http://www.watanakadayangan25.org.ph/

Wata na Kadayangan Multi purpose Association inc, Sitio Rahim, Kapinpilan, Kadayangan SGA, Midsayap (2026)

06/05/2026

𝙉𝘼𝘿𝙒𝘼𝙃 𝙄𝙎𝙇𝘼𝙈𝙄𝙔𝘼 𝙉𝙂 𝙎𝙒𝘾–𝙈𝙄𝙇𝙁 𝙈𝘼𝙂𝙐𝙄𝙉𝘿𝘼𝙉𝘼𝙊, 𝙈𝘼𝙏𝘼𝙂𝙐𝙈𝙋𝘼𝙔 𝙉𝘼 𝙄𝘿𝙄𝙉𝘼𝙊𝙎 𝙎𝘼 𝙆𝘼𝘿𝘼𝙔𝘼𝙉𝙂𝘼𝙉

Kadayangan, SGA-BARMM — Mayo 6, 2026
Matagumpay na isinagawa ngayong araw ng Miyerkules, Mayo 6, 2026, ang Nadwah Islamiya o Islamic General Assembly ng Social Welfare Committee (SWC) ng Moro Islamic Liberation Front o M**F – Maguindanao Province sa Covered Court ng LGU Kadayangan.

Dumalo sa nasabing pagtitipon ang mga opisyal, wata na kadayangan Konse Datu Prince Karon miyembro, at community stakeholders mula sa iba’t ibang lugar upang palakasin ang kamalayang Islamiko, pagkakaisa ng komunidad, at pagpapaigting ng serbisyong panlipunan.

Naging panauhing tagapagsalita si Dr. 𝙆𝙖𝙢𝙖𝙧𝙪𝙙𝙞𝙣 𝘿𝙤𝙙𝙤miyembro ng WATA NA KADAYANGAN Organization, kung saan ibinahagi niya ang kahalagahan ng moral leadership, Islamic values, at aktibong partisipasyon ng mamamayan sa pagpapanatili ng kapayapaan at kaunlaran sa Bangsamoro.

Sa kanyang mensahe, hinikayat niya ang lahat na ipagpatuloy ang pagtutulungan at pagkakaisa upang maisulong ang kapakanan ng komunidad alinsunod sa aral ng Islam.

Bahagi rin ng programa ang pagbabahagi ng mga plano at adbokasiya ng SWC-M**F na nakatuon sa social welfare programs, spiritual development, at community empowerment.

Nagpahayag naman ng suporta at pasasalamat ang mga dumalo sa patuloy na pakikiisa ng WATA NA KADAYANGAN Organization sa mga gawaing pangrelihiyon at pangkomunidad.

Ang Nadwah Islamiya ay nagsilbing mahalagang plataporma upang mapatatag ang pananampalataya, pamumuno, at pagkakaisa ng mamamayan tungo sa isang mapayapa at maunlad na Bangsamoro

05/05/2026

Alhamdullilah and Mubarak welcome po AHLAN WASAHLAN sa WATA NA KADAYANGAN organization.

Konse Datu Prince Karon Meriam Abdul Edza and other members.

05/05/2026

📢 𝘼𝙎𝙎𝙀𝙎𝙎𝙈𝙀𝙉𝙏 𝙈𝙀𝙀𝙏𝙄𝙉𝙂 | 𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙍𝙂𝘼𝙉𝙄𝙕𝘼𝙏𝙄𝙊𝙉

Matagumpay na nagsagawa ng Assessment Meeting ang WATA NA KADAYANGAN Organization matapos ang isinagawang Orientation Activity noong Mayo 3, 2026.

Layunin ng pagpupulong na suriin ang naging resulta ng aktibidad, talakayin ang mga natutunan, at tukuyin ang mga dapat pang pagbutihin upang mas maging epektibo ang mga susunod na programa ng organisasyon.

Nagkaroon ng aktibong pagbabahagi ng opinyon at suhestiyon mula sa mga miyembro upang lalo pang mapalakas ang samahan, pamumuno, at serbisyo para sa komunidad. Ipinakita rin ng bawat kasapi ang kanilang dedikasyon sa patuloy na pagsuporta sa mga adhikain ng WATA NA KADAYANGAN.

Ang assessment meeting na ito ay patunay ng patuloy na pagkakaisa at commitment ng organisasyon sa mas maayos na pagpaplano at pagpapatupad ng mga aktibidad para sa kapakanan ng komunidad.

🤝 Sama-sama para sa mas matatag at mas aktibong organisasyon!

03/05/2026

𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙍𝙄𝙀𝙉𝙏𝘼𝙏𝙄𝙊𝙉 𝙎𝘼 𝘽𝙍𝙂𝙔. 𝙏𝙐𝙂𝘼𝙇, 𝙆𝘼𝘿𝘼𝙔𝘼𝙉𝙂𝘼𝙉

KADAYANGAN, SGA-BARMM — Matagumpay na naisagawa ngayong Linggo, Mayo 3, 2026 ang Orientation Activity ng WATA NA KADAYANGAN Organization sa Barangay Tugal, Kadayangan na dinaluhan ng mga miyembro, kabataan, at residente ng komunidad.

Layunin ng nasabing orientation na ipakilala ang misyon, layunin, at mga programa ng organisasyon upang mas mapalakas ang pagkakaisa at aktibong partisipasyon ng mamamayan sa mga gawaing pangkomunidad.

Nagbigay ng mensahe ng suporta sina Ustadz 𝙆𝙖𝙝𝙖𝙧𝙪𝙙𝙞𝙣 𝘿𝙪𝙗𝙥𝙖𝙡𝙚𝙜 𝙖𝙩 𝙈𝙪𝙨𝙡𝙞𝙢 𝘼𝙣𝙩𝙖𝙤, kapwa miyembro ng WATA NA KADAYANGAN, kung saan kanilang hinikayat ang lahat na makiisa at maging aktibo sa mga adbokasiya at programa ng organisasyon para sa ikauunlad ng komunidad.

Bilang Guest Speaker, nagbahagi naman ng mahalagang kaalaman si . 𝘿𝙧. 𝙆𝙖𝙢𝙖𝙧𝙪𝙙𝙞𝙣 𝘿𝙤𝙙𝙤 , miyembro rin ng organisasyon. Binigyang-diin niya ang kahalagahan ng pagkakaroon ng isang organisasyon bilang daan sa pagkakaisa, liderato, at mas epektibong paglilingkod sa mamamayan.

Ang aktibidad ay naging matagumpay sa tulong ng kooperasyon at suporta ng mga dumalo, patunay na patuloy na lumalakas ang samahan ng WATA NA KADAYANGAN sa pagsusulong ng kapayapaan, kaunlaran, at pagkakaisa sa komunidad.

28/04/2026

𝙎𝙚𝙢𝙞𝙣𝙖𝙧 𝙤𝙣 𝙎𝙆 𝙧𝙤𝙡𝙚𝙨 𝙖𝙣𝙙 𝙘𝙝𝙞𝙡𝙙𝙧𝙚𝙣𝙨 𝙧𝙞𝙜𝙝𝙩𝙨 𝙘𝙤𝙣𝙙𝙪𝙘𝙩𝙚𝙙 𝙞𝙣 𝘽𝘼𝙍𝘼𝙉𝙂𝘼𝙔 𝙏𝙐𝙂𝘼𝙇

Kadayangan, SGA-BARMM — April 28, 2026

Isinagawa ang isang makabuluhang Seminar/Training na may temang “Roles, Duties, and Functions of SK Youth, as well as to Promote Awareness of Children’s Rights, including the Anti-Child Marriage Law under Republic Act 11596” noong ika-28 ng Abril 2026 sa Barangay Hall ng Barangay Tugal, Kadayangan, SGA-BARMM.

Layunin ng nasabing aktibidad na palakasin ang kaalaman at kakayahan ng mga kabataan, partikular ang mga miyembro ng Sangguniang Kabataan (SK), hinggil sa kanilang mga tungkulin bilang lider ng kabataan at tagapagtaguyod ng kapakanan ng mga bata sa komunidad.

Tinalakay din sa seminar ang kahalagahan ng pagprotekta sa karapatan ng kabataan at ang pagpapatupad ng Anti-Child Marriage Law (R.A. 11596) upang maiwasan ang maagang pag-aasawa at mapangalagaan ang kinabukasan ng mga kabataan.

Kabilang sa mga dumalo bilang kinatawan ng 𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙧𝙜𝙖𝙣𝙞𝙯𝙖𝙩𝙞𝙤𝙣 𝙨𝙞𝙣𝙖 𝙉𝙤𝙧𝙢𝙞𝙣𝙖 𝙆. 𝙋𝙞𝙡𝙖𝙣𝙙𝙤𝙠 𝙖𝙩 𝙍𝙮𝙖𝙣 𝙆. 𝙋𝙪𝙬𝙖𝙨 na aktibong nakibahagi sa talakayan at mga learning sessions. Ayon sa mga kalahok, malaking tulong ang seminar upang mas mapalawak ang kanilang kaalaman sa youth leadership, child protection, at community awareness.

Pinangunahan ang nasabing programa ng KADTUNTAYA Foundation Inc., na patuloy na nagsusulong ng mga programang pangkabataan at pangkarapatang pantao sa loob ng komunidad.

Sa pamamagitan ng ganitong mga seminar at pagsasanay, inaasahang mas magiging aktibo at responsable ang kabataan sa pagtataguyod ng ligtas, makatarungan, at child-friendly na pamayanan sa Kadayangan at karatig na lugar.

28/04/2026

𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙍𝙂𝘼𝙉𝙄𝙕𝘼𝙏𝙄𝙊𝙉 𝙉𝘼𝙆𝙄𝙇𝘼𝙃𝙊𝙆 𝙎𝘼 𝙈𝙎𝙎𝘿 𝙎𝙇𝙋 𝙇𝙀𝘼𝘿𝙀𝙍𝙎𝙃𝙄𝙋 𝙏𝙍𝘼𝙄𝙉𝙄𝙉𝙂 𝘼𝙏 𝙋𝘼𝙂𝘽𝙐𝙊 𝙉𝙂 𝙈𝙄𝙎𝙔𝙊𝙉 𝘼𝙏 𝘽𝙄𝙎𝙔𝙊𝙉 𝙉𝙂 𝙎𝙇𝙋𝘼

Kadayangan, Abril 28, 2026 — Aktibong nakilahok ang WATA NA KADAYANGAN Organization sa isinagawang meeting at training ng Ministry of Social Services and Development (MSSD) – Sustainable Livelihood Program (SLP) na nakatuon sa pagpapalakas ng pamumuno at organisasyonal na kakayahan ng mga kasapi ng Sustainable Livelihood Program Association (SLPA).

Layunin ng naturang pagsasanay ang palakasin ang leadership skills ng mga miyembro upang mas maging handa sa pamamahala ng kanilang samahan at mga proyektong pangkabuhayan. Kabilang sa mahahalagang tinalakay ang tamang liderato, teamwork, responsibilidad ng bawat opisyal at kasapi, at ang kahalagahan ng pagkakaroon ng malinaw na direksyon ng organisasyon.

Isa sa pangunahing bahagi ng aktibidad ang workshop sa pagbuo ng Mission, Vision, Goals, at Objectives ng SLPA. Sa pamamagitan nito, nagkaroon ng pagkakataon ang mga kalahok na magbahagi ng kanilang mga adhikain at plano upang mas mapalago ang kanilang livelihood programs at matiyak ang pangmatagalang kaunlaran ng samahan.

Ayon sa mga facilitator ng MSSD-SLP, mahalaga ang matibay na pamumuno at malinaw na layunin upang maging matagumpay ang mga livelihood initiatives ng komunidad. Pinagtibay rin sa pulong ang kahalagahan ng pagkakaisa, partisipasyon, at responsableng pamamahala sa pagpapatupad ng mga programa.

Nagpahayag naman ng pasasalamat ang WATA NA KADAYANGAN Organization sa patuloy na suporta ng MSSD-SLP sa pagbibigay ng kaalaman at kakayahan na makatutulong sa pag-unlad ng kanilang samahan at kabuhayan ng mga miyembro.

Ang naturang training ay inaasahang magsisilbing matibay na pundasyon sa pagpapalakas ng organisasyon at sa pagpapaunlad ng mga programang pangkabuhayan para sa mas inklusibo at sustenableng komunidad.

28/04/2026

Mashallah mga wata na kadayangan ah active and supportive.GARDEN OASES CONVENTION CENTER DAVAO CITY.

25/04/2026

𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙍𝙂𝘼𝙉𝙄𝙕𝘼𝙏𝙄𝙊𝙉 𝙉𝘼𝙂𝙎𝘼𝙂𝘼𝙒𝘼 𝙉𝙂 𝙈𝙊𝙉𝙏𝙃𝙇𝙔 𝙈𝙀𝙀𝙏𝙄𝙉𝙂; 𝙋𝘼𝙂𝙃𝘼𝙃𝘼𝙉𝘿𝘼 𝙋𝘼𝙍𝘼 𝙎𝘼 𝙄𝙉𝘾𝙊𝙈𝙄𝙉𝙂 𝙊𝙍𝙄𝙀𝙉𝙏𝘼𝙏𝙄𝙊𝙉 𝙉𝙂 𝙈𝙂𝘼 𝘽𝘼𝙂𝙊𝙉𝙂 𝙆𝘼𝙎𝘼𝙋𝙄 𝙋𝙄𝙉𝘼𝙂𝙏𝙐𝙐𝙉𝘼𝙉 𝙉𝙂 𝙋𝘼𝙉𝙎𝙄𝙉

Kadayangan, April 25, 2026 — Matagumpay na isinagawa ng WATA NA KADAYANGAN Organization ang kanilang regular na monthly meeting ngayong Sabado, April 25, 2026, kung saan tinalakay ang mahahalagang plano at aktibidad ng samahan para sa mga susunod na buwan.

Isinagawa ang pulong sa pangunguna ng mga opisyal at aktibong miyembro ng organisasyon na naglalayong higit pang palakasin ang pagkakaisa, disiplina, at partisipasyon ng bawat kasapi sa mga programang pangkomunidad.

Isa sa mga pangunahing napag-usapan sa nasabing pagpupulong ang organizing activities ng organisasyon, kabilang ang pagpapalawak ng membership at pagpapatibay ng istruktura ng samahan upang mas maging epektibo ang kanilang mga programa at serbisyo sa komunidad.

Bukod dito, binigyang-diin din ang paghahanda para sa incoming orientation ng mga bagong kasapi, na layong ipakilala ang adhikain, misyon, at mga tungkulin ng bawat miyembro ng WATA NA KADAYANGAN Organization.

Ayon sa mga opisyal, mahalaga ang orientation upang matiyak na ang mga bagong miyembro ay may sapat na kaalaman at kahandaan sa kanilang magiging papel sa organisasyon.

Nagkaroon din ng bukas na talakayan kung saan nagbahagi ng mga suhestiyon at plano ang mga miyembro upang mas mapabuti pa ang mga susunod na proyekto at aktibidad ng samahan.

Sa pagtatapos ng pulong, muling pinagtibay ng WATA NA KADAYANGAN Organization ang kanilang patuloy na commitment sa paglilingkod sa komunidad at pagpapalakas ng samahang nagtataguyod ng pagkakaisa, kabataan, at kaunlaran.

Para sa karagdagang impormasyon, maaaring bisitahin ang official page ng WATA NA KADAYANGAN Multi-Purpose Association

21/04/2026

Salam

So monthly meeting no organization tanu na muma ba nya sapto insallah April 25,2026.venue headquarters 8am

16/04/2026

𝐖𝐀𝐓𝐀 𝐍𝐀 𝐊𝐀𝐃𝐀𝐘𝐀𝐍𝐆𝐀𝐍 𝐌𝐄𝐌𝐁𝐄𝐑 𝐇𝐀𝐌𝐈𝐃𝐀 𝐃𝐔𝐁𝐏𝐀𝐋𝐄𝐆 𝐃𝐔𝐌𝐀𝐋𝐎 𝐒𝐀 𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐍𝐆 𝐁𝐓𝐀 𝐍𝐎. 𝟑𝟒𝟏

IBINAHAGI NI WATA NA KADAYANGAN MEMBER HAMIDA DIBPALEG ANG KANYANG PANINIWALA KAUGNAY NG PAGHAHAIN NG BTA BILL NO. 341 re: “AN ACT EXPANDING THE SCOPE OF AUTHORITY AND SERVICES OF SPECIAL GEOGRAPHIC AREA DEVELOPMENT AUTHORITY AMENDING BANGSAMORO AUTONOMY ACT NO. 13, OTHERWISE KNOWN AS THE
"BANGSAMORO ADMINISTRATIVE CODE" AND BANGSAMORO ACT NO. 49
OTHERWISE KNOWN AS "BANGSAMORO LOCAL GOVERNANCE CODE" PROVIDING FUNDS THEREOF AND FOR OTHER PURPOSES"

Sa kanyang position paper bilang Bangsamoro at ordinaryong Public Servant,maliban sa kanyang saloobin kaugnay ng BTA Bill no. 341, nakasaad ang pagtawag pansin sa mga Bangsamoro Leaders na bigyang priyoridad ang paagkakaroon ng Probinsya para sa bagong tatag na 8 munisipyo sa SGA para sa mas mabilis at epektibong serbisyo para sa mamamayan ng SGA.

14/04/2026

𝙒𝘼𝙏𝘼 𝙉𝘼 𝙆𝘼𝘿𝘼𝙔𝘼𝙉𝙂𝘼𝙉 𝙊𝙍𝙂𝘼𝙉𝙄𝙕𝘼𝙏𝙄𝙊𝙉 𝙎𝙐𝙈𝘼𝙄𝙇𝘼𝙇𝙄𝙈 𝙎𝘼 𝙑𝘼𝙇𝙄𝘿𝘼𝙏𝙄𝙊𝙉 𝙉𝙂 𝙈𝙎𝙎𝘿 𝙋𝘼𝙍𝘼 𝙎𝘼 𝙋𝙍𝙊𝙔𝙀𝙆𝙏𝙊 𝙉𝙂 𝘿𝘼𝙇𝘼𝙒𝘼𝙉𝙂 𝙏𝙍𝙔𝙎𝙄𝙆𝘼𝘿

Kadayangan, BARMM — Isinagawa kamakailan ang validation activity ng WATA NA KADAYANGAN Organization kaugnay sa kanilang ipinasang project proposal para sa livelihood assistance na dalawang trysikad sa ilalim ng Sustainable Livelihood Program ng Ministry of Social Services and Development (MSSD).

Pinangunahan ni Sir 𝙆𝙝𝙤𝙢𝙞𝙣𝙚 𝘼𝙗𝙙𝙪𝙡, kinatawan ng Sustainable Livelihood Program ng MSSD, ang isinagawang validation bilang bahagi ng masusing proseso ng pagsusuri upang matiyak ang kahandaan, kakayahan, at pagiging kwalipikado ng organisasyon bilang benepisyaryo ng programa.

Layunin ng nasabing proyekto na makapagbigay ng pangmatagalang kabuhayan sa mga miyembro ng WATA NA KADAYANGAN sa pamamagitan ng transport livelihood project gamit ang dalawang trysikad na inaasahang magsisilbing pinagkukunan ng regular na kita ng organisasyon.

Ayon sa pamunuan ng WATA NA KADAYANGAN Organization, malaking tulong ang naturang proyekto upang mapalakas ang economic empowerment ng kanilang mga kasapi at makapag-ambag sa pag-unlad ng kabuhayan sa lokalidad.

Sa kasalukuyan, hinihintay na lamang ng organisasyon ang pinal na resulta ng validation at pag-apruba ng proyekto na inaasahang magbubukas ng panibagong oportunidad sa kabuhayan para sa mga miyembro ng WATA NA KADAYANGAN Organization.

Wata na Kadayangan Multi purpose Association inc

06/05/2026

05/05/2026

05/05/2026

03/05/2026

28/04/2026

28/04/2026

28/04/2026

25/04/2026

21/04/2026

16/04/2026

14/04/2026

Address

Website

Alerts

Shortcuts

Share

Category