Tayo na Pakil

13/06/2026

Sa pamumuno ni Kapitan Miguel ng Brgy. Bagumbayan, Paete Laguna, ang Community Pantry na pinangunahan ng Ahunan at Tayo Na Pakil ay naging mahalagang sandigan ng kanyang nasasakupan.

Ayon sa kanya, ang programang ito ay hindi lamang simpleng pamamahagi ng pagkain at pangunahing pangangailangan, kundi isang tugon sa araw-araw na hamon ng kanyang mga ka-barangay.

12/06/2026

Maligayang Ika-128 Araw ng Kalayaan!

Sa paggunita natin sa kasaysayan ng ating bansa, nawa’y patuloy nating isabuhay ang diwa ng pagkakaisa, pagmamahal sa bayan, at malasakit sa kapwa.

Kalayaan. Kinabukasan. Kasaysayan. 🇵🇭✨

11/06/2026

Tunghayan ang mga kaganapan sa isinagawang Community Pantry noong nakaraang May 30, 2026, ng Ahunan Power, Inc. at Prime Infra Foundation para sa mga mangingisda ng Brgy. Burgos, Pakil at Brgy. Bagumbayan, Paete.

Sa pamamagitan ng programang ito, nabigyan ng tulong at suporta ang mga pamilyang ang pangunahing kabuhayan ay pangingisda. May kabuuang 220 mangingisda ang nakatanggap ng mga pangunahing pangangailangan at iba’t ibang suplay na makakatulong sa kanilang araw-araw na pamumuhay.

Higit pa sa pamamahagi ng ayuda, ipinakita ng aktibidad na ito ang diwa ng bayanihan, malasakit, at pagtutulungan para sa ating mga komunidad.

09/06/2026

Sa pamamagitan ng Community Pantry na pinangunahan ng Ahunan at Tayo Na Pakil, natutulungan ang mga drayber tulad ni Boyet Pascua na maitaguyod at matustusan ang pang-araw-araw na pangangailangan ng kaniyang pamilya.

Ang programang ito ay nagsisilbing paalala na sa kabila ng mga hamon, nananatiling buhay ang diwa ng bayanihan at malasakit sa ating komunidad.

08/06/2026

Palarong Pinoy

Grabe ang saya sa naganap na Palarong Pinoy kung saan muling nabuhay ang mga classic na larong Pinoy na talaga namang kinalakihan at minahal natin.

Kitang-kita ang saya, tuwa, at ang hindi maubos-ubos na energy ng mga bata sa bawat laro, halo-halong excitement, kulit, at friendly competition na talaga namang nagbigay ng good vibes sa lahat. Bukod sa laro, naging chance din ito para maipakita ang value ng teamwork, pakikipagkaibigan, at pagiging active habang nag-eenjoy.

Maraming salamat kay ABC. Manuel Luis Laciste sa solid na support at pakikiisa para maging possible ang programang ito na naghatid ng saya at unforgettable moments sa mga bata.

See you sa next Palarong Pinoy, more laro, more tawa, more memories!

Disclaimer: Ang lahat ng mga batang makikita sa mga larawan at video na kaugnay ng programang ito ay may kaukulang pahintulot (parental consent) mula sa kanilang mga magulang o legal na tagapag-alaga para sa pagkuha at paggamit ng kanilang mga larawan para sa dokumentasyon at publikasyon ng programa.

06/06/2026

Tayo na Pakilinis! 🌿

Bilang bahagi ng taunang pakikiisa sa tamang pamamahala ng basura tuwing Ahunan sa Ping-As, patuloy nating isinusulong ang responsableng pagtatapon at pangangalaga sa kalikasan.

Layunin ng programang ito na mabawasan ang mga nakakalat na plastic bottles at iba pang basura upang mapanatiling malinis at maayos ang ating kapaligiran para sa lahat.

Sama-sama tayong kumilos para sa mas malinis at mas luntiang komunidad! 💚

05/06/2026

Inaasahang maghahatid ang proyektong ito ng mas pinatibay na kabuhayan, karagdagang oportunidad, at pangmatagalang pag-unlad para sa samahan ng mga magsasaka sa bayan ng Pakil.

Buong sigasig na dinaluhan at sinuportahan ito ng mga kinatawan mula sa iba’t ibang sektor, na malinaw na sumasalamin sa iisang layunin para sa kaunlaran:

Bb. Ivy B. Bacud – Agricultural Technologist, Office of the Provincial Agriculturist, Provincial Government of Laguna

Bb. Charmyne Sanglay – College of Agriculture, Laguna State Polytechnic University

Engr. Wilma Del Rosario at G. Leandro Dimatulac – Department of Science and Technology

G. Tim Hou – Power China

Kgg. Edgar Dalit – Barangay Captain, Brgy. Natividad, Pangil, Laguna

Mga kinatawan mula sa Ahunan Power, Inc. at Prime Infra Foundation na pinangunahan ni Bb. Bernadette Tan at ang ating minamahal na Punong-Bayan, Kgg. Ronald James V. Hidalgo

Ang sama-samang presensya at suporta ng bawat isa ay patunay ng nagkakaisang hangarin na isulong ang pag-unlad, kabuhayan, at mas maunlad na kinabukasan ng komunidad sa pamamagitan ng proyekto para sa PUNLA.

05/06/2026

Tayo na Pakilakas 💪

Ready ka na ba ulit mag-level up? May panibagong learning experience na naman na magpapalakas ng skills mo, magpapatalas ng diskarte, at magbubukas ng mas maraming opportunities para sa mas magandang trabaho at kinabukasan ✨

Hatid ng Ahunan Power, Inc. at Prime Infra Foundation na layuning maghatid ng training at livelihood support para sa mas handa at mas strong na community 💼🌱

Para sa full details kung paano makakasali, i-check ang mga photos sa ibaba 👇

Kaya kung game ka sa upgrade at bagong kaalaman…
Tayo na, join ka na!

04/06/2026

04/06/2026

Hindi hadlang ang edad sa pag-unlad. Sa tulong ng Livelihood Program ng Ahunan at Tayo Na Pakil, nagkakaroon ng pagkakataon ang mga senior citizen tulad ni Cecilia Pascua na matuto ng mga bagong kasanayan na maaari nilang pagkakitaan at magamit upang masuportahan ang kanilang pang-araw-araw na pangangailangan.