15/05/2025
Isang maganda at mapagpalang araw sa ating lahat! 🇵🇭
Nais naming magpasalamat sa lahat ng pinakita ninyong pagmamahal at suporta sa kandidatura ng ating mahal na Ninong Manny Pacquiao magmula sa sekta ng tatlong gulong TODA/PODA. Bagamat, hindi umayon sa atin o hindi man natin nakamit ang inaasam nating pagbabalik ni Ninong Manny sa Senado. Tayo ay makakaasa na ipagpapatuloy ang anumang programa na nais niyang ilunsad para sa ikabubuti ng Masang Pilipino.
Ang plataporma o legasiya ay kailanma'y hindi para sa politika bagkus ito ay para sa mithiing makatulong at mapaunlad ang ating bansa.
Kaya ang Manny Pacquiao na ating tinindigan bilang Boses ng Toda ay mananatiling boses na kailanman ay hindi tatahimik para Ipaglaban ang mga mahihirap at masang Pilipino. Dahil kay Ninong Manny walang Pilipinong Maiiwan!
Lubos na gumagalang at nag papasalamat sa inyong lahat!
Mula sa aking puso, maraming salamat. 🙏
Hindi man ako nagtagumpay sa pagtakbo sa Senado, lubos ang aking pasasalamat sa bawat boto, dasal, at suporta.
Ang puso ko ay mananatiling nasa bayan. At ang pangarap ko para sa bayan na maiahon ang bawat pamilyang Pilipino ay hindi magbabago.
Taos-puso rin ang aking pagbati sa lahat ng nanalo. Nawa’y maging tapat, makatao, at makabuluhan ang inyong paglilingkod para sa ating bayan.
Sa lahat ng bumoto at naniwala, salamat sa inyong pagmamahal. Sa lahat ng hindi pumili sa akin, salamat pa rin dahil bahagi rin kayo ng prosesong nagpapalakas sa ating demokrasya.
Tuloy ang laban. Tuloy ang serbisyo.
Para sa Diyos. Para sa bayan. Para sa bawat Pilipino. 🇵🇭
