28/02/2026
PAR Homes 1 HOA
📢 PAALALA: LIGTAS SA SUNOG, TUNGUHIN NG BAWAT KOMUNIDAD📢
Mga minamahal naming kasapi ng Homeowners Associations at Neighborhood Associations lalo na sa ating mga Urban Mission Areas,
Ang buwan ng Marso ay Fire Prevention Month, ngunit ang pag-iingat laban sa sunog ay responsibilidad natin araw-araw.
Sa ating mga mataong komunidad, maliit na kapabayaan ay malaking panganib. Ayon sa Bureau of Fire Protection (BFP), narito ang mga karaniwang sanhi ng sunog sa bansa:
🔥 PANGUNAHING SANHI NG SUNOG:
1️⃣ Electrical Connection / faulty wiring – Sira o luma na mga kable, sobrang saksakan (octopus connection), at hindi ligtas na pagkakabit ng kuryente.
2️⃣ Aksidenteng pag-iwan ng apoy – Nakabukas na gas stove, kandila, o lampara na hindi pinatay bago matulog o lumabas ng bahay.
3️⃣ Cigarette butt – Itinapon kahit saan o nakatulugan habang naninigarilyo.
4️⃣ Laro ng bata – Posporo o lighter na abot ng mga bata.
5️⃣ Pag-iimbak ng flammable materials – Gasolina, thinner, o LPG na malapit sa pinagmumulan ng apoy.
🛡️ ANO ANG DAPAT GAWIN NG ATING ASOSASYON?
✅ Conduct regular fire safety inspections sa bawat bahay at karaniwang lugar.
✅ Siguraduhing hindi nakaharang ang mga daanan – mahalaga ito para sa emergency evacuation.
✅ Magkaroon ng fire extinguisher sa clubhouse, covered court, at iba pang pampublikong lugar.
✅ Mag-organisa ng fire drill kasama ang BFP.
✅ I-report agad ang mga delikadong wiring sa kinauukulan.
🏠 SA BAWAT TAHANAN:
🔌 Iwasan ang sobrang saksakan. Magpatulong sa lisensyadong electrician kung may sira ang kable.
🕯️ Patayin ang kandila, gas stove, at iba pang appliance bago lumabas.
🚭 Itapon nang maayos ang upos ng sigarilyo.
🧯 Mag-aral gumamit ng fire extinguisher.
👀 Laging tingnan ang LPG tank – siguraduhing nakapatay ang balbula pagkatapos gamitin.
📌 TANDAAN:
Sa ating mga urban mission areas, magkakalapit ang mga bahay. Ang sunog sa isang bahay ay madaling makaaapekto sa buong komunidad.
Maging alerto. Maging handa. Ligtas ang bawat isa, kung tayo'y nagkakaisa.
