Bagong Novaliches Peoples Alliance

08/05/2025

MABUHAY ANG PAGBABAGO!

08/05/2025

Sure na #2! Atin na #2!

Para sa lahat ng nagnanais ng patas at totoong serbisyo at hindi kayo inenegosyo, iboto para kongresista ang Ate ko, ang Ate niyo, ang Ate ng Distrito Singko- ATE Rose Lin #2!

02/04/2025

01/04/2025

Magkakasamang nagsumite ng liham sa tanggapan ng DSWD ang mga convenors ng Bagong Novaliches Peoples Alliance upang hilingin kay Sec. Rex Gatchalian ang imbestigasyon ukol sa mga DSWD Relief Boxes sa Novaliches na sinasabing nirerepack at ginagamit sa pamumulitika nila Congressman at Konsehal Vargas.

Hinihintay namin ang agarang sagot sa liham na ito upang maipaliwanag ng ahensya ang mga katanungan ng BNPA.

25/03/2025

KAILANGAN MAGPALIWANAG NG DSWD AT NI CONG PM VARGAS UKOL DITO

Kaugnay ng ipinost namin na alegasyon ng isang message sender ukol sa pagrerepack daw ng DWSD Relief Goods (DSWD box) ng mga kawani ng magkapatid na Vargas sa kanilang Buenamar Headquarters, ito ang isinagot sa comment section ng mga supporters nila, screenshot at link ng pamamahagi ni Cong Vargas ng mga DSWD Relief goods sa Diego Silang St., Brgy. Sta. Lucia nito lamang Marso 22 o 23, 2025.

Puwedeng sa mababaw na pagtingin ay maganda ito dahil may nakinabang sa mga DSWD Relief Boxes, pero maraming katanungan ang lalong nagbunsod sa amin upang tumungo sa DSWD Central Office.

Alam naman ng lahat na ang DSWD Relief Boxes ay Relief Goods na ipinamimigay sa mga apektadong pamilya ng mga kalamidad at sakuna kagaya ng bagyo, pagbaha, sunog at iba pa. Alam din ng ilan na ang nagbibigay nito ay mga opisinang may kinalaman sa disaster o emergency response.
Alam din natin na marami ang hindi nabibigyan nito kahit na apektado ng mga kalamidad dahil nga kulang o di kaya ay wala sa evacuation center. Alam din natin na hindi GIVE AWAY ang Relief Goods, ibinibigay ito sa mga tukoy na apektado ng kalamidad.

Kaya nais namin makakuha ng sagot mula sa DSWD at sa opisina ng magkapatid na Vargas ukol sa mga sumusunod na tanong:

1. Bakit nasa inyo ang mga Relief Goods, hindi ba dapat ang DPOS at SSDD (Mga opisinang tungkulin ay rumisponde sa kalamidad) ng Quezon City Hall ang nangangasiwa diyan?

2. Paano natukoy ng opisina niyo ang dapat makatanggap ng mga relief goods diyan? Apektado ba sila ng baha o sunog?

3. Pondo ba galing sa buwis ng taong-bayan ang ipinambili sa mga DSWD Relief Boxes na iyan, bakit pulitiko ang namimigay?

Kung nagbago ang mga programa at polisiya ng DSWD ukol dito ay sana makahingi kami ng paliwanag para kami ay maka-aksyon ayon sa kanilang sagot.

Maraming salamat!

22/03/2025

TINGNAN!

May isang concerned citizen ang nagpadala ng mga larawang ito na nagsasabing ang mga relief goods mula sa DSWD na nakaimbak sa Buenamar HQ ng magkapatid na Vargas ay inererepack at inilalagay sa mga blue bags.

Sinasabi din ng sender na ayaw ipaalam ang kanyang pangalan na hinahati at binabawasan ang laman ng mga relief goods, partikular ang bigas para magamit sa ipinamudmod sa mga supporters nila konsehal at kongresman Vargas.

Aabot sa 1000 relief good boxes ng DSWD ang nakaimbak at sinabing inirerepack ng mga tauhan nila konsi Alfred at Cong PM.

Dahil sa humihingi ng tulong ang nagpadala nitong impormasyon ay sisikapin ng BNPA na maiparating ito sa mga kinauukulan.