https://www.facebook.com/481064121763123/

Ang Simbuhan - PKM, Atimonan Bypass Road, Sitio Loob, Brgy. Polo, Mauban (2026)

22/08/2026

𝗠𝗴𝗮 𝗗𝗮𝘀𝗮𝗹 𝗻𝗮 𝗛𝗶𝗻𝗱𝗶 𝗧𝗶𝗻𝘂𝗴𝗼𝗻

Sabi sa pelikulang I’m Drunk, I Love You, hindi naman kasalanan ni Dio na hindi niya minahal si Carson sa loob ng pitong taon.
Oo, sa pelikula, hindi mo naman kasi mapipilit ang puso, pati ang wakas ng kuwento. Pero sa pagitan nating dalawa, hindi mo nga ba talaga kasalanan na hindi mo ako mahal?

Pitong taon nang mahal ni Carson si Dio. Pitong taon ng lihim, pitong taon ng pananahimik, pitong taon ng pag-asa na baka sakaling mapansin din siya.

Ako rin, mahal ko na siya. Hindi nga lang pitong taon. Dalawang taon lang. Dalawang taon ng pagbabakasali, dalawang taon ng pagtingin sa kanya na parang tulang hindi ko masulat, dalawang taon ng pag-asang makita niya rin ako.

Naisip ko, pareho lang pala talaga kami ni Carson. Dahil sa pagitan ng pito at dalawang taon, pareho lang kaming sugatan, pareho kaming naghintay, pareho kaming nag-alay ng sarili sa katahimikang walang sagot.

Halos dalawang taon lang ’yon, pero dalawang taon din ’yon ng pagbitbit ng pangalan niya sa bawat dasal, dalawang taon ng pag-inom ng katahimikan na parang alak na hindi nakakalasing, kundi nakakasakit.

“Mga dasal na hindi tinugon” ang naging pamagat ng bawat gabi—mga bulong na hindi umabot sa langit, mga matang hindi kailanman nasilayan. At sa bawat gabing tahimik, naririnig ko ang sarili kong mga tanong na parang kuliglig sa gitna ng dilim—kung ang puso ba ay may kasalanan kapag pinili nitong huwag tumugon, o kasalanan ba ng oras na hindi kailanman nagtagpo ang ating mga tibok?

Kaya’t sa pagitan ng mga alaala at pangarap, ako’y naiwan sa gitna—parang dahong hindi pinili ng hangin, parang awit na hindi tinugtog ng gitara, isang lihim na nanatiling bulong sa ilalim ng ulan.
Isang kaibigan na higit pa sa kaibigan, isang pag-ibig na higit pa sa pag-ibig, pero hindi kailanman tinawag na tadhana.

Pero sa pagitan nating dalawa, hindi mo nga ba talaga kasalanan na hindi mo ako mahal?

21/08/2026

𝗣𝗞𝗠𝗶𝗮𝗻𝘀, 𝗟𝘂𝗺𝗮𝗵𝗼𝗸 𝘀𝗮 𝗖𝗥𝗘𝗔𝗧𝗘 & 𝗖𝗢𝗡𝗡𝗘𝗖𝗧: 𝗗𝗶𝗴𝗶𝘁𝗮𝗹 𝗗𝗲𝘀𝗶𝗴𝗻, 𝗖𝘆𝗯𝗲𝗿 𝗢𝘂𝘁𝗿𝗲𝗮𝗰𝗵 𝗮𝗻𝗱 𝗗𝗶𝗴𝗶𝘁𝗮𝗹 𝗘𝗱𝘂𝗰𝗮𝘁𝗶𝗼𝗻 𝗪𝗼𝗿𝗸𝘀𝗵𝗼𝗽

Sa panahon kung kailan ang teknolohiya ay hindi na lamang isang kasangkapan kundi bahagi na ng ating pang-araw-araw na pamumuhay, mahalagang maunawaan ng kabataan ang kanilang papel sa paghubog ng isang mas ligtas at makabuluhang digital na mundo.

Noong Agosto 2, 2026, tatlumpung kabataan, kabilang ang tatlong mag-aaral ng Pambayang Kolehiyo ng Mauban (PKM) mula sa Mauban, Quezon, ang nagtipon sa Niyogyugan Hall upang lumahok sa isang workshop na may temang “Different Contexts, Common Aspiration” bilang bahagi ng pagdiriwang ng Linggo ng Kabataan 2026. Ang pagtitipong ito ay hindi lamang isang seminar, kundi isang makabuluhang karanasan na naglatag ng pundasyon para sa mas malalim na pag-unawa sa cybersecurity at digital skills.

Nagbigay ng pambungad na mensahe si Mr. Dondi U. Decena, Local Youth Development Officer. Sinundan ito ng mga talakayan hinggil sa Cybersecurity Awareness, na pinangunahan ni Mr. Jayvee Pasoot, isang Information Systems Analyst. Tinalakay niya ang mga konkretong hakbang upang mapanatiling ligtas ang personal na impormasyon at data ng bawat isa. Sa kanyang mga pahayag, malinaw na naipakita na may mahalagang papel ang kabataan sa pagtataguyod ng responsable at ligtas na paggamit ng teknolohiya.

Sa hapon, nagpatuloy ang workshop sa temang “Beyond Basics.” Tinalakay rito ang mas malikhain at mas mataas na antas ng paggamit ng teknolohiya sa pamamagitan ng artificial intelligence (AI) at Canva. Hinikayat ang mga kalahok na tuklasin ang kanilang kakayahan sa digital design at productivity, na hindi lamang nakatuon sa personal na pag-unlad kundi maging sa paglilingkod sa komunidad.

Ang karanasang ito ay higit pa sa simpleng pagdalo sa isang seminar. Para sa tatlumpung kabataan ng Mauban, naging pagkakataon ito upang matutong magplano ng mga cyber project, patuloy na matuto, at magbigay-inspirasyon sa kapwa kabataan. Ang kanilang partisipasyon ay patunay na ang kabataan ay hindi lamang tagasunod ng makabagong panahon, kundi aktibong tagapagtaguyod ng pagkakaisa at pagkilos.

Sa pagtatapos ng workshop, malinaw na ang mga kalahok ay hindi lamang nakakuha ng bagong kaalaman kundi nakabuo rin ng mas matibay na pananaw sa kanilang papel sa lipunan. Ang kanilang aktibong partisipasyon ay nagsilbing patunay na ang susunod na henerasyon ay handang humarap sa mga hamon ng makabagong panahon—isang henerasyong marunong mag-ingat, mag-ambag, at makipagtulungan.

Sa bawat hakbang na kanilang ginagawa ngayon, unti-unti nilang hinuhubog ang isang kinabukasang mas ligtas, mas matalino, at mas makabuluhan para sa lahat.

21/08/2026

𝗡𝗜𝗡𝗢𝗬 𝗔𝗤𝗨𝗜𝗡𝗢 𝗗𝗔𝗬 | 𝗔𝘂𝗴𝘂𝘀𝘁 𝟮𝟭, 𝟮𝟬𝟮𝟲

Today, August 21, we commemorate the 43rd death anniversary of former Senator Benigno “Ninoy” S. Aquino Jr., whose courage and sacrifice became an enduring part of Philippine history. August 21 is observed as Ninoy Aquino Day, a special non-working holiday nationwide, in accordance with Republic Act No. 9256.

He gave us words we still carry today: “The Filipino is worth dying for.” These words reflected his deep love for the country and continue to challenge Filipinos to live with courage, integrity, and a commitment to service.

May his legacy, principles, and contributions to our country continue to inspire generations of Filipinos.

Because the Filipino is still worth fighting for.

✍Rezajane Llamado

20/08/2026

𝐌𝐨𝐭𝐢𝐛𝐚𝐬𝐲𝐨𝐧 𝐍𝐠𝐚𝐲𝐨𝐧𝐠 𝐀𝐫𝐚𝐰: 𝐀𝐍𝐆 𝐏𝐀𝐆𝐇𝐈𝐍𝐓𝐎 𝐀𝐘 𝐇𝐈𝐍𝐃𝐈 𝐍𝐀𝐍𝐆𝐀𝐍𝐆𝐀𝐇𝐔𝐋𝐔𝐆𝐀𝐍 𝐍𝐆 𝐏𝐀𝐆𝐒𝐔𝐊𝐎

May mga bagay na kailangan nating pansamantalang isantabi.

Hindi dahil pagod na tayong gawin ito, kundi may mas dapat tayong unahin at piliin.

Masakit man sa atin, ay wala tayong magagawa dahil ito ang realidad ng buhay.

Realidad na tila humihila sa atin papalayo sa ating mga pangarap.

Realidad na kung saan magtuturo sa atin ng mahahalagang aral na magagamit natin upang mas mapabuti ang ating sarili at maging matatag sa anomang hamon ng buhay.

Hindi ito ang hudyat ng katapusan ng ating mga pangarap.

Marahil, may mas magandang pagkakataon na naghihintay sa atin.

At sa pagkakatong iyon ay mas handa na tayo, mas matapang, mas matalino at mas matatag na harapin ano man ang ibatong hamon para atin.

Hindi kailangang mauna, hindi kailangang maging magaling, hindi kailangang perpekto, dahil ang pansamantalang paghinto ay hindi nangangahulugan ng pagsuko.

✍️ 𝑱𝒊𝒍𝒍 𝑳𝒂𝒓𝒂
🎨 𝑲𝒓𝒊𝒛𝒏𝒂 𝑱𝒐𝒊𝒄𝒆 𝑶𝒓𝒆𝒋𝒐𝒍𝒂

19/08/2026

𝗘𝗫𝗔𝗠 𝗘𝗦𝗦𝗘𝗡𝗧𝗜𝗔𝗟𝗦 𝗖𝗛𝗘𝗖𝗞!

Ready na ba for prelims? Double-check muna ang exam bag mo!

✅ Ballpen & eraser
✅ Yellow paper
✅ Reviewer
✅ Prayers
✅ At isang “Good luck, baby!”

Minsan, hindi lang school supplies ang kailangan para makayanan ang exam week. A little encouragement, a heartfelt “Kaya mo ’yan,” o isang sweet message bago pumasok sa exam room can make all the difference.

Whether you’ve reviewed for weeks or you’re about to activate your stock knowledge, take a deep breath, trust yourself, and answer with confidence. You’ve worked hard to get here!

Remember: Hindi kailangang perfect. Ang mahalaga, ginawa mo ang best mo.

Manifesting mataas na scores, clear minds, at pasadong prelims para sa lahat!

𝗣𝗔𝗦𝗔𝗗𝗢𝗡𝗚 𝗣𝗥𝗘𝗟𝗜𝗠𝗦 𝗖𝗨𝗧𝗜𝗘!
𝗞𝗔𝗬𝗔 𝗠𝗢 ’𝗬𝗔𝗡!

Good luck, everyone! Exam warriors, laban!

✍️ & 🎨: Nard Ordonio

19/08/2026

One click. One moment. One story.

Behind every photograph is a story waiting to be remembered. Every click freezes a moment, preserves an emotion, and turns memories into stories that last beyond time.

Today, we celebrate the art of photography and the storytellers behind every frame. Because sometimes, a single photograph can say what words cannot.

Happy World Photography Day!

✍🏻: Rhyza Rañola
🎨: Jen Blancaflor

19/08/2026

𝗔𝘂𝗴𝘂𝘀𝘁 𝗛𝗼𝗹𝗶𝗱𝗮𝘆𝘀 𝗔𝗱𝘃𝗶𝘀𝗼𝗿𝘆

PKMians, the August holidays start today, August 19, 2026!

Mark your calendars for the following holidays:

August 19, Wednesday– Quezon Day, Special Non-Working Holiday (Observed Today)

August 21, Friday – Ninoy Aquino Day, Special Non-Working Holiday

August 31, Monday – National Heroes Day, Regular Holiday

Take these holidays as an opportunity to rest, reflect, and make the most of the long weekends. Enjoy your well-deserved break, PKMians!

19/08/2026

“Bakit Educ ang Pinili Mong Program?”

Ilan lamang iyan sa mga tanong na paulit-ulit kong naririnig. Mga tanong na tila ba napakadaling sabihin, ngunit sa bawat pagbigkas ay may bigat na pilit ipinapasan sa akin. Sa bawat pagkakataong naririnig ko ang tanong na iyon, paulit-ulit din akong nag isip: “Bakit Educ ang pinili mong
Program?”

Ang pagpili ko ng kursong ito ang naging bahagi ng paglalakbay kung paano ako nakarating sa kinaroroonan ko ngayon. Hindi man ito lubusang naplano, Ngunit marami akong natutuhan sa bawat hakbang. Natutuhan kong kilalanin ang aking pinagmulan, pahalagahan ang aking mga natutuhan, at unawain ang mga konseptong araw-araw kong pinag-aaralan.

Ngunit ngayon, ako naman ang magtatanong sa inyo:

“Akala n’yo ba madali?”

Bago ako makarating dito, marami munang hamon ang sumubok sa akin. May mga salitang hindi ko maipaliwanag, mga kaisipang pilit kong ikinukubli, at mga panahong pinili kong manahimik dahil hindi ko alam kung paano ipaglalaban ang aking sarili.

Ngunit nasaan ako ngayon?

Narito.

Patuloy na lumalaban. Patuloy na natututo. Patuloy na sumasabay sa agos ng panahon.

Ang mga aralin namin ay hindi basta-basta lamang binibigkas. Bawat pag-aaral ay dumaan sa proseso ng paghihirap, sakripisyo, pagkadismaya, at muling pagbangon. Sapagkat ang Educ ay hindi lamang isang Pagtururo sa mga mag-aaral. Ito ay masining, aksyon at laging nakatuon sa pag-tanda habang kami ay mag-aaral palamang ay patuloy naming pinangangalagaan.

May mga araw na dumating ako sa puntong gusto ko nang tumigil. Mga araw na tila mas madaling sumuko kaysa ipagpatuloy ang laban. Ngunit may mga taong nanatili—mga taong naniwala sa akin kahit sa panahong ako mismo ay nagdududa sa aking kakayahan.

Doon ko napagtanto na hindi lahat ng sinasabi ng iba ay kailangang maging katotohanan sa aking buhay.

Hindi ko kailangang mag-patinag sa kanilang opinyon.

Dahil alam ko sa sarili ko na kaya ko.

Hindi ako makararating sa puntong ito kung wala ang aking mga paniniwala. Kaya pinili kong manahimik—hindi dahil wala akong sasabihin, kundi dahil alam kong darating ang panahon na ang aking mga ginagawa ang siyang magsasalita para sa akin.

At ang aking pagpili ay hindi nakabatay sa kung ito ba ay mahirap o madali.

Dahil sa buhay, hindi naman talaga palaging mahalaga kung gaano kadali o kahirap ang isang bagay.

Ang mahalaga ay kung paano mo ito pahahalagahan, pag-iingatan, at ipaglalaban hanggang sa huli.

Kaya sa susunod na may magtanong sa akin,

“Bakit Educ ang Pinili Mong Program?

Ngumingiti na lamang ako.

Dahil ngayon, alam ko na ang sagot.

Pinili ko ang Educ hindi dahil ito lang ang choice, kundi dahil dito ko natutuhan na Pangalagaan ko ang aking sarili.

✍️ Kenji Calong

19/08/2026

𝗤𝗨𝗘𝗭𝗢𝗡 𝗗𝗔𝗬 | 𝗜𝗱𝗶𝗻𝗲𝗸𝗹𝗮𝗿𝗮𝗻𝗴 𝗦𝗽𝗲𝗰𝗶𝗮𝗹 𝗡𝗼𝗻-𝗪𝗼𝗿𝗸𝗶𝗻𝗴 𝗣𝘂𝗯𝗹𝗶𝗰 𝗛𝗼𝗹𝗶𝗱𝗮𝘆

Bakit walang pasok ngayong Agosto 19, PKMians?

Ang Agosto 19, 2026 ay idineklarang Special Non-Working Public Holiday sa Lalawigan ng Quezon, Lalawigan ng Aurora, at Quezon City bilang paggunita sa ika-148 anibersaryo ng kapanganakan ni dating Pangulong Manuel L. Quezon.

Ang pagdiriwang na ito ay alinsunod sa Republic Act No. 6741, na naglalaan ng Agosto 19 bilang araw ng paggunita sa kapanganakan ni Pangulong Quezon.

Layunin ng Quezon Day na bigyang-daan ang paggunita at pagbabalik-tanaw sa mahahalagang ambag ni Pangulong Quezon sa kasaysayan at pag-unlad ng bansa.

Kilala si Manuel L. Quezon bilang Ama ng Wikang Pambansa dahil sa kaniyang mahalagang papel sa pagtataguyod ng isang pambansang wika para sa bansa.

Sa araw na ito, hindi lamang natin ipinagdiriwang ang isang holiday, kundi ginugunita rin natin ang pamana at mga ambag ng isang mahalagang lider sa kasaysayan ng Pilipinas.

Pagpupugay sa Ama ng Wikang Pambansa, Manuel L. Quezon.

✍️ Rezajane Llamado

17/08/2026

𝗔𝗗𝗩𝗜𝗦𝗢𝗥𝗬 | 𝗦𝗨𝗦𝗣𝗘𝗡𝗦𝗜𝗢𝗡 𝗢𝗙 𝗙𝗔𝗖𝗘-𝗧𝗢-𝗙𝗔𝗖𝗘 𝗖𝗟𝗔𝗦𝗦𝗘𝗦

Alinsunod sa Memorandum Circular No. 127 mula sa Office of the President, suspendido ang face-to-face classes sa lahat ng antas sa mga pampubliko at pribadong paaralan ngayong Agosto 17, 2026, simula alas-12:00 ng tanghali.

Ang mga klase sa lahat ng antas ay ililipat sa asynchronous mode.

Hinihikayat ang lahat ng PKMians na manatili sa kani-kanilang tahanan, maging ligtas, at patuloy na subaybayan ang mga opisyal na anunsyo ng Pambayang Kolehiyo ng Mauban para sa mga susunod na abiso.

SOURCE: Office of the President, Memorandum Circular No. 127; Municipality of Mauban, Quezon

Mag-ingat tayong lahat, PKMians!

Ang Simbuhan - PKM

22/08/2026

21/08/2026

21/08/2026

20/08/2026

19/08/2026

19/08/2026

19/08/2026

19/08/2026

19/08/2026

17/08/2026

Address

Website

Alerts

Shortcuts

Share

Category

Listing takedown request