Ilang-ilang Valley Youth Org.

10/08/2026

HOT MEALS PARA SA ILANG-ILANG VALLEY❤️

Dahil sa epekto ng Bagyong Maymay, nagsagawa ng hot meal distribution ang m Ilang-Ilang Valley Youth Officers bilang pakikiisa at pagtulong sa ating mga kabarangay. Nag-ikot ang ating mga Youth Officers sa buong area ng Ilang-Ilang Valley upang mamahagi ng mainit na sopas at iba pang hot meals sa mga residenteng nangangailangan.

Sa gitna ng pagsubok, patuloy nating isinasabuhay ang malasakit, bayanihan, at pagkakaisapara sa bawat pamilya sa ating komunidad. ❤️🤝

Ilang-Ilang Valley Youth — laging handang tumulong at maglingkod!

29/07/2026

PAALALA NGAYONG TAG-ULAN!

Dahil sa patuloy na pag-ulan, mahalagang maging handa sa anumang emergency. I-save at ibahagi ang mga emergency hotline na ito upang mabilis na makahingi ng tulong kung kinakailangan.

Kaligtasan ng bawat isa ang ating prayoridad. Mag-ingat, maging alerto, at manatiling handa.

25/07/2026

TAGUMPAY ANG MOVIE MARATHON! 🍿🎬

Isang taos-pusong pasasalamat sa lahat ng kabataang nakiisa at sumuporta sa ating Movie Marathon 2026. Dahil sa inyong presensya, tawanan, at pakikiisa, naging masaya at matagumpay ang ating programa.

Lubos din kaming nagpapasalamat sa mga taong naging bahagi ng tagumpay ng ating aktibidad:

Maraming salamat sa Ilang-Ilang Valley Homeowners Association, lalo na kay Pres. Erlie Familaran, sa pagpapahiram ng Function Room na naging venue ng ating Movie Marathon.

Maraming salamat din kay Kap. Ian V. Aguilar sa pagpapagamit ng projector sa pamamagitan ni Admin Eric Montoya, na nagbigay ng mas magandang movie experience sa ating lahat.

Maraming salamat sa ating mga Youth Officers Jhoana Jamora, Chez Legacion, Gelbolingo Jem Tine na naging bahagi ng matagumpay na pagsasagawa ng Movie Marathon 2026. Maraming salamat sa inyong oras, sipag, dedikasyon, at pagtutulungan upang maging maayos at masaya ang ating programa.

Sa lahat ng dumalo, maraming salamat sa inyong suporta. Nawa'y nag-enjoy kayo sa panonood ng The Mitchells vs. The Machines at sa mga alaalang nabuo kasama ang ating kapwa kabataan.

Sama-sama tayong lumalago. Sama-sama tayong nagbibigay-inspirasyon. Hanggang sa muli!

18/07/2026

🎬🍿 MOVIE AFTERNOON NA!🍬🥤

Handa na ba kayo para sa isang masayang hapon kasama ang pamilya at mga kaibigan? Tara na at samahan ang Ilang-Ilang Valley Youth Organization sa ating Movie Afternoon na puno ng saya, aral, at magandang alaala!

📅 Hulyo 25, 2026 (Sabado)
🕐 1:00 PM
📍 Ilang-Ilang Valley Function Room

🎁 Libre para sa lahat!
🍿 Popcorn
🥤 Drinks
🍬 Candies

🎥 Tampok ang mga family-friendly na pelikula:
✨ The Mitchells vs. the Machines
✨ Over the Moon
✨ The Sea Beast
✨ Matilda: The Musical
✨ Klaus

Kaya tara na! Magkita-kita tayo at sabay-sabay nating gawing mas masaya at makabuluhan ang ating hapon. Kitakits!💚

10/07/2026

MARAMING SALAMAT PO!💚

10/07/2026

Another Successful Event! 🍲

Taos-puso pong nagpapasalamat ang Ilang-Ilang Valley Youth Organization sa lahat ng nakiisa at dumalo sa aming Libreng Mainit na Sopas: Hatid Init, Hatid Malasakit. Nawa'y kahit sa simpleng paraan ay naibsan namin ang inyong gutom at naipadama ang aming pagmamalasakit sa bawat isa.

Lubos din po kaming nagpapasalamat kay Kapitan Ian V. Aguilar sa kanyang patuloy na suporta at sa pagbibigay ng mga canned goods na naging malaking bahagi ng tagumpay ng ating programa.

Maraming salamat din po sa buong Ilang-Ilang Valley Homeowners Association, sa pangunguna ni Pres. Erlie Familaran, sa walang sawang suporta at pagtitiwala sa aming organisasyon.

Sa aming masisipag na volunteers, maraming-maraming salamat sa inyong oras, dedikasyon, at malasakit. Hindi magiging matagumpay ang programang ito kung wala ang inyong pagtutulungan.

Hindi po ito ang huli. Asahan po ninyo na ang Ilang-Ilang Valley Youth Organization ay patuloy na maghahanda at magsasagawa ng iba't ibang programa at aktibidad para sa ating komunidad.
Patuloy tayong magkaisa, maglingkod, at magmalasakit. 💚

09/07/2026

HATID INIT, HATID MALASAKIT 💚

Kasabay ng pagdating ng Bagyong Inday at ng mga pag-ulan, ang Ilang-Ilang Valley Youth Organization ay naghahandog ng Libreng Mainit na Sopas para sa ating komunidad ngayong July 10, 2026.

Sa simpleng mangkok ng mainit na sopas, hangad naming makapagbigay ng init, ginhawa, at pagmamalasakit sa ating mga kababayan.

Paalala: Mag-ingat po tayong lahat sa pag-ulan. Magdala ng payong o kapote kung lalabas at manatiling ligtas.

29/06/2026

June 28, 2026 | Matagumpay na Movie Afternoon! 🍿

Isang taos-pusong pasasalamat sa lahat ng nakiisa at nakisaya sa Movie Afternoon na inihandog ng Ilang-Ilang Valley Youth Organization para sa mga kabataan ng ating komunidad. Dahil sa inyong suporta at pakikiisa, naging matagumpay at masaya ang ating programa.

Lubos din po kaming nagpapasalamat sa Ilang-Ilang Valley HOA Officers sa pangunguna ni Pres. Erlie Familaran sa inyong walang sawang suporta at sa pagpapagamit ng ating function room bilang venue ng aming aktibidad. Malaking tulong po ito upang maisakatuparan ang aming programa.

Maraming salamat din po kay Kap. Ian V. Aguilar sa patuloy ninyong pagsuporta sa mga programa at proyekto ng kabataan.

At higit sa lahat, taos-puso rin po kaming nagpapasalamat kay Admin Eric Montoya (Barangay Administration) sa pagpapahiram ng projector na ginamit sa aming Movie Afternoon, na naging posible sa tulong ni Kap. Ian V. Aguilar

Maraming salamat po sa lahat ng sumuporta at nakiisa. Asahan po ninyo ang mas marami pang makabuluhang programa para sa ating mga kabataan.🫶🏻

26/06/2026

MOVIE AFTERNOON IS HERE! 🍿🎬

The Ilang-Ilang Valley Youth Organization (IIVYO) invites all kids and youth to join us for a fun-filled Movie Afternoon!

✨ FREE SNACKS!
🍿 Free Popcorn
🥤 Free Drinks

📅 Date: June 28, 2026 (Sunday)
🕑 Time: 2:00 PM
📍 Venue: Ilang-Ilang Valley Function Room

Bring your friends, siblings, and neighbors as we enjoy an afternoon of exciting movies, laughter, and unforgettable memories together. This is a perfect opportunity to relax, bond, and have fun with the community!

🎟️ Admission is FREE!

See you there! Don't miss out on the fun! 💚

29/05/2026