa armadong kilusan dahil lamang sa kanilang paninindigan at pakikibahagi sa mga lehitimong usaping panlipunan. Mismong Commission on Human Rights ang nagsabing nagpapatuloy ang red-tagging bilang padron ng paglalabel sa mga indibidwal at grupo bilang mga komunista, subersibo, kalaban ng estado at terorista kadalasan nang walang due process.

Huwag niyong turuan ang Pasig kung sino ang dapat katakutan! Hindi mabubura na may mga Pasigueñong natutong magtanong sa halip na sumunod. Hindi mabubura na may mga kabataang piniling mag-organisa sa halip na manahimik.

Ibinunga ng Pasig sina Wilma Austria-Tiamzon, isang kabataang Pasigueña, at si Benito Tiamzon na lumaki sa panahong sumisidhi ang pakikibaka ng kabataan laban sa diktadura. Mga kapwa silang beterano ng pasistang diktadura ng rehimeng US-Marcos na nasa unahan at gulugod ng pakikibaka ng masang anakpawis para sa ganap na paglaya ng bansa.

Si Emman Lacaba, na nag-aral sa Pasig Catholic College at naging bahagi ng mga protesta ng First Quarter Storm, ay naging isa sa mga makata at manunulat na nag-ugnay ng panitikan sa karanasan ng masa at sa paglaban sa diktadura.

Kaya napakalaking kabalintunaan na ang lungsod na minsang naging tahanan ng mga kabataang namulat at nag-organisa ay gagawin ngayong entablado ng NTF-ELCAC para maghasik ng red-tagging at pananakot.

Hindi sapat na kondenahin ang anumang anyo ng tunggalian habang binabalewala ang mga kondisyong panlipunan na patuloy na nagtutulak sa mga mamamayan sa desperasyon: kahirapan, kawalan ng disenteng kabuhayan, kawalan ng lupa at seguridad, diskriminasyon, pang-aabuso, at kawalan ng makabuluhang demokratikong espasyo.

Kung nais tunay na tugunan ang armadong tunggalian, dapat harapin ang mga ugat nito—hindi patahimikin ang mga kabataang nagtatanong kung bakit umiiral ang mga suliraning ito.

Ang pagtuligsa sa polisiya ng pamahalaan ay hindi awtomatikong pagsuporta sa armadong pakikibaka. Ang pagiging kritikal ay hindi krimen. Ang pag-oorganisa at mapayapang pagkilos ay bahagi ng demokratikong pakikilahok.

Kapag ang simpleng pagbibigay ng puna ay tinawag na “useless,” ang tanong ay hindi kung bakit nagsasalita ang kabataan, kundi kung bakit may mga institusyong ayaw makinig.

Hindi dapat gamitin ang konsepto ng “peace and order” upang gawing banta ang kritikal na pag-iisip. Ang tunay na kapayapaan ay hindi lamang kawalan ng labanan; nakaugat ito sa katarungang panlipunan, karapatan, dignidad, at pagkakaroon ng makabuluhang boses sa lipunan.

Sa halip na takutin ang kabataan sa aktibismo, bigyan sila ng espasyong matuto, magtanong, mag-organisa, at makilahok.

Sapagkat ang kabataang nagtatanong ay hindi kaaway ng bayan.

12/09/2026

Ibagsak ang Imperyalistang Pandarambong!

Nakilahok ang BatamPasig sa iglap protesta kasama ang mga progresibong grupo upang irehistro ang panawagang “No To Pax Silica!” habang ginaganap ang Luzon Economic Corridor Investors Forum sa Grand Hyatt Hotel, BGC.

Pagpapalayas sa mga katutubo at magsasaka ang kalalabasan ng inisyatibang Pax Silica na isa lamang sa malawakang proyekto ng Luzon Economic Corridor na kumokonekta sa Metro Manila, Batangas, Clark at Zambales. Sakop rin nito ang 1,600 hektarya ng lupain sa New Clark City, Capas Tarlac na gagamitin para sa mapanirang AI infrastructures, Advance Semiconductor Manifacturing at Data Centers.

Lupa para sa mga magsasaka, hindi sa Pax Silica!

29/08/2026

Noong Agosto 29, 1896 (Sabado), naganap ang makasaysayang pag-aaklas at tagumpay ng mga Katipunero sa Pasig laban sa mga Kastila na tinawag na Nagsabado sa Pasig.

Ang makasaksayang kaganapan na ito ay pinamunuan ni Valentin Cruz kasama ang halos 2,000 Katipunero at residente ng mga baryo tulad ng Palatiw at Kapasigan.

Ngayong araw, ipinagdiriwang at ginugunita ang Nagsabado sa Pasig sa bisa ng kultura at kasaysayan ng lungsod. Bilang isang kabataang Pasigueño, nararapat lamang na isabuhay ang rebolusyonaryong kamalayan at aktitud upang mas paigtingin ang ating tangan sa pagmamahal sa lipunan at bayan. Ang pag-aaklas ni G*t Andrés Bonifacio, Valentin Cruz at mga Pasigueño ay nagpapatunay lamang na hindi lang noon, kundi ngayon na “𝗧𝘂𝗻𝗮𝘆 𝗻𝗴𝗮𝗻𝗴 𝗺𝗮𝗴𝗶𝗴𝗶𝘁𝗶𝗻𝗴 𝗮𝗻𝗴 𝗕𝗮𝘁𝗮𝗺𝗽𝗮𝘀𝗶𝗴”.

19/08/2026

𝙋𝘼𝙃𝘼𝙔𝘼𝙂 𝙉𝙂 𝘽𝘼𝙏𝘼𝙈𝙋𝘼𝙎𝙄𝙂 𝙎𝘼 𝙎𝙃𝙊𝙊𝙏𝙄𝙉𝙂 𝙄𝙉𝘾𝙄𝘿𝙀𝙉𝙏 𝙎𝘼 𝘼𝙏𝙀𝙉𝙀𝙊 𝘿𝙀 𝙕𝘼𝙈𝘽𝙊𝘼𝙂𝘼.

Mula sa hanay ng kabataan, malinaw ang ating pagtingin! Ang karahasang sumisiklab sa loob ng paaralan ay hindi hiwalay sa mas malawak na kalagayang panlipunan. Hindi ito simpleng usapin ng online games, masamang asal ng kabataan, o pagkukulang ng mga g**o. Sa halip, nakaugat ito sa isang lipunang hinuhubog ng karahasan, kawalan ng pananagutan, at kultura ng impunidad.

Ang karahasang ito ay bunga ng pasismong pinalalaganap at pinananatili ng estado. Isang kalagayang nagpapalaganap ng takot, dahas, at kawalan ng pananagutan. Sa halip na tugunan ang mga ugat ng problema, madaling ituro ang daliri sa kabataan, g**o, pamilya, o mga impluwensiya sa internet o sa kung sino at ano pa. Samantala, hindi malaman kung sino ang unang tinutugis ng mga institusyong dapat unang tumutugon sa pagtiyak ng kaligtasan ng mamamayan.

May silyang nabakante sa bawat silid-aralan na hindi na mapupunan. Sa bawat bakanteng upuan ay may pangarap na naputol, pamilyang naiwan, at kinabukasang ipinagkait. Hindi natin dapat tanggapin na ang ganitong trahedya ay maging karaniwang bahagi na lamang ng buhay ng kabataan.

Kasabay nito ang matagal nang kapabayaan sa sektor ng edukasyon. Sa harap ng kakulangan sa pondo, mababang sahod at mabigat na pasanin ng mga g**o, kulang na suporta sa mga paaralan, at kawalan ng sapat na mekanismo para sa kaligtasan ng mga mag-aaral, paano natin aasahang magiging ligtas ang paaralan kung mismong sistema ng edukasyon ay patuloy na kinakapos?

Hindi rin maaaring ihiwalay ang usapin ng karahasan sa pagbabalewala sa mental health ng kabataan. Hindi sapat ang panandaliang mental health campaign o pagsasabing “humingi ng tulong” kung kulang naman ang guidance personnel, accessible na serbisyong pangkalusugan, at sapat na suporta para sa mga estudyante. Ang mental health ay hindi dapat ituring na indibidwal na problema lamang; may panlipunang kondisyon itong kailangang tugunan.

Kaya ang ating panawagan ay hindi lamang para sa dagdag na seguridad matapos ang isang insidente. 𝘏𝘪𝘯𝘪𝘩𝘪𝘯𝘨𝘪 𝘯𝘢𝘵𝘪𝘯 𝘢𝘯𝘨 𝘱𝘢𝘯𝘢𝘯𝘢𝘨𝘶𝘵𝘢𝘯, 𝘴𝘢𝘱𝘢𝘵 𝘯𝘢 𝘱𝘰𝘯𝘥𝘰 𝘱𝘢𝘳𝘢 𝘴𝘢 𝘦𝘥𝘶𝘬𝘢𝘴𝘺𝘰𝘯, 𝘭𝘪𝘨𝘵𝘢𝘴 𝘯𝘢 𝘱𝘢𝘢𝘳𝘢𝘭𝘢𝘯, 𝘢𝘤𝘤𝘦𝘴𝘴𝘪𝘣𝘭𝘦 𝘢𝘵 𝘭𝘪𝘣𝘳𝘦𝘯𝘨 𝘮𝘦𝘯𝘵𝘢𝘭 𝘩𝘦𝘢𝘭𝘵𝘩 𝘴𝘦𝘳𝘷𝘪𝘤𝘦𝘴, 𝘴𝘢𝘱𝘢𝘵 𝘯𝘢 𝘨𝘶𝘪𝘥𝘢𝘯𝘤𝘦 𝘤𝘰𝘶𝘯𝘴𝘦𝘭𝘰𝘳𝘴 𝘢𝘵 𝘴𝘶𝘱𝘱𝘰𝘳𝘵 𝘱𝘦𝘳𝘴𝘰𝘯𝘯𝘦𝘭, 𝘮𝘢𝘩𝘪𝘨𝘱𝘪𝘵 𝘯𝘢 𝘱𝘢𝘯𝘢𝘯𝘢𝘨𝘶𝘵𝘢𝘯 𝘴𝘢 𝘪𝘳𝘦𝘴𝘱𝘰𝘯𝘴𝘢𝘣𝘭𝘦𝘯𝘨 𝘱𝘢𝘨𝘩𝘢𝘸𝘢𝘬 𝘢𝘵 𝘱𝘢𝘨-𝘢𝘤𝘤𝘦𝘴𝘴 𝘴𝘢 𝘢𝘳𝘮𝘢𝘴, 𝘢𝘵 𝘪𝘴𝘢𝘯𝘨 𝘵𝘳𝘢𝘯𝘴𝘱𝘢𝘳𝘦𝘯𝘵 𝘯𝘢 𝘪𝘮𝘣𝘦𝘴𝘵𝘪𝘨𝘢𝘴𝘺𝘰𝘯 𝘴𝘢 𝘣𝘢𝘸𝘢𝘵 𝘪𝘯𝘴𝘪𝘥𝘦𝘯𝘵𝘦𝘯𝘨 𝘯𝘢𝘨𝘭𝘢𝘭𝘢𝘨𝘢𝘺 𝘴𝘢 𝘣𝘶𝘩𝘢𝘺 𝘯𝘨 𝘬𝘢𝘣𝘢𝘵𝘢𝘢𝘯 𝘴𝘢 𝘱𝘢𝘯𝘨𝘢𝘯𝘪𝘣.

Bilang kabataan, hindi tayo dapat manahimik habang isa-isang nauubos ang mga upuan sa ating mga silid-aralan. Ang ating pakikiramay ay kailangang maging pagkilos. Ang ating galit ay kailangang maging organisadong panawagan para sa pagbabago. At ang ating takot ay hindi dapat maging dahilan upang tayo ay manahimik, kundi maging lakas upang singilin ang mga institusyong may pananagutan.

Ang silyang bakante ay paalala na may buhay na hindi na maibabalik. Ngunit maaari nating ipaglaban na hindi na madagdagan pa ang mga silyang mababakante.

Labanan ang kultura ng karahasan at impunidad!
Ipaglaban ang sapat na pondo para sa edukasyon at mental health!
Ipanawagan ang ligtas na paaralan para sa bawat kabataan!
Panagutin ang mga tunay na responsable!
Wakasan ang pasistang kalagayan na nagpapalaganap ng takot at karahasan!

05/08/2026

URING MAGSASAKA, PANGUNAHING PWERSA!

Isang taas kamaong pagpupugay sa tagumpay sa isinagawang pakikipamuhay ng Batampasig at ACT NCR nitong Agosto 1-2, 2026 kasama ng mga magsasaka ng San Jose Del Monte, Bulacan. Bagaman ito’y panandaliang panahon lamang kapiling ng ating mga maralita, punong-puno naman ito ng mga aral at mga buhay na karanasan mula sa kwentong pakikibaka ng ating mga magsasaka.

03/08/2026

26/07/2026

EDUKASYON EDUKASYON KARAPATAN NG MAMAMAYAN!

Sumama sa SONA✊✊✊

26/06/2026

𝐌𝐈𝐋𝐈𝐓𝐀𝐍𝐓𝐄. 𝐏𝐑𝐎𝐆𝐑𝐄𝐒𝐈𝐁𝐎. 𝐌𝐀𝐊𝐀𝐁𝐀𝐘𝐀𝐍!

Nagpupugay ang BatamPasig sa ika-44 na anibersaryo ng Alliance of Concerned Teachers-Philippines! Sa loob ng higit na apat na dekada, nananatili kayong matatag na tinig ng mga g**o at kawani ng edukasyon. Walang pagod na lumalaban para sa makatarungang sahod, makabuluhang badyet sa edukasyon, at demokratikong karapatan ng mamamayan.

Sa gitna ng tumitinding krisis sa kabuhayan, lumalalang kakulangan sa pondo, at walang humpay na pananakot at red-tagging sa mga nag-oorganisa, hindi pinipiling manahimik ng mga g**o ng bayan. Mas lalo tayong tumitindig, nagkakaisa, at lumalaban!

Anong lesson ng ACT sa 44 years? Walang karapatang kusang ibinibigay. Ang bawat tagumpay ay bunga ng sama-samang pagkilos, militanteng pakikibaka, at matatag na organisasyon!

Kaya ngayong ika-44 anibersaryo ng ACT, higit nating palakasin ang pagkakaisa ng mga g**o, kabataan, manggagawa, at mamamayan. Palawakin ang mga unyon, pag-isahin ang pampubliko at pribadong sektor, at patuloy na igiit ang makatarungang sahod, sapat na badyet sa edukasyon, at tunay na demokrasya.

Mabuhay ang ACT sa ika-44 na anibersaryo nito!Mabuhay ang mga g**ong lumalaban!
Edukasyon ay karapatan, hindi negosyo!
Sahod itaas! Pondo sa edukasyon, hindi sa korapsyon!✊📚🇵🇭

✍️: Ivan Villas
🎨: Miki Estrada