Tayo Tayo

02/12/2025

Congratulations sa sariling nating Gab Del Rosario for the Honorable Mention Delegation Award with DLSU for the 2025 National Model United Nations Canada Conference!

22/11/2025

Sign up para sa Parañaque

01/10/2025

TIGNAN: Luke Malimban, NAKALAYA NA!

Matapos ang 10 araw na paghihintay, ngayong araw, nakalaya under Bail ang TayoTayo Volunteer at Director for Public Relations and Communications na si Luke Malimban. Isa si Luke sa mga maling naaresto sa gitna ng tensyon at kaguluhan sa Mendiola noong Setyembre 21.

Kasama ang ating legal at operations team pati ang kanyang pamilya sa pagasikaso ng bail requirements at sa iba pang mga legal na proseso sa pagpapalaya ni Luke.

Sinalubong ng ating TayoTayo team,
ate ni Luke na si Ate Prunes at ng kanyang nobya na si Eunice ang paglabas ni Luke sa Station 14 (Barbosa) ng Manila Police Department sa Quiapo. Ngayon, inaasikaso pa ng ating team ang kanyang papeles para sa mga susunod na proseso.

Maraming maraming salamat sa mga tumulong sa pagpapalaya sa ating kaibigan lalong lalo na sina:

- Atty Mark Lim, ang abogado ni Luke mula sa National Union of Peoples' Lawyers
- Rage for Systematic Change
- Kabataan Partylist - Parañaque
- Karapatan NCR

at siyempre, sa mga pamilya, kaibigan, taga suporta, abogado, paralegals, at mga mahal sa buhay sa lahat ng dasal, effort at sipag sa pagpapalaya sa ating kaibigan.

Nagpapasalamat po ng buong buo si Luke at ang kanyang pamilya sa pagmamahal at suporta. Hindi man siya nakalaya dahil may hustisya, siya ay nakalaya dahil sa tyaga, suporta, ang pagmamahal ng pamilya at mga kaibigan at ang nalikom na donasyon.

Maraming salamat po sa inyong lahat! Mahaba pa man ang proseso, tuloy ang laban para sa patas na hustisya! Mabuhay si Luke!

23/09/2025

Palayain si Luke!! Patuloy po nating ipagdasal si Luke at ang kanyang pamilya na mas palakasin ang kanilang loob.

Sa gitna ng tensyon at kaguluhan noong Linggo, ika-21 ng Setyembre sa Mendiola, sa halip na tumakbo papalayo sa tensyon mas piniling tumulong at magkawanggawa ng aming kasama na si Luke.

Likas na kay Luke ang pagtulong, lalo na sa mga nangangailangan. Batid ng lahat ng kanyang kasama ang pagiging matulungin niya.

Ayon sa kanyang salaysay:

Pagkatapos sumiklab ang riot sa Mendiola ay dali daling nagtakbuhan ang mga ralyista. Nang makita niya na naiwanan ng isang pulis ang motorsiklo nito dahil sa pagkuyog sakanya ng mga grupong nagsimula ng gulo, agad niyang tinabi ang motor at nag-abot ng tulong sa mga naipit at nadapa. Kabilang na rito ang ilang pulis na kanyang inakay at tinulungan upang hindi tuluyang maipit sa mga barikada.

Higit pa rito, kabilang din sa kanyang tinulungan ang isang bata na naipit sa batuhan at kaguluhan.

Ngunit sa kabila ng kabayanihang ginawa niya, siya ay dinakip ng mga pulis, bandang pasado alas-kwatro ng hapon. Agad siyang dinala sa Manila Police District kung saan siya pinroseso at kinuhanan ng mug shot.

Ikinuwento niya sa kanyang nobya na sa kulungan ay halos hindi sila makatulog dahil sa dami nila sa iisang selda. Nakaupo lamang sila buong magdamag sa masikip na detention center sa Baseco Compound, Station 13 kung saan sila inilipat, Lunes ng madaling araw mula sa Manila Police District.

Si Luke ngayon ay nagtamo ng black eye at ng ilang pasa na naranasan niya sa kalupitan at pananakit mula sa mga pulis ng siya ay inaaresto.

Nakakalungkot na pinagbabayaran niya ang kabutihang loob na ipinakita niya sa kapwa.

Kaya naman kami ay buong pagpapakumbaba na nananawagan sa inyo ng tulong para sa kanyang piyansa at ng donation drive para sa kanyang pagkain at mga pangunahing pangangailangan pati na rin ng kanyang mga kasama sa piitan.

Sama-sama nating ipakita kay Luke na hindi siya nag-iisa sa laban. Naging bayani siya sa kanyang sariling pamamaraan, ngunit naging biktima ng batas dahil sa maling dahilan.

Muli, ang lahat ng makakalap sa drive na ito ay ilalaan para sa piyansa ni Luke at sa mga essential needs niya at ng kanyang mga kasama sa piitan.

Narito ang mga detalye upang kayo ay makapagpaabot ng tulong:
Eunice Gabrielle Datoy
GCash: 09171530216
BPI: 7556722301

23/09/2025

Sa gitna ng tensyon at kaguluhan noong Linggo, ika-21 ng Setyembre sa Mendiola, sa halip na tumakbo papalayo sa tensyon mas piniling tumulong at magkawanggawa ng aming kasama na si Luke.

Likas na kay Luke ang pagtulong, lalo na sa mga nangangailangan. Batid ng lahat ng kanyang kasama ang pagiging matulungin niya.

Ayon sa kanyang salaysay:

Pagkatapos sumiklab ang riot sa Mendiola ay dali daling nagtakbuhan ang mga ralyista. Nang makita niya na naiwanan ng isang pulis ang motorsiklo nito dahil sa pagkuyog sakanya ng mga grupong nagsimula ng gulo, agad niyang tinabi ang motor at nag-abot ng tulong sa mga naipit at nadapa. Kabilang na rito ang ilang pulis na kanyang inakay at tinulungan upang hindi tuluyang maipit sa mga barikada.

Higit pa rito, kabilang din sa kanyang tinulungan ang isang bata na naipit sa batuhan at kaguluhan.

Ngunit sa kabila ng kabayanihang ginawa niya, siya ay dinakip ng mga pulis, bandang pasado alas-kwatro ng hapon. Agad siyang dinala sa Manila Police District kung saan siya pinroseso at kinuhanan ng mug shot.

Ikinuwento niya sa kanyang nobya na sa kulungan ay halos hindi sila makatulog dahil sa dami nila sa iisang selda. Nakaupo lamang sila buong magdamag sa masikip na detention center sa Baseco Compound, Station 13 kung saan sila inilipat, Lunes ng madaling araw mula sa Manila Police District.

Si Luke ngayon ay nagtamo ng black eye at ng ilang pasa na naranasan niya sa kalupitan at pananakit mula sa mga pulis ng siya ay inaaresto.

Nakakalungkot na pinagbabayaran niya ang kabutihang loob na ipinakita niya sa kapwa.

Kaya naman kami ay buong pagpapakumbaba na nananawagan sa inyo ng tulong para sa kanyang piyansa at ng donation drive para sa kanyang pagkain at mga pangunahing pangangailangan pati na rin ng kanyang mga kasama sa piitan.

Sama-sama nating ipakita kay Luke na hindi siya nag-iisa sa laban. Naging bayani siya sa kanyang sariling pamamaraan, ngunit naging biktima ng batas dahil sa maling dahilan.

Muli, ang lahat ng makakalap sa drive na ito ay ilalaan para sa piyansa ni Luke at sa mga essential needs niya at ng kanyang mga kasama sa piitan.

Narito ang mga detalye upang kayo ay makapagpaabot ng tulong:
Eunice Gabrielle Datoy
GCash: 09171530216
BPI: 7556722301