31/07/2026
TIMOG KATAGALUGAN, SUMABAY SA HAGUPIT! โ๐ฝ
Mula Hulyo 25 hanggang 27, 2026, nakiisa ang AGHAM Southern Tagalog sa Hagupit ng Timog Katagalugan Caravan, serye ng mga pagkilos at kilos-protesta sa ibaโt ibang ahensya at tanggapan ng pamahalaan sa Metro Manila, kasama ang kabataan, manggagawa, magsasaka, siyentista, environmental defenders, at iba pang progresibong organisasyon. Dinala sa mga pagkilos ang mga usapin sa development aggression at pagkawasak ng kalikasan, kabilang ang 1,400-MW Ahunan Pumped-Storage Hydropower Project, 100.8-MW Kalayaan 2 Wind Power Project, Laguna Lakeshore Road Network Project, mapaminsala at iligal na quarrying, pagmimina at iba pang extractive activities. Itinaas din ang krisis sa lupa at kabuhayan, mataas na singil sa enerhiya, krisis sa agrikultura at trabaho, mga flood-control at iba pang proyektong pampubliko, korapsyon at anomalya sa paggamit ng pondo ng bayan, krisis sa edukasyon at siyensya, militarisasyon, pagpaslang, red-tagging, sapilitang pagkawala, at iba pang paglabag sa karapatang pantao.
Mariing iginiit ng AGHAM Southern Tagalog na ang agham at teknolohiya ay dapat magsilbi sa mamamayan, kalikasan, at pambansang kasarinlan. Kinondena ng organisasyon ang mga patakarang lalong naglalagay sa likas-yaman, enerhiya, paggawa, at teknolohiya sa interes ng dayuhang kapital, kabilang ang Pax Silica, at iginiit ang pambansang industriyalisasyon, makabayang agham at teknolohiya, at siyentipikong pananaliksik para sa bayan. Sa Hagupit ng Timog Katagalugan Caravan, itinampok ang panawagan para sa tunay na repormang agraryo, makatarungan at abot-kayang enerhiya, proteksyon sa kalikasan at kabuhayan, sapat na suporta sa edukasyon at pananaliksik, pananagutan sa korapsyon, at pagtatanggol sa karapatang pantao. Mula Timog Katagalugan, nagpapatuloy ang pag-oorganisa at pagkilos para sa agham na para sa bayan, pambansang industriyalisasyon, at isang bansang tunay na malaya at nagsasarili. โ๐ฝ๐ฌ๐ฑ
