01/05/2026
Sa loob ng pitong taon at siyam na buwang paninilbihan bilang Secretary ng Barangay San Pedro, marami po akong natutunan—hindi lamang sa aking tungkulin, kundi pati na rin sa pagiging isang matatag at responsableng mamamayan. Sa kabila ng mga pagsubok at hamon na aking pinagdaanan, patuloy po akong lumaban at humarap sa bawat sitwasyon hanggang sa makamit ko ang mga tagumpay na aking pinapangarap.
Ako po ay taos-pusong nagpapasalamat sa lahat ng nagtiwala at sumuporta sa akin sa buong panahon ng aking panunungkulan. Higit sa lahat, maraming salamat po sa inyo, Kap, RICARDO Y. BULANON sa paggabay at paghubog ninyo sa aking kakayahan. Malaki po ang naging bahagi ninyo sa aking paglago bilang lingkod-bayan.
Sa aking pagwawakas sa aking tungkulin, ako po ay lubos na nagpapasalamat sa inyong lahat. Bitbit ko po ang lahat ng aral, alaala, at karanasang aking nakuha mula sa ating samahan.
Simula ngayong araw ng Biyernes, ika-1 ng Mayo 2026, ako po ay pormal nang nagpapaalam sa aking tungkulin bilang Secretary ng Barangay San Pedro.
Maraming maraming salamat po, mga minamahal kong kabarangay.
