17/04/2026
๐ฒ๐จ ๐ฉ๐ฐ๐ฉ๐ฐ๐ต๐ฎ: ๐จ๐ณ๐จ๐ฎ๐จ๐ซ ๐บ๐จ ๐ด๐จ๐ด๐ผ๐ด๐ผ๐ถ, ๐ป๐ฐ๐ต๐ฎ๐ถ๐ฎ ๐บ๐จ ๐ด๐จ๐บ๐จ ๐ผ๐ฎ ๐ฉ๐จ๐๐จ๐ต๐ฐ ๐บ๐จ ๐ฒ๐จ๐ณ๐ฐ๐ต๐จ๐พ
Ang Kalinaw Davao de Oro naghiusa uban sa katawhan sa pagbangotan sa pagpanaw ni Realyn Lastimoso (Ka Bibing), Municipal Secretary sa KALINAW Compostela, usa ka matinud-anong alagad sa mamumuo ug sa masa.
Si Ka Bibing naghalad sa iyang kinabuhi alang sa pakigbisog sa katungod ug kaayohan sa mga mamumuo sa Compostela. Isip lider sa unyon, nagbarug siya uban sa mga trabahante sa sagingan sa ilang adlaw-adlaw nga pakigbisog alang sa hustong sweldo, makatawhanong kondisyon sa trabaho, kasiguruhan sa empleyo, ug katungod sa pag-organisa. Dili lang siya lider sa ngalan, kundili usa ka tinuod nga organisador nga naminaw, naghiusa, ug naglihok kauban sa masa batok sa pagpangabuso ug inhustisya.
Ang iyang kinabuhi nagpakita sa lig-on nga baruganan alang sa katawhan. Gikan sa iyang kaagi sa rebolusyonaryong kalihukang mamumuo ilalom sa legal nga prente sa Nagkahiusang Mamumuo sa Suyapa Farm (NAMASUFA-NAFLU-KMU) hangtod sa iyang pagbalik-loob ug reintegrasyon sa komunidad, nagpabilin siyang matinud-anon sa iyang prinsipyo. Nagpadayon siya sa pakigbisog alang sa hustisya pinaagi sa ligal, organisado, ug pangmasa nga pamaagi. Iyang gipamatud-an nga ang tinuod nga kalinaw mahimo lamang kung ang katawhan adunay hustisya ug dignidad.
Sulod sa KALINAW Davao de Oro, si Ka Bibing usa ka aktibong pwersa sa pagpalambo sa peacebuilding ug community development sa Compostela ug sa tibuok Davao de Oro. Walay hunong niyang gipaningkamotan ang paghiusa sa komunidad, local government units ug nagkalain-laing sektor aron tubagon ang tinuod nga interes sa katawhan.
Ang iyang kinabuhi sumbanan sa tinuod nga pag-alagad. Simple ang iyang panginabuhi, kinasingkasing ang iyang serbisyo ug walay kakapoy ang iyang pakigbisog uban sa katawhan.
Sa iyang pagpanaw, nawad-an kita og usa ka lig-on nga organisador, maisugon nga lider sa mamumuo ug matinabangon nga kauban. Apan ang iyang kabilin magpadayon sa matag mamumuo nga iyang naorganisa, matag komunidad nga iyang natabangan ug matag pakigbisog nga iyang giasdang.
Atong pasidunggan si Ka Bibing pinaagi sa pagpadayon sa iyang gisugdan, pagpalig-on sa panaghiusa sa mamumuo, pagpanalipod sa ilang katungod ug pagtukod sa tinuod ug malungtarong kalinaw nga nakaugat sa pangandoy sa masa.
๐๐ฑ๐ช๐ด๐บ๐ข๐ญ ๐ฏ๐จ๐ข ๐๐ข๐ฎ๐ข๐ฉ๐ข๐บ๐ข๐จ ๐ด๐ข ๐๐ณ๐ฐ๐ท๐ช๐ฏ๐ค๐ช๐ข๐ญ ๐๐ฐ๐ถ๐ฏ๐ค๐ช๐ญ
๐ด๐ข ๐๐๐๐๐๐๐ ๐๐ข๐ท๐ข๐ฐ ๐ฅ๐ฆ ๐๐ณ๐ฐ
