Kabal'lusan Tribal Farmers Association, New Bataan (2026)

02/06/2026

𝗞𝗔𝗥𝗢𝗡𝗚 𝗔𝗗𝗟𝗔𝗪𝗔 | Hunyo 2, 2026

Usa ka mahinungdanong kalampusan ang nasinati sa Kabal'lusan Tribal Farmers Association (KaTriFA) human pormal nga gidawat sa Chairman niini nga si Mr. Jake Hanggam, ang Certificate of Registration (COR) nga maoy legal nga dokumento nga nagpamatuod nga opisyal nang narehistro ang KaTriFA isip usa ka Indigenous Peoples Organization (IPO).

Ang KaTriFA natukod isip usa sa mga Biodiversity-Friendly Enterprises (BDFE) sa Probinsya sa Davao de Oro, nga adunay tumong sa pagpanalipod ug malungtarong pagdumala sa mga kahinguhaan sa kinaiyahan samtang ginapalig-on ang panginabuhian sa mga Mandaya nga tribo nga komunidad.

Ang organisasyon naglangkob sa 12 ka kaliwatan nga adunay katungod ug responsibilidad sa pag-atiman sa mga Almaciga Tree nga nahimutang sa Kabal'lusan, Langawisan, Maragusan, Davao de Oro. Kining mga lugar sakop sa Mandaya-Mansaka Ancestral Domain ubos sa CADT No. R11-NEW-0204-019 sa Munisipyo sa New Bataan.

Subay sa Republic Act No. 8371 o Indigenous Peoples' Rights Act (IPRA) of 1997, ang KaTriFA, isip Indigenous Peoples Organization (IPO) sa Mandaya-Mansaka Tribal Executive Council of Elders (MMTECE), mao ang giila ug awtorisadong organisasyon nga mudumala, mag-regulate, ug mag-manage sa Almaciga-based Biodiversity-Friendly Enterprise (BDFE) nga sakop sa CADT 019.

Kining kalampusan dili lamang usa ka legal nga pag-ila sa organisasyon, kondili usa usab ka dakong lakang padulong sa paglig-on sa katungod sa mga Tribong Mandaya, pagpanalipod sa atong kalasangan, ug pagpalambo sa malungtarong panginabuhian alang sa umaabot nga mga henerasyon.

Daghang Salamat - DOLE Davao de Oro ug Eastern Mindanao Biodiversity Corridor.

Congratulations sa KaTriFA Officials.

𝗠𝗮𝗯𝘂𝗵𝗮𝘆 𝗮𝗻𝗴 𝗞𝗮𝗧𝗿𝗶𝗙𝗔!
𝗠𝗮𝗯𝘂𝗵𝗮𝘆 𝗮𝗻𝗴 𝗠𝗮𝗻𝗱𝗮𝘆𝗮-𝗠𝗮𝗻𝘀𝗮𝗸𝗮 Tribe!
𝗠𝗮𝗯𝘂𝗵𝗮𝘆 𝗮𝗻𝗴 𝗺𝗮𝗹𝘂𝗻𝗴𝘁𝗮𝗿𝗼𝗻𝗴 𝗽𝗮𝗴𝗱𝘂𝗺𝗮𝗹𝗮 𝘀𝗮 𝗮𝘁𝗼𝗻𝗴 𝗸𝗶𝗻𝗮𝗶𝘆𝗮𝗵𝗮𝗻!

Sa kanunay, BIDA KA! Atsup!

17/12/2025

𝗗𝗲𝗰𝗲𝗺𝗯𝗲𝗿 9-12, 2025

𝗣𝗮𝗴𝗯𝗮𝗻𝘀𝗮𝘆: 𝗡𝗮𝗴𝗽𝗮𝗹𝗶𝗴-𝗼𝗻 𝘀𝗮 𝗠𝗮𝗹𝘂𝗻𝗴𝘁𝗮𝗿𝗼𝗻𝗴 𝗡𝗲𝗴𝗼𝘀𝘆𝗼 𝘀𝗮 𝗔𝗹𝗺𝗮𝗰𝗶𝗴𝗮 𝗥𝗲𝘀𝗶𝗻 𝘀𝗮 𝗗𝗮𝘃𝗮𝗼 𝗢𝗿𝗶𝗲𝗻𝘁𝗮𝗹 - 𝗨𝘀𝗮 𝗸𝗮 𝗠𝗶𝗹𝗲𝘀𝘁𝗼𝗻𝗲 𝗮𝗹𝗮𝗻𝗴 𝘀𝗮 𝗞𝗼𝗻𝘀𝗲𝗿𝗯𝗮𝘀𝘆𝗼𝗻 𝘂𝗴 𝗠𝗮𝗹𝘂𝗻𝗴𝘁𝗮𝗿𝗼𝗻𝗴 𝗣𝗮𝗻𝗴𝗶𝗻𝗮𝗯𝘂𝗵𝗶𝗮𝗻 𝘀𝗮 𝗞𝗼𝗺𝘂𝗻𝗶𝗱𝗮𝗱

Usa ka upat ka adlaw nga pagbansay ug benchmarking nga kalihokan alang sa bag-ong natukod nga Kabal'lusan Tribal Association (IPO KATRIA) sa Certificate of Ancestral Domain Title (CADT) No. 019 ang malampusong gipahigayon gikan Disyembre 9 hangtod 12, 2025, sa lungsod sa Governor Generoso, Davao Oriental.

Ang kalihokan nagtutok sa pagpalig-on sa negosyo sa pagkuha sa Almaciga resin isip usa ka potensyal nga biodiversity-friendly enterprise (BDFE) sulod sa Eastern Mindanao Biodiversity Corridor (EMBC). Tumong niini ang pagpalambo sa malungtarong mga pamaagi sa pag-ani aron malikayan ang pagkawala sa biodiversity ug masiguro ang dugayng pagpadayon sa kahinguhaan sa lasang, samtang gisuportahan ang panginabuhian sa komunidad.

Gipangulohan ang kalihokan sa Biodiversity Corridor Project sa EMBC ug gisuportahan sa Department of Environment and Natural Resources (DENR) Regions XI ug XIII. Gitambongan kini sa Municipal Environment and Natural Resources Offices (MENROs) sa Maragusan ug New Bataan, Davao de Oro, sa Department of Science and Technology (DOST) Region XI, National Commission on Indigenous Peoples (NCIP) Region XI, sa host nga people’s organization nga Almaciga Resin Tappers of Governor Generoso (ARTAGG), ug sa mga representante sa Municipal Local Government Unit sa Governor Generoso.

Si Municipal Tourism Officer Joey Gamao sa Governor Generoso maoy nahimong resource speaker ug naghatag og hands-on nga pagbansay sa malungtarong pagkuha sa Almaciga resin. Ang mga sesyon naglangkob sa maayong mga pamaagi sa pagpili sa kahoy, husto nga pag-tap ug pagtipon sa resin, mga teknik sa pagdugang sa ani nga dili makadaut sa kahoy, ug post-harvest handling, pagklasipikar, ug mga estratehiya sa pag-access sa merkado.

Ang maong kalihokan sa capacity-building kabahin sa padayon nga suporta sa DENR pinaagi sa BD Corridor Project aron palig-onon ang papel sa IPO KATRIA isip mga tigbantay sa ilang yutang kabilin, samtang ginapalambo ang mga malungtarong ug biodiversity-friendly nga panginabuhian.

Kini nga inisyatiba kabahin sa DENR-UNDP/GEF Project nga “Integrated Approach in the Management of Major Biodiversity Corridors in the Philippines” o BD Corridor Project, nga nagtinguha sa pagpatuman sa tinambalan nga pagdumala sa mga biodiversity corridors aron makahimo og daghang benepisyo, lakip ang epektibong konserbasyon sa mga espesye nga hulga sa tibuok kalibutan ug mga lasang nga adunay taas nga bili sa konserbasyon, pagpakunhod sa deforestation ug pagkadaut sa lasang, ug pagpalig-on sa biodiversity-friendly nga panginabuhian sa lokal nga komunidad.

23/09/2025

Biodiversity-Friendly Enterprise in Action! Strengthening Unity, Empowering Communities!

The Kabal'lusan Tribal Association (KaTriA), a proud Biodiversity-Friendly Enterprise (BDFE) engaged in Almaciga Resin Tapping in Davao de Oro chaired by Mangkatadung Jerry Jake Bagolaque Hanggam, has successfully held its First Regular Meeting at the Municipal Tribal Office - New Bataan, Davao de Oro.

Highlights of the agenda:

1. Ratification & approval of our Constitution & By-Laws
2. Presentation of the Community Royalty Development Plan (CRDP),
3. Insights & updates from DENR–Eastern Mindanao Biodiversity Corridor (EMBC) through Mr. Brian Leonardo Pototan and Ms. Melch Gualvez Cmpñ

Special Thanks to: DENR-EMBC Team

1st District Congresswoman Maricar Zamora-Mabanglo

The Provincial Government of Davao de Oro under the Leadership of Governor Engr. Raul Mabanglo thru PENRO

Mayor Atty. Mar Bianca Cualing-Brua thru MENRO - New Bataan

Mayor Cesar C. Colina Sr. thru MENRO Maragusan

MANDAYA MANSAKA TRIBAL EXECUTIVE COUNCIL OF ELDERS - MMTECE under the Leadership of Matikadung Arnel B. Sugnoan

All the members of the KaTRiA Board of Trustees (BOT) and Admin Officials.

With unity, tradition, and sustainability, we continue our journey of strengthening tribal governance, empowering communities, and protecting biodiversity. 💚🌏

Padayon KITA, Padayon KaTriA! ✊🌳

16/08/2025

𝗔𝘂𝗴𝘂𝘀𝘁 13, 2025: 𝗠𝗢𝗔 𝗦𝗶𝗴𝗻𝗶𝗻𝗴

Address

New Bataan
8804

Website

http://www.katria.wordpress.com/

Alerts

Be the first to know and let us send you an email when Kabal'lusan Tribal Farmers Association posts news and promotions. Your email address will not be used for any other purpose, and you can unsubscribe at any time.

Kabal'lusan Tribal Farmers Association