SAGIP Pawikan Sitio Fuerte

23/03/2026

Isang makabuluhang hakbang para sa kalikasan at kinabukasan!

Kahapon March 23, 2026, matagumpay na naisagawa ang Memorandum of Agreement (MOA) Signing Ceremony ng Sagip Pawikan Sitio Fuerte kasama ang AboitizPower, Province of Bataan, DENR, at LGU Morong sa Orani, Bataan isang 5-taong pagtutulungan para sa mas pinaigting na Pawikan Conservation and Protection Project.

Ang kasunduang ito ay hindi lamang simbolo ng pagkakaisa, kundi isang matibay na pangako para mapangalagaan ang ating mga pawikan at ang kanilang likas na tirahan. Sa tulong ng proyektong ito, mas mapapalakas ang mga hakbang sa conservation, edukasyon, at proteksyon hindi lang para sa kasalukuyan kundi para sa mga susunod pang henerasyon.

Malaki rin ang maitutulong nito sa mga boluntaryo ng Sagip Pawikan, na patuloy na nagsasakripisyo ng oras at lakas para sa adbokasiyang ito. Sa pamamagitan ng suporta at pagkilala mula sa iba’t ibang ahensya at organisasyon, mas lalo pang titibay ang kanilang kakayahan na ipagpatuloy ang kanilang misyon.

Taos-pusong pasasalamat po sa AboitizPower sa inyong walang sawang suporta at malasakit sa kalikasan. Gayundin sa Province of Bataan, DENR, LGU Morong, at sa lahat ng indibidwal at grupong nagbibigay halaga at tulong sa ating adhikain.

Sama-sama, ating pangalagaan ang pawikan. 💚
Para sa kalikasan. Para sa kinabukasan.

#

25/02/2026

23/02/2026

Join us today at 6PM for the Grand Releasing of pawikan hatchlings at Sitio Fuerte 🐢🌊

This meaningful event is made possible through the unwavering support of AboitizPower Corp the driving force behind the continued projects and conservation efforts of Sagip Pawikan Sitio Fuerte Association. Their generous funding and commitment to environmental stewardship empower our mission to protect and preserve marine turtles for future generations.

In partnership with the Department of Environment and Natural Resources (DENR), PG-ENRO Bataan, and LGU Morong, we continue to strengthen community awareness, education, and action for marine conservation.

Because of strong partnerships and shared purpose, every hatchling released today carries hope - hope for our oceans, our community and the generations to come.

Together, we protect. Together, we sustain.

17/02/2026

Maligayang Kaarawan po, Cong. Gila Garcia🎉💚

Taos-pusong pasasalamat mula sa Sagip Pawikan Sitio Fuerte sa inyong patuloy na suporta sa kalikasan at komunidad. Nawa’y patuloy kayong pagpalain ng lakas, kalusugan, at mas marami pang tagumpay sa paglilingkod.

𝗠𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻, 𝗖𝗼𝗻𝗴. Gila Garcia!

Bilang isang lingkod-bayan, nasaksihan namin ang iyong dedikasyon, sipag at tunay na malasakit sa ating mga kababayan. Mula sa iyong pamumuno bilang Punong Bayan ng Dinalupihan hanggang sa iyong kasalukuyang tungkulin bilang Kinatawan ng Ikatlong Distrito, patuloy mong pinatutunayan ang iyong malasakit at dedikasyon sa serbisyo publiko.

Maraming salamat sa iyong mga programang pangkaunlaran na nagpapalakas sa ating mga komunidad gayundin sa iyong pagmamahal sa bawat Bataeño lalo na sa mga sektor na nangangailangan nang higit na suporta.

Nawa’y patuloy ka pang biyayaan nang mabuting kalusugan, karunungan at lakas upang maipagpatuloy ang iyong magagandang adhikain para sa mas maunlad at mas matatag na Ikatlong Distrito ng Bataan.

Isa kang huwarang kapatid at kapwa lingkod bayan na aking ipinagkakapuri.

30/01/2026

Pistang Pasasalamat 2026 ng Bayan ng Morong
Balik-Pawikan Day | Bahagi ng Pistang Bayan 2026

Inaanyayahan namin ang lahat na makiisa sa makabuluhang gawain para sa kalikasan sa Sagip Pawikan, Sitio Fuerte:

🕕 6:00 AM – Releasing of Pawikan Hatchlings
🕖 7:00 AM – Linis Dagat
🕗 8:00 AM – Sagip Pawikan Forum

Sama-sama nating ipagdiwang ang Pistang Pasasalamat sa pamamagitan ng pagmamalasakit sa ating karagatan at mga pawikan.

Halina’t makiisa, makibahagi, at maging bahagi ng pag-asa para sa kalikasan! 💚🌊🐢

26/12/2025

Witness the releasing of 100+ baby turtles tomorrow at 6:00 AM at Sagip Pawikan.

Join us as we give them a safe start back to the sea and celebrate marine life together.

02/12/2025

Late upload.

Nov. 28, 2025

“Isang dakilang hakbang para sa kalikasan!

Lubos ang pasasalamat sa mangingisdang si Rolly Labios ng Purok 1 Maticu, Barangay Sabang, sa kusang pagsuko ng 94 na itlog ng pawikan isang gawaing tunay na tagapangalaga ng dagat. 🐢💚
Agad itong dinala sa hatchery nina Kag. Al Del Rosario, Kag. Romeo Espinocilla, Kag. Jaime Aquino, at ng buong Brgy. Tanod Team, upang masigurong ligtas at maayos ang mga ito.

Muli, napatunayan nating kapag nagkakaisa ang komunidad, buhay ng pawikan ang ating napapanatili.

30/11/2025

Balik-Pawikan 2025

Isang makabuluhan at matagumpay na araw ang naganap noong Nobyembre 27 bilang bahagi ng Pawikan Festival 2025! Kasama natin ang ating solidong partner at sponsor AboitizPower Private Limited Partnerships GMEC & GNPD, pinangunahan ni VP for Corporate Services Andrea Mellind Madrid at RSM Manager Joseph Paolo Mendoza, na patuloy na sumusuporta sa adbokasiya ng pangangalaga sa ating mga Pawikan.

Nakiisa rin sina Mayor Leila Linao-Muñoz, PG-ENRO OIC Raphael De Leon, PNP Morong, PNP Maritime, at iba’t ibang CSO ng Morong sa isang araw ng pagtutulungan at pagkakaisa para sa kalikasan.

✨ 100 Pawikan Hatchlings ang matagumpay na na-release pabalik sa dagat simbolo ng bagong buhay at pag-asa para sa susunod na henerasyon.
🌙 Sa isinagawang Night Patrolling, nakakita rin tayo ng 7 pawikan na nag-itlog, patunay na nananatiling ligtas at mahalaga ang baybayin ng Morong bilang kanilang tahanan sa pangingitlog.

Ang mga pawikan ay hindi lamang bahagi ng ating yamang-dagat sila ay mahalagang tagapagpanatili ng balanse sa ating eco system. Ang kanilang patuloy na pagbabalik ay nagpapakita na buhay at ligtas ang ating baybayin.

At higit sa lahat, pinatutunayan nito na malayo ang mararating kapag nagkakaisa ang komunidad, LGU, at private sector. Sa tulong-tulong na pagkilos, napapanatili natin ang malinis na dalampasigan, mas ligtas na pangingitlogan, at mas maliwanag na kinabukasan para sa susunod na henerasyon.

🐢 Sama-sama nating alagaan ang ating karagatan. Sama-sama tayong maging tagapagtanggol ng Pawikan.


Fuerte

28/11/2025

Thank you 🫶

27/11/2025

“Tahimik ang baybayin kagabi… pero buhay na buhay ang himig ng kalikasan. 🐢🌙
Sa piling ng ating mga bisita at di-matutumbasang dedikasyon ng mga volunteers, nasaksihan natin ang kababalaghan ng gabi 13 ina na pawikan ang lumitaw mula sa karagatan upang ilagak ang kanilang susunod na henerasyon. Mula hatinggabi hanggang pagsikat ng araw, bawat yapak nila sa buhangin ay paalala na tayo ang tagapangalaga ng kanilang kinabukasan.

Sa pulang ilaw tayo umaasa banayad, hindi nakakasilaw, at hindi umaagaw ng direksiyon ng mga pawikan. Sa liwanag na iyon, nabibigyan sila ng kapayapaan at lakas ng loob na ipagpatuloy ang paglikha ng bagong buhay.

Ito ang gabi na hindi malilimutan.
Ito ang gabi na muling nagpatunay na kapag nagkakaisa ang tao at kalikasan, may himalang nangyayari.

Help Save the Pawikan! 🐢❤️

26/11/2025

NIGHT PATROLLING BUKAS!

Bilang bahagi ng Balik Pawikan Event ng LGU Morong, magsasagawa tayo ng night patrolling bukas sa Sagip Pawikan Hatchery, Sitio Fuerte. Kasama natin ang ating Partner Sponsor Aboitiz Power at sina Mayor Leila Linao Muñoz, Vice Mayor, at ang ating mga Konsehal bilang suporta sa patuloy na pangangalaga ng ating mga pawikan.

Ang naka-attach na larawan ay tunay na pawikan tracks na nakita mismo sa harap ng ating hatchery—patunay na patuloy silang bumabalik sa ating baybayin para mangitlog. 🐢💚

Sama-sama nating protektahan ang kanilang tahanan at siguraduhin ang ligtas na pagbabalik ng mga susunod na henerasyon ng pawikan.

21/11/2025

Tara po, kita kits! sa Sagip Pawikan Hatchery sa November 27 :) ☺️🥰